亞泰廚房 (已結業)

臨近新年，梗係要搵d朋友出黎食番餐團年飯，聚一聚 👭👭.朋友話想食泰國餐。就當然要去九龍城食啦！俾我地發現左呢間餐廳！9點後入座有85折添呀！見佢本身啲價錢都唔貴，再85折埋，咁真係仲抵食喎！😍食泰國菜，一坐底當然要叫碟泰式生蝦 醫下泰國癮先啦！ 生蝦都好大隻😋仲有7隻。隻隻都好有肉，唔會話好瘦。食落好新鮮爽口。點埋佢地個泰國醬，是完美既配搭呀😄泰式鳯爪 亦係我最喜歡叫既泰國菜之一，因為真係太開胃。佢辣得黎好刺激，好惹味。開胃前菜就最岩😄馬拉盞炒通菜又另一惹味之菜。成碟通菜都炒得好入味。味道唔會話好辣，易入口。唔錯叫左個麵包咖喱軟殼蟹 大大個農夫包 裝住d咖喱。😍賣相好吸引！麵包吸收哂d咖喱汁，因為本身個包都脆身同硬身，所以麵包索哂d汁都唔會話好林。所以食落好好味！一切開d咖喱流哂出黎！😍軟殼蟹亦好大隻！！啖啖肉，好味。d咖喱汁好味，所以我地再額外叫多一份蒜蓉包，點咖喱食 😋😋蒜蓉包又係夠哂脆！正！最後仲叫左個芒果糯米飯食！😊個糯米飯熱辣辣架 😍仲係兩隻味道既糯米飯。食落好煙韌！起初都擔心個芒果望落好似好生咁，驚佢酸。食落又反而甜喎！原來唔係我地平常食開個隻品種，所以望落淺色d.

亞泰廚房就在泰菜林立嘅九龍城區，午飯時間經過，原來價錢相當抵食，大部分都係$48一個餐（包飲品）。太肚餓所以大家都叫飯食！泰式海南雞飯（$48）海南雞都幾滑幾香，搭配油飯係完美的。泰式海南雞飯一般都只有一款沾醬，帶些微酸辣嘅味道，點雞一流！午餐贈送例湯！香茅雞比配油飯（$48）呢個都係一個驚喜，雞比燒得好香，外皮夠脆，肉味都夠，我更喜歡個泰式醬，似平時食燒豬頸肉點果種，好惹味；配油飯亦好夾！海南雞飯同香茅雞比飯都各有千秋呢！飲品轉椰青（加$25），超清甜，又解渴！唔飲呢個都有好多其他飲品選擇...阿泰廚房-九龍城區泰菜食list之一。

已經第二次食呢間餐廳果然一如以往嘅高質素人流感覺比我上一次嚟嘅時候多果然好餐廳係吸引到回頭客比啲餐牌價錢大家參考下先價錢喺九龍城你講算係平首先叫咗個青咖喱$68可以選擇豬，牛或者雞肉啱晒唔係好食到辣嘅人食咖喱好香滑creamy 裏面主要有雞肉豆角叫得㗎你一定要叫埋薄餅$30 點嚟食薄餅熱辣辣 又香又鬆軟 話咁快就清晒一碟食泰國嘢 我就一定會點燒豬頸肉 大大碟先係$68份量好多 點埋甜酸醬更加惹味 開胃主菜我哋叫咗鮮味豉油王乾炒河粉$68可以選擇豬，牛或者雞肉都一樣係大大碟 炒得好香 好有鑊氣 乾濕控制得好好 😆👍🏻泰式炒通菜$68又係大大碟 炒得好香最後甜品叫咗椰汁西米糕$48上面嘅椰汁好香滑 裏面西米都好足料爽口嘢飲就叫咗椰青$34解渴清甜 仲可以食埋椰果肉 一舉兩得了

九龍城泰國餐一向出名, 今天來到這間亞泰廚房, 是因為被其泰式炒金邊粉賣相吸引了。它的蛋網不但視覺特別, 配合粉包著吃的口感豐富, 蛋香十足。它的粉質, 粗幼很夾蛋網的質感, 粉的餡料有大蝦, 有很香的花生碎, 惟其味道不夠濃, 吃下整體較淡味。一定要讚的是那條明爐青檸烏頭, 魚質軟, 湯汁香濃, 整條魚都很入味, 連湯汁入口確實頂瓜瓜, 我獨個兒都完成半條。最後是那碟泰式脆肉炒芥蘭, 肉帶有點肥, 但炒得香脆, 連同爽脆芥蘭入口有咬口, 最重要是油香很入菜身, 吃得我不想停手。整體是不錯的泰國餐😋

難得經過九龍城。緊係要趁呢個機會食番餐泰國菜先得 😀係街口見到呢個餐廳既 poster. lunch menu 都幾吸引咁。就去食下喇！價錢正正常常。餐廳既坐位都舒適，環境衛生唔會話污糟。因為一般d 泰國餐廳 環境都好似麻麻地。呢間餐廳仲播住d泰國歌，感覺好似係泰國食lunch咁。😁d音樂又幾好聽 😂叫左兩個lunch set. 加8蚊可轉特飲。黎到緊係要飲番杯 龍眼冰 🍹好多粒龍眼，好夠龍眼味。唔會止係得個甜味！😋😋好清涼解渴。熱青檬水🍵仲俾左兩碗湯我地飲！通常d泰國例湯都係好求其得d菜，蘿白咁，好淡。但呢碗湯又出奇地好飲！佢好多肉碎同幾款既菜煲成，令到個湯好濃味！😋飲完仲想飲多碗。食泰國菜，例牌都係要叫：豬脾飯🐽同海南雞飯🐔！有好多舊豬脾肉 ！最鐘意食d豬脾皮。好滑嫩！豬脾煲得幾入味。唔錯海南雞飯，d雞夠哂靚。😍俾左雞脾雞翼位俾我！正呀。雞好滑。點埋佢個醬，配埋個油飯一齊食。太爽了！😎😎估唔到食個lunch都可以咁有去左泰國既feel.😂

聖誕節食西餐一定好多人, 所以選擇食熱辣辣既泰國野慶祝, 九龍城選擇夠多.睇左評語呢間唔錯, 而且環境唔會太迫, 可以慢慢食.聖誕節黎到都好多人, 等左一陣間先有位.先要個泰式酸辣鳳爪, 食一下都辣辣地, 不過好醒胃. 好香莞茜蔥既配料香味.無骨鳳爪好爽口, 唔會淋patpat, 食完真係好開胃.燒豬頸肉份量足, 片片切得幾厚, 肉質軟腍入味, 燒完唔會太乾, 保持肉汁.而且燒得唔燶, 感覺無咁熱氣.泰式炒通菜, 菜新鮮唔老, 條條都夠晒翠綠, 食落爽口. 泰式帶少少辣味, 唔咸剛剛好.仲有椰汁西米糕, 老板話係自家製, 食落唔會太甜, 食左兩件都唔覺漏.西米淋得黎但唔會太漿口, 帶少少椰汁香味, 泰好味.總括味道唔會太濃太淡, 辣味易入口, 好開心既一餐.

好耐無食泰國野, 特別揸車落九龍城, 不過街無位泊, 所以放響九龍城廣場, 都好方便.響商場一行出黎諗住隨意搵一間, 呢間響街口都幾多人, 價錢大眾化, 所以就食呢間.炸蝦餅好香口, 但炸得唔油, 外脆內軟, 蝦餅夠彈牙爽口, 好香蝦味, 做小食真係好開胃.汁燒原隻魷魚筒, 真係夠晒原隻, 由頭到蘇位. 咬落夠軟腍, 一D都唔硬, 有嚼口但唔會咬極唔爛.而且汁燒好入味, 基本上唔洗點醬汁都夠晒味, 而且魷魚鮮甜.泰式燒牛仔骨, 牛仔骨肉汁豐富, 燒完唔覺乾. 肉味香濃, 食落肉質唔韌, 越食越開胃.仲有椰汁沙冰, 夠晒冰凍, 椰汁味濃, 唔太甜.每樣菜式味道都唔錯, 好有水準. 服務亦十分好, 就算食完都唔會催你走.

菠蘿沙冰。$34菠蘿沙冰非常清甜，好清新菠蘿味，仲食到粒粒菠蘿肉，生津解渴！泰式炒通菜。$68通菜好嫩新鮮，帶點微辣，超正，撈埋炸蒜一齊食，好正！泰式炒金邊粉。$88金邊粉一上台已好吸晴！被一層蛋網包裹住，真係好用心，多種配料加埋花生粒撈埋一齊食，口感倍增，除咗感受到好有鑊氣，而且心思係冇得頂！鮮味蝦醬炒飯。$78蝦醬炒飯有炒蛋、臘腸、肉鬆，蝦醬唔會太咸，味道令人可以食多幾碗，極品！燒牛肉。$88牛肉係用返安格斯牛，質量有保證，非常嫩滑，燒到剛好，技術一流！沾上特制泰式汁食，可口極了！酸辣豬頸肉沙律。$78豬頸肉沙律超級惹味，酸辣開胃醒神，豬頸肉燒到微脆香口，份量也不少！店主斯文健談，會常主動與客人交流，用心介紹餐牌，虛心接受意見。少有的泰菜店，色香味服務同樣超水準😃餐廳地方整潔，呢度亦有二樓，少至1.2人餐，多至1圍的席餐也有下次一定要再黎試埋其他菜式！

多姿多采的獅子石道街道佈滿的是時尚影音精品這更讓一家小小的店舖突顯出來鬥巿中的一家餐館先來碟香茅蝦沙律香茅味重有成十隻蝦真係好低食再來個必點的蝦刺身肉質鮮厚同樣配著大蒜 辣椒 夾塊涼瓜 再點特製的汁簡直讓人食不停口泰式炒金邊粉嘩好像蛋包飯跟外面普通一碟的不一樣是多了一層蛋網在面格外有特式但可能被濃味前菜影響他的味道就比較淡麵身比較硬好再點杯青檸Soda清一下口腔咸咸酸酸的感覺讓我食慾再次出現所以再點碟馬拉盞炒通菜最後不少得滿足第二個胃椰汁九層糕有點像自家製椰味豐富口感彈牙這次真的食飽飽了整體滿意特別一提店內有位疑似老闆的男店員服務細心值得加許

日日都唔知食乜好, 經商量後就去九龍城, 貪果度多不同選擇, 經過呢間泰國菜館, 由外面望入去, 佢啲枱擺得冇其他餐廳咁迫, 而同事亦食過幾次, 都覺得唔錯, 還掂未試過就去試試, 餐廳分上下2層, 我地揀左上層, 貪佢靜啲, 環境都算整潔, 牆上仲掛左幾幅畫午餐$48包主菜, 飲品及湯, 如凍飲要加$2 例湯 好香蘿蔔味, 清甜可口, 不過份量太少, 如可添飲就更好冬蔭公湯飯 湯夠熱, 好香, 有幾隻蝦, 菇同車厘茄 , 蝦比較淋, 菇好香, 酸酸辣辣, 好開胃

九龍城一向美食聚集之地，特別是泰菜，最近發現這家開業一年左右的泰式食店，最愛嚐新的我怎會錯過入內環境乾淨舒適，跟其他泰式食肆不同，寬敞，很舒服除了一般泰式飲品，我的至愛必定是鮮椰青HKD34椰青好大個，椰青水好清甜好多，不像平常外面飲到的只有外表而內里水很少又不夠清甜椰青愛好者的我，當然少不了這個原個椰青海鮮焗飯HKD118賣相十足，外型討好，而且椰香撲鼻配料十足，有大大粒多肉的蝦，原隻青口，鮮魷，配上濃濃椰漿，椰香完全滲入飯里，口感十足，味道濃而不膩，份量很多，好吃程度可把整個吃掉來這裡不得不點的燒牛肉HKD88店主介紹必試，而且是自家供應，不可不試配上自家製醬汁同吃，味道更突出燒牛肉燒得好香燒牛肉肥瘦適中，燒得半熟，牛味十足口感煙煙韌韌，配上醬汁同吃更是味美而明爐酸辣烏頭HKD158更是我每次到泰式食點必點的菜式原條魚上用上好多新鮮材料作香料，加入雜菌及酸辣湯，未吃已滲出香氣熱呼呼的烏頭，魚口感好滑，味道酸酸帶點微辣，好好吃，如配上白飯同吃更是開胃之選整體食物質素味道討好，而且環境舒服，很值得再來的！現在還在回味呢～

閒時鍾意到九龍城食野, 商場停車場又方便又平.好耐無食泰國野, 既然黎到就是但選一間, 唔想食太出名果D, 所以揀左呢間小店, 亞泰廚房空間唔算好大, 不過坐得舒服, 而且有卡位, 感覺都唔會太迫.要左個串燒拼盤, 豬牛雞各2串, 一上枱好有炭燒味, 唔會燒到太燶, 好香好惹味.條條都啖啖肉, 無咩肥膏位. 肉質軟腍, 口感夠滑, 但唔會太乾, 有肉汁.  覺得唔夠味可以點沙爹醬, 沙爹醬帶點花生味, 唔覺辣, 不過個人覺得就咁食都好好味.仲有菠蘿炒飯, 足料滿滿. 青口, 魷魚, 蝦都好彈牙新鮮, 炒飯乾身一粒粒, 加埋菠蘿一齊食好開胃, 唔會感覺好飽, 而且肉鬆唔會太少.泰式特飲都好多選揀, 菠蘿沙冰唔會太甜, 味道剛好, 沙冰夠均無一粒粒細冰, 菠蘿味清甜解喝.小店好多街坊幫趁, 店員服務親切, 下次同多D FD黎可以食多幾樣.

有一日個frd話想食泰國菜，有人提出話去九龍城行下，見到間門口有碟咖哩軟殼蟹好似好吸引，所以就走左入去。坐低之後侍應好快比餐牌同招呼我哋。我地四個人叫左好多野食推介之一：蠔仔煎蛋勁大份，好多蠔仔，唔會太鹹，好好食！泰式小食拼盤份量好多，最出色係蝦餅同埋香茅餅，炸得夠熱同脆！豬牛雞串燒三種肉都好食，沙嗲意外地出色冬陰功湯推介！我地四個都怕辣，所以嗌少辣。食得辣嘅朋友可以嗌辣啲味道一般，下次可以試第二款菜。 鍾意食軟殼蟹嘅朋友就一定要叫呢個！個包焗得好脆，另外咖喱偏甜，最適合唔食得辣嘅朋友。咖喱裏面仲有蛋、青椒同埋洋蔥，十分特別！菠蘿炒飯食泰國嘢當然唔少得叫個菠蘿炒飯，裏面好多海鮮同埋肉鬆，幾好食！成個菠蘿上，好有feel，加分！

上網open rice 同個朋友去食泰國菜，基本上諗起泰國菜同打冷個d，第一時間就會諗起九龍城。所以今次都唔例外，見到呢間都好似唔錯就試下佢！去到唔洗等位，位置較多，而空間感大位與位之間都唔逼坐得舒服，之後我地都叫得幾多野食🙊明爐青檸烏頭老闆娘介紹我食既一道菜，條烏頭好新鮮，老闆娘話今日先攞貨。條魚本身蒸熟，剛剛好，d肉唔會食香口膠咁，加d青檸湯拎出尼再用爐燒多下，浸左d湯後酸酸尾尾少少辣，幾好味冬蔭公一間泰國餐廳好唔好食一定要睇佢既冬蔭公好冇飲，而呢個用料幾足，酸辣程度岩岩好，幾開胃，不過個人覺得鹹左少少，冇咁鹹就perfect蝦餅份量幾多滿滿一碟，而且炸得鬆脆食落唔會成啖粉，蝦肉飽滿，出黎先都熱辣辣睇得出唔係整定，幾好食鮮椰青雪得好夠凍，而且清甜，不過香港飲同泰國既都係有d分別，泰國比較酸，不過呢個又大又好飲haha！菠蘿海鮮炒飯依個都要讚下，除左之前係泰國食過一次菠蘿炒飯係攞左3分2個菠蘿製，個底仲可以刮d菠蘿出尼食。香港既泰式餐廳好多都係切一半菠蘿，都無晒肉。而依到同泰國食果個一樣，個底啖啖菠蘿肉，又甜！埋單5百幾，兩個人食係好飽，要一提既依間餐廳係泰國人開，大廚都係泰國人，煮

九龍城出名多泰菜! 行開呢邊順便食個lunch，係街市附近見到亞泰廚房!應該新餐廳黎，以前行過唔多覺，又或者我太耐無黎了餐廳有兩層，地方幾大，牆身掛左唔少畫，泰國餐廳黎講比較少見吧~感覺係一間正正常常既西餐廳餐具擺放都比較隨意，但只得筷子，都應該係飯粉麵為主!午市黎講價錢算正常，都係42-55既價位。全部都係泰式野，冬蔭公，香茅，香葉，青咖哩!餐湯少不免!雞湯加上白蘿蔔，味道清甜!可惜無得添飲香茅雞脾配油飯海南雞飯既油飯好緊要，可以話係飯既靈魂所在!呢度既飯好香雞油味!但一啲都唔油，食落軟硬適中，而且有淡淡咸味，超開胃而雞脾煎香上碟，食落唔太特別，但加埋香茅汁，超正!!香茅汁，香，甜，酸! 惹味又開胃，平平無其既雞脾變得非常好味雞脾肉無醃過，記得一定要加汁食!泰國人海南雞飯朋友點既海南雞都唔差!雞肉微暖，食落又香又嫩滑，醬汁似係沙嗲醬微甜帶辣。雞本身夠味，唔加沙嗲汁一樣咁好食食泰國野我一定飲泰式奶茶!佢總有一種泰式奶茶先飲到既奶香同甜味奶茶又香又滑，比港式既甜，但甜得黎唔膩睇openrice，見佢晚餐menu有南瓜布甸, 可惜lunch無得試下次再黎!!