亞玉豆腐花

营业中

休息中

喺黃埔九號水產食完拉麵午餐後，行商場行左一陣，臨離開黃埔食埋個甜品先走。咁岩見到豆腐花都幾多人排隊食，試下先。 熱豆腐花  最開心係黃糖自由任加，想幾要多都得。豆腐花熱辣辣，豆味幾濃，算幾滑身。糖水唔算太甜，加黃糖就岩岩好。連小B都狂食，幾乎食左半碗。 凍芝麻糊  另外一款叫左芝麻糊，滿滿一碗，滿到差啲倒瀉。芝麻糊非常夠凍，岩晒夏天熱辣辣食。入口幾杰身，芝麻味道幾濃，有粒粒芝麻，似係自家製即磨，味道唔錯，不過都係豆腐花好味啲。 砵仔糕  客家糍粑   另外，再買少少手信拎番屋企慢慢食。砵仔糕仔仔個，小朋友份量，豆幾多嘅，唔算太甜。 糍粑脹卜卜，裡面超多餡，係花王加芝麻，味道幾好，個皮煙煙韌韌，薄薄地唔錯。呢個下午茶唔錯。抵食。

今日我放假同bb仲有姐姐 喺屋企附近食完lunch 仲係有啲肚餓 我哋路過阿玉豆腐花 bb係咁話想食黑芝麻糊 所以我哋就停咗落嚟 幫襯下呢間 成日排長龍嘅抵食豆腐花喳咋加煉奶成碗都係豆 啲豆煮到淋淋地 仲有啲咬口 因為我本身唔係咁好渣咋 所以都冇試到 成碗姐姐食曬 不過佢話有啲甜 下次唔加連奶應該啱啱好紅豆豆腐花 阿玉嘅豆類特色係佢唔會整到淋一淋 佢會仲留返啲咬口畀你 等口感好啲 紅豆味好足 配上又滑又淋對相對較淡嘅豆腐花 正呀而且紅豆好多唔會好似出面嗰啲偷工減料嘅豆腐花舖得幾粒紅豆皮 bb最鍾意食嘅砵仔糕 佢嘅缽仔糕畀其他人細淨係去到掌心咁大 豆好多 不過有d癡牙 即磨黑芝麻糊 大大碗先至係十幾蚊 啱啱食仲熱辣辣 滑劣劣非常好入口 小朋友特別鍾意食 自己可以食曬成碗 但我只比左3分1略嫌甜咗啲 可以整個小朋友version就更加好

食完晚餐最適合的就是吃甜品。 本來諗住買支豆漿做明天早餐， 點知俾我們碰到一間有heart 的豆乳小店。 眼見三、四人拿住個碗係小店外企係到食豆花。 雖然止情景並不是第一次見過，對上一次已經是在荃灣了。 勾起了回憶， 結果停下腳步，去食返先話明小店，小到只能叫個外賣或在小店外站著食價錢十級十眾化， 20元有找！ 人家的招牌叫亞玉豆腐花，咁當然要試下豆腐花啦！但我見他們餐牌相的芝麻糊好結身，好濃密咁！ 忍唔住叫咗係豆腐花上加芝麻糊；而我老公就叫咗個芝麻糊。 眼見他們有個叫 客家糍粑（內含有芝麻+花生） 忍唔住又叫三件試下。 另外，見砵仔糕紅豆超多，就叫多一件試下。 當你見到價錢平宜時，真係想瘋狂咁食由於當我地買完後，個天又落雨了。 只好忍住口水，返屋企品嚐回家開餐啦！ 豆花同芝麻match 得好好， 返到屋企食都唔會散曬啲豆花。 讚豆花真係食到豆乳香，所以落料應該足芝麻糊同招牌相一樣咖！ 超綿超濃，結結的。 好正。 入口後會feel到磨出嚟的芝麻粒，而且不會過甜， 食十幾啖都唔需要飲水沖走咗死甜味。 出色！ 這三粒 客家糍粑，一打開盒，三粒超胖胖的，觀感十足。 一咬下去，驚喜就來了：涵料

豆腐花越開越多間但都係最捧亞玉🥰好滑好食又近近地有間 唔駛去到荃灣元朗 太好了企喺舖頭前食 一路有街坊嚟買第一碗一定係 熱嘅黃豆！熱辣辣新鮮裝出嚟 加啲糖水黃糖好滑好好味🥰🥰🥰唔夠喉嚟多碗熱黑豆！黑豆嘅豆味重啲 黑豆對頭髮好似唔錯舖頭姨姨話都係啲後生先會嗌黑豆😆一樣咁滑咁好食！試埋一盒3粒嘅客家糍粑芝麻花生餡 $15 三粒都幾抵食！咬開個皮好煙韌 好足料 啲餡唔會太糖好漏 啱啱好🥰🥰食晒三粒先夠 仲有6粒一盒裝🤔🤔

今日去完黃埔食完野之後行下行下見到呢度有間元朗嘅亞玉豆腐花，就決定試下佢啦。睇左下餐牌都有豆腐花，涼粉，豆漿唔同嘅配搭。佢舖面好開揚，有好多人叫完即刻企係度食，之後啲餐具會洗返再用，好支持環保👍🏻我地堂食揀左熱芝麻糊豆腐花同花奶涼粉。個豆腐花新鮮熱辣同埋好滑，芝麻糊食得出唔係開粉嘅，係磨完煲出嚟嘅，雙拼好抵食。個涼粉都好大碗，佢本身就唔會太甜，如果要加甜就可以自己落糖，涼粉好夠凍又爽，好降到溫。有興趣嘅仲可以加兩蚊要個砵仔糕，但我地食唔落就無要到lu。淨係外賣左客家糍粑同黃豆豆漿返去食。個糍粑好足料，大大粒，好香口，而個豆漿我揀左少甜，仲有無糖揀，不過少甜啱我，又夠香，凍凍草飲好正。上面咁夠野加埋都唔駛50蚊，如果經過可以一試！

O係黃埔睇完場戲，行返紅磡沿途行返紅磡Ｏ個頭，見到鼎鼎大名既亞玉。一場黎到，天口又熱又焗，梗係要整返碗豆花先啦！＃黑豆豆腐花＆黃豆豆腐花：兩款豆花都好重豆味，其中黑豆腐豆花唔常見，所以試試。豆花既口感滑漏，食落口涼浸浸！呢度仲可以自己加薑糖，當然，食豆花，黃糖都係一定要落啦，加落凍豆花，脆卜卜，正。＃客家糍粑：好耐冇食過糍粑，所以叫左一盒糍粑Ｄ餡係由花生同芝麻撈埋，每粒糍粑都好飽滿，個餡好有口感，而且唔係太甜，好好食！個皮夠薄，又夠煙韌，而家真係唔係度度都食到呢Ｄ手製既風味喇！

今日行開黃埔，行行下就見到一間元朗亞玉豆腐花，想想好像在哪聽過這個名字，後來我們才想起，這間正正就是荃灣$3豆腐花店，當時人太多未能嘗嘗，今日終於有機會一嚐了。亞玉豆腐花店位於港鐵黃埔站 B 出口, 步行約3分鐘，便可到達，相當方便。亞玉豆腐花店，唔剩止售賣豆腐花，亦有砵仔糕、客家糍粑、豆腐、喳咋、涼粉、芝麻糊可選擇。喳咋 - $10喳咋賣相比甜品店吃到的較稀，而椰汁可自行選擇是否加上。喳咋吃下甜度適中，材料亦很豐富，特別在這裡的椰汁很香，忍不住請店員再加多點椰汁。薏米白果豆腐花(熱) - $11本人一向都愛吃白果薏米糖水，見到有這一款薏米白果豆腐花當然都要一試。豆腐花質地軟滑，豆味十足；而白果跟薏米都很腍身。甜度適中，不需要再加入黃甜與薑汁了。如淨食豆腐花，可自行添加黃糖、冰糖水及薑汁，以達自己的口味。他們還有一些小吃提供，例如客家糍粑、砵仔糕。砵仔糕 - 買任何產品加$2我們已吃了2碗了，但又因為太吸引只需加$2，便可一嚐砵仔糕的味道。所以加配了一個來試試。細細個砵仔糕但內裡紅豆挺多，亦不會太甜，非常煙韌。剛巧店員正在製作客家糍粑，心思思又想試一下。(太胃食了)客家糍粑 - $6糍

#黑芝麻花生糍粑 #薏米豆腐花 #紅豆砵仔糕#好鍾意佢隻匙羹😹💕新推出薏米豆腐花，第一次食呢種配搭，當然食熱嘅夠健康，豆腐好滑加咗薏米嘅配搭好合適，薏米夠甜唔使加黃糖，但可以唔使落太多會太甜，$11真係好平，普通豆腐花都係$8，黑豆腐花就$9。芝麻花生糍粑都係第一次食，皮薄餡好多，芝麻花生真係勁香，鍾意食糍粑嗰煙韌口感，$15 三粒抵食。💯紅豆砵仔糕，我真係唔想講得咁誇張，佢係我食過咁多砵仔糕之中最好食，勁多紅豆，咬落去紅豆唔太淋又爽嘅口感，之前我仲諗食咗豆腐花同糍粑會唔會食唔落，其實我而家可以食多幾舊都得，$12 5個。真係開心本身佢元朗，荃灣，屯門分店已經好出名，而家喺紅磡都有分店，而且人流多好多已成熟客。

位於紅磡的阿玉豆腐花很近我家，感覺也10分衛生，今天終於一嘗他的客家糍粑，很好吃呢其實還想試試他的芝麻糊看起來挺或挺香的，不過實在有點飽，唯有下次再試試看吧。砵仔糕分為有豆和無豆兩款，我只吃有豆，因為細個的時候阿媽買回來的都是有豆，習慣了。砵仔糕上面鋪滿豆小小的一個，女生吃一個剛剛好，不會太肥夏天的時候最棒就是吃一碗冰凍的豆腐花加上黃糖，絕配價錢方面，這裏都是20幾蚊，卻有大大的滿足感，下次再嚟過先！

好耐無食過正宗豆腐花,咁岩行過紅磡見到呢間聽過係來自元朗既經典元老級小店,見到好多人圍住,咁為食既我當然唔例外,衝埋去睇下有咩咁吸引啦!發覺選擇真係好多!花多眼亂!結果我即埸簡左呢幾碗黎試下👇▪  秘製芝麻糊 - $15▫  聞落已經feel到好香,用匙羹舀起你會發覺表面係幾"杰"身,但芝麻味非常濃郁仲要好順滑,完全唔係果種同粉溝開水既質感,味道亦較得岩岩好!好食!▪ 黃豆豆腐花 - $8(凍/熱)▫ 其實有分黑豆同黃豆,但原味先可以體會到佢原有既豆香.配埋紅糖,簡單又好味,咁先有正宗豆花既質感同味道,係而家既天氣真係岩哂,清涼又降溫, 份量亦算幾多.食完都覺得飽呀!▪ 客家糍粑 - $15/3粒▫ 同糯米糍有少少分別,外皮包住黑芝麻,花生粒同埋粗砂糖,可以話係皮薄餡靚,好香口,絕對一粒食完又一粒,芝麻同花生味都好香!必定要試!價錢亦好抵!▪ 喳咋 - $10▫ 加左椰汁成件事豐富左好多,層次分明,甜度亦都岩岩好,份量亦都足料,食得過!

今日熱辣辣決定去食下豆腐花⋯⋯呢間豆腐花出名平靚正😊所以點都要去試吓！首先點左一碗喳咋豆腐花⋯⋯首先姐姐會起冰櫃攞出一碗浸浸的豆腐花，之後淋上新鮮的喳咋～豆的口感軟糯！甜到啱啱好！絕對係配黃糖另外一個完美選擇!黑豆腐花:我都係第一次見～豆味香濃！有豐富營養～芝麻糊豆腐花：女人恩物～芝麻糊柔滑細緻⋯⋯食落去軟綿綿再配上芝麻糊的濃郁香氣⋯⋯我最鍾意上面再加少少黃糖🤤有少少沙沙地嘅口感🤗媽媽我好幸福啊客家糍粑：一向食糍粑最緊要就係個皮～呢個皮薄餡靚～薄得來攞起手唔會穿～完美完美，仲係芝麻溝花生餡一流

-黃豆豆腐花（$8)依碗凍豆腐花好好食❤️岩曬天氣咁熱💦☀️豆花幾濃郁，加埋糖😆，清涼解渴降溫😍 而且份量好多，食完真係幾飽肚😊-芝麻糊 （$15)依碗凍芝麻糊好足料👍🏻很香，用匙羹舀起好杰身，芝麻味濃郁又順滑，味道岩岩好☺️-客家糍粑 （$15@3粒）依個客家糍粑同糯米糍口感差不多，食落煙煙韌韌，而且入面餡料有黑芝麻，花生粒，粗砂糖，食落好香芝麻和花生味❤️幾好食☺️-砵仔糕 （$3@1個，$12@5個）砵仔糕食落甜甜的，帶點煙韌，而且有好多紅豆😍-Name🏠: 亞玉豆腐花 Location📌:紅磡船澳街99號遠富樓地下B舖（港鐵黃埔站 B 出口, 步行約3分鐘）價錢💰:黃豆豆腐花（$8)，芝麻糊 （$15)，客家糍粑 （$15@3粒），砵仔糕 （$3@1個，$12@5個）

唔知由幾時開始👦🏻好鐘意食大部分豆製品，無論係豆漿、豆腐、豆卜、腐皮、腐竹、豆花、豆芽......，可能係鐘意個陣獨特既黃豆香味......。所以👦🏻見到有豆花店就會去幫襯下，幾蚊一碗當食個甜品都好，咁啱同朋友經過一間豆花店就揀左一個豆腐花、豆腐花加紅豆、黃糖砵仔糕。豆腐花係自己加黃糖同糖水架，好貼心既係佢地提供左薑味糖水同普通糖水，今次就試左薑味糖水，薑味好重，又唔會過甜，推薦大家試下，另外朋友揀左個豆腐花加紅豆，姨姨係啲豆腐花上面加上滿滿煲到起沙既紅豆，不過就唔會好甜，所以鐘意甜既朋友仔記住自己落糖水啦；而砵仔糕既表面鋪住滿滿既紅豆，食落好軟糯，豆味都好香，先諗番起原來都好耐未食過砵仔糕🙈每次都會透過以下6大方面評分(滿分:30分)味道 : 3.25 / 5環境 : 3 / 5外觀 : 3 / 5價錢 : 3.75 / 5服務 : 3.5 / 5 回頭率 : 3.25 / 5總分 : 19.75 / 30性價比：最愛呢類小店因為每一個笑容每一句說話都令👦🏻更深刻，或者過左好多年之後未必仲記得食過啲咩，但👦🏻會記得呢份人情味。

講開食豆腐花真係不得不提呢間亞玉豆腐花，因為佢真係元朗出哂名，所以耐唔耐都會走去食。而且佢真係長時間都有好多人去食，真係好厲害。薏米白果豆腐花薏米白果都幾多，而且唔會好甜。加埋豆腐花一齊食都幾消暑。喳咋加上椰汁真係增加咗佢嘅層次。甜度適中，材料亦很豐富，不錯。客家糍粑皮簿料多，內裡有超多花生芝麻相當香口。新鮮即製嘅味道真係不錯。而且佢亦大大粒，食完都相當飽肚。整體呢間豆腐花店除咗豆腐花外亦有不同食品，而且味道亦不錯。

唔係好肚餓，諗住是但食啲嘢就算。呢個時候見到亞玉豆腐花。識食梗係食原味。點知阿姐問我食唔食黑豆味。咦？！ 我未食過喎，都係多一蚊，於是就食黑豆豆腐花。唔無黑色喎 😂😂😂 一樣咁白咁滑。加左好多薑汁同一匙半黃糖。其實可以任加，唔夠就加～ 食落發現原來黑豆豆腐花嘅豆味更濃 😋 熱辣辣，喺毛毛雨之下添左幾分暖～而旁邊有砵仔糕同糯米糍～砵仔糕好多紅豆，望落好似好好食，於是買咗兩個。😋煙煙韌韌甜甜地問阿姐糯米糍咩餡，佢話全部都一樣😂 拎返公司pantry慢慢嚼，咬開先知係炒芝麻花生 🥜😂😂 仲以為係紅豆餡.. 哈哈～