亞谷特蘭州牛肉麵

营业中

休息中

咁多款手拉麵, 樣樣都想試下, 因為好中意有煙韌口感的麵食!所以分別去左兩次試左4款麵,睇下邊款先係自己中意的軟硬度。午餐餐牌同晚餐餐牌 款式同價錢差不多;只係午餐可以+錢配上小碟的葷素小菜。重慶擔擔麵 (麵型:毛細) $58.韌度最低, 湯底香濃。蘭州傳統牛肉麵 (麵型:蕎麥稜) $68.牛肉係牛𦟌, 夠淋入味, 麵質硬身少少, 坑紋係咪會可以掛多D湯?大辣 都唔會好辣。大盤雞皮帶麵 $62.麵質最韌, 老人家食就會覺得硬左少少。金城涼麵 (麵型:韭葉) $66.有驚喜,  軟硬度剛好, 微酸。午餐跟餐加錢的小菜份量就咁樣的。辣味真係唔係太夠, 各款麵型係幾有特色;會再encore金城涼麵 (麵型:韭葉)

見到一間喺天后新開嘅蘭州牛肉麵舖頭，突然間，腦入邊口水都流晒出嚟，記得當年響甘肅蘭州工作嗰陣時，深夜來一碗熱辣辣嘅牛肉麵或者當地嘅牛大碗嗰種感覺。一入到去，當然就係叫舖頭最出名嘅蘭州牛肉麵，等候嘅時間唔長，好快就有得食，仲俾阿姐推介左我一個杯檸檬茶，佢哋就話唔係用普通茶餐廳檸檬，好似係斯里蘭卡檸檬，乜都好啦，竟然推介得再要試一試。最後就係叫咗一碗蘭州牛肉麵，一杯斯里蘭卡檸檬茶，三吋羊肉串。牛肉麵個面底唔差，嗌咗闊面，給爽口，因為闊面嘅關係，所以比較容易掛啲湯汁上嚟，湯底就不過不失，冇特別太大驚喜同埋感覺比較現成，希望遲啲有所改善， 牛展既size 都比較細塊，食落去有啲到喉唔到肺嘅感覺，蘿蔔唔夠入味。整體嚟講還可以，有改善空間。羊肉串孜然粉嘅味道太多太重，有少少cover咗羊肉嘅味道，不過舖頭新開仲係應該響調整期，希望之後味道有所改善。

話說天后開咗一間新嘅蘭州牛肉麵，今日一於去試吓。一推開門，已經聞到一陣好香嘅辣椒味 我叫咗紅燒牛腩麵，小辣。店員俾你揀麵底，係蘭州師傅用同一隻麵粉搓，有六種唔同嘅形狀，有闊條至幼條。我嘅選擇係三角形嘅蕎麥稜，聽起上嚟好似特別啲碗麵嘅湯充滿香油、辣椒粉及芫荽蔥，飲一啖已經覺得好香！麵條食落去口感好特別，唔會太淋，三角形掛到少少湯，不錯牛肉都好淋好入味，略嫌牛肉份量比較少，如果可以多少少，大嚿啲就好啦！

非常地道的蘭州牛肉麵，後廚師傅也都是甘肅來的。這次點的無論牛肉麵還是烤羊肉，都還原了蘭州街頭美食至少85%的味道，在千里之外的香港實屬難得。聽老闆介紹，日後還會推出更多地道的西北美味

🍜有6種麵型可以選，粗麵、細麵、寬麵、標準、三角、韭葉。有招牌蘭州牛肉麵/紅燒牛腩麵、胡同兒炸醬麵、重慶擔擔麵、大盤雞寬麵和金城涼麵。選好麵下單後，蘭州的拉麵師傅會手工搓麵粉拉出新鮮拉麵👨🏻‍🍳下鍋煮好後再加上配料和醬汁。牛肉和牛腩吃起來都很鮮嫩，屬於最嫩滑的部位🐂牛肉麵還有不同的辣度可以選🌶️不能吃辣也可以選清湯。除了麵也有些配飯套餐，不過還是麵最好吃。湯底味道鮮香，拉麵有嚼勁，牛肉嫩滑，真的太好吃了，值得五星推薦👍🏻👍🏻👍🏻😋