京都勝牛x TOKYO DOLCI (已結業)

日本菜百吃不厭，如果要食吉列通常都會去食Tonkichi，今次就試下京都勝牛。叫左個香脆炸里脊豬扒套餐，加左炸特選大海老、免治雞肉棒同自家製豚肉餃子。一睇就知所有野都好脆，豚肉餃子最先到，食第一隻果陣都算唔錯，但係放放下個皮就愈黎愈硬，好似好厚好乾咁，放耐少少就唔好食了。豬扒炸得幾好，肉唔鞋仲保留到肉汁，皮鬆脆香口，個汁都幾夾。而個炸蝦嘅肉都好彈牙，不過都係個皮厚左少少，配埋個他他醬同椰菜絲可以去油膩。免治雞肉棒幾香口，加埋蛋汁幾好食。Download app做返會員可以即時有折，白飯椰菜可以任食，吉列專門店黎講性價比算係高，不過食開Tonkichi的話真係2個唔同level嘅野。

今天是車婆婆農曆生日的大日子，我跟車爸爸早在月頭已經提前跟她吃了生日飯。選了近外家附近位於荃灣廣場內的京都勝牛x TOKYO DOLCI，跟她嘆精緻美味的日本洋食慶祝。甫坐下先來一客小食醬漬茄子＄52，香滑的茄子充斤鰹魚香味配襯甜而不辣的大根蓉，吃下酸酸甜甜非常清香可口。我們各人選一個心水套餐然後再分享品嚐，我選了香脆炸里脊豬排套餐＄148每份餐也包有漬物、味噌湯、椰菜沙律及麥飯一碗，套套也份量十足而且味噌湯、椰菜沙律及麥飯也可續加保證大家吃得飽足。熱騰騰的味噌湯味道不會過鹹香氣挺濃甘香好喝啊。而里脊豬排炸得香脆不油膩肉質腍香之中有咬口，沾上自己鮮磨的芝麻和豬排醬汁吃非常滋味。至於米飯當然是用日本米來奉客，以香脆惹味的豬排配一口軟糯的麥飯Perfect Match。車婆婆喜歡吃魚所以選了這客照燒三文魚套餐＄158，三文魚的外層燒得微微焦香然而內裡仍然嫩滑香甜，吃下很Juicy而且沒帶丁點腥味不錯吃的。照燒三文魚旁還有醬漬茄子作配菜，令成件事變得非常健康有益。近來雖然回暖不少但夜晚天氣仍然有點涼，點一個豚肉涮涮鍋＄158是個不錯的選擇，豚肉涮涮鍋的湯底用上鮮味的昆布湯，內裡除了有份量不少

每次經過京都勝牛都被佢好靚既display吸引住，今次終於可以試一試，希望唔會失望啦！本來只想食My favour吉烈豬扒和吉烈蠔，但個名叫京都勝牛會唔會吉烈牛先係最出名呢？所以我哋一於叫份黎試吓。店員將食物放上枱時，心想賣相一般而且牛肉紅卜卜不是我喜愛的生熟度，誰不知一試有驚喜，牛肉好嫩好滑，味道唔錯。吉烈蠔超大粒，炸漿厚薄適中，炸蠔時間控制得好，不會炸得過熟食落爆汁呀，配埋沙律醬好好食。睇相都知道塊炸豬扒真係好吸引，實際上都真係超正，外脆內嫩塊豬扒仲好juicy。今日超滿足😋，每款食物都非常不錯👍。

放假入左荃灣拍拖👫經過左呢間餐廳好多次 今日終於一試🎈牛肉鍋燒烏冬膳 $108🍜堆前菜全部唔夠入味 仲要全部一樣味 一樣唔好味🤷🏿‍♀️成碗烏冬只係得一片肥牛‼️‼️另外三粒牛肉波 炸完再放入湯 淋哂 口感有點差成碗烏冬 毫無特色 份量少 男朋友食完都仲叫緊肚餓🙅🏿🙅🏿🙅🏿🎈泡菜辣雞鍋 $158🥘男朋友差不多食完碗烏冬 呢鍋野先登場🕐好彩呢碗野正常水準 否則應該反左枱😅🎈流心忌廉牛肉餅 $28流心？請問流左咩出嚟？最後 我地靠碗椰菜絲+芝麻醬 晾住個胃無叫野飲 埋單都要$323 有點心痛....💔💔❌不可一 不可再❌

第二次黎呢度食lunch,好似比上次失色。服務態度差左，明明眼見未完全滿座，但都要等20分鐘先可入座。而且點菜時，侍應掛住傾計，迴避客人眼神，拖慢落order的時間。食物水準keep到，order左份翼板牛套餐，上枱時吉烈牛並唔係佢所講嘅3成熟，而似係5成熟，肉色呈淺啡色，可以唔需要係鐵板上再燒都okay。肉質唔錯，有肉汁，但牛味一般。椰菜沙律同飯可以追加，可惜我都唔係食得好多，椰菜沙律記得要加柚子汁同沙律醬，真係超正㗎。

📍京都勝牛x TOKYO DOLCI (荃灣)荃灣大壩街4-30號荃灣廣場2樓217-220號舖食吉列牛最重要是外皮夠脆 牛要嫰滑有牛味帶着滿心期待 可惜一試失望…🥹-京都勝牛雙味套餐$198 菲力牛/翼板牛菲力太林 感覺係好唔新鮮嘅肉翼板好韌 兩者淡而無味 牛味欠奉享用吉列牛的方法火爐係用酒精膏 火夠猛 吉列牛上枱時3成熟 我個人建議每邊煎30-40 秒燒至7成熟較佳-元祖炸牛排套餐 $168翼板牛亦係無牛味 +$62追加小食及飲品-免治雞肉棒-日式昆布湯烏冬-免治雞棒內有雞軟骨 有口感 配埋醬汁 好食😋-藍柑茘衼特飲-山莓草莓特飲套餐可無限追加麥飯/椰菜沙律/味噌湯能捧腹而回🌟 整體用餐體驗🌟🌟餐廳環境( 4/5):舒適
🌟餐廳服務 ( 4/5):職員細心介紹食法及調味
🌟食物種類 ( 4/5):種類繁多🌟食物味道 ( 1/5):淡而無味 牛味欠奉

呢間開左喺荃灣廣場一段時間 一直都好想試☺️ 咁岩今日想行下荃灣廣場買衫 就順便試下個lunch set🥰🍱東京風滑蛋翼板牛肉 💰108Lunch set配上3個前菜 包括冷蕃茄西蘭花🥦 辣芽菜 絞肉大根 另外仲有漬物 椰菜沙律 味噌湯 白飯🍚 真係見到都豐富😍 溫馨提示椰菜沙律及白飯可以免費增添一次！真係好抵😆 每樣前菜都好食🤤 辣芽菜好惹味 椰菜沙律可以撈芝麻醬食 基本上食晒前菜都飽左一半🙈主角滑蛋翼板牛肉 牛肉係一口牛再炸左 撈埋滑蛋食唔會覺得好熱氣 外層仲保留到小小脆口 炸粉好薄 牛肉味都濃 一啖一粒好方便😋 滑蛋半生熟 保持到好滑溜嘅質地 但如果唔食得生蛋嘅話就可能要叫佢整熟啲嚕～成個set食完好飽好滿足🤗 一定會好快就再encore😋❤️

牛肉完全冇牛味，$208菲力牛係梅嘅，$188翼板牛加鰻魚，舊牛乜味都冇，唔知自己食緊乜，舊魚就係一舊魚咁啦！有5種鹽點牛扒，除了鹹，食唔出有咩特別。另外仲有招牌牛排醬，即係酸酸嘅燒汁咁，仲有舊wasabi, 落唔落都差唔多。仲有柚子醬….舊牛係好食，使鬼咁多醬咩……成個餐最正常係個沙律，味增湯就都係嗰個味道啦，連個飯都麻麻，真係好失望！2人枱勁細張，幾驚啲嘢跌晒落地😓十萬個唔推介，仲要咁嘅價錢……

掛住日本所以搵左間專食石燒和牛店。叫左一個海老板牛餐+豬排餐頂頂癮！即時做左會員仲有首次全單8折！！！超抵呀😋😋特別之處係佢會附主菜跟一set日本調味粉，有日本粉紅岩鹽啦等等…會將牛肉晚香味帶出。可以試晒全部調味料。侍應會預先燒著個熱石，將一舊豬油燒出油，用來燒熱個牛排就可以蘸調味粉食啦！白飯，味噌湯同沙律菜係任叫的。但其實一碗飯已經好夠飽，只係追加左一個沙律菜同味噌湯。食豬排餐就要自己磨白芝麻，再加上佢既醬汁蘸豬排食！撈飯一流！👍🏻👍🏻👍🏻最後飯後甜品係佢鋪頭既雪櫃，揀左清酒味+焦糖岩鹽。只能夠講焦糖+岩鹽係超夾！😋😋

幾年前喺京都食過一次覺得冇乜特別個人覺得荃廣附近另一間香港人開嘅吉列牛更加好味不過嗰間長期都大排長龍今晚就黎試下開咗過黎香港好唔好食先~~喺openrice book咗位閒日嘅夜晚餐廳唔算多人walk in都有位坐食吉列牛當然叫最貴嘅和牛會好食啲但又貪心想試多幾樣所以都係叫番最多人叫嘅 京都勝牛三味套餐 ($228)三味包括菲力牛 翼板牛 同 醬味薄牛連9款唔同調味料上 本身菲力牛同翼板牛都係3成熟可以自己煎熟少少呢兩款牛食落去都好淋身同香牛味好食嘅牛點鹽已經好好味👍🏻最鍾意玫瑰鹽醬力薄牛就真係唔洗試🙈可能因為太薄同實 我同朋友都覺得好似食緊平時茶記啲薄牛呢個口感配咖哩醬好夾😂另外仲想試下非吉列牛以外嘅炸物竟然有驚喜鮮嫩脆炸豬柳伴鰻魚套餐 ($158)第一次食炸鰻魚 估唔到又幾好食配嘅醬酸酸地配蘿蔔蓉好開胃炸豬扒個炸粉做到好過吉列牛嗰款係典型日式餐廳炸物好鬆嘅嗰種口感點嘅醬係平時吉列豬扒醬加自己即磨嘅芝麻個人鍾意個吉利豬多過吉列牛👍🏻睇圖見到隻蝦咁大隻心動叫埋單叫要$52一隻+$10有杯飲品所以加埋 (單點飲品都要$30架)隻蝦真係好大隻個炸粉同吉列豬一樣口感所以食完好滿足~~~麥飯

荃灣呢間餐廳都開咗一排 之前都係日本食過 一路都以為京都勝牛係食牛嘅 原來佢嘅炸豬扒都幾好食 炸粉包住啱啱好 唔會太厚淨係食粉果姐 調味都幾好 襯埋佢嗰隻炸豬扒醬 再加啲芝麻 就會好香 又唔係太鹹 仲可以加啲檸檬汁落去 咁就少少酸同埋清新 不過佢嘅豬扒就幾乾下 冇乜肉汁同埋有少少鞋 好在唔係un所以都食到 另外仲有椰菜沙律可以免費添加 加埋芝麻醬真係好夾 同埋炸豬扒食就啱啱好同其他日本餐廳一樣 嚟到香港之後價錢都幾貴下 同埋都幾多人要排隊等候

京都勝牛喺荃灣已經開左一段時間今日同朋友lunch time去試下Lunch time時間未有滿座唔使得位就可以即刻入入面環境好舒服特別係卡位 好闊落👍🏻Menu選擇都幾多除左招牌既炸牛排同炸豬排另外仲有一啲海鮮、丼飯、小食今日我叫左一個京都勝牛雙味套餐同霙花翼板牛排套餐值得一讚嘅係佢嘅飯、椰菜絲同湯都係可以免費refill-京都勝牛雙味套餐好味指數 😋😋😋😋霙花翼板牛排套餐好味指數 😋😋😋菲力牛牛味比翼板重少少 牛都算淋 用鐵板燒下 會香好多跟餐佢有幾款鹽同醬我最鐘意個招牌牛排醬 甜甜地有芝麻香-呢間CP值都算ok 可以一試

太耐沒去日本，同朋友一齊黎呢間吉列牛店止下癮。荃灣呢間分別空間感比較細，有啲侷促，唔係太舒服，但店員就幾好。先點左嗰前菜醬漬茄子，都幾 fresh，茄子好稔，再配蘿蔔蓉，個人覺得太稔。主菜先到既係，吉列大蝦鍋膳套餐，調味都 ok。但蝦既炸粉太厚，蝦係大隻，但有啲老，整體就一般。之後係京都勝牛三味套餐，係佢地既招牌，但同京都既出品比就差太遠。牛味偏淡，肉質普通，對比香港其他鋪頭都沒咩過人之處。最後係M9和牛肉丼伴溫泉蛋，正常發揮，不過不失。整體就正正常常既日本餐廳。

食完都唔知食緊乜😵‍💫😵‍💫好難食好難食好難食(要講3次)餐廳整體環境同食物賣相都好好，而且餐廳職員喺上菜之前，會問需唔需要介紹一次，而且職員都真係好俾心機逐個講解。講解每一個醬汁同埋調味料，如果覺得啲牛唔夠熟，可以叫佢哋安排煎pan~但係個牛真係麻麻哋，佢出面有一層炸粉，而且食落去嘅口感好”林back back”，牛肉嘅味道，全部靠調味料，牛肉係無味。有朋友講過，喺日本食過好好食，所以我以為香港呢個都唔差，但結論係有點失望🤧

上次嚟過揀咗兩款牛都係覺得菲力牛好味啲今次專攻菲力牛 牛嘅質地夠晒林個吉列又好脆個set$208價錢ok包括味噌湯 白飯同椰菜菲力牛預設三成熟如果怕太生可以要求個小煎pan自己煎返我就唔怕生嘅 但唯一一樣唔好就係個心凍嘅所以可能煎一煎會更好味😋椰菜 白飯同味噌湯都可以無限添咁多種鹽同調味料醬汁我都係比較用wasabi 或者山椒鹽另外喺menu 見到黑松露薯條估唔到好有驚喜 好脆好美味原本仲想叫甜品 但後來太飽冇再叫