人和荳品廠

营业中

休息中

🥛🍜人和豆品​📍旺角旺角道28號地下 （天橋底篤魚蛋對面）​👉🏻👉🏻menu​📢24小時營業​圖1️⃣魚肉碗仔翅 $32出面街好多碗仔翅太稠，味精重，唔好食之餘，食完仲要好口渴。而呢碗芡汁落得剛剛好,唔會太稠/太稀，魚肉煙韌有咬口，唔會太鹹，冇乜味精​圖2️⃣油渣麵拼豬腸 $48油渣唔會太腍，第一啖咬落以為係好腍嘅豬頸肉，再望真d確認係豬油渣😂豬腸唔韌好咬，上海麵麵質爽彈（但有一兩條尾巴煮到爆開左）​圖3️⃣魚肉煎豆腐 $24食完前面兩碟，就期待豆品會更好食，因為豆品先係賣點，但係食完淨係覺得，係極度普通嘅煎豆腐，豆腐冇特別滑，魚肉亦冇特色（仲要好少）​圖4️⃣椰汁豆漿 $15 & 芝麻豆漿 $15第一次飲極少豆味嘅豆漿，椰汁豆漿d椰汁味仲重過豆漿味，芝麻豆漿又係咁，唔講都唔知呢杯係豆漿​（評分：5杯☕️最高分） 食物：☕️☕️☕️☕️ （比油渣麵&碗仔翅）環境：☕️☕️☕️（少少迫，太多人可能要搭枱）CP值：☕️☕️☕️☕服務：☕️☕️☕️☕️​✨會再幫襯? 會啦，想食多次油渣麵&碗仔翅，仲想試埋豆腐花同淨豆漿睇下係咪都伏😂

如果要說香港是美食之都，夜生活城市。一定要介紹人和荳品廠！廿四小時營業，簡直是夜貓一族的超級飯堂！ 每次去必點的：豆漿煎豆腐腸粉這次再點了韭菜豬紅腸！ 正！ 夜麻麻凌晨時分，真的不是很多地方，還有美食！記得一定要落豆瓣醬！辣椒醬！菜譜！

味道係唔錯，但十次買5次餃子入面既肉都唔熟，打電話去提點佢地下次整熟啲食左唔舒服點算，點知牙姐同我講啲肉粉紅色唔代表唔熟，整塊肉指甲同筷子都叉唔入，我諗我唔會白痴到生肉熟肉都唔識分掛

係香港開左好多年，所象中分店有銅鑼灣同旺角，主打豆類小食，價錢平又大份。鋪面空間唔多，煎餃位置幾近坐位，會有少少油煙味。必試豆腐花、魚肉煎豆腐、煎韭菜餃。魚肉煎豆腐$20 4件。豆腐花$12。再加韭菜餃，兩個人埋單$7x。餐牌仲有滷水豆腐、豆漿，豉油皇炒麵等等。下午茶一流。

🚸 同佢冇緣份😵有時夜晚想食少啲，咁啱經過呢間好似好耐歷史既鋪頭，諗住應該正正常常啦。。。除左食物質素，店內陣陣豬大腸令我唔想坐太耐，下次食返深水埗公和。🥢煎魚肉釀豆腐：豆腐有少少酸同唔夠滑。🥢煎韭菜餃： 7:30可能冇新鮮貨。餃子凍左油淋淋😐🥢生菜魚肉翅：魚肉唔彈冇乜魚肉味，食到懷疑🤔人生。🥢凍杏仁豆漿：豆漿正常！有杏仁豆腐，係成餐主角❓味道：🔅🔅新鮮：🔅🔅分量：🔅🔅🔅衛生：🔅🔅🔅速度：🔅🔅🔅（5🔅為滿分）#foodie #foodporn #foodstagram #food #foodphotography #foodlover #foodblog #foodbloggers #eat #eatinhk #hkcuisine #食評 #旺角 #豆漿 #豆花 #豆腐花 #試伏

旺角呢間人和荳品都開左好多年，有時想食下啲地道野都唔錯☺️今次叫左煎豆腐、餃子同豬紅豬皮豬腸❤️1.煎豆腐我覺得麻麻地，就普通煎豆腐，冇特別出色😂要另外自己加辣椒醬先有味🥲2.雙併餃子呢度的餃子好唔好食就見人見智，我自己十幾年前食過，而家味道keep到一樣☺️皮係比較厚，而且都溝左好多粉，但佢就係有種特別的味道😏但都有人覺得佢呢度的餃子似生豬肉，所以好冇食就睇個人口味❤️3.豬紅豬皮豬腸呢個應該都算係多人話好食的其中一種，湯底有啲胡椒味，配搭埋豬腸夠晒淋，又的確唔錯👍🏼👍🏼👍🏼間中過來食下都幾麻甩feel☺️不過預左有時店員有D衰😂😂😂

一間多年老店，亦係速食好選擇，最鍾意係佢哋嘅魚肉煎豆腐同埋煎韭菜餃。魚肉煎豆腐佢哋嘅豆腐豆味好重，有別於街市買嘅豆腐，上面釀咗少許魚肉，煎得非常香脆，豆腐入面咬口軟軟的。煎韭菜餃韭菜餃應該係自家製，好大隻，餡料份量非常多，餃子皮亦唔會太厚，表皮有少少脆。

係病緊嘅時候屋企人就買咗盒煎韭菜餃子每一粒都好鬼大粒😍心心眼皮都比較厚，但煎得香脆餡料都多，但味道唔係特別出色好味餡料唔夠惹味香口總括嚟講不過不失，食完好飽肚

人生第一篇食評比左呢間咁嘅野。之前行過見啲餃子幾吸引諗住今晚試下。點知差到難以形容同朋友嗌左煎韮菜餃，菜肉餃同煎饟豆腐。煎饟豆腐味道就正常嘅。但餃子就……開頭食第1隻菜肉餃已經覺得個口感好怪，個皮又有啲粉咁，當時無特別留意。第2隻開始覺得唔對路，入面係生椰菜但係又夾雜1patpat嘅口感，忍唔住整開黎睇。入面啲肉係粉紅色嘅，以為係少少？NO！！係大大舊都係咁！！！叫朋友試下佢個碟，點知都係一樣。最後決定唔食，後尾個侍應姐姐問我係咪唔食，我話好生食唔到。佢同我講佢啲餃子唔會唔熟，係咁個wor !紅都咁都話正常係呀佢話係咁架wor 完全blacklist!以後都唔會黎！

我哋兩個人叫左一碗淨豬腸、一碗豬紅加豬腸、韭菜煎餃。豬腸D價錢係貴咗啲，不過又真係幾好食，豬腸有趙頭有口感，不過韭菜煎餃比以前差咗好多，皮好厚好咸真係唔好食。雖然豬腸好邪惡，不過真係好食，每次去食都一定會叫豬腸，如果去開金魚街附近都可以去食，值得一試。

圓規落波後隨便食個簡單， 叫咗一碗生菜魚肉，一杯豆漿同 埋煎豆腐。。。 要61蚊，好食唔緊要，生菜魚肉啲魚肉全部都係粉，個碗裏面仲有一條長頭髮。。。煎豆腐比較硬，魚肉好似勁貴咁，畀少少你就算。。。未食完就走。。。冇下次。

前兩日行經人和荳品廠, 聞到有陣好香嘅韭菜味原來係人和荳品嘅姐姐喺度煎緊韭菜水餃咁啱大食妹上完堂超級肚餓, 於是就去買咗份<韭菜水餃>韭菜水餃唔算好平, 四粒要成廿幾蚊但外面煎得金黃脆卜卜, 而且超級大粒咬開見到滿滿嘅韭菜同豬肉, 飽肚又滿足, 比較細食嘅朋友, 可能食完呢份就飽咗啦

豬腸豬紅賣$36碗，價錢係貴咗啲，但都算叫做俾返咁上下豬腸你，同埋味道喺旺角區嚟講算係幾好，豬腸有趙頭有口感！另外凍豆漿$8杯，有豆香，夠凍，好飲，如果放少啲糖就更佳👍🏼服務方面唔講得上好好，但亦都唔係差。好簡單咪就係入到去坐低阿姐問你食咩，之後奉上食物，你食完叫埋單，佢收錢咁囉⋯⋯ 其實個阿嬸講嘢都算有禮貌！環境方面普普通通咁啦，一般旺角區街舖質素，同埋冷氣唔係幾夠，夏天去可能會真係熱咗少少！

每次行旺角都會經過這間荳品店,但今次真係第一次食,因為諗住夜晚食清d唔想食甘油膩😬招牌魚肉煎豆腐去得荳品店當然要試佢地的豆腐啦,當我滿心期待食一啖的時候😞味道不似預期,食落雖然都有豆味但周邊位置好硬完全冇滑的感覺😅上面的魚肉直頭冇魚味😒生菜魚肉小編覺得胡椒粉味太重,食唔到魚肉的味道😞整體來說跟其他小店的味道差唔多沒有大驚喜碗仔翅豬紅本身諗住食完之前個兩樣小食,這款味道應該都會係差唔多,但出奇地有不錯,豬紅食落好新鮮仲好滑,完全唔覺有腥味😉夾埋碗仔翅一齊食口感仲好豐富,會食到冬菇的味道仲有木耳絲的爽口😎不過碗仔翅的芡汁落得太多生粉,食落好似食緊糊仔😅

學生時期經常去旺角的人和荳品廠這天剛好經過花園街本來想試另一間十六座車仔麵的但已經客滿 所以最後還是去了人和荳品廠 🤣因為疫情關係都不用搭枱環境格局還是一如既往的舊 😂點了魚肉煎豆腐($22四件)和豬油渣麵($25)這裡的魚肉煎豆腐一直都是招牌主因是幾乎都即叫即煎 ☺️店員在店門口有一個專門的地方一直煎這樣新鮮煎一定不差啊 ❤️而且豆腐真的濃 也很滑嫩 😋😋😋豬油渣麵比魚肉煎豆腐遜色豬油渣是OK的 很乾身但麵就比較一般了 😅