僕之拉麺 (已搬遷) 新店位置

抱歉無相，第一次寫評。今次夜晚9點左右，等左十分鐘就埋位，開揚格局唔似拉面店，今次食叉燒拉麫，貪佢有叉燒x2，再加$5加蝦油試試佢。：湯夠濃：1. 面唔係身鮮拉面，係袋裝貨，呢樣真般。2.  叉燒2陪夠多，但無味3.  有點貴總結：其實一試無彷

非常喜歡食拉麵，估計喺日本最少食過150家拉麵店。呢間拉麵店有朋友一早介紹過，今日要去黃金商場整啲嘢，所以再提早少少，特登去呢間拉麵店試吓。12點未夠就入到去，唔使等位。叫咗佢嘅「肉愛食者拉麵」，呢個名改得差，呢啲係拙劣嘅中文，不過唔緊要，我係嚟食嘢啫🤣成個碗鋪滿晒叉燒，加隻糖心蛋，賣相靚靚。飲一啖湯，有豬骨鹹鮮味，估計用豬骨同雞熬成，好味，個湯仲加咗小粒豬肥膏，所以比較香口和滑😋。食片叉燒，切得好薄，有啲豬肉味。開始食麵，用日本人傳統吸啜slurping方法，拉麵連湯帶空氣，相當唔錯，竹筍亦都整得幾好食。舖頭裝修就似港式茶餐廳，非常道地，配合深水埗👍如果要批評嘅話，就係麵身切得太短，未啜完一口就冇；同埋員工服務一般態度麻麻。

從前來到深水埗，一.只會吃餃子店，二.只會吃車仔麵，三.可能會吃日本菜。不過餃子店質素越來越差，車仔麵排隊越來越多人，我最愛的平民壽司店「金太郎」到已經倒閉了，只好在深水埗再尋覓一個新的「食堂」。這家「僕之拉麵」門面很光猛，侍應好像是全部都是日本人。很難在深水埗看到那麼多日本人從事飲食行業，而且他們的價錢並不會很貴，基本上每人大約$100就可以吃到很飽了。我這次點了一個叉燒拉麵，雖然他的味道到超級超級很好，但他們的服務態度，對日本文化的堅持的確真的很值得學習。

到深水埗唯一正宗由日本人經營的拉麵店開餐，大夥兒一見到濃湯拉麵有骨膠原，毫不猶豫都 order 了濃湯湯底的拉麵！ 😆😆😆我點了 A 餐即特選餐加辛味醬，另加 🦀 棒，辛香味濃郁，加 $18 的 🦀 棒 CP 值高，絶對值回票價！ 😋😋😋 只是對那炙义燒的口感和味道有點失望，相比之下，普通日式义燒更好吃！ 餐即特選餐加辛味醬，另加 🦀 棒 D 餐人氣拉麵濃湯底 🍜🍜🍜濃湯含骨膠原絶對是重點 😄😄😄各式各樣的拉麵，任君選擇！ 👍🏻👍🏻👍🏻

晚上去深水埗攞野，正愁唔知食咩好，眾所周知深水埗真係好多好野食，有平民嘅、有米之蓮嘅，真係好苦惱😖剛巧經過間外表平平冇奇嘅拉麵鋪，又剛剛聽到裡面有人講日文，好奇望下原來有位師傅講緊日文，立即吸引左入去試試😆😆店內裝修簡單，約有4-5張枱，有少少日本裝飾🎏一開始唔識填佢張點餐紙，女侍應內心講解！讚👍🏻叫左兩碗麵，B餐 ’肉愛食者餐‘$120 個名有d怪怪😂，上枱時個震撼真係嘩然😲，食物與照片係相符，放左好多叉燒，感覺好似係用叉燒包住個碗咁🍜，另有叉燒粒及流心蛋🥚，湯底就用豬骨濃湯好滑好燉湯feel好好飲，叉燒就吸收左湯汁更帶出到個叉燒味有d可惜係叉燒薄左d拉麵又普通左d🙂另一碗就係限定款，‘辛蔥味噌拉麵‘$90就顯得有啲輸蝕，味噌湯相對比較咸左d,叉燒同拉麵就一樣！😌原本唔知佢叫咩名，都係要睇返openriec 先知叫做‘僕之拉麵‘🍜

叫左E叉燒餐 - 拉麵，$98 嘩叉燒好多塊呀！好味道揀左濃湯同埋辛味醬 ,我以為係辣既Tim原來唔辣的，，仲要加多十蚊好貴所以要番濃湯就可以啦檯面有冰水可以斟黎飲，各款調味料，有蒜蓉，七味粉，胡椒之類小食叫左炸餃子 $30 三隻但原來勁細隻真係好貴！炸章魚丸無乜好食可言呢到既小食可以唔叫！另外，店鋪簡潔，店員都好有禮貌

塞翁失馬，因禍得福。 原本嚟深水埗係想食咖哩嘅，點知竟然爆場。當正忐忐忑忑之際，就見到打主日本人料理嘅拉麵店 - 僕之拉麵。店內寬敞，唔算多人，坐得幾舒服，因日本人主理，管理上跟足日本，服務細心，溫柔。店內靜靜地，可以慢慢享受拉麵嘅味道。今次試咗兩款招牌拉麵餐。叉燒餐，肉愛食者餐。其實兩款基本上一樣，分別在於肉愛食者餐嘅叉燒量更多，另有角柱叉燒。個人覺得叉燒餐CP值較高，但如果你係食肉獸，肉食者餐就啱晒你喇！湯底方面 - 有濃湯、普通選擇，我哋揀咗濃湯，但味道就唔太濃郁，屬普通濃度。味道方面，豬骨湯底鹹淡適中，肉味溶於湯中，令湯底更香濃。但注意湯量較少，對於湯精嘅我就唔多夠喇！唔知可唔可以加湯呢？叉燒係最傳統嗰種鹵煮叉燒，肉味香濃但肉質較柴，配筍絲，溏心蛋係最常見亦係最正宗嘅拉麵配料心，越係平凡越見功夫。麵質方面 - 個人選擇硬度適中，但係出嚟係偏硬嘅，偏硬嘅麵條唔係太掛到湯汁，食過啖口之餘，仲有少少難消化。總括嚟講，僕之拉麵係中上之作，但仍有進步空間，希望下次再去嘅時候，湯底，麵質會有改善啦！

行行下見到，師傅同店面都係日本人，一試難，好耐冇食過咁濃既拉麵，感覺好傳統好地道，見到師傅好認真咁整拉面，蛋都係自家制的，連外賣都好用心會包保鮮紙，真心值得一試，有機會一定會試埋清湯底。

突然好想食拉麵下午2點零走落街搵下野食先經過呢間拉麵店男朋友話食過吾錯，絕對相信男友既味覺(麻煩咀叼🤣一入到店“易拉些媽些”可能因為過左lunch，店入面客人吾多 得2，3台見店內最入角落有位 就坐果到拉，可以自同男友成一角😝坐低冇耐，有個店員走過黎“講解餐牌”，講得太詳盡，我同男友反而吾多中意🤣因餐牌本身好簡單填紙之後order左雙倍叉燒拉麵好大份🤤叉燒吾會好乾，有啲脂肪，整得幾好拉麵個人覺得可以淋返少少普通濃湯拉麵(吾記得咩名了)味付蛋，味道不太夠，但都好食湯底幾好，夠濃雞炸餃子(原價$30@3隻，而家做緊$30@4隻)皮很薄，肉不錯，幾好食，只系吸得多左少少油所以野整體黎講吾錯，之後都會再黎食過

今日同啲同事過嚟深水埗諗緊食咩嘅時候一出地鐵站就見到呢間寫住日本人開嘅拉麵店見佢裏面唔係好多人門面都幾乾淨就決定一試喇！我叫咗個基本拉麵～佢既餐牌都有好多選擇值得欣賞佢哋有素食選擇，呢樣好多拉麵店都無等左唔係好耐就上枱啦我揀咗清湯，但有啲後悔冇揀濃湯因為睇到同事食嘅濃湯好似吸引好多佢碗面size唔係好大，叉燒都真係比較薄但係值得一讚嘅係佢隻蛋都幾靚試一啖湯，湯頭算不錯清湯係醬油，其實比我想像中好因為好多醬油湯底食完會覺得味精好重但係呢個食完之後唔會覺得有好重味精亦冇乜口渴，都算可以麵亦有咬口，幾彈牙，個人黎講覺得幾好食但整體黎講覺得佢價比性不高，因為份量不算多呢～加上唔算好有特色不過下次會再試一試佢既濃湯覺得店員好有心機，都想支持一下

今天到深水埗找朋友，順便在附近想吃一家間單的晚餐，見到有家拉麵，門面乾淨利落，就是它了～僕之拉麵！日本拉麵店一般有別於其他餐廳，通常只會賣3-4樣東西，有些甚至只有2-3樣，日本餐廳非常專注自己的產品。僕之拉麵都一樣，拉麵只有二款，一款是清湯拉麵（醬油湯）、另一款是濃湯拉麵（豬骨湯）。基本配料有蔥、叉燒、筍、木耳，可加錢追加配料。基本拉麵價是$78，沒有加一服務費。我另外追加了小食～芝麻雞翼，炸得剛好，不可不試，推介～！飲杯可樂～簡簡單單一餐，好味又滿足！

今日行過見到呢間僕之拉麵門面普普通通，但環境乾淨整潔，就試下啦，估唔到竟然有驚喜啊!其他拉麵店通常都會有好幾款拉麵選擇，但呢間拉麵就只有二款，一款是醬油湯拉麵，另一款是豬骨濃湯拉麵。我同朋友一人叫左一款，可以2款湯底都試齊晒，基本配料有蔥、叉燒、筍、木耳。拉麵好彈牙，木耳好爽口，叉燒又唔會太乾。豬骨湯湯底好濃郁。感受到拉麵師傅對拉麵既熱誠同用心製作。另外仲有我好鐘意食既芝麻雞翼，炸得剛剛好，外皮好鬆脆，不可不試。

呢間僕之拉面其實又唔算相當隱世，因為地點其實相當方便易搵，喺深水埗B2 沿北河街出口直行一分鐘左右就到，咁點解我會話呢度隱世？因為好多人食拉面都會去旺角尖沙咀中環呢D 地方，相對黎講深水埗餐廳比人嘅印象係比較平民化，絕少同拉面呢類相對高級少少嘅食物扯上關係而且呢間僕之拉面係由日本人所經營，唔少材料都用上日本貨，食材方面質素有一定嘅保證呢度嘅點餐紙簡單易明，咁食客就可以好快簡好自己想要嘅食物我就點左個濃湯拉面湯飲落唔算好杰，但味道其實好濃，湯面仲有少量嘅豚脂TI M而面嘅韌度唔錯，叉燒嘅脂肪比亦都幾好，美中不足嘅係我稍嫌叉燒嘅份量有D 少，如果可以再多少少就好啦張枱都會有一壺冰水比食客自己酙同場加映可愛嘅杯墊

今日同朋友到黄金商場行，之後發現有間新拉麵店，裝修幾寬裕，坐得舒服，就入去試下新野。坐得，發現老闆同廚師好似都係日本人，唔知點解突然對間店有啲期望。拉麵店得二款拉麵選擇，清湯味同濃湯味，基本材料，要追加配料就俾錢，見個温泉蛋做緊優惠，加5蚊就有得試，於是同朋友分開點清湯同濃湯拉麵各一，同温泉蛋各一。末食之前，要讚下日本人的心思好細，單單加水，水壼入面加左冰粒，出面熱辣辣，飲杯冰水透心涼。之後吃清湯拉麵，豬骨湯底淡淡清香，好好飲。拉麵軟硬適中，葱香帶出陣豬骨湯底味道，加埋日式叉燒，真係好好食，真係日本食既味道。再試埋五蚊既日本温泉蛋，唔知係咪心理作用，好似日本運過來既温泉蛋唔同啲，二啖就食左，哈哈哈哈，太好味。食完，好正。真係估唔到深水埗地方，竟然可以食到正宗日本既拉麵。款式完全唔花巧，剩在二款拉麵，更顯功架。下次再過來，要試埋濃湯拉麵。因為期間，覺得朋友既濃湯拉麵更加好味，可能隔離花香。價錢唔貴，真係值得一試。

這晚嚟深水埗買東西順便搵食，在地鐵站行上來不到兩分鐘便發現這間拉麵店，決定一試！小店裝修簡約，環境乾淨企理。基本拉麵有兩種 , 點了基本濃湯拉麵 $78 ~ 湯底香惹濃味, 麵質爽口微彈, 配上嫩滑溫泉蛋及肉腍入味的日式叉燒，油脂均勻，口感豐富！除了基本拉麵，還有夏之限定拉麵 $88 , 一於下次再來試試。 芝麻雞翼 2隻/$32 ~ 炸雞翼皮肉香四溢，皮脆肉嫩，啖啖好滋味！這是一間價錢合理兼有水準的拉麵小店，兼且地方就腳， 一定會再來！