影片
今日lunch揾嘢食行经翠玲花园见到呢间「今日幸」。入去无咩人，枱面干净无油迹。叫左一份杂锦鱼生定食配吉列炸虾$88虽然系屋村铺头，但系啲鱼生都有诚意，份量都够多，食落冇腥味，都抵食。定食配有一份薯仔沙律，一碗三文鱼头汤，因为冇炸虾，所以俾咗一份炸三文鱼骨。薯仔沙律普普通通，三文鱼头汤唔腥，三文鱼骨应该都系即时炸嘅，感觉够热够脆。
继续阅读
呢间日本小店虽然铺头细细，但老板都几nice，食物方面都唔错，食得出用心制作，价钱方面都可接受，虽然主要做外卖，但打包都非常细心， 试过番茄牛肉乌冬，炸鸡，都好好味。
继续阅读
之前间唔中都有食下呢间，一直印象ok，起码叫食得落肚，除咗价钱贵得有啲唔合理之外。今日买4号餐外卖嚟试就拿晒野，以前冇比开食评嘅习惯，所以直接食冇影相，今次系难食到即刻影返张相嚟写差评😄。首先，$88嘅价钱有汤有沙律有两只炸虾嚟讲好食嘅话系可以接受。但呢个鱼生饭，一打开就腥到吓亲人，尤其系只虾，压住嘅饭都有阵腥臭味，臭到冇晒食欲😓。其次，三文鱼切得极不美观，完全冇见过有边间寿司店系咁样切。同埋，条三文鱼上面啲黑边，望落就唔多新鲜。食两啖居然可以咬唔烂😅🙏🏻，唔知摆咗几耐呢？件炸虾系几好食嘅，沙律都唔错，汤件鱼都几滑，不过主食系咁样，点都补救唔到了🫠。总括而言，一试难忘食到想呕，以后唔会再食🤭。
继续阅读
18.07.2021今日幸料理 （屯门翠宁花园）之前试过堂食、派对外卖，都觉得食物质素好高，刺身好新鲜，所以星期六下午想买点外卖回家吃，就想起他们的剌身和沙律。起初打算致电到店舖预订，一直无人听，后来老板特意给我手电号码，说以后可以WhatsApp 预订，方便许多。带子、三文鱼、牛油鱼定食：原来定食本身是左口鱼，但未有货返，所以老板帮我转了牛油鱼；恕小女子孤陋寡闻，真的未吃过；但一试即爱上，肉质很滑、很甜，下次可以再尝。其他带子同三文鱼份量不少，一贯新鲜、鲜甜，食完沙律、刺身已经饱了大半；虽然叫一半饭份量，仍然有余，下次叫1/3好了，避免浪费。差点忘了说，跟定食的汤，竟然有鱼，同白萝白一起煲，同平时只有咸味的面豉汤完全不同，实在意外地鲜味。芒果、蟹柳、蟹籽青瓜沙律： （沙律酱另上）这个沙律有不少青瓜丝，蟹籽很多，加上芒果、蟹柳，无得输，太好吃了，必食。题外话：我叫芒果蟹柳蟹籽青瓜沙律外卖时，老板话刺身定食已经有个细沙律，我答咁细个唔够我食，哈哈！
继续阅读
寻晚朋友生日，叫外卖自取，本来谂住打电话去叫定先，但打咗好耐都无人听～上嚟睇comment先见到个电话系坏嘅～所以放工之后就照去啦～去到老板问我要咩，我话我order好多嘢呀，跟住比咗张纸佢，佢就系到计钱～然后我话呢个电话揾唔到你哋嘅？原本谂住打咗电话嚟叫定先～老板就话电话坏咗，然后比咗个手机号码我，话下次可以whatsapp～咁我又叫寿司又叫炸物、小食同沙律～老板就叫我坐低等阵～等咗15分钟左右，全部食物已经ready~要分2袋拎，个姐姐仲问我拎唔拎到～我话拎到呀～唔该哂！佢就好有礼貌咁话唔驶客气，多谢帮衬～呢度咁多埋单都系400几～超抵食！！炸物好出色！个芝士玉子好好味～寿司都几好，饭比较大旧，鱼生都OK～下次会再帮衬！
继续阅读