從心素食 (東港城)

营业中

休息中

食物質素很好，可以說色香味俱全，一家人食得好開心，就算不是食素的家人也讚，職員服務態度良好，本來想轉枱也盡量滿足要求，上菜也快。推介話梅糖醋排骨、招牌蜜汁叉燒掛包。

有日喺坑口行行吓街 到食飯嘅時間見到間食蛋奶素嘅餐廳突然想入去試吓打埋數製成嘅嘢食入到去都好多客 都有唔少年青人㗎(｡･ω･｡)素嘅餐廳價錢不嬲偏貴 呢間就晚市價錢嘢食味道質素幾好 但係份量就覺得少得滯-越式牛油果芒果紙卷 $58呢個用作前菜一流米紙卷晶瑩剔透 但係一啲都唔易爛口感煙靭彈牙(｡･ω･｡)捲着啲沙律蔬菜 同埋牛油果 配埋芒果醬食落比預期中好味😋呢個值得一試👍🏻-黑松露炒飯 (唔記得價錢(｡ ́︿ ̀｡))雖然一定唔夠茶餐廳啲鑊氣重但係都做到飯粒 粒粒分明 好香黑松露份量正常(⁎⁍̴̛ᴗ⁍̴̛⁎)-胡椒勝瓜猴頭菇煲(唔記得價錢(｡ ́︿ ̀｡))好足料 好多勝瓜 胡椒湯底啱啱好飲落好健康(⁎⁍̴̛ᴗ⁍̴̛⁎)不過作為大食嘅人會覺得份量唔夠(´･ω･`)-芝麻香橙骨 $98用猴頭菇整個肉感出嚟又真係有肉嘅質感(≧▽≦)食落有啲似咕嚕肉 不過完全冇骨！酸酸甜甜 仲有橙做配搭不過份量就唔多-芝麻淮山餅 $88非常之健康 淮山係一種用喺中醫嘅藥材用喺糯米粉混合而成嘅食物芝麻味唔重 有淡淡嘅淮山甜味咬落外脆內軟 炸得來又健康(*≧ω≦)-松茸湯野菌炆伊麵 $88伊麵彈牙 唔硬 入味(⁎⁍̴̛ᴗ⁍̴̛⁎)少許松茸湯嘅

🌻素食下午茶🐱星期日在家執野執到唔知時間，三點鐘先醒起原來未食晏，落街睇睇有咩好食，點知睇到呢間素食店原來有下午茶半價優惠!! 一來呢段時間成日食肉想試下素菜，二來又見到有半價優惠，點會忍到唔入去呢? 叫左幾樣素菜都好正一個係煎素鴨、一個係咕嚕肉、一個係炒麵，最驚喜係個咕嚕肉，其實佢係菇黎架，不過整到真係好似一碟真既咕嚕肉咁，令我最難忘同埋下次黎都要食返。📍 從心素食 (東港城)將軍澳坑口重華路8號東港城2樓263C號舖⚡️為食貓：😻😻😻⚡️氣氛貓：😹😹😹⚡️翻食貓：😸😸😸

用餐時間 （6:19pm dinner）follow@wojengyea/@wo!正嘢 for more food info🐒 支持我哋發掘更多美食 😋知道呢間嘢好多新式素菜，特登搭車嚟食。兩個人叫一個從心一人餐 $118，加多個胡椒大芥菜雲吞煲。花菇仔蟲草花玉竹燉素雞湯燉湯好足料（杞子、花菇、蟲草花、玉竹、素雞）好夠熱，望落去啲湯好清，啖湯好甜，好清新。黑松露薯仔酥卷 🥔 呢個小食好！好！味！黑松露味好香，同薯仔好夾。酥皮做到香，但唔係好油，加上無蛋成分，適合vegan全素者食。🥑加州飯卷伴牛油果吞拿魚軍艦壽司🍣牛油果吞拿魚，好神奇，好似食緊三文魚加吞拿魚壽司咁。加州卷包住牛油果、酸蘿蔔、黃蘿蔔、青瓜🥒仲有芒果🥭！一啖咬落去好似食緊真加州卷咁，好神奇 🧞‍♂️胡椒大芥菜雲吞煲 $98不時不食，冬天食芥菜🥬岩時令，試淡胡椒湯先，胡椒味唔算好重，一大鍋有9-10粒雲吞🥟🥟🥟，大芥菜、雞髀菇、鮮冬菇、蘿蔔絲、白黑胡椒粒，雲吞餡有免治素肉同埋素蝦🦐，成個煲好豐富。甜品西米綠豆沙🫘，陳皮味好重，西米入口即溶，綠豆有咬口，唔係煲到啲豆爛晒化晒溶晒嗰隻。呢間素食店係有驚喜，尤其係日系素菜好吸引，有刺

今日去坑口行一回, 睇下食乜嘢好, 睇指示牌見到有間食素, 不過對東港城唔熟, 佢d舖頭編號唔係太清晰, 亦唔係順號碼排😅都找左一回才找到, 叫左一個一人套餐, 可以揀一個湯一個前菜加一個飯麫或小菜, 揀左海底椰玉竹猴頭菇燉湯, 涼拌舞茸配萵筍, 白汁蟹肉鮮磨菇焗飯, 另外散叫藜麥八寶粥, 蕃茄湯底餃子加上湯菜心, 先來燉湯, 同家人兩份, 湯清甜夠熱👍前菜清淡少少凍幾好食👍, 食啖粥, 入面有菇雪耳銀杏, 清淡的味道💞, 唔會好結, 焗飯也煮好食💓, 白汁不會太多, 令你食落好滯, 菜心正常無乜功夫, 茄湯餃子有d萵筍雲耳粟米猴頭菇, 只餃多餡😋不過茄湯有d假😅有機會可以再去食

{無肉食晚餐 - $500}今次真係冇肉食🤪同屋企人行完街，諗住食齋！就入呢間東港城算係老店嘅餐廳，第一次正價食，窮JJ 平時都係下午茶半價去，呢間下午茶成日都有半價幾抵食！♦️花菇黃耳紅燒豆腐煲好多舊豆腐，而且炆得好好味！黃耳同埋花菇都非常之入味！大人小朋友都係咁食！♦️黑松露黃金賽螃蟹呢個餸係我成晚最鍾意嘅！賽螃蟹蛋白炒得好好！滑得來又好味！♦️田園石板鴨呢個菜式好得意，下面係齋鴨，上面係芋頭蓉，切開一件件咁炸，一啖一舊！又香脆又好味！♦️香椿蛋白鴨崧炒飯雖然入面嗰啲唔係鴨，但真係整得都好似樣！成個飯香噴噴，彷彿好似即係食緊肉炒飯咁！美味程度：😋😋😋😋環境指數：🎇🎇🎇番食機會：🦍🦍🦍📍 #從心素食 (東港城) (將軍澳)將軍澳坑口重華路8號東港城2樓263C號舖

之前食過一次d餸ok，雖然有差評但照約朋友黎食晚餐，點知食到一半仲有幾檯客就開始係旁邊掃地拖檯搬凳好滋擾。已經冇理佢地打算食埋個甜品就走，點知突然兩個侍應走埋黎想郁我地碗碟，話要執野叫我地搬去第二檯食。我話好快食埋唔想搬，結果兩個人居然唔理客人意見想直接推我地檯走？！最後我問佢地服務咁差係咪唔洗加一先停手，仲要係旁邊大聲話我唔合作？？我俾錢黎食野係客人，從未見過餐廳咁趕客既，最後冇道歉仲收茶錢加一$50。大家千萬唔好去俾錢買難受，特別約人時唔想有不愉快經歷時千祈唔好去！！

從心素食，你話你會從心去對待員工，但你啲員工絕對沒有從心去對待客人！請認真考慮下要再度培訓啲咁面目猙獰，工作態度咁有問題既員工！‘你讓一讓我行入去呀，唔好企喺度等！’一個侍應拎住兩袋外賣想行入去reception 位兼收銀位時同我講‘係呀，你唔好企喺度等，要等出去外面等，企喺度阻住都冇用！’果做reception 既面目猙獰既女人同我咁講中秋節晚上食飯訂左枱都要等在所難免，我絕對理解，依家我不滿係職員既態度，你禮貌地請客人不要阻礙你們不能嗎？係都要用以上既語氣講野？外面等入座既客人已經企左成30人喺度，要是你安排得好的話就唔需要我企喺度等，就唔需要你所謂既我阻住你，你忙到不可開交但請你不要用自己既情緒發洩去客人身上，其實你連基本禮貌都沒有！不知所謂！不過我都多謝你令我之後去左第二間餐廳食左餐豐富既晚餐，喺冇訂位既情況之下都有意想不到好既用餐體驗，我絕對相信喺果位無能既女人安排下不能得到！完！

上湯雜菜煲，同平時清湯已經唔同咗，湯面多咗一層油，食剩三條竹笙，吸晒油，唔敢食，嘥晒。裡面嘅松茸，趙趙下有陣嘢生味走出嚟，應該係浸泡咗，未有再煲返熟，但已經吐唔切。招牌金磚豆腐，同平時同餐牌相完全係兩樣，睇今次豆腐外皮，似茶餐廳炆斑腩做法，上邊覆蓋左一大湯殼菇菌醬汁，轉頭已經發脹晒，要解剖豆腐出嚟食，多咗一堆嘢。菜式叫得招牌菜，原本係做得好精緻，恰到好處。星洲炒米，一向做得最出色，好過好多星馬餐廳，但今日唔夠乾身，香料都未炒出味道，米粉口感似湯粉，各自試咗幾啖，剩返大半碟。終於係食到冇哂胃口，兩點起身埋單，原來走剩兩枱，應該大家都已知乜情況，只係我地剛剛知。

每逢下午茶時段，就會排滿人，好熱鬧！因為價錢較抵。入到裏面枱同枱之間較迫，座無虛席。鮑魚刺身伴泰醬米紙卷呢度新式菜茶，好特別，鮑魚刺身凍冰冰，彈牙有口感;米紙卷伴泰醬，米子卷完全冇味，好彩有泰醬配搭，感覺即刻清新哂，酸酸辣辣，好開胃。原條靚竹笙舞茸雞絲翅雞絲翅好夠味，用料好豐富，竹笙好大條，食完好滿足。鮮百合雞油菌浸菜苗菜苗好新鮮，鮮菌彈牙爽口。白松露海鮮炒飯個飯好香松露味，炒飯好炒到好乾身粒粒分明，配埋假海鮮好有口感。蜜汁叉燒陳皮骨呢兩個炸物炸得唔乾身，咬落感覺啖啖肉，配埋嚟蜜汁好惹味。自家即磨腰果露+蓮蓉壽桃壽包不過不失，包質鬆軟。腰果露好香好滑，又唔太甜，推介！

見到滿枱食物，係咪好有罪惡感呢？放心！放心！就算成枱壽司，刺身，肥豬肉，炸豬大腸，你一點罪惡感都沒有，因為全枱食物都是素食！大家無聽錯，是素食！本身我係一隻食肉獸，正所謂無肉不歡！但間中都要注意下健康，食素就係一個不錯的選擇！不過，作為一隻食肉獸，只是見到一些瓜瓜菜菜的素食，難免過不了味蕾！為了可以呃到自己個味蕾，新派素食就幫到手，唔好以為每個餸只是外表似肉食，其實連口感都勁似肉食！主打推薦：和風雜錦壽司拼盤/鮑魚刺身和風雜錦壽司拼盤有三文魚，吞拿魚，魷魚等，而每件壽司及刺身由味道，外貌，質感各方面都好似真嘅壽司，刺身一樣。最特別的地方，素食三文魚，竟然有三文魚的味道，好神奇呀珍菌四寶翅是咁的，隨著近年全球各地越來越多海洋學家、環保團體以及演藝名人發起「拒吃魚翅」的議題後，相信大家對於食用魚翅，已經無再食！原來除了碗仔翅，粉絲扮魚翅之外，素食「翅」都好好味！又可以保育，大家一定不可以錯過！客家梅菜芋頭扣肉梅菜芋頭扣肉絕對是客家文化的代表，但大家聽到扣肉（即係肥豬肉）應該都會退避三尺，見到都唔敢食！唔緊要，素食扣肉，相信可以幫到大家，無咗肥豬肉的油膩感，但仍然保留客家梅菜扣肉的味道，食完

新派素食幾特別前排外母話要食素，我家大大無肉不歡，聽人講呢間唔錯，唯有試下新嘢。鮑魚刺身伴千島田園米紙卷，清新怡人，熱辣辣行到嚟，一食呢個小食，涼快哂。原條靚竹苼蟲草花雞絲翅，好足料，竹生好大，味道適中，不鹹不淡，配合醋食，味道剛好。鮮籚筍雞油菌炒玉帶子，籚筍爽脆，玉帶子爽甜。招牌香橙骨伴酥炸蟹鉗，呢道菜最正，香橙汁酸酸甜甜，好開胃，啖啖肉，又香脆，食唔停口。蠔皇百靈菇黃耳扒西蘭花，呢個好正，d菇好大片，好彈牙，西蘭花爽脆，味道一流。椒鹽鮮准山伴黃金脆鱔，估數到既煮仔，香脆惹味，想一食再食。太極鴛鴦飯，不過不失，醬汁多，唔會滯。菜遠雲吞仔伊麵，湯底清甜 雲吞大隻，伊麵彈牙。

今次朋友行完將軍澳想食下齋菜就搵到依間試試，晚市有精選套餐，有頭盤、湯羮、小菜/粉麵飯，我哋叫左二人餐，頭盤揀左香煎田園餃子：餃子煎得剛好，味道吾錯，湯羮揀左舞茸菇黃耳雞絲翅：湯味幾濃，鷄絲同翅有咬口，飲落口感豐富，主食揀左鳳梨咕嚕魚柳同松子仁牛油果醬炒飯，魚柳酸甜開胃，份量都算多，配菜以三色椒好健康，另外個炒飯食出牛油果醬味道，飯炒得乾身，調味幾好，整體方面環境乾淨，價錢親民，員工服務態度幾好同上菜都快

啲嘢幾好食不過啲服務員十分非常冇禮貌雖然係街坊生意但係服務係唔可以用餐牌價錢來衡量。平時問攞XO醬已經黑口黑面其實有咩唔滿意可以收錢，但係你哋冇咁樣做？換來只係一次一次，又比面色客人睇今次最後食到未見到小強🪳就真係迫我要出post話俾大家聽你哋有咩問題希望你哋正視！唔係見到隻小強🪳先識仆埋嚟（平時叫天不認叫地不聞）問我發生咩事淨係同我哋講聲對唔住呀，我幫你取消佢真係唔好意思啦⋯⋯咁我係咪要同你講聲；多謝你呢？

平日中午時段入座用餐，同朋友食完一直傾到2點半，經理同樓面突然行埋黎，直接收茶兼講「啲野齊晒喇可～～出面埋單。」我同朋友錯愕地對望。杯茶都收埋，惟有執袋走。經理見成功趕客，就轉身走，樓面繼續執枱做下枱客。過程中，經理的說話及語氣唔惡既，直接了當，不過沒丁點客氣、無禮貌。事實上，入座時無講明用餐有限時。食物方面，質素普通。頭盤五香牛肉配豆腐，片豆腐明明有豉油色，但完全無味。炒河粉勁多油。區內無其他素食餐廳，獨巿生意，平日午巿茶巿都滿座。明白有客等要翻枱，但叫人走都要有禮貌、客氣囉～唔該！