他的面

营业中

休息中

個酸辣金湯完全又唔酸又唔辣，跟住個樓面職員同我講話佢哋啲金湯係咁，再問入邊廚房嗰個人，佢就話啲金湯本身係唔酸唔辣。咁佢就唔好寫「酸辣金湯」啦完全顛覆咗我對金湯嘅認知。不知所謂，完全誤導消費者，簡直係掛羊頭賣狗肉！ 本來滿心期待想飲金湯，點知出嚟個結果係咁，真係要寫返個負評表達吓。服務同樣令人失望，得個幾台客，叫左杯野飲，杯檸檬茶等左勁耐個鐘，仲要催先肯上，完全唔理客人感受。食物質素差、服務怠慢，絕對係伏中之伏！

叫左雞絲涼麵 麵質好怪 第一次食 叫左少辣 但一d辣都冇 早知中辣飲品叫左鴨屎檸茶 但原來係隔離鋪沖等左大半個鐘野飲都未黎 野食都食完 杯野都仲未黎朋友叫左牛肉麵 都係麵質怪 同湯底好似怪怪

今日情人節，同另一半貪過癮去咗重慶小麵試吓個麻辣紅燒牛肉麵。咗碗牛肉麵，湯底紅卜卜，飲第一啖已經feel到花椒嘅麻同辣椒嘅香，辣得嚟唔會死鹹。牛肉大大舊，半筋半肉煮到超淋，筷子一夾就散開，吸晒湯汁好入味。麵條揀咗幼身嗰款，掛湯力夠，嗦嗦聲食得好爽。 牛肉麵一上枱，湯底紅得嚟好濃郁，牛肉煮得夠淋，入口即化，麻辣味夠晒勁，食到鼻水都出埋，但又唔會太嗆喉，幾過癮。小酥肉外脆內嫩，咬落去仲有啲肉汁，點埋辣椒粉更加惹味。最後食埋紅糖糍粑，外皮脆脆哋，入面煙韌，紅糖甜度啱啱好，解辣一流。整體嚟講，味道唔錯，價錢都合理，係個幾好嘅情人節選擇！ 。

求其搵間餐廳食午餐，叫左2碗麵，基本上除左麵嘅口感，各樣都ok嘅，可能係我個人問題，2碗麵嘅口感都唔係爽口，係軟好淋，好似公仔麵煮好耐索哂水嘅口感，呢種口感從未食過，如果個麵口感硬返都會再幫襯嘅。

嚟到MegaBox，見到有間新舖。見天氣凍凍哋，想食啲熱湯就坐低幫襯，點知一個字。 伏。叫咗胡椒豬肚雞湯麵同埋麻辣牛肉麵。兩個湯 係有胡椒味同埋麻辣味，但係湯底本身都唔夠濃。 牛𦟌本身冇乜肉味。雞肉都係非常嚡，好似人哋食鹹雞咁樣。我個胡椒豬肚雞湯麵係入面有一件雞胸， 一件雞背脊，另有一個 joint 位，有個雞轉彎, 同埋一隻雞翼尖。我問個侍應，雞轉彎同埋雞翼尖係咪呢度嘅特色。佢有啲支吾以對，跟住話俾我聽師傅可能冇睇清楚就夾咗落去。佢態度其實都算友善，佢話叫師傅俾多兩嚿我。但最後大家見到喺相入面就係多咗另外一嚿雞轉彎同埋另外一個雞鎚嘅joint 位。佢將兩嚿雞遞俾我嘅時候，我同佢講原來呢度嘅特色真係比雞轉彎啲客，師傅係「睇清楚」先夾落去。 佢個樣好尷尷尬尬咁淨係喺度笑冇講任何嘢。伏。無下次。

叫咗金湯抄手同埋豌雜麵金湯似酸菜魚湯味，酸酸辣辣咁，抄手味道不過不失，勝在份量夠，加埋湯一起個味道都幾夾，餡食到係豬肉同埋雲耳，不過唔似平時食開啲抄手係細細粒咁，感覺似雲吞多囉豌雜麵味道都幾正宗，係川菜麵食比較有特色嘅麵，叫咗正常辣都唔會太辣，啲辣唔係死辣，豌豆同肉醬撈埋啲麵一齊食都幾滿足，另外枱面都有提供辣椒油，都幾香口，1碗份量食完都飽肚 。另外仲有試咗個玫瑰荔枝冰粉，推薦大家可以一試，有機會會再試埋個牛肉麵最後原來係免收加一，希望可以keep到！

見到美國過江，但openrice評價好似一般，都覺得要試試佢，點知就真係好一般，好似鬼佬煮中菜咁，唔係幾好食。雞絲涼麵撈完之後勁油，個辣味又唔香，得油味。計時份量還好，但又係冇味，肉質偏硬。麻辣牛肉麵算係味道比較好，碗湯都OK，牛肉都腍，但就係十分普通冇乜特別。炸雞好似食緊一pat炸粉咁，其實唔係好知食緊乜，仲好油。燒椒抄手算係成餐入邊食咗味道最後層次嘅一樣野，都係最好食既一樣。餐牌上有燒椒既都係推介，應該叫燒椒既野會比較好，不過我就未必會再食下次，有緣再試。

係香港人啲錢太易賺再加上鋪租真係太貴依個咁既炸蛋蕃茄麵要$49再加一，承惠$55其實就係一塊淋左既蛋再加上一碗冇蕃茄既蕃茄湯麵，好闊佬咁加左條菜芯比你，收你$55本身諗住蕃茄湯都會有幾粒蕃茄掛，但老闆‘’貼心‘’驚顧客唔中意食蕃茄，所以冇比蕃茄你～最後要加個酥肉過下口癮$39蚊‘’酥‘’肉係唔脆既～仲要我地5個人食唔同既麵，番去都有肚痛既情況，加埋個侍應係我地食食下既途中冇問就收走左我地其中兩個人個碗麵，同埋補左句：唔好意思呀，你知啦要做生意理解下，就拉走左我地一張枱，我地5個人由上菜到食都冇半個鐘就走左lu~唔知仲以為食緊茶記～不過唔緊要，no next time....

見 megabox 有新店，叫埋同事去試新野！我點左個胡椒豬肚雞湯麵，加$9 加配炸蛋，另外再加$10加配埋個甜品…玫瑰荔枝冰粉同事就點左蕃茄炸蛋用手機點餐，無幾耐個炸蛋就好快黎到，仲以為好熱竦竦，點知凍冰冰，應該預先炸定，有人 order就即上。跟住胡椒豬肚雞湯麵黎喇，望下賣相唔係好掂，d雞件望落去黑黑地，食落鞋拾拾，好似用黎煲完湯咁，胡椒味又唔夠，豬肚不過不失！而果個蕃茄炸蛋麵，同事話正常玫瑰荔枝冰粉，叫做好d，但唔夠凍今次體驗真係麻麻地，未必有下次

點左胡椒雞肚麵，雞肉質感如湯渣咁淡所有送菜完全冇入味點左個小穌肉係小朋友岩食同ok前菜拍青瓜都還可以如果以人均$100既價錢黎講我相信應該有其他更加好嘅選擇唔會再有下一次🥲🥲🥲🥲🥲

今日天氣唔係咁穩定，坐公司出到去MegaBox食lunch。見到新開就試吓啦！點咗個酸湯牛肉麵，有三大件好厚嘅牛腱，其中兩件未煮腍好難咬開，湯上面好多油浮面，麵少！ 好難理解喺類似food court咁嘅地方堂食要加一！我因為同事想食魚生丼，所以我選擇外賣，$70埋單！本身賣相唔係咁吸引，所以都冇影相！我相信都唔會再有第二次幫襯！😅

好犀利，呢間嘢，我唔明點解仲會有人排隊食。我叫咗 肥腸麵，小辣，佢係：油還油，湯還湯，麵還麵，菜還菜，肥腸還肥腸，每樣嘢都係自己嘅味道，完全唔會融合埋一齊，究竟佢點做到？另外，跟餐嘅蓮藕都係一樣，蓮藕還蓮藕，辣油還辣油，2樣嘢係毫無關緊係。小酥肉係正常嘅，因為都係就咁炸，再點辣椒面。唯一正常少少係蕃茄炸蛋麵，係入得口嘅。我想像唔到佢點可以收88蚊一個麵加飲品加個小食，真心可以有更好選擇。食咗個麵係因為肚餓，夾硬填飽個肚，但個小食真係不了。