仙人掌餐廳

营业中

休息中

老闆係呢間餐廳既長期食客 每次公司有野慶祝..有人辭職...等等都係食呢間 基本上變左公司既飯堂🙈唔好睇呢間餐廳係工廠大廈入面 以為會無咩食每次lunch時間都勁早坐滿人 得一個鐘時間食飯 有時搶唔到位就要放棄 去食第二間另外 餐廳既野食差唔多樣樣都每日限量發售 太晏去食的話 好多野食都會售韾 尤其係三文魚/豬仔骨呢啲搶手貨個日入座仲有得叫就要即刻叫諗多兩諗比隔離枱叫左就無得食架喇🙈今次就有幸叫到A8 西西里式蜜糖燒豬仔骨 配沙律每個餐都可以揀配飯/意粉/薯菜/沙律今日好想食啲菜 所以就揀左沙律沙律有好多醋 唔會食到底無哂醋主角燒豬仔骨燒到勁香 啲肉好多淋 唔會扯到到甩呀本身舊肉已經有蜜糖香 唔洗再配任何汁都已經好香好夠味一份有五枝骨 食到勁飽 真係難怪呢個咁搶手 成日都勁快比人叫哂 太抵食👍🏻👍🏻

今日2:15入去吃下午茶，但佢哋原來在2:45關門，雖然只有30分鐘，只吃下午茶應該足夠！叫左碗薄牛扒烏冬，薄牛扒唔老，烏冬唔酸好味，只係$35，超抵！另外叫多個什扒意粉，全部吃清，下次有機會再試其他菜式，老闆加油呀！

工廈環境, 入到去, 四面都係牆, 完全沒有一扇窗, 座位略迫, 坐得唔舒服, 須搭枱, 主菜: 2 條骨羊架, 好味, 十成熟(不喜歡半生的), 不過份量唔夠飽,食量大的可選3條骨羊架或跟飯.餐湯: 顏色像燒汁, 味道一般, 有肉粒在入面這價錢在同區還有其他較佳選擇

仙人掌真係唔錯, 之前都係叫D飯呀意粉之類, 呢次唔想食咁飽, 所以叫左沙津餐,賣相非常吸引, 又三文魚又雞扒又生果同埋菜,都好多野食, 1D都唔DRY,至於味道, 三文魚同生果都冇咩好評,只有新唔新鮮,不過個雞扒要讚, 皮薄唔肥唔油, 煎得啱啱好,香口又脆口, 平時因為怕肥所以通常撩走塊皮唔食既,但呢個唔食對唔住自己!份量夠, 食完啱啱好唔會太飽又唔會唔夠, 餐飲點左熱鴛鴦,幾好, 另外仲有即磨咖啡揀, 唔錯!

呢間cafe多國菜式都有❤️個煙三文魚沙律黑松露炒蛋牛角包（$38）唔錯 牛角包🥐好香牛油味 熱辣辣 好鬆脆👍🏻炒蛋有輕微嘅黑松露味 煙三文魚正常 沙律菜係新鮮嘅 但冇沙律醬所以冇味🤔至於個拉麵（$35）係港式版 有大大嫩滑牛扒 味道一定比唔上豚王個d但勝在抵食！個薄牛扒燒汁飯（$55）可轉意粉 配上大大份炒滑蛋 係頹飯嘅昇華版🤤呢間小店用心製作 小編最鍾意老闆個份直率💁🏻‍♀️🔖注意⚠️：3點左右野食都會賣哂-The dishes here are international. The smoked salmon salad, scrambled eggs and croissant ($38) is good. The croissant has a fragrance of butter. It is freshly baked and crunchy👍🏻. The scrambled egg has a slight flavour of truffle. The salad is fresh but it is in lack of sauce. The HK-style rame

葵芳大連排道工廈林立，狗飯處處，周街都係拿渣飯。所以尼間工廈扒房真係尼一頭既五星級餐廳。最鍾意係嗌距個焗豬仔骨，老細一d都唔孤寒，10幾支骨，厚過手指，咬開非常juicy，而且好入味，加埋粗身薯條，真係以為自己去左美國 。咖喱牛配法包都唔錯，咖喱偏creamy，唔辣，條法包脆過薯片，超濃牛油味，點咖喱好過癮。住尼頭真係要黎試下，無介紹錯。但係星期六超多人，要等位，老細親力親為，出品用心。工廈餐廳，夜晚唔開架。

因為向附近返工，所以經常都會幫襯.一個月一兩次走唔甩.即使係食得咁高頻率，但係都好少會失望.而且性價比都極高，週六午餐減10蚊，餐既價錢普遍係50-120左右.而且份量都OK.推介烤豬仔骨，肉汁豐富，非常Juicy.而且厚身，粗略數都有10支骨，而且薯條好新鮮.唔太鹹，當然可以配意粉，但我覺得薯條正d，如果加意粉，會太飽呀.因為排豬骨都幾大份.😂其他扒餐都滿意既，雖然唔係好精緻但一定無花園咁hea囉.咖喱配法包都好正，咖喱唔太辣，發包超香脆，而且唔韌，有牛油果邊有奶油脆脆既感覺.整體來說，幾滿意而且好抵食，出品一d都唔差.老闆就係廚師.所以出品都幾穩定.推薦一試，因為每逢星期六都有好多明顯唔係附近返工既人，一家大細或者朋友聚會.

之前在金龍工業大廈4期13樓已結業，轉換到了同座大廈10樓繼續營業。門外放著提早結帳優惠，平日中午一點前結帳有可以有5元減價優惠。平常餐廳最多人時間一定是食飯時間，平日不訂枱的話，就只能上來碰碰運氣有沒有空枱了。午市時段有午市套餐，價錢大概由四十多至六十多不等，視乎點選類型而定。已經在仙人掌吃過頗多次數，今次點了午市套餐內的雜扒餐。雜扒餐相對感覺上抵食一點，有雞扒、牛扒、豬扒配薯菜。豬扒、雞扒、牛扒均煎得嫰滑，水準確是高於這一大廈餐廳之上。薯條亦炸得較脆口，然而附上一包裝蕃茄醬而非用樽裝的代替。整體而言，食物水準確是不錯。但若然想要一個較寧靜環境進行午膳，這裡的確不是一個好的選擇。餐廳內的格局，即是用平常音量說話，聲音回響也特別的大。午飯時段，坐滿整間餐廳的人說話，會顯得嘈雜非常。