仙踪林 (已結業)

咁食完飯搵個地方傾計..佢地完來你一叫野就比左錢先~ 呆左幾秒自比到反應佢... 叫左2杯野飲~ 都係沙冰黎既.. 我個cookie ok啦~ 不過就好似地方好窄咁~ 大家都你眼望我眼~

同老婆黎過幾次，都係行完貪佢近可以坐低抖抖！ 茉香珍珠奶茶- 茉香奶茶唔會太甜，珍珠煲耐左，但都有少少甜味。芋香珍珠奶茶- 珍珠同上，芋香尚可，只要不要要求太高。朱古力雪香- 朱古力味唔夠濃。 這裡不設加一，如快餐般，落單時收埋錢，周圍會嘈。

諗住快d 食個午餐就去行街, 同朋友仔一人叫一個set. 同樣點了台灣濃味牛肉湯麵, 飲品有三款可以揀(轉其他的加$4) 我們要了蜂蜜綠茶, 珍珠奶茶.牛肉麵湯底好濃味, 好正. 牛肉一點不韌, 入味. 我的蜂蜜綠茶太甜, 珍珠奶茶不夠香, 珍珠一般. 店員有禮貌, 服務不錯.

係cwb臨坐車時去左仙跡岩度買個晚餐回家先, 叫左個肉躁+牛展乾麵+珍珠奶茶($36)個乾麵又真係唔錯如果個肉躁可以俾多多d汁配個乾麵就好d啦...個牛展都夠淋唔錯..旁邊仲有2粒炸薯波波幾特別

今日同朋友F係度食tea我地都叫左chocolate雪香+珍珠每杯野飲可以加$配1樣小食於是加左脆炸豆腐&炸著角仲另外叫多個strawberry厚多士整體上不過不失d員工好老實本來計左$84,我地俾左$100拎錢個陣見佢收左$74以為找多左or收少左$所以同番個staff講跟住佢地check番就confirm番係$74其實佢可以唔講出尼我地亦都唔會知計錯左所以值得一賺^^

此店地方十分迫; 位與位之間又好近令人坐得唔舒服. 同家姐來食tea. 我叫左個三文魚沙律厚多士+香芋珍珠; 家姐就叫左個花生醬多士+青蘋果綠茶. 家姐個多士我就無意見; 可惜我件多士真係十分極之唔多得; 成個多士只係得十粒都唔夠既三文魚粒係面; 其餘就係粟米一大埋絕對唔好味又無咩味道; 杯香芋又唔香d珍珠又硬..絕對無下次..

逛街後來買一杯外賣, 叫了這個未試過的黑鑽珍珠奶茶原來這是一杯普通的珍珠奶茶加上紅豆及一大舊類似龜苓膏物體的啫喱, 喝一口才感到它真的是一杯雜亂無張的飲品, 一口都是紅豆, 珍珠及膏, 完全混在一體, 吃不出味來, 奶茶甜了一點但都尚可接受, 紅豆甜且腍身, 珍珠都算香軟有咬口, 龜苓膏物體就甜又不甜, 硬又不硬, 所有食物混在, 真令人十分失望…

哩間都唔知咩食店，又嘈，又多人食煙，ｄ店員做野慢，收＄＄＄就快手．珍珠奶茶：水汪汪，很淡口．ｄ麵都係一般貸色，完全唔掂！！！

話明係台式茶館測試, 當然要飲幾間啦,第一次就去銅鑼灣地帶飲個轉先呢間都算係出名的煙房,好在今次早去, 無咩人又無咩煙, 如果唔係我一定唔會去, 叫左杯最普通的珍珠奶茶, 可能太多人"走單"的關係, 所以要一早埋單先, 埋單就早, 但係上菜就好慢啦, 等左好耐先有飲品到,好過份呢杯珍珠奶茶個珍珠好少, 奶茶又唔夠濃, 所以就唔係好好飲啦, 加上個環境四圍好嘈, 同埋d人的質素比較低, 坐得好唔舒服, 唔想再去