仨

营业中

休息中

呢間舖頭門面有啲似印度/中東菜，一入去先驚覺係間裝修精緻嘅西餐廳，而且有貓貓散步令感覺更舒適慵懶。週末嘅lunch set (主菜+餐飲)都要 $158 - $198，喺同區算幾貴。有貓貓喺我面前進食，十分可愛。意大利豬面肉卡邦尼 ($158)呢份卡邦尼係正宗用蛋黃同厚實嘅Guanciale整，淨係呢兩點都説明佢係一份值得期待嘅卡邦尼。Guanciale脂肪濃度高，肉味好濃郁；配合多種意式芝士，加上使用扁意粉更掛汁，係我記憶中喺香港食過其中一間最好食嘅卡邦尼意粉，確實係物有所值，而且隻碟都好有氣派，賣相值得加分。凍檸茶用嘅英式紅茶唔會太濁，係合格嘅檸茶。整體而言，雖然喺深水埗區接近$200一餐午餐，屬於高消費餐廳。但卡邦尼實在太出色，而且環境令人好舒服，加上有貓貓睇，令我呢百幾蚊lunch覺得俾得非常抵，以後有機會喺附近都會再光顧

最近在社交媒體上引起了不少食客的關注。這裡的菜單以意粉為主打，特別是豬頸肉意粉和三文魚番茄意粉，吸引了不少饕客來嘗鮮。豬頸肉意粉這道豬頸肉意粉讓人印象深刻。豬頸肉經過低溫慢煮，肉質軟嫩，入口即化。搭配上彈牙的意粉，兩者的口感形成了美妙的對比。醬汁方面，使用了特製的蒜香醬，味道濃郁卻不油膩，讓人一口接一口。整體上，這道菜不僅滿足了味蕾，還帶來了視覺的享受，擺盤精緻，色彩鮮豔。三文魚番茄意粉另一道值得一試的菜是三文魚番茄意粉。新鮮的三文魚片切得恰到好處，搭配上酸甜的番茄醬，形成了清新的口感。番茄醬的味道不過於濃烈，反而讓三文魚的鮮味充分展現。意粉的煮制時間掌握得當，稍微帶有嚼勁，與三文魚的嫩滑形成了絕佳的平衡。檸檬塔和Rose latte的搭配為這頓午餐畫上一個完美的句號！

呢間餐廳入到嚟好溫馨，老闆娘熱情溫柔，養咗兩隻可愛的貓貓～今日晚餐，食咗個蟹肉意粉，首先我想講佢個蟹肉完全唔係罐頭蟹肉，真係一隻蟹肉夾拆出嚟嘅肉，有飛魚子、薄荷葉、少許花！真係好好食～呢個價錢絕對係對得起食物～物有所值～再上一次食過wasabi三文魚意粉～味道真係喺出邊可以話係較難食到～食得出廚師真係有心烹調的

餐廳環境舒適，用餐氣氛愉快，老闆熱情好客，會與客人分享貓經。店內有兩隻可愛的貓咪走動，運氣好的話會與你互動😂😂第一道菜是三文魚扁意粉，魚肉鮮嫩多汁，麵條彈牙，味道層次豐富。第二道是牛小排佐奶油醬汁，肉質柔嫩，醬汁濃郁，口感均衡。配菜薯仔有驚喜。最後是apple crumble cheese cake，cheese cake綿密，味道啱啱好唔會太甜，搭配濃郁焦糖醬，完美收尾。環境優雅，食物美味，值得一訪！😋😋

呢間Cafe個豬肋骨真係好食，聽講係呢度其中一款招牌菜式。個豬肋骨嘅BBQ sauce係幾出色嘅，同其他地方食到嘅BBQ sauce最大嘅分別就係唔會只有煙燻味同埋一味得個鹹字。另外呢個慢煮三文魚都係好出色，首先熟嘅三文魚真係好蝦人煮架，要做到好似呢度咁樣有脆皮，而且魚肉入面仍然鮮嫩，再加埋D肉唔可以Over Cook搞到肉質鞋晒，大廚要將個火喉控制得好好，而且真係要有心機兼唔可以心急先掂，呢度就做到晒上述幾樣要求，果然高手在民間。

雖然呢間餐廳嘅蛋糕款式又多又靚，不過今日無點cake，反而試咗佢個藍青口，做得很出色。呢度嘅藍青口好鮮味，佢個汁亦做得好好味，好彩佢個青口係配埋toast，可以點d汁黎食，如果唔係就浪費晒佢咁好味嘅青口汁。作為一間coffee shop，咁就梗係要試下佢嘅咖啡啦，另外啲friend就叫咗一杯檸檬梳打同埋一杯蜜桃梳打。佢嘅咖啡都幾香，朋友話個拉花都幾靚，不過我覺得最緊要係杯咖啡好味，另外兩杯梳打味道都ok，d水果未唔會好假。

開心果cheese cake賣相靚味道好，呢個cheese cake嘅Textures好軟滑，食到開心果微微嘅香味，最重要係呢件蛋糕個樣真係非常精緻。呢件蛋糕叫做黑金，開頭以為黑鼆鼆就係竹炭，食落去先知其實係芝麻，上面加片金箔令到成件蛋糕嘅賣相加分，芝麻味都幾香。呢個青蘋果蛋糕入面其實係抹茶，中間仲有一啲raspberry 醬，個醬酸酸地令到件蛋糕嘅甜味balance咗。呢件Cotton cheese cake係是日精選，即係可遇不可求，要老闆娘當日有心情整先至有機會食到，蛋糕嘅質地鬆軟，外層少少cream做到恰到好處嘅甜度，值得一試。飲咗兩杯咖啡，一杯係普通嘅Americano，另一杯係orange Espresso，兩杯嘅味道都唔錯，不過杯orange Espresso嘅橙味味，如果橙味再濃啲應該味道更好。

呢碟慢煮豬鞍做得非常好，好大件，件豬鞍都厚身，不過食嘅時候又唔會好鞋好韌，而且比想像之中juicy，外層用類似Parma Ham嗰D火腿，再加豐富芝士包住黎焗，Parma Ham帶出既嗰種鹹香味，再加上豬鞍爽彈嘅質感，係一道味道唔錯嘅菜式。呢道菜都要一段比較長嘅時間，叫嘅時候個waiter已經問咗我地，要等20-30分鐘是否OK，因為呢道菜嘅烹調工序比較複雜，所以要長D時間，不過食過之後就覺得美食係值得等待嘅，配埋紅酒都係一大享受。至於呢個Baby Blue藍青口又係好正，除咗Baby Blue本身嘅鮮嫩之外，佢個汁亦都係好和味，用Toast黎點D汁真係要一滴汁都唔好浪費。

是夜來了一間充滿驚喜的小餐廳，來了個性價比高的Fine Dining。檸檬芝士薄脆比目魚︰想不到魚肉能夠如此嫩滑，可能是用了Slow Cook的方式去烹調。比目魚的外層有薄薄的檸檬芝士薄脆，吃的時間有脆口的外層又有嫩滑的魚肉，令入口時很有層次感。另外我很喜歡此比目魚的汁底有小小辣，使其惹味得來又不會太重口味，達至很平衡的味道。紅菜頭汁燴和牛面頰︰牛面頰的肉質偏向鬆軟，咬下時有一種軟綿綿的感覺，紅菜頭汁酸酸的就是很開胃，很喜歡此餐廳的拌碟配菜，又新鮮又排列得很有美感。

好開心呢間Coffee Shop又可以黎食Dinner，因為深水埗區無乜呢種咁認真的西式晚餐。因為朋友係熟客，所以book位時仲要預訂左招牌菜牛小排真係超好食😋。店長姐姐話牛小排係無餐牌到既，要食就真係睇彩數，唔一定有，好彩我個friend預訂咗。牛小排仲有少少Pink肉，所以食落會嫩一D，佢D拌碟配菜我都好欣賞，好睇又好食，一路食一路感受到大廚的悉心製作。我地仲食左呢碟叫蝦蝦霸霸嘅餸，蝦汁濃郁，而且好新鮮，紅蝦刺身鮮甜，仲加埋魚子醬，一上枱忍唔住哇左一聲，因為擺盤真係好靚。就係鍾意幫襯呢D小店，用心製作，時有驚喜，唔怪得我朋友成日都話要去食。

呢一間Coffee Shop除咗杯咖啡唔錯之外，佢D Cake其實先至係焦點。好似我今日叫咗嘅呢個青蘋果蛋糕。外形真係好似成個青蘋果咁樣，其實入面就係Matcha Mousse，再加D Raspberry。酸酸地吊返個味，令到成件青蘋果蛋糕嘅味變得酸甜適中，口味偏向清爽型，食咗唔會覺得好滯。佢呢度嘅咖啡都唔錯，不過話晒係一間Coffee Shop，所以杯咖啡好飲係應份嘅。呢間餐廳雖然唔係好大間，不過勝在靜靜地幾好坐。

係網上睇見有人大推呢間餐廳既蛋糕，又咁岩有我鍾意既開心果口味，緊係要搵時間嚟試試佢啦☺️揀咗日星期五下晝嚟呢度試lunch，唔知平時繁唔繁忙，不過我哋錯開咗lunch hour，所以一到步就有位。👍嗌咗兩個lunch set，美式咖啡再加兩件蛋糕。是日餐湯係蘑菇湯，我覺得佢個蘑菇湯好好飲，有啲餐廳既蘑菇湯感覺上係好多蘑菇碎，但融入唔到個湯入面，但呢間整得好好。兩款意粉分別係：慢煮三文魚檸檬汁扁意粉明太子蟹肉蟹籽扁意粉一件好厚肉嘅三文魚，外皮再用火槍燒過，幾香脆不過最特別嘅係佢嘅意粉有好香嘅檸檬味，好清新。明太子蟹肉蟹籽意粉幾好食，蟹肉唔腥，不過食到後面都會感覺有少少漏，係呢個時候再食一啖檸檬汁意粉就感覺超fresh。開心果軟心慕絲蛋糕+開心果芝士蛋糕兩款蛋糕食落唔重開心果味，不過都好好食，特別係開心果軟心，入面係朱古力不過唔係好甜，總括黎講我覺得蛋糕比意粉出色😆店舖仲有兩隻可愛既貓貓❤️

無諗過深水埗呢D咁地道嘅地區食得到咁高質素嘅意粉，雖然Set Lunch嘅價錢上喺深水埗區黎講算係比較高，不過食過之後，無論喺材料同食物味道上面都係物超所值嘅，推介比D對食物有要求嘅朋友黎試吓。呢碟係明太子蟹肉蟹籽扁意粉，賣相靚之餘佢D食材都新鮮美味，就以佢D蟹肉為例，食落去食到一梳一梳嘅蟹肉，而唔係外間成日食到嘅科學合成蟹肉。加埋蟹籽喺上面一邊食一邊就會有咬爆蟹籽嘅口感，正。另一款意粉我地揀咗蒜香橄欖油紅蝦扁意粉，大廚所用嘅蝦新鮮，肉質彈牙，另外佢個意粉汁都好香，配埋蒜片同橄欖油食落就好Fresh。飲埋呢度嘅咖啡就係Perfect。

同個friend喺深水埗黃金商場睇完電腦之後佢忽然之間話想飲返杯咖啡，上openrice search附近嘅coffee shop就見到呢一間小店，行過去大概七至八分鐘左右，地點有少少隔涉，不過就係因為咁所以可以靜靜地傾下偈，環境唔錯咖啡都好飲，我哋叫咗一杯Matcha Latte，另一杯就係Flat White，兩杯嘅味道都唔錯，尤其是我杯Flat White，奶同埋咖啡嘅份量都好balance。Matcha Latte Flat White

已經食過無數次 終於忍唔住要為呢間野寫人生第一個食評了！ 我一向都好鍾意發掘hidden gem, 但都有啲怕試新野會好伏，加上而家openrice好多假食評，所以我每次試新野都會有啲猶豫。但事緣幾個月前第一次假日午餐時間（本來想去素年但未開，跟住經過見到呢間小店裝修幾唔錯，又有可愛貓咪，就入左去試左，超驚喜，從此，就不斷回頭入坑了！🤣🤣 不論係甜品定主食，都真心好好味！！今晚第一次試晚餐，好驚艷。好好食。好耐無食過性價比咁高嘅西餐。今晚同老公兩個人試左三個主菜（乳豬、羊腩、青口意粉），再加三件蛋糕（檸檬撻、朱古力撻、New York Cheesecake）🤣🤣 肥死！全部都好好味，大家有機會全部都要試😂😂😂味道就係高級、有層次、有心思、令人有胃口嘅味道，好過好多過港島區中環區甚至某啲酒店收貴一倍嘅西餐（貴野食唔少，明就明，唔明就唔明😂😅）。好欣賞阿廚同Stephanie嘅執著同用心，做飲食就係要有要求。本來想私藏，但實在覺得小店值得更多人認識同支持（佢地本身就係有好多高級餐廳經驗）。加油！！🫶🫶🫶😭