任你點車仔麵 (已結業)

任你點車仔麵位於深水埗，九龍城、灣仔都有分店，店內每幅牆都寫滿香港人訴求。⁣⁣這間車仔麵的食材比較特別和新𩓙，有鮑汁炆花膠、日式叉燒、日式豬軟骨、手打墨魚餅、炆花菇等等。⁣⁣每碗車仔麵份量十足，花膠、日式叉燒都好大塊，湯底可選腩汁或清湯，另有咖哩汁、沙嗲汁、番茄汁、瑞士汁俾你配搭，亦有雲南酸辣、泡椒辣及麻辣可供選擇。⁣⁣價錢便宜，最名貴的花膠、日式叉燒、日式豬軟骨都只係$13份，最平食材都係$8份，麵底$9，如要拉麵或烏冬就只係$11。⁣⁣——————————————————⁣⛳️ 任你點車仔麵 (深水埗)⁣深水埗福華街147號地下⁣⏰星期一至日 09:30-23:00⁣⁣⛳️ 任你點車仔麵 (九龍城)⁣九龍城衙前圍道7號地舖⁣⁣⛳️ 任你點車仔麵 (灣仔)⁣灣仔駱克道139號地舖⁣⏰星期一至日 11:00-00:00⁣

平時食車仔麵，黎黎去去都係丸、牛腩、餃子，無乜新意，但今次特登去深水埗呢間車仔麵，全因佢個炆花膠!! 車仔麵配花膠，真係第一次見，而且價錢唔貴，再加上本人中意餐廳既顏色，一定要去支持下!!炆花膠、鮮蝦卷、牛腩蕃薯粉 $44花膠真係好大塊，成隻手賞咁大塊!! 不過口感較硬身，個人覺得炆得未夠淋同入味，叫做過下口癮。牛腩相比之下炆得入味同淋，肥膏位入口即溶感，而且份量都幾多。鮮蝦卷新鮮炸出黎，蝦肉彈牙又有蝦味一直都中意食蕃薯粉，中意佢Q彈口感，但估唔到呢度既蕃薯粉咁粗，掛汁能力較差，建議轉撈粉比配湯好。鮮蝦卷、咖哩魷魚、蘿蔔韓國粉絲 $38韓國粉絲比蕃薯粉好味，幼身好多，配湯或撈都OK。手打墨魚餅 $32我見好多人都推薦呢個墨魚餅，話必點之選，當然唔執輸點番個啦。熱辣辣新鮮炸出黎，SIZE算大粒，夠厚肉，墨魚滑彈牙，而且仲有墨魚粒添加口感添!

抵食：🌕🌕🌕🌕🌕美味：🌕🌕🌕🌕🌗車仔麵好多地方都有得食 但有質素嘅車仔麵就好少有😢今次喺深水埗竟然搵到一間好高cp值嘅車仔麵 價錢平得來又好食😆🤩我叫咗韓國粉絲（$9）配瑞士汁 個瑞士汁湯底好夠味 韓國粉絲份量都好多 其實我已經叫咗少麵😅-我叫咗三個餸分別係牛腩花膠同埋豬皮🤓佢塊花膠真係超級大塊而且係有兩大塊仲有幾塊細嘅 重點係佢先加$13咋 真係又抵食又養顏😋-牛腩方面（+11）肥瘦適中 而且佢整得好入味 我冇特別數過啲牛腩但係食落去都起碼有五六舊 仲要唔係細細舊個喎🤩-咖喱豬皮方面（+$9）我就唔太喜歡 因為佢啲豬皮偏硬 我自己鍾意食比較淋身嘅 佢啲咖喱辣味都幾出 如果怕辣嘅朋友就要小心選擇啦😖-平時出邊食一個餸都起碼要加$7至$8 而且都係得個幾塊 但係呢度平均大約$10一個餸 仲要每樣餸都好足料 真心好抵食 會再去😍💕

專登來到呢間車仔麵店💛選擇都唔少，我覺得最好味嘅係手打墨魚滑，非常彈牙。雞中翼好入味，但唔會太鹹，骨同肉基本上已經分開曬，唔洗點咬已經退骨。台灣腸都唔錯，出名食嘅好多台灣腸都好難食，佢算係唔錯。個腩汁底都唔錯。另外一碗最有印象係個陳皮魚蛋，估唔到真係食到陳皮嗰陣味，有驚喜。而且佢口感非常彈牙，同出面食嘅好唔同，食得出係有高質嘅。如果問有咩挑剔嘅，就係佢哋用即棄餐具，唔環保。但又會糾結呢排嘅衛生問題。講到尾，最重要嘅係啲錢屬於自己嘅，當然要諗清楚幫襯咩店啦💛無良心嘅餐廳食完都唔安樂啦

其實不嬲都黎開呢間食車仔麵.不下數十次抵食又好食.仲成日都唔洗排隊早前同兩個朋友黎食..遲左一步.見前面3個人入左去唔洗等咁我地要排隊...等!!!寫左張飛仔比我地.....之後 黎左又係3人....店員寫飛比佢地...佢地直接企係門口旁邊之後等左陣 店員跳左我地NO.  叫左遲過我地果3個人入去.我已經即刻行前去..但佢已經放左人入去坐低咁我同店員講.係我地先.比張飛佢睇...佢話張飛寫錯...係人地先我同佢講...我睇住佢地遲過我地黎拎飛...之後我地好嬲咁無食走左...錯仲要唔認.  店員係一個金色頭髮後生仔

點左花膠、豬手、豬紅油麵蔴辣湯底$42，跟麵加飲品，冷熱都係加$7。花膠手掌✋咁大，唔小氣，豬手炆得夠腍，又入味，豬紅沒怪味好咬口，需然係油麵，但唔會成碗湯油淰淰，有花椒香味，不愧為深水埗人龍店。

非常近屋企，深水埗d 出口轉右直行就見到車仔麵款式多樣，俾得起幾多就食幾多有平有貴，豐儉由人老公已經急不及待食他叫了豬大腸，咖哩豬皮，豆卜，木薯粉配蕃茄湯老公自己配得一般，因為咖哩同蕃茄唔多夾木薯粉份量夠，見到透透地，很健康的麵食豆卜無切半，索到不少湯汁豬大腸算多，有大有細好厚身豬皮吸曬咖哩汁，軟身，唔錯我就食貴少少豬大腸，陳皮魚蛋，鮑汁炆花膠油麵配清湯沙嗲汁湯汁很夾，少少辣辣地，油麵長身無碎條條條分明陳皮魚蛋吃得出有陳皮香味，都有一串甘多豬大腸我中意食，我要獨食，跟老公果份差唔多，很厚身有口感，很乾淨無沙粒無異味塊花膠扒都係$13 抵到喊很長很大，可能再入味再炆多陣更好奶茶都唔差，茶香奶滑，無澀味

出名有花膠叫嘅車仔麵🤓 不過我冇叫到😂 最低消費係三個餸～ 每款餸$7-$13，d餸都幾特別，有手打墨魚餅鮮蝦卷等等😗/🍜 金菇蘿蔔大腸薯粉(咖喱汁) $34我朋友叫嘅咖喱汁配薯粉😂 大腸滷得入味，而且份量又多，$34嚟講好抵🤨/🍜咖喱魷魚手打墨魚餅鮮蝦卷薯粉(小酸辣) $44推薦墨魚餅同鮮蝦卷～ 炸得啱啱好，配埋酸辣湯底冇得頂😗 魷魚一般韌咗少少🦑薯粉就一如既往都係咁好食🍠總括嚟講不錯，會返轉頭😙

買電子腦嘢/電話卡都好鍾意去深水埗，夠多選擇又夠平🤣今次去咗深水埗就順便食下附近嘅美食😋哩間任仔點車仔麵鋪面唔算大，點餐嘅餐牌係可以寫完擦走，連連儂牆都係用白板筆寫，唔會嘥紙好環保😉選擇真係好多，湯底/粉麵/辣度/配料全部都係自己揀😳不過幾鍾意佢餐牌嘅餸全部都有圖，啱哂我哩啲懶得睇字嘅人🤣.🐽清湯+烏冬+日式糖心蛋+響鈴+鮮腐皮+紫菜🐽由於真係太肚餓所以叫咗加底，嚟到真係好大碗，食到好飽🐷第一次試哩間就決定要試咗清湯先🤓清湯幾清甜😛食到一半再加辣油仲可以試到第二種口味🌶烏冬嘅口感啱啱好，唔會太淋又唔會太硬🤪平時好少食生蛋，所以幾鍾意佢嘅日式糖心蛋，唔會太流心🥚好少見車仔麵有得叫響鈴所以專登叫嚟試下，響鈴浸一陣就吸晒啲湯嘅味，成啖食落口好正😍鮮腐皮好滑😜紫菜都好吸味👍🏻.總括嚟講覺得幾抵食，加埋底都只係$49，可以食到好飽😻

💛 #黃色經濟圈 之前都係叫外賣食今次終於去到鋪頭食😋呢間都幾好食大家去開要懲罰下佢💛🍴三餸車仔麵($44)今次叫左瑞士汁雞翼、自制水餃同鮑汁炆花膠三款餸😋因為之前叫過花膠覺得好正食過翻尋味所以今次再叫❤️好大塊好厚❤️😋超有質感👍🏻瑞士雞翼好入味又唔會煮過火雞肉好滑👍🏻水餃係韮菜餃~餡料豐富一啲都唔吝嗇😋湯底方面今次叫咗麻辣小辣唔會太辣但好夠香~😋唯一唔係咁鍾意就係佢上枱嘅時候會跟一羹薑蓉~個人就唔係太喜歡下次要記得叫店員唔好落🤣🤦🏻‍♀️📍 任你點車仔麵 (深水埗)深水埗福華街147號地下

個日突然想試新既車仔麵檔 所以上openrice到搵 就搵到附近呢間車仔麵鋪 跟住就黎左呢到食啦～米粉 $9 +鮑汁炆花膠 $13 + 手打墨魚餅 $13 +日式溏心蛋 $11 =$46麵既份量足夠，麵質正常發揮 唔會煮得太淋。而重頭戲係佢啲餸 花膠我就覺得好普通 算係大塊 但我覺得唔入味 覺得咬落似魚唇多啲😂 個墨魚餅都係好普通 溏心蛋一樣係唔夠入味又唔係好流心😔個人覺得啲餸唔係好值呢個價🤦🏻‍♀️幼麵 $9 炆花菇 $13 + 魚肉春卷 $11 =$33呢碗反而個麵份量細啲 可能本身幼麵係一餅餅咁 而米粉係人手就咁拎 所以份量唔太平均。🧐 花菇都算滑身 但仍然都係唔夠入味 係咪呢間走比較健康路線既車仔麵？🤔 咁我都係中意食重口味既車仔麵😂魚肉春卷係正常發揮 唔好抱太大期望都ok既🙈總括， 我會食翻附近較出名啲既個間車仔麵 個間好似岩我口味多啲🤭 不過健康或者想減肥但又想車仔麵既話可以揀呢間 因為總體價錢唔貴🥰

麵底、湯底、餸既款式真係多到可以任你點🙈 選擇困難症既朋友又被迫發作🤦🏻‍♂️🙋🏻‍♂️佢既牆身聽聞係小型連儂牆可以畫畫留言📝佢既位置好易錯過😫望到黃金商場轉向右⤵️留意返❗️每碗最低消費: 1️⃣麵3️⃣餸🍜<車仔麵🍜 (沙嗲汁➕粗麵🍜>沙嗲汁濃得黎唔算太鹹😄👍🏻餸方面今次揀左呢3️⃣樣👇🏻手打墨魚餅🦑都幾大粒❗️夠曬爽口彈牙😋蒜辣雞翼尖🐔滲出輕輕既辣夠曬惹味😌蒜香加上軟腍真係好好「損」🙈魚肉春卷🐟有2️⃣大條仲幾有咬口😆朋友請我試既瑞士雞翼🐔 滷得好入味😳

少咗好多出街食，就黎冇貨🥵🔹蘿白金菇大腸薯粉 $43🔸咖哩魷魚蝦卷墨魚餅薯粉 $44真係任你點到我都唔知嗌咗乜！？咖哩汁配薯粉...薯粉本人係好食嘅，係又粗身又煙韌嘅高質薯粉～大腸滷得夠入味，而且清得乾淨冇多餘肥膏，蘿白清甜，有4舊咁多夠晒抵食！另外個碗蝦卷同墨魚餅都不錯，魷魚一般，睇圖都知以份量取勝。整體都算抵食又係黃，同埋有啲食車仔麵比較少見嘅餸，花膠呀炒蛋呀溏心蛋呀日式叉燒呀等等～餐廳環境都坐得舒服，之前幫襯過都會再有下次。#飲食黃國✄──────────────────✄任你點車仔麵深水埗福華街147號地下

🥢深水埗大滿足丨滷水豬腸車仔飯🥢鐘意食豬腸的朋友注意！ 分享一下呢間的豬腸，呢間車仔麵有三間分店，通常食車仔麵多，真係好少食飯，發現呢到的車仔飯的豬腸又多勁大份又好食，超級滿足🥢兩餸車仔飯 (豬腸豬軟骨，沙嗲汁）$42真係唔係講笑，份量超級多，大大一份，豬腸滷得入味好軟熟無異味，肥瘦適中，送飯真係一流，豬軟骨就味道正常，都好入味，份量足夠肉食者表示滿足🥢三餸車仔麵 (墨魚頭芝士狗糖心蛋河粉）$40一如以往的大碗，河粉滑溜，最推薦食就係自家製墨魚餅，好香墨魚味之餘又夠彈牙🥢豬腸控表示下次來食一定要食豬腸飯，豬腸份量比車仔麵多好多，而其他車仔餸都好好食，份量夠多食得出用心機去整，而且是黃店真係要幫襯多幾次任你點車仔麵 地址: 深水埗福華街147號地下 

呢餐車仔麵食到好滿足，大大碗，食到好飽！我點了一個番薯粉配花膠，豬大腸， 牛腩， 台灣腸😝我見番薯粉都幾特別，所以叫了來試，口感好煙韌，花膠有好大舊，豬大腸都好多，總括來講，分量多夠晒飽又好味！