影片
港铁北角站 A1 出口, 步行约6分钟
继续阅读
电话号码
51322331
付款方式
其他资料
当面支付
以上资料只供参考，请与餐厅确认详情
中午叫咗個set lunch「嫩雞煨麵」加「小籠包」等咗15-20分鐘小籠包裡面啲豬肉全部鮮紅色，未熟！如果無留意就咁吞落肚，分分鐘腸胃炎入廠！另外個嫩雞煨麵雞肉柴，個湯底仲要送贈多隻bb小強🪳令人難以忽視，想扮睇唔到都唔得。成個lunch基本上係唔食得，要掉落垃圾桶。可想而知，佢個廚房有幾污糟。打電話反映比店員知，佢仲話補比我，個湯有小強，再補都係會有小強，不敢恭維，免費請我食都唔會再要，便宜莫貪。無下次！唔會再幫襯。
继续阅读
同老公、阿仔放工一齊喺北角，喺橫街見到呢間小店，原來北角有間川湘菜小店，湖南大廚主理，雖然甚少食湖南菜，所以單點幾樣野試下，見到餐牌都有川菜同上海嘢食，一於炒返幾個小菜試下。呢間餐廳設計特別，店舖外裝配幻景般既燈飾，優雅裝修，湖南傳統同現代風格結合得好有創意，座位舒適。一去到餐廳店員都好友善，感覺他們是家庭式生意，很熱鬧，店舖設有梳化，大細枱都有，可以容納很多人，適合一家大細或喜歡辣的朋友來食，如果唔食得辣可以小辣或走辣。 偉爵爺招牌炒飯$98一遞上枱已經見到碟炒飯炒得好靚，粒粒分明唔油膩，用料有蝦仁、帶子粒，魷魚，口感非常豐富，而且份量勁多，飯食落有口感又夠味，醬汁不會好咸，味道剛好，而且非常香，果然是招牌炒飯！上海粗炒套餐$68又係好食，有豬腩片、蝦、魷魚鬚、小元貝等等。個炒麵口感煙韌，椰菜炒至軟身，豬肉絲軟腍，同埋個汁醬都調得好食，整體香味俱全，食左好多碗，好飽。上海小籠包$35雖然吃晚餐，但都可以叫點心，我們選了小籠包，即叫即蒸熱辣辣，裏面的肉餡還是很juicy的，真係皮薄餡靚，一咬即爆汁，肉味濃郁，不過肉質比較瘦。另外套餐有一個主菜外，還有前菜、蔬菜、飲品。前菜係青瓜，蔬菜係生菜。
继续阅读
嗯，今日就嚟咗呢間食湘菜嘅餐廳會講嘢㗎！試咗佢哋個招牌牙簽牛肉，啲牛肉章到入雲，咬落去又嫩又juicy，孜然味又夠哂kick！乾鍋花菜捧場無得輸，搶味夠晒爽口，微辣涼快令人停唔到口！跟住又嚟個鐵板魷魚鬚，鐵板上嘅魷魚鬚係真正鮮香，口感弾牙超過癮！而家瀏陽蒸缽仔飯，喺屋企附近呢啲簡單嘅食物都要整到有啲水準，佢哋啲飯真係香到出奇，食落有層次，值得一讚！總之啦，呢間餐廳真係有料到爆炸，湘菜粵菜通通有得鬥，我邊食邊嘆為觀止。下次仲想帶埋其他友人嚟試試，有啲小菜坐低傾偈食，正！👌🍚🌶️
继续阅读
北角有間川湘菜小店，可以滿足想食辣同唔辣嘅朋友👍🏼 價錢相宜又大份 性價比高🙌🏼 同朋友晚飯食都讚! 三鮮湯年糕 $78: 有蝦 火腿 年糕 雞肉 蔬菜 冬菇等，湯底清 飲完好暖身😝五香牛𦟌擔擔麵 $50: 擔擔麵有好足料 有大量肉碎，好香花生味!! 五香牛𦟌夠嫩👍🏼京式小籠包 $35: 皮薄一咬即爆汁😋 肉味濃郁 不過肉質比較瘦~香煎鍋貼 $38: 底煎得夠脆 呈金黃色😍 依款肉夠多汁質素不錯!!豉椒鮮魷鬚 $98: 炒得好香口，仲有菜椒豉汁等大少少辣味魷魚鬚夠堅韌爽蛋紅燜牛腩煲 $108: 牛腩嫩滑牛味重 有好多洋蔥 爆香好正😁
继续阅读
係附近油街實現睇完展覽，直行一陣就到呢間私房菜。好少食湖南菜，所以主要點叫左啲湘菜試下。見到餐牌都有川菜同上海嘢食。Rarely have Hunan cuisine so we came here for a midweek dinner after visiting the exhibitions at Oil Street, just a few minutes walk straight and you’ll see the place around the crossing. 店員老闆都友善，不過當晚有旅行團包場有啲嘈，不過老闆都好快手特登拆開細枱執俾我地坐，欣賞。同埋電視位都睇得清楚夠大，星期三賽馬可以慢慢睇。烏蘇啤好似係新疆岀名嘅，前排成日見到賣廣告，今日終於試到！淡麗嘅口味，易入口，清清地，唔會苦，配濃味食物好夾。Here’s to the famous Wusu beer! Light and refreshing, paired very well with the heavy and spicy dishes. 農家一碗香：係炒蛋為主+肉+菜！經典湘菜。非常好食！本身鐘意食蛋，加埋花椒，辣油，豬腩片，青紅辣椒仔，香菜，炒埋一碟，好惹味。“A bowl of incense” is egg stir fried with pork bellies and assorted chillies and veggies, very appetising. 牙籤牛肉，重口味之選，係好濃嘅孜然粉同椒鹽味，牛肉醃得好入味，細細塊串係牙籤上面炸乾，送啤酒岩晒。同行食唔停口，估計佢應該幾鐘意呢味。Cumin beef on skewers: heavy taste and deep fried. A good snack to go with your booze. 蕎麥窩窩頭：好食呀呢個！係個特色蒸饅頭，凹左嘅，放啲炒肉碎榨菜粒入去一齊食。唔辣嘅，幾正。Steamed Hunan buns with minced pork and pickles. This one is not spicy and very tasty. The buns are made of buckwheat, soft yet chewy, and are shaped like a little bowl to carry the minced pork. 招牌炒麵：又係好食！仲要有豬腩片同好多海鮮，有蝦，魷魚鬚，小元貝等等。個炒麵質地幾好，同埋個汁醬都調得好食。食左好多碗，好飽。Signature stir fried noodles with pork belly and assorted seafood. Very fulfilling and yummy: found a lot of shrimps, squid tentacles and mini scallops. 梳化仲要鑽石，幾靚。有收茶位，係壼熱嘅苦蕎茶，好正宗！
继续阅读