傳奇大排檔

营业中

休息中

食咗: 香辣盤魚一條魚, 豉椒鵝腸, 香脆豬手, 一碟炒面, 5支啤酒今日一行四人大約六點鐘去食, 有一個大約六十歲做樓面嘅女人(仲以為係老板娘, 原來唔係), 態度十分十分十分差, 食咁耐比佢鬧咁耐, 期間, 隔離枱唔知乜嘢事, 都比佢鬧。催點菜又鬧你要快啲, 黑口黑面, 盤魚未到, 個女人先將一個長方形gas爐放響枱, 由于坐響街邊很窄, 而且亦是一張小圓枱, 我地四個人唔可以平均地坐, 只能在不影響行人使用下, 兩個兩個黏埋坐一邊, 但佢將個gas爐打橫放響一張小圓枱, 根本唔夠空間食嘢！於是將個爐打直向返行人路, 才至夠空間, 但個女人見倒又鬧, 話點解郁個爐, 我話阻住我地食嘢, 點解唔郁得, 佢發晦氣話唔就手開爐, What's The Facts！之後盤魚到咗, 發現未熟, 終是開返大少少個火, 點知個女人經過, 睇都冇睇問都冇問, 就將個火扭到最細, 就走開, 乜嘢事呀？ 而另一個頭髮稀疏, 大約五十幾嘅男人, 每次送菜, 都係大力掉響枱面, 唔係放響枱, 今日冇跑馬, 但哩個男似輸馬咁, 同電視劇見倒嘅一樣, 我地4個人不約而同講, 真係食倒"香港嘅特式"。食物方面,

新的一年，這一天是我的「大排檔日」。哈哈😆事關今早已去了尖沙咀大排檔食了牛丸和沙嗲牛肉麵。到了晚上，都想貫切大排檔之日，於是到了食飯時間，都坐車到石硤尾找大排檔。我們周圍找，都找不到，最後再問問街坊，同埋突然間聞到酸酸的生炒排骨味！於是乎，便根據街坊指示及香味，尋找「大排檔」。終於找到啦！我們都是點一些簡單菜。1）生炒排骨 -好多洋蔥🧅及大大件青椒🫑，不過，我又覺得太生，雖然爽口，可是再熟一點會較好，但，唯一不好是「菠蘿」。主角排骨，好食😋！不多肥膏！酸味夠，但又不會over, 不錯👍🏻2）鼓油蝦 - 蝦的大細不一，有一些正常size, 但有一些好細隻！我都會接受的🥹。不過廚師有剪晒蝦頭的觸鬚位，所以方便食客進食，沒咁容易整到個口，都算是貼心的。3）鼓油皇炒面 - 都好食，面算乾身，可是我覺得太油膩！如果放少啲油會更好吧。呢間都好有鑊氣，整體都算好食，價錢合理。😃會繼續支持大排檔！

朋友話想食大排檔，之前在深水埗食過一兩間都沒有驚喜，所以我帶佢黎呢間傳奇大排檔一試!先睇一睇份餐牌平時經常會接觸到兩餸飯，大排檔的款式和質素未免會同兩餸飯有比較。細選之下，我們叫了三款小菜，希望會擺脫兩餸飯的感覺。首先點了椒鹽鮮魷，香脆可口之餘鮮魷都夠新鮮，送酒一流。之後點了黑椒牛仔骨煲，但上枱時竟然是碟上...不過我們還是接受了。味道不錯，牛仔骨亦很淋身，很入味。相信如果是煲仔上菜的話味道會更好。最後點了金銀蛋白菜仔去中和一下椒鹽鮮魷的熱氣，不過味道就較為清淡，白菜仔吸收不到鹹蛋的鹹香。總的來說，在買少見少的鐵皮大排檔中用餐，坐街邊食飯都是一種價值與情懷，雖然傳奇並不是我食過最好食的大排檔，但我還是很希望它可以一直營運下去。

原來諗住食強記大排檔，點知無開。最後去左食傳奇…點知…啲野食好似係番熱咁…真心唔掂…椒鹽鮮魷好似放左好耐再加番熱咁…啫啫雞煲…啲雞啲完全無味…好hea椒絲腐乳炒通菜…最後黎左個蒜蓉炒通菜…咁樣都收差不多$300…真係唔係好掂…

多年老友明天就移民，臨飛前當然要食餐勁，大吃大喝，談天說地啦～😃😃！羊腩煲😍😍😍😍😍應該說是「報復式羊腩煲」😂！我們只是叫個「細」煲，但大約有30件左右，而且每件都大件！肉很腍，皮軟滑，夠羊味，湯底好濃羊味和可以添加，生菜新鮮😃👍。炒蜆🥰🥰🥰🥰🥰大碟多蜆肉祝願老友一家移民快樂，身體健康，事事順利，生活愉快😍😍😍！

兩個大人本著讓小朋友嚐嚐大排檔風味，本想石硤尾邨平台找大排檔吃晚飯，剛巧經過附近街上有這間傳奇大排檔，想著味道應該差不了多少，便坐了下來，各種“求其”遭遇亦隨之而來。因人不多，只點了三個餸，分別是豉椒炒蜆、炸大腸和黑椒牛仔骨，除了黑仔骨還算可以，其他兩味令人十分失望。炒蜆有殼無肉，向職員反映，她拿走和師父討論後，竟然說只是蜆肉掉出來了，蜆肉還在碟中，我即時在碟上找蜆肉給她看，結果找到三大粒！職員無話可說下說計我便宜一點，本想堅持更換，不過見她面有難色便算了。另一味炸大腸的處理亦十分“求其”，可看看圖片中的食物質素。