佐敦咖哩屋 (已結業)

之前外賣過烤餅,今晚不知食咩好,想起了烤餅,就去了堂食...不外賣了!叫了個三人套餐:五香雞扒,任選三道菜,二件烤餅,白飯,飲品及餐湯!$229.價錢算OK簡評:五味雞...小辣口感不錯算OK但只得幾"舊"仔,份量很少!;選了咖喱蝦及咖喱羊,羊較好,蝦偏太細隻,炒雜菜算最差的一味,最好的算是烤餅,之後我地仲ORDER左幾件不同味烤餅!整體我個人覺得比不上重慶上的咖喱,因兩道菜,咖喱羊及咖喱蝦,兩種味一樣只是料不同,而我在重慶如果叫四樣菜,佢地可以有四種不同的咖喱,而且味道都比這種的濃及好味道!至於服務也很差....就好似我的小朋友整跌左支叉落地,個侍應在旁邊見倒都吾幫我地更換,要我地開口至換,呢D咪叫做吾識自做自覺囉!地方又太細太迫,下次都係外賣算了!

在廟街附近看似是印度人主理的curry house吸引了我，我order了一份少辣的curry chicken，而我太太order了一份印度雞肉炒飯，因我的太太吃不了太辣的食物，所以只叫了微辣。上菜速度ok，我的咖哩雞也味道不錯，只是份量太少了，只有3件細細的雞肉，但印度薄餅也做得不錯，可是我太太所點微辣的雞肉炒飯卻變成了比我的少辣咖哩雞更辣，我們叫服務生更換時，她們的回應是"大佬，這是咖哩屋呀"，之後我解釋了這微辣比少辣更辣的情況，並強烈要求更換，她們和廚房討論後的回應是"印度雞肉炒飯無微辣的，而且你已吃過了，不可更換"，為什麼服務生在點菜時沒有說清楚？我沒有試吃又如何知道有問題？那吃過不可更換又如何成立"，當然他們也沒有給予我們任何折扣或減價，在此向大家匯報一下，小心像我兩夫婦般受氣

與龍到電影中心睇戲。放映前有個多鐘食飯，我們便過去吳松街搵食。這街充斥各式咖哩店，我全部未試過，亦全部有興趣試，這次先試了黃色招牌的佐敦咖哩屋，吃的是二人餐：　薄脆-夠薄夠脆又不會太咸，是份不討厭的前菜~五香雞肉串燒-雞肉燒得較乾，調味又不夠濃，口感與味道皆一般。咖哩羊肉-羊肉有騷味，我喜歡，但咖哩汁太稀太水，沒有應有的香味與口感，很失望!咖哩牛腩-比上一款咖哩稍好，但還是太水汪汪；雖然牛腩肉質不錯又有牛味，也不能合格。烤餅-軟叭叭沒口感，是我吃過的烤餅中最差的。水準還真與咖哩拍住上!飲品-奶茶與檸茶味道都很正常，沒有怪味，竟然是整餐中比較好的。　雖然今次經歷很麻麻，我仍很有興趣試埋吳松街的阿龍咖哩、專業咖哩王...

在佐敦地頭讀書多年，咖哩還是首選佐敦咖喱屋，縱使在openrice見到評語不及阿龍咖哩，我到這區還是喜歡這一間。吃完麻辣再吃咖喱，和母親二人繼續尋找香辣之旅。叫了一個二人套餐($119)。前菜是薄片加綠色香料醬，水準依舊比外面的咖喱店好。鐵版串燒雞，每人兩件，很香很滑，不辣的但很好吃。咖喱我們選了羊肉和牛脷兩樣，放心地叫中辣，已經夠辣了，剛剛好。羊肉有濃濃的羊味，肉質很腍，汁用來拌飯一流。牛脷是爽爽滑滑的那種，不是我們平時吃炆得很腍的質地，但我覺得很好，媽也喜歡這種質地，很香。跟一個烤餅一個飯。烤餅是我最愛的質地，記得以往讀書的時候有時會特意過來，還一個烤餅吃。到現在我還是最喜歡這一間的烤餅，因為味道，以及情意結。飲品我們加了錢，要了一個甜乳酪(+$11)，一個印度奶茶(+$8)。甜乳酪沒叫我失望，稠稠的和北京的酸奶各有千秋。媽很喜歡印度奶茶，我試了一口，有香料味道，濃濃的，好喝但不是我杯茶。整體來說，就是滿意囉。

好少食咖哩餐, 就算食, 都係港式或日式多, 印度咖哩相對比較辣咖哩牛利, 好食, 但得四件甘大把, 另加一舊薯仔咖哩雞, 都係四件雞一件薯仔咖哩汁叫少辣都已經覺得辣, 香港人未必人人岩食餐湯, 幾好飲(雞湯來的), 但得三兩啖飲品, 汽水烤餅好食, 飯都係得幾啖, 約半碗另加一份薯仔烤餅$19 都好食整體上來講, 除左份量少左D之外, 味道都OK的招呼只係一般, 可能午餐時段好多人, 所以有D應接不下

本來由旺角行去佐敦想食阿龍咖哩..點知去到..已經冇晒牛脷同魷魚..失望之餘都係要食咖哩..試左呢間..外賣點了牛脷、羊同魷魚..飯加餅..一打開碗蓋..點解咁少既??唔通倒瀉左(因為外賣)??但冇喎..而且冇咩香味..味道方面:咖哩唔惹味、冇洋蔥..咖哩牛脷:似牛腩多d..好韌..實實的..味道似牛丸..咖哩羊肉:算最好味..好腍..同牛脷有好大對比..咖哩魷魚($47):得好少..大部分係魷魚鬚..少到都唔係好食得出咩味咁..唔ok..薄餅: 真係唔好食..但相信因為外賣而腍左..雖然服務唔錯..但唔會再食..早知唔食..(照片係未食之前影的..唔係食完才影..真的少得可憐呢..哈哈)

我地三個人叫左兩人餐set dinner，開頭會有小食（menu無寫有的，所以都幾驚喜），係脆餅，個醬汁好印度，幾好味～五香雞都好味！但係之後既咖哩就令人有ｄ失望，味道唔差但係唔似印度正宗咖哩～可能正宗咖哩唔係好多人接受到！另外個薄餅熱哄哄好好味～～隔離檯係鬼佬，佢地好似覺得好好味！價錢合理，不妨一試～但係都係堅尼地城果間印度咖哩最好味！

佢Ｄ咖喱味道變化唔多,記得有一次,３点左右,經過見到佢門口塊牌,寫住２８蚊什菜咖喱,入到去佢話冇ＬＵ..常餐ＬＡ...是鬼旦...到比＄..多謝３８蚊冇野飲...慘.... ＰＳ:呀龍咖喱Ｄ味會多層次Ｄ

平安夜諗住試新嘢, 我同男朋友兩個人行廟街, 見到派傳單好落力, 就去試下. 落單出示傳單有汽水送.叫左個小辣咖哩牛腩同小辣咖哩羊肉,一個跟飯,一個跟薄餅. 餐前有小食送(特式小薄餅另有汁上, 綠色, 食唔出咩味道, 唔知係香草定芥末). 羊肉同牛腩每份有四件, 尺寸比麻雀大小小, 好硬, 汁不太辣但咖哩味道麻麻, 唔香. 我本身鐘意撈汁食飯, 但係薄餅都好好食, 最好趁熱食左薄餅先食飯.

無啦啦尼左呢度食....嘩~~~又幾香WOR....可以叫大辣中辣又或者小辣D肉就可以雞牛羊等等....真係幾好味因為要就番香港人的味道所以加左唔係好多香料....所以更多容易入口個湯係雞湯WOR...就好似怪左少少有D"張"張"地的感覺...唔係咁好40蚊已經有飯有湯有咖哩有送有印度薄餅仲有野飲TIM....真係要尼試一試!!!

上星期下午去完永安shopping. 一出後門見到此店; 看似好地道,而且午飯時候剛過,唔駛等位,便姑且一試.叫了咖哩牛腩(中辣),牛腩得3-4舊,頗un,我呢類唔徙野既人都好想放棄.d咖哩汁都ok. 烤餅新鮮算幾好. 奶茶是印度feel(?)不好肉類,另可選咖哩魚塊或墨魚.都係我媽媽既咖哩出色~~~

我食過好幾次, 覺得都唔錯, 咖哩好好味, 質素算好好~大家不妨試試!

早前經過這裡，見未試過，便入來一試；我們叫了咖喱雞飯和咖喱羊肉烤餅。咖喱雞飯- 咖喱味唔夠香，雞肉又比較韌，要了中辣，但都唔係好辣，味道一般啦！咖喱羊肉烤餅- 羊肉沒有什麼羶味，煮得幾淋，口感幾好，但個咖喱汁就真係好普通；烤餅唔係好脆的那一種，但都烤得幾好食。食物唔算好差，而且價錢唔貴，一試無妨。

聽講印度咖喱可以去濕(0吾知係咪真),佐敦咖喱又咁出名,所以我尋晚特登走去試下,睇下恒河好味Ｄ定佢好味Ｄ,點知佢輸恒河成條街。叫了二人餐,咖喱羊同牛腩,D咖喱無驚喜,好淡好稀,肯定一早煮好晒慶住,(恒河是即叫即煮的，又香又濃) , 叫了大辣,但完全0吾辣,我要加好多鹽落Ｄ咖喱度先至有Ｄ味。跟餐送小食,是脆餅,點綠色醬（我估綠咖喱）,ＯＫ啦, 跟餐叫了凍奶茶,味道似紅豆冰的奶水,無茶味,反而跟餐的燒雞就好好味,但我地一心想食咖喱嘛,我諗如果用佢Ｄ咖喱整咖喱蟹,簡直浪費只蟹！！！

叫左3個dinner set唔貴~全部都係45蚊樓下但咖哩唔掂喎d野食完全唔似印度廚師煮失望細細間餐廳~有電視睇不過有雪花='=奇怪就係....好多外國人光顧@@?是次最好的就是沒有加一小費係香港已經好難得算吧....行多一條街有【松記糖水】食AQA~~~正