影片
电话号码
29944138
54082486
附加资料
營業時間已回復正常，各位請以電話訂坐訂菜，多謝支持！！！🙏🙏
营业时间
今日营业
17:30 - 02:00
星期一至日
17:30 - 02:00
以上资料只供参考，请与餐厅确认详情
見有人食豉汁蒸鱔好吸引，之前都無諗過有得食打來問問confirm下先，沖住個鱔特登來試下，不得了係爽鱔，出面食真係少見，呢個豉汁撈飯係常識啦，上湯大蝦煎面底，仲索汁過米底唔係講笑，我request多葱，request左普通大蝦經濟D，如果想食時令花竹記住同店家講明呀，初頭仲驚係食D雪藏蝦，我問店家話原來海鮮係相熟街市當日入貨，仲有就係個胡椒豬肚蜆湯，鮮到不得了，蜆仲好肉過花甲，不過一定要襯熱食，request重椒，下次問下個可唔可以要嚟打邊爐先，以上都係要預早一日訂定，你想點食你講就得喇，呢間私房菜都好彈性，隱世小店就係親民， 鍾意捐窿捐罅搵食嘅朋友不妨入嚟一試 ，滿足的一餐
继续阅读
每次去親藍地搵朋友夜晚都要過嚟食呢一間私房菜預早打電話可以問吓當日有啲咩食 又或者想食啲咩再早多日打電話去都可以安排今次我哋人都多叫咗好大碟鱔仲有炒辣子雞 豉椒炒蜆 豬腸干鍋 黃金蝦同埋豬手🤤樣樣都好好味仲要好夠鑊氣今晚最出色一定係蒜鱔肉質爽口 煮到啱啱好唔會爛好似韓式燒鰻魚咁彈牙！好入味其次黃金蝦都好好味 又係可以成隻連殼食晒岩晒我呢啲懶人🤣🤣🤣🤣地點雖然遠咗啲但真係好好味👍🏻👍🏻👍🏻👍🏻
继续阅读
🌟撈🐟皮平時粥檔先見到的魚皮，黎度改良左加埋牛柏葉，爽脆度💯，加埋蔥油，麻油，花生😋食落索索聲，魚皮做到爽脆，係要啤好耐水，師傅無偷懶👍🏻仲可揀辣度(小辣已經幾辣）🌟Wasabi 🐽手豬手熱辣辣，豬皮卜卜，入面啖啖肉，加埋個雪到凍冰冰的wasabi醬，一凍一熱，口感好有趣👍🏻黎個餸，啤酒唔小得，送酒一流🍻🌟黑椒鮑魚煲煲仔上，放咗一陣仲係熱辣辣，惹味爽口👍🏻🌟椒鹽瀨尿蝦鑊氣十足，瀬尿蝦新鮮，隻隻有膏，食到舐舐脷😋因為淨係炒香的蒜蓉都可以送到一碗飯探朋友後路過小店，盲舂舂咁入咗去，老闆話我地好彩，因為仲有位，平時係要預約。不過好有驚喜，嘢食好有鑊氣👍🏻👍🏻氣氛好好的街坊小店
继续阅读
可能係世界上最好味既胡椒豬肚鷄，如果鐘意食呢道餸，又未試過佰利既朋友，咁就真係冇食過真正既胡椒豬肚鷄，呢度既師傅用心制作，看似簡單既涼拌-香辣撈魚皮，都可以揀大、中、小辣，加上香蔥、薑絲，相當可口，值得一試
继续阅读
因為探B.B. 關係所以入咗去元朗，跟住朋友推薦下介紹左比我們試一試這個私房菜。如果渣車朋友較為方便，入到去屋苑入口行前便見到其招牌，環境都算乾淨，而且非常簡潔，家庭式經營，但當晚坐近廚房，勁在一邊坐一邊索到和看到傳菜員的美味餸菜，碟碟吸引，再加埋個廚房後穫的火頭充足，明顯夠穫氣！當晩叫左個牛柳粒薯仔勁掂，個豬手都okay ...反而咕嚕肉略為遜色⋯⋯個上湯白菜也好味，筍殻也不錯👍🏻！私房菜價錢非常公道，總好過去到元朗屯門同太多人迫在一起！
继续阅读