佳記餐廳

营业中

休息中

今晚工作完成，行經旺角佳记聞到香噴噴麵包香味🥯，才想起未食晚飯🥣，就消夜晩歺一次過啦，望住歺牌種類繁多，中歺、西歺、扒歺，夜後又不可以食得太飽，唔健康........咁樣🤔決定了，特歺A😃😃$52火腿炒滑蛋，丹麥牛油多士，我最愛丹麥包焗得香脆搽滿牛油🧈（真有点罪惡感）😅😅鮮蕃茄濃湯牛肉通粉: 酸酸甜甜蕃茄湯、牛肉嫩滑，簡單就是最好味😋香滑熱奶茶一杯☕️（決定香港茶餐廳是否成功？一杯沖得好的奶茶不可缺少）

我地最好既同事，每次出街工作，每次都會買下午茶，今次去旺角佳記買叉燒包比我地食呀﹗同事最勁就是返到來公司個叉燒包重熱，叉燒包未食見到已經好想食，叉燒包份量好充足，叉燒全是瘦肉無肥膏，叉燒混合埋醬料味道就好似，我係懷舊樓酒食叉燒包，當然是更加好味啦﹗

老老實實我都冇乜點食過茶餐廳出爐嘅叉燒包！通常都係食菠蘿包㗎嘛🤣🤣今日有人請食下午茶，經過附近有間茶餐廳就買咗個叉燒包嚟食！望落去勁靚仔果皮好似脆脆地咁，又乾身淨係個樣都已經好吸引，以嘅而且呢落手好重手，好大個！！跟住我嗰時唔肚餓，拎到返屋企先食都覺得超級正，仲要冇加熱就咁食☺️☺️好癲呀！嗰啲叉燒係瘦叉燒唔會答肥膏，啲醬油恰當好處！仲食到好多洋蔥絲！$10/1 真係物超所值！而家美心東海堂嗰啲都差唔多㗎啦！但係真心差好遠

非常知肚餓，叫左個新鮮出爐椰撻食$8酥皮鬆脆，熱辣辣，椰絲非常飽滿焗豬扒飯連熱飲$48最愛炒飯底正豬扒夠晒厚，茄汁又多芝士又多非常滿足新鮮出爐面包款式都幾多，價錢又ok喎呢度環境比較嘈，想食過快飯都可以既但如果要向到飲番杯野嘆下，就去番cafe會好啲。店員服務態度都可以，唔會催你嗌野食不過識醒水唔好睇甘耐啦

係朗豪坊行街街，見餓是但係附近搵一間茶記，見到呢間門面光猛既佳記決定坐底。魚蛋河（HKD 40) :老實講，河粉焧身無咬口，只有一陣面粉味，重點係湯底無味，連雞粉/味精味都無，變左啖口。魚蛋一點都不彈， 一食就知係機器整，完全無魚香。咁問店員加辣椒油，辣椒油只得油，但吾夠香同辣。特餐： 豬扒公仔麵🍜+ 多士🍞配火腿蛋：豬扒染色到變橙紅色，食落味道甜甜地，一般，公仔麵🍜又吾係出丁，一般貨。多士望落脆身，多牛油🧈，可惜吾香，吾好食😔。蛋仲要無落牛奶🥛，吾夠滑。見餐牌上大推新鮮出爐麵包🥯，立即要個雞尾包食，夠熱辣辣，餡料味道吾算太甜，甜甜咸咸，吾錯咁，加上芝士都算香，不過面包🥯質感好一般。總結：服務員💁反應慢 拎個辣椒漿都等勁耐食物質素好一般 可唔吾食 甚至同樣價錢 可以有更好質素

一間茶餐廳嘅水準高與低，重點一定係睇吓佢哋小炒鑊氣夠唔夠。所以我決定一試佢哋嘅鐵板肉絲炒麵，坦白講一上枱嘅時候聽到有鐵板傳來的蒸氣聲，已經令人食指大動，呢個細節位真係值得一讚。因為出面大部份做肉絲炒麵嘅都只不過係碟上，呢度用鐵板上效果真係會更理想。面底亦都炸得唔錯，配合肉汁，不期然好快就會將整整一碟食曬。所以單以呢一碟炒麵來計，呢一間店有細心位亦值得推介。但地點位於旺區當然大家要面對嘅，包括姐姐嘅服務態度好一般，地面亦略為污糟，但這是一般港式茶餐廳的通病。如果這些都接受到的話，這間絕對是屬於水準以上的茶餐廳。

香港地 正宗酥皮蛋撻越來越難得， 為了節省成本和時間 一般都會用餅皮蛋撻， 但是這樣的蛋撻缺乏 了傳統的 英式酥脆口感。 Ben爺竟然在旺角無意中找到一家 茶餐廳 難得的是有 專門餅房省卻了運輸署時間增加了新鮮程度， 很值得推介。https://youtu.be/Y2YQ_DNDyEs

以前日日喺旺角朗豪坊返工， 佳記是我午飯必選食店之一， 因為 方便，近， 而且食完之後可以外買一個面包留肚餓時吃今日 又話喺旺角食飯， 不過食了兩日放題， 要抖抖了， 簡簡單單決定喺佳記吃晚飯點了三個餐餐湯羅宋湯 很酸， 質素一般滑蛋蝦仁不錯， 蝦很大隻， 蝦分量 也多 而且爽口， 蛋亦都炒得滑身咕嚕肉 正常， 酸甜汁調味得剛剛好， 送飯一流， 沒有失準。 椒絲腐乳通菜， 沒有放太多油 去炒，我大愛，、 因為近排已肥很少，餐茶凍鴛鴦淡了少少， 咖啡味不濃，今日是閒日人流不算太多， 旺角那麼多茶餐廳， 要站穩腳步真是不易

港式茶餐廳係香港真係愈開愈多，質素當然亦有參差。🍲是日下午來到旺角走走，逛逛朗豪坊再去吃個午餐😎😎經過後街附近既路，遇見一間港式茶餐廳「佳記」，旁邊仲有「佳記麵包店」，相信都應該是同一家公司的。與友人入內後，點了精選午餐- 鮮茄雞扒辣肉腸意粉及番茄牛肉通粉。1. 鮮茄雞扒辣肉腸意粉🥫🍝🍝雞扒即叫即炸，大大塊，炸到香脆肉嫩，而辣肉腸味道特別，感覺更像pizzahut 辣肉腸一片片既口感，值得試試😚😚2. 鮮茄牛肉通粉特餐🍅🍅友人愛吃清淡，呢款通粉都幾適合，湯底未算很濃郁，而且牛肉未有特別調味，反而清清地幾好食🥰🥰佳道茶餐廳絕對是一間值得推薦既港式茶餐廳，希望下一次可試埋鐵板系列😎😎

唔知係咪冬天食量特別驚人 食完中午又肚餓 咁啱經過佳記有麵包賣 即刻就問阿姐邊個麵包熱 想要一個熱嘅麵包 然後阿姐話個個都啱啱出爐無耐 話吞拿魚包都OK 我就信咗阿姐買吞拿魚包 拎到上手同食落口有啲失望 本來諗住食熱騰騰嘅麵包 其實咩麵包都無所謂 因為我淨係想食一個字 就係熱 點解話失望呢 因為拎上手微暖 食落口未至於凍 但係又稱唔上暖 麵包裏面有啲吞拿魚同埋蛋白粒 其實如果係熱嘅話應該會仲好食囉 仲諗住阿姐會介紹一個熱嘅麵包俾我 點知原來都係唔熱嘅 唔通下次想食熱野 都係去飲熱飲算🤷‍♂️

行開朗豪坊附近，就求其入一間食！入到去都唔算太多人，費事諗食乜。。就揀咗晚餐三選一諗左一陣都係叫過蜜椒薯仔雞球食！個侍應有幾細心會確實你叫d乜。。。定係怕落錯單？跟羅宋湯凍奶茶都好快送上嚟，個羅宋湯都算係咁茶餐廳來講都夠味，奶茶就不過不失啦。之後就到個主菜上嚟，見到個樣好似有幾吸引！點知原來識落係有少少黑椒同甜甜地唔知係咪加咗蜜糖，好啱我自己口味！甜得來有少少辣，啲雞又好食好好送飯！！！真係好耐冇喺茶餐廳食到啲叫做好食嘅飯，雖然買單都要$70唔係特別平，但係旺角來講都算係咁啦！所以有時間我都會再嚟食

去到旺角有好多不同的茶餐廳，我就比較喜歡食這間茶餐廳，這裡的特餐夜晚都有得食十分方便，味道都可以，今次約十點多來到，不太多人，可以自己一人坐四人位，最後決定食蕃茄湯牛肉通粉配豬仔包再有一杯飲品，蕃茄湯底味道不錯不過通粉偏淋身而牛肉味就偏淡，幸好吾會太硬身，食落都不錯，份量都多幾飽肚。豬仔包有一個都份量十足，而包面牛油都不少，包溫度微溫，如果再熱啲會更好。飲品叫了熱檸檬茶，茶底不錯而檸檬夠酸好味道。見到桌面的餐牌蛋撻十分漂亮忍吾住又叫一個蛋撻來吃，酥皮口感幾好食，蛋吾夠香，而且仲要凍就扣分不少，如果叮一叮會好味好多。

其實我幾怕去出名茶餐廳，原因一定好多人，多人就會速食速趕你走，今日行家提議去 「佳記」無法喇試試喇！🥢勝瓜海鮮湯飯 $56我的午餐，睇餐牌時不包餐飲覺特有點貴，😂見到實物又另有想法，清清地魚湯底配勝瓜，清甜可口，海鮮雖是雪藏但勝在大隻夾爽彈料足，非常適合我。👍🍴美式雜扒 $85對於大胃食肉獸的朋友，又餐湯又餐飲，這份午餐絕對滿足到他，豬、牛，雞樣樣齊，鐵牌上台自己落汁，嗞嗞熱辣辣香噴噴，見佢非常滋味咁話：抵食！😂餐牌不想食飯可以試下特餐，蕃茄螺絲粉都是我至愛首選，下次試下先。🤗多謝友人行家賜我今日飲食。

次次午餐諗吾到食咩，就會來幫襯呢間餐廳。我地至中意叫特餐，因為夠抵食。特餐有三款(鮮茄濃湯牛肉螺絲粉，櫻花豬扒公仔面同埋五香肉丁公仔面)，不過個人因為小食牛(戒得就戒)🤣，成日只會order櫻花豬扒公仔面。每個特餐都有跟吾同野，櫻花豬扒就跟火腿炒蛋同牛油豬仔包。落左單冇耐，野食已經陸續到。非常快手，可以第一時間食到熱辣辣既食物。先講下牛油豬仔包，因為烘過，外表好脆。餐廳好細心，豬仔包上的牛油一早塗好左，牛油已經滲左落包度，直接可以食得。如果是奶油豬，相信更加加分！火腿炒蛋，火腿有煎過，吾會白烚甘冇味。蛋非常滑，入口即化。因為太滑，比較難係碟筆上來食🤣🤣到主角櫻花豬扒公仔面拉！豬扒因為用左特別的醬料，變左橙色，都有成三塊，吾使慳住食。肉質口感不會太鞋口，都軟熟，味道好特別，吾識形容，係好味既！公仔面硬左小小，要浸耐啲先食。湯都濃味，不過味精重手左，有點咸。整體超滿意呢個餐，加上吾使等位，上菜又快。一諗吾到食乜，我就會再來，哈哈😂

專程開呢個apps 留個言。今日嚟呢度下午茶，炸雞肶沙律餐$40。上枱隻炸雞肶已經係屬於細 size， 頂部仲要明顯唔見咗一大截。我本身唔係嗰啲動不動要投訴要換嘢嘅人，怕會被加料。但隻肶太脆異，於是平和語氣同員工阿姐講，而阿姐嘅反應好燥底，答我話，係咁架啦。朋友聽到都著著哋，要求換過。阿姐收番碟嘢途中一路唸唸有詞一大餐。我心諗，等陣再嚟隻雞肶都唔知食唔食好。轉頭新肶到場，今次呢隻一定唔係頭先嗰隻，因為今次唔係頂部無咗，而係大脾濶嗰邊無咗三份之一，點解我計係三份之一，因為見到三份之一舊大脾骨。唔該哂，無下次。