來多碗車仔麵 (上海街)

营业中

休息中

今日好開心同朋友搵咗一間旺角上海街嘅車仔麵，好有驚喜，我覺得一定要推介俾朋友，呢間餐廳可以話係快靚正，如果趕時間，又想坐低舒舒服服嘅話，就嚟呢一間車仔麵啦，因為呢間車仔麵嘅質素好高，而且價錢經濟實惠，服務態度良好，所以我好推介呢一間啊，首先食物方面，有好多選擇，我特別推介係魷魚，雞翼，冬菇，蘿蔔，仲有我最鍾意食嘅河粉都有得選擇，加埋蔥，仲要叫埋多藍汁，真係好好食呀，蘿蔔好林同埋好甜，而且雞翼好油滷水味，真係好好食呀，而且仲有嘢飲，豆漿汽水檸檬茶奶茶，都有㗎，所以我覺得呢一間餐廳都好豐富，而且份量十足，仲有佢哋嘅車仔麵嘅湯底都昇華了，簡直是人間美食，而且車仔麵係好有香港特色，所以我哋都叫咗一個特製辣醬，辣得來好有層次感，如果鍾意Kolor嘅朋友，一定要泥試❤️❤️❤️

呢間嘢不知所謂，叫完個面俾錢時，佢問我飲咩，我問是否跟餐包？個服務員話係，餐包嘅。我一心諗住咁講，即是餐飲唔使錢。收錢時快快手唔知佢收埋我$9熱檸水錢。做生意一啲都唔公道，講返食物質素個湯底根本就係味精湯底，雖然多送選擇，但食材唔新鮮，食完一啲都唔開心，唔會再有下次。

作為一個車仔麵愛好者，我對車仔麵嘅自由度同口味要求算係幾高。今次就去咗旺角一間叫「來多碗」嘅車仔麵店食個快lunch，見佢有幾間分店，一於試吓佢得唔得。呢度係要自己排隊叫餸，唔係劃紙落單，所以最好搵定個位先。佢D餸都好大路，我就叫咗滷水鮮枝竹同辣味魷魚。見到佢個湯好深色，味道似係滷水汁多過似腩汁。值得一讚嘅係，飲完都無口渴。味道方面，個枝竹好食，又大條。呢個餸推薦，值得一試。但係魷魚就唔得，好硬，好似煮唔熟，亦唔覺有辣味，呢個下次可以唔叫。最後，要留意佢個收費。某D餸要再加$2。

本來今日lunch食杯麵算，但同事又話想叫新野試下，咪join囉，點知中伏，我係喺Dexxxxoo到叫，我都好明白會貴啲，但$12得兩粒韭菜餃，$12得一舊蝦餅係咩玩法，食水深到咁，我叫左秘製辣醬大辣，但辣度係小辣咁款，好冇癮，而個湯底就得個咸字，咁樣就叫秘製，咁樣就$44（唔計運費），做生意真係易，事後眼見佢d食評都唔係差，到底係外賣嘅分別定係因為用左外賣app分別？總括黎講，我就一定冇下次，食杯麵好過

係佐敦做野，經過有間幾平價嘅車仔麵檔，入去醫吓肚先。除了小食，其他車仔麵餸都係$8~$14我點了粗麵， 蘿蔔、豬大腸、魚蛋、 魷魚……個湯底都幾濃味， 蘿蔔吸收湯底，好入味，吃落又夠腍其次係豬大腸，真係好入味。不過咖喱魚蛋同辣魷魚就麻麻地，又唔夠辣。麵底 中規中矩啦

之前喺荃灣已經試過呢間麻辣車仔麵，原來最近旺角都開咗，位置都算就腳。入店內首先去麵檔落單，然後俾錢，店員就會安排你入內坐低，自己碗麵自己拎，全程半自助。記得自己加蔥加辣，辣將有兩種，一種係秘製辣醬，另一種係魔鬼辣醬。店員好細心，會提醒你魔鬼辣醬好辣個喎，小心啲落。本人一向非常嗜辣，平時食譚仔食到小辣，所以畢咗半匙魔鬼麻辣，一食入口，真係有少少被嗆到，嗰種辣係香得來帶點刺激，麻味並唔係一入口就感受到，而係食完之後嘴唇會感覺麻麻痺痺。好正～麵底揀咗米粉，偏淋。配料今次揀咗滷水蛋、通菜、辣魚蛋同埋台灣黑椒腸。辣魚蛋好有懷舊街邊魚蛋嘅風味，都幾彈牙，配合麻辣醬勁夾。通菜份量都唔少；滷水蛋滷水味浸滿整隻蛋，口感有少少硬，同台灣滷蛋有啲似。台灣黑椒腸比較細條，只有2條，但黑椒味濃郁。杯凍檸茶勁大杯，茶味唔算好濃但少甜控制得非常好！埋單$55 四餸一麵連飲品，抵啊！

車仔麵好多地方都有得食。尤其在旺角，真係通街都有。有日去到呢度叫左個豬手貢丸加響聆，味道都幾好。豬手都幾多肉，吾似其他得啲骨頭。要數既都係得舊響聆，幫我浸左入湯度，冇左個咬口。

放飯時間 跟早餐時間太近怎麼樣一於去上海街Shopping一番再找食物買好東西敗過家果然就會有點肚子餓的感覺在遠遠的一方看到車仔麵三隻字就很自然地走過去了進店量體溫然後是直接在爐前方看著點菜哇 🤩 好懷唸呢記得第一次吃車仔麵那時是想當年的高中了被同學帶去附近的一檔小店就是這一種感覺突然間回來學生時期了就除便點了 豬紅 蟹柳 韮菜餃 雞翼奇怪在下怎麼會點雞翼？不管了店小二會問你要不要蔥和辣再把大大碗的麵放在你面前感覺蟹柳味道。。怪怪的而豬紅居然能做到中心爆汁的效果 😍入味的雞翼和夠晒飽滿的餃子麵身會比較硬 有特別需要大概需要跟師傅說一聲整體而言不錯不錯

又係同老公諗都唔知食咩嘅時候問我想食乜嘢我話想食車仔麵，跟住老公話屋企附近有間車仔麵開咗都有一段時間不過就未試過，話帶我去食下然後車仔麵嘅三寶豬皮豬腸魚蛋加埋我最鍾意嘅雞翼然後呢度啲蒽又係任落唔嬲🤣🤣我本身個人都太鍾意食車仔麵所以老公話普通我都覺得幾好食魚蛋唔算彈牙不過都好有咖喱味雞翼都滷得好入味，豬皮都夠爽豬腸就多咗啲脂肪總括嚟講我都覺得好好食🤣不過老公就話普通啦😏食嘢腌尖嘅程度我老公係高啲嘅

買過幾次外賣🥡點解今次先寫食評？🤔原因是今次啲餸份量明顯少咗😳👇圖片的外賣有1.5個幼麵、通菜、4個豆卜、4塊豬皮、4條金錢肚和少量魷魚🦑共五餸，金錢肚和魷魚是特別餸每款+$2，外賣碗+$2，承為$56。知道這間車仔麵有幾間分店，估計可能是Franchise 。先說說食物質素👇1. 麵餅份量足夠2. 魷魚沒有魷魚味，連醬汁味道也沒有3. 豬皮正常，唔會太淋4. 豆卜只是來貨，沒什麼特別5. 金錢肚幾入味，但有啲淋，有啲唔淋🙄以車仔麵來說，不算特別出色，但也不是太差，可惜價錢偏貴，幫襯得幾次都證明食物質素尚可，但如果啲餸份量持續偏少，相信不久嘅將來會拒絕幫襯了。

作為一名健身教練, 車仔麵起碼要食5餸仲有9個字同學生食個快lunch, 醒起附近就有間叫來多碗車仔麵, 由於個門牌太搶眼又易認所以好深印象, 就行過泥食碗麵。同舊式車仔麵鋪一樣一入門口就係麵檔, 係度揀埋野食先行入去坐, 但係裝修就好新既坐位仲有卡位添, 一d都唔迫狹, 食車仔麵黎算係坐得舒服。車仔麵既辣醬辣椒油可以話係靈魂, 依度有兩款自家製:魔鬼辣醬同秘製辣醬, 師傅話魔鬼就中辣, 秘製就少辣。我就揀左中辣, 食落好香但係又唔係話真係勁辣, 中意食辣既人可以加多d一碗台灣腸玻璃魷魚牛柏葉蘿蔔雞翼米粉, 台灣腸又幾特別, 車仔麵檔少有, 蘿蔔甜腍又大舊, 雞翼就正常野啦, 玻璃魷魚爽口好食另外我既雞蛋雞翼蘿蔔牛腩油麵, 雞蛋本身想要溏心蛋既, 不過自己叫錯左, 當食隻蛋補充蛋白質啦其他餸都正常合格啦幾十蚊碗車仔麵黎講乾淨又坐得舒服又夠冷氣, 同埋抽風做得幾好唔會大油煙味, 食個快lunch既好選擇

今日我要由柯士甸站去旺角我見有時間 咪行下 反正對我黎講都係做運動姐人都未行到去旺角就落雨 隔離就係我男朋友 啲個男人啲一刻不停loop住一句’好肚餓’黎到門口 醫醫佢個肚來多碗車仔麵 食野先食野先 望住餐牌 個腦不停計緊加減數 女人麻食物選擇都好多 不停掙扎緊叫幾多個餸後來我先發覺自己傻仔左 原來呢個餐牌上面左上角已經寫晒價錢 叫好餸 就好快有得攞 之後就可以自己攞 自己揀位嫁喇鋪頭唔算細 牆上有畫 我望左好耐 舊香港？？第一碗 一麵三餸:幼麵 咖喱魚蛋 雞翼 蘿蔔 腩汁咖喱魚蛋彈牙 麵又唔會太淋 蘿蔔帶甜又唔會多根不過其實我平常食車仔面都係食一樣樣既餸😂第二碗(男朋友) 一面五餸: 油麵豆卜魷魚鳳爪豬腸咖喱魚蛋豆卜鳳爪好入味 豬腸內乾淨 (我都食左幾啖)總之我都叫多個餸我地另外加辣:魔鬼辣醬/秘製辣醬 可以試試食車仔麵緊係要飲可樂不費吹灰之力 已經全部落晒肚仔 人都慢慢開始多雨都停 係時候出去走走

話說呢一區既車仔麵係好耐之前已經執哂突然間有一間係度開! 價錢唔算貴身為街坊梗係要去試下 一入到去, 都算整齊, 而且食材既選擇係超多又有唔同套餐揀, 真係睇花瞭亂, 上至主食, 下至小食都有 今次揀左既係籮白, 豬紅, , 牛根, 腐竹卷配既係米粉四餸一麵既套餐係43蚊 先講個湯底, 唔係一味既味精湯, 濃濃的腩汁既味道 豬紅份量都幾多下, 有6粒既豬紅, 幾爽口 籮白超大碌, 冇渣!! 而且係勁入味 牛根, 勁淋勁入味, 不錯不錯, 份量都唔少!

呢度既感覺好似返返去舊時既車仔麵店一樣係要排左隊係廚師面前揀餸 可能係新開既關係, 唔洗排隊就食到 呢度既食物選擇超多, 真係要諗好先入去 玻璃魷魚、紅腸、蘿蔔、金錢肚米線叫左腩汁 而辣度就係自己任加的仲有隻超級極辣 如果鐘意食辣既可以去挑戰一下 湯底就咁睇啲色水都知道好濃我加左少少秘製辣汁 幾好食同好惹味呢個辣度岩岩好, 唔好一野係咁加呀 費事紅住個咀走 料方面好足料！ 紅腸好爽口, 有4片 蘿蔔大片兼入味， 魷魚爽口彈牙!! 係真係玻璃魷魚黎 豬大腸好淋好正由於有太多食材可以揀! 下次一定會黎試埋其他

夜晚同妹妹支公食飯，簡簡單單方便快捷 係首選， 於是就揀咗好多區都有嘅來多碗車仔麵，  我哋揀咗旺角果間。 首先門面乾淨企理， 唔會烏哩單刀，  價錢方面夠平民，28蚊就有兩餸，加多餸就加六蚊。 首先叫咗碗素的車仔河。 河粉夠滑溜， 大大碗， 湯底唔會過鹹， 而且 感覺冇落味精。  冬菇厚身大隻炆得淋， 夠入味。 豆卜炸過嚟， 入味好食， 生菜大大份。 另一碗叫咗多啲餸， 辣魷魚， 辣辣地爽口好食， 牛筋炆得淋夠曬骨膠原， 鹵水雞翼夠入味， 大大隻 龍蝦味魚卷， 勁大條， 咬落啖啖肉，好食過魚蛋。 通菜畀得多差唔多每次夾親米線都隔咗一條菜 最後仲叫左碟蘿蔔當係油菜，清甜冇渣又夠淋，好食。 最後不得不提係自家製嘅辣醬， 唔算好啦夠鹹香， 加少少落個碗粉到，味道即刻提升。 簡簡單單就一餐，方便好食， 最緊要唔貴， 唔想煮飯都會再嚟過。