來泰巷

营业中

休息中

見到食評唔錯所以入咗黎試，小店無乜人，環境細細，但坐位都唔窄。order咗3樣嘢，咖喱麵+炒金邊粉+所謂嘅招牌芒果糯米飯，前兩者好睇又好食，但食物偏鹹，送嘅例湯仲鹹，我對MSG有敏感，食完就知出事啦！ 芒果暗淡且未夠熟，所以都硬中帶酸，糯米飯椰汁味都夠香濃多汁。可以用octopus比錢方便

隱世高質泰式小店❤️​門面唔突出，沒有招牌，諗住試一試點知有驚喜🥰​​✨雞肉/豬肉沙嗲串 (各3串)​超級香嘅沙嗲串燒‼️肉質好嫩又易咬😋 個沙嗲醬真係好好味👍👍​​✨咖哩軟殼蟹+薄餅​軟殼蟹份量都唔少，咖哩汁有點辣，不過味道好香口，好creamy👍 唔送飯食改為薄餅都係一個好選擇😍​​✨蝦餅​皮薄脆卜卜熱辣辣大大舊嘅蝦餅十分足料🤗👍​​✨泰式炒通菜​又夠辣又有鑊氣嘅小菜值得一試👍​​臨尾老闆仲送咗甜品我地吃🤤​店內有霓虹燈打卡位 坐得舒服 食得開心🥰​​味道👅👅👅👅​抵食🤑🤑🤑🤑​環璄⭐️⭐️⭐️⭐️​服務👍🏻👍🏻👍🏻👍🏻​番兜🍉🍉🍉🍉​(最高分x5）​

我同朋友訂了泰式到會, 由落單到送貨服務十分好, 一直怕到會食物送貨時會變凍, 收到後食物還暖, 拆開時份量真的有點嚇一跳, 比想像中多, 我Order是8人餐, 我們一行七個大人兩個小朋友, 訂了這個餐再另叫了一份泰式炒金邊粉食物質素高, 串燒🍢同魚餅第一輪已經食晒了🤣鐘意食串燒的記得要Order多點份量, 附上有多無少的漿汁, 撈埋飯食好正, 炒飯炒得乾身, 酸辣鳳爪味道剛剛好, 不會一味偏酸, 值得一讚👍🏻烏頭魚送來的時候用錫紙包好, 打開還熱辣辣大家到會唔想叫西餐, 泰國菜都是不錯的選擇😋8人餐到會套餐包括：1）海南雞（全隻）2）泰式肉碎生菜包3）泰式火車炒飯4）鹽燒烏頭魚（原條）5）泰式炒通菜6）泰式炒芥蘭7）串燒18串8）炸魚餅10件9）酸辣鳳爪***奉送泰式甜品***

土瓜灣搵到一個環境好,舒服坐得好既泰國餐廳!大碗又抵食..忍唔住影相😅!!真係第一次寫食評呀!!!點左個黑船湯粉,仲有清湯送,好開心,成間店坐左好多年輕顧客!!下次會再黎幫襯!!!

土瓜灣屬於舊區，所以大部份餐廳都係茶餐廳、車仔麵較多，想食有質素既泰國菜都要去到9龍城果頭，但尼間又近又平又有質素💕-👅：香葉辣肉碎飯+例湯 $55 尼個反食左無數次依舊係咁出色好食💕💕佢係炒到粒粒分明仲配有紅椒去昇華味道，咩都唔會話太鹹或者太辣，滿足大眾口味👅👅-👅：泰式火車炒飯 $58佢居然有臘腸喺入面，好少見到泰式菜式有臘腸，同埋食得出佢獲氣好足，炒到粒粒分明。-👅： 椰汁西米露 1/$6內有粟米， 唔會話太甜，但椰汁味道唔太突出。

路過眼見店內環境舒適, 打算入內吃個便飯然後上班去,叫了一碟香葉辣肉碎飯, 起初見枱面有張卡寫著 '即叫即整, 請耐心等候約10-20分鐘',  講到咁堅, 咪等下囉, 時光飛逝, 20分鐘已過, 食物還是唔見影, 我以為廚房師傅去左屠場,為我嚴選靚豬製成肉碎, 滿心歡喜期待.點知抬頭一望先發現,樓面同事不停在處理到會食物, 我見唔對路,所以友善同樓面講,可唔可以整左我碟飯先, 趕住番工, 點知樓面女士一句埋黎'你等唔到我可以幫你取消張單架!我地搞緊到會, 唔可以騷擾廚房!'原來係我錯, 我唯有謹此向貴店全體同人道歉.其實做到會外賣做唔切樓面客, 點解唔可以一開始就講清楚? 講清楚我就不用白等了一個溫馨提示, 要入去食野, 記住要睇下廚房佬面色最後, 我飲過幾口超甜凍奶茶(職員聲稱奶茶一早溝好, 冇得tune 甜度), 吃了一肚氣, 就去上班去..... 

上星期五點了 酸辣鳳爪， 炸魚餅， 冬陰功湯， 咖哩軟殼蟹， 火車頭炒飯。 鳳爪根本就係街市買回來即食嗰隻， 完全沒有好嘅酸辣味。 炸魚餅就係超市買20蚊一包， 炸一炸就畀你食。 冬陰功湯有海鮮， 不過竟然冇香茅 ，好似椰奶湯咁。 推介嘅炸軟腳蟹， 都唔知雪咗幾耐， 一啲蟹味同咖哩味都冇。 火車頭炒飯就係茶記嘅濕炒飯。 大家千祈唔好中伏

小店在家附近，經過多次都未幫襯過，看完朋友轉發雜誌介紹後，今日放假專乘去吃午餐。試過咖喱雞麵和泰式濕炒河，前者咖喱汁香微辣不嗆口，後者有煙火味鑊氣夠。價錢合理，員工友善有禮。一定會再幫襯

呢間泰國菜店舖，雖然係一間平民小店，店內座位唔算太多, 沒有卡位, 但有四人座及大圓枱，由於係新開的關係，所以食物種類暫時選擇唔太多，但係食物出品味道唔錯。個人好喜歡食咖喱雞腿麵，面頭有些炸脆了的麵，脆卜卜，好好味，加上咖哩汁口感豐富很有特色。負責人話未來會增加多款食物，已在研製中。佢地服務態度好好，好有禮貌，仲會介紹食物的特色，希望能夠快些研製多啲出品，等我地多啲選擇，今次晚餐整體滿意，下次會再去幫襯，支持一下小店。

本人11/2下午三點左右致電該店、下單半隻海南雞，聲明會在傍晚六時到取，店員回應半隻海南雞$88+盒總數$89，我回應<Ok>再留下聨絡電話.傍晚六時我到店取雞、店舖疑是老闆男仕回覆現時忙於出餐、未有空處理 我的order 、所以我的雞要到七點才有.我聽完之後立即掉頭走、因為唔想再逗留一分鐘，我絕對不是阻人財路、對方留有我的聯絡電話，可以通知一聲、我可以另外想辦法，做生意怎麼可以咁冇誠信當冇事發生.這店不是第一次幫襯、但以後一定唔會有下一次

老爸今晚想吃泰國菜，就上OpenRice 亂找一通。見這間新開業，員工工努力清潔，就試一次。想試咖哩軟殼蟹，但沒有，有點失望，唯有叫其他。 雖然款式不多，但整體而言，每樣食物也很好。四個人點了一隻海南雞（跟兩碗飯），冬蔭公，沙爹串燒，咖哩雞麵，泰式炒芥蘭，芒果糯米飯，咸檸七。 海南雞很滑，冬蔭公味道剛好，而且足料。另外沙爹醬做得很香，泰式炒芥蘭和芒果糯米飯就相對一般。土瓜灣做街坊生意，收費也算合理，大概400元

土瓜環上路不嬲都冇乜泰國菜餐廳 所以依間餐廳一裝修好就俾我地bookmark左一定要試💛 夜晚放工經過就順便去拎左外賣舖頭裝修簡約 店內座位不算太多 店員親切有禮 試業期間有部分菜式未能供應招牌炒金邊粉 $55金邊粉軟硬適中 味道微辣 調味不會過甜 蝦肉彈牙🍤🍤🍤 配料大方 外面份量都有一大盒泰式火車炒飯 $58 送例湯炒飯係豉油底 加入雞肉臘腸菜心粒 口感豐富有層次 炒得夠鑊氣 夠曬惹味 推薦👍🏻咖哩軟殼蟹 $128軟殼蟹份量都足夠 但黃咖哩略嫌有啲太過杰身 感覺係個芡水落得太多 少少失色😿青咖哩鴨腿 $72鴨腿油脂豐富 個皮好香口 咬落啖啖肉 青咖哩入面有長豆同埋茄子 青咖哩唔會過辣 配白飯食得好過癮😋😋😋沙嗲雞肉串燒 6條 $75生菜包 辣肉碎調味得好好 辣得來又唔會辣到食唔到食到人舔舔脷 呢個一定會再encore🥰食物質素幾好 屋企人都覺得冇咩好挑剔 相信之後一定會變成我哋屋企嘅飯堂🤣🤣🤣想知點解良心舖 可以睇佢地ig💛💛💛