侘寂珈琲 (西九文化區)

营业中

休息中

趁聖誕節去西九龍行吓感受吓聖誕氣氛。網上見到有人推介呢間Cafe就諗住去試吓，叫咗杯flat white外賣攞走。點不知竟然得到一個非常之唔愉快嘅經歷。先唔好講杯咖啡嘅質素，一杯外賣咖啡竟然要等成廿幾分鐘，而講緊嘅係其實前面只有一張單。等待途中只係見到侍應拎出啲食物，而無出過一杯飲品。我哋等外賣坐嘅位正好對住個咖啡機，見到完全冇店員去水吧，即係咖啡機嗰邊其實完全冇人幫手沖咖啡。等咗10分鐘嘅時候我有禮貌地問店員，幾時先有杯咖啡。店員答我舖頭裏面有好多張單所以要等待（個問題嚟啦，明明夾埋我哋只有兩張單）。等咗15分鐘先見到有一位店員施施然喺度開始沖咖啡，前面嗰兩位客人我諗大大話話都等咗差唔多30分鐘先拎到杯咖啡。又落單起計25分鐘後，我哋先拎到杯咖啡。我哋打算同店員反映吓，因為前面根本就冇單，而店員亦冇諗住要幫手處理啲飲品，加上一杯外賣咖啡等廿幾30分鐘其實實在唔係太合理。店員嘅態度非常之惡劣，不停口講話係多單所以做唔到，而我哋離開嘅時候佢哋亦都喺我哋背後議論紛紛。咖啡嘅質素其實唔算係好差。但係你拉呢一個花，仲衰過唔拉。搞咁多嘢整色整水，不如打好個奶泡先啦。

見天氣好就去西九海濱長廊搵嘢食純粹見呢間唔太多人排隊就入去食關西大阪燒 $78🇯🇵大阪燒唔係好大餅 大阪燒面頭有燒汁 沙律醬 紫菜同木魚絲🍘咬落都有粉漿味 蛋味就冇正正常常蒲燒鰻魚意大利麵配日本玉子 $148🐟蒲燒鰻魚感覺乾咗少少玉子就未熟哂嘅🥚意大利麵都係啱啱好 不過就唔係幾夾到玉子鯛魚燒叮噹餅小丸子 $58 🎏鯛魚燒就同出面買返嚟自己氣炸冇乜太大分別叮噹餅係奶黃餡 而且都香奶黃 食落去爆漿 而且佢啱啱整好熱熱地 幾好食小丸子比較清新少少 桂花香甜甜地丸子都好煙靭QQ的🍡

西九文化區 咖啡店同朋友行到熱熱地想搵一間咖啡店坐下嘆下冷氣飲啖咖啡傾下計食件cake然後等日落，所以第一次去到依間咖啡店環境空間感都大，座位不少，店舖有提供熟食，意粉Pizza，輕食，甜品，小食炸物等熟成食物選擇較多，反面甜品選擇較少得幾款。咖啡方面，一般的意式咖啡都有，大多是熱飲，只有幾款有凍的選擇，其中對紫薯拿鐵非常有興趣，可惜不敵夏天的炎熱果斷放棄，改選了普通的ice coffee latte（$53），咖啡味道正常發揮，而同行朋友選擇了凍的藍色菠蘿特飲（忘記價錢🥲），其中包含了椰子奶？和菠蘿汁，對我們來說有點甜，不過尚算可以接受。另外，選擇了店內唯一一款蛋糕，熔岩朱古力蛋糕（$88），雲呢拿雪糕配搭心太軟的組合，基本配置，熔岩心太軟未算太溶岩，流心程度一般。

試過晒西九文化區海邊嘅餐廳，唔覺得呢間特別好，都唔覺得佢有咩唔好。食物味道OK好食，但感覺唔夠豐富，唔係唔夠飽。環境對住個海食當然係正啦，室內又夠冷氣，靜靜地啱一個人同情侶。個西京三文魚意粉幾好，不過冇咩特別，賣相都普通咗少少🤏🏻。朱古力就有兩款，揀咗款秘魯嘅，但都係馬達加斯加（即係出面正常嗰啲朱古力）好飲啲⋯⋯餐廳又有同動物慈善機構合作，有啲領養嘢咁，可以自己了解一下。P.S. 清楚寫明毛孩要室外，冇得歎冷氣～

起初侍應話可以買嘢飲take away，之後趁你買完飲完之後就話有狗仔會犯法，趕你走。啲嘢又貴又多冰落單又唔問要熱定凍夾硬收貴啲逼你買凍嘢。不良生意經營手法等天收🙏🏼The staff here initially say it’s ok to order take away and sit outside. Then once you are finished with your drink, they come and ask you to leave because pets at their outdoor space is “illegal”. They don’t ask if you want your coffee hot or cold when you order and default to the more expensive cold option. Also the drinks are overpriced and full of ice. Disgusting business tricks, never coming back again!

今日放假同friend去西九行下，見到呢間cafe幾靚，好多人排隊諗住應該冇伏，諗住買個lunch食下我哋兩個人嗌咗以下幾樣嘢：1.章魚燒🐙好普通，感覺唔似新鮮整出嚟嘅，似係氣炸鍋翻熱就算🥲醬汁柴魚紫菜都唔夠多，搞唔掂😩價錢都唔平2.$78 飯糰🍙& 味增湯$78 3個無陷嘅飯糰🍙，就係普通煎下完全唔值得呢個價錢👋可一不可再唯一OK嘅就係味增湯，味道正常環境： 幾靚cafe，有室內同埋室外餐檯，禮拜六日就好多人要等位小總結： 食物又貴又唔好食，得環境靚，唔值得特登排隊去食🫡🫡不了，比想像中差🤧

今日諗住去西九龍飲一杯抹茶 latte 就揀咗呢一間見佢話好專業咁 仲要話用靚嘅日本抹茶粉 加埋係重點推介之一嘅飲品見佢價錢都唔平，諗住試吓啦 ($78) 應該唔會太差啦點知味道非常普通 仲難飲過啲連鎖嗰啲添奶味重過茶味 🍵仲要其實都好細杯最後飲到底仲附送埋一條都唔識形容嘅殘留物 (我哋估計應該係打抹茶粉時候喺抹茶刷到甩出嚟) 如果飲嘅時候唔小心都吞埋落肚咁貴如果好飲都叫做值得一試 不過普通到咁仲要咁貴就真係唔建議試

侘寂一種日本美學🇯🇵簡約唔華麗、唔完美雜亂嘅層架唔開放嘅疊疊米膠塑刀同不銹鋼叉同時上檯🍴正如店名一樣好多細節都唔華麗、唔完美不過無傷大雅和風輕食選擇都唔少🥟有餃子有冷麵有和風意粉、薄餅🍕飲品有意式有手沖亦有抹茶🍵天氣好嘅日子坐外面☀️吹吹海風🌊有百萬維港景加持感覺愜意🔖 鯛魚燒 + 今川燒 + 小丸子 Set今川燒即係車輪餅小丸子輕炙伴上蜜糖汁口感煙韌🍡鯛魚燒外層香脆細細隻唔會太膩🐟伴碟嘅原味/抹茶忌廉多到可以俾隻鯛魚游水呢🤭🔖 Dirty ☕️有質感嘅杯墊Double layer 玻璃杯令溫度得以保持望住牛奶同咖啡嘅分層慢慢融合形態優雅❣️小店❌Pet Friendly （室內外都唔可以喔）

咁啱 12月24號 去西九行一陣 唔知揀咩食就揀咗依間 入去坐 都唔算多位叫咗 關西大阪燒正常味道 好食嘅 有醬汁麻但有啲細 對於唔太食細食人 兩個人食就啱啱好炸物拼盤炸物 配黑松露醬 好食都算多炸物 都算係咁Espresso Tonic飲落都唔差ok 正常野Matcha Latte佢依個就唔算好重茶味 都香滑嘅好搞笑 係個杯好似茶碗 感覺好似大大碗 （因可能價錢上本身唔平）

近排天氣好差，成日都打風落雨，終於有小小嘅陽光，我決定同朋友去西九龍食一個tea ，relax一下!呢間咖啡店細細，有室內室外嘅座位，我地揀左室外，可以欣賞到藍天同海景，我地叫左兩杯咖啡(一杯Latte,一杯 Flat white) 加一個芝士蛋糕，坐左差唔多一個鐘傾下計，真係好chill,好舒服😃

西九內經常有位的日式cafe, 食物選擇唔多，而且份量偏細，味道係正常既，未算得上好食。餐廳樓底高，空間闊落，算坐得舒服。如果想靜靜地嘆下冷氣，望住海景睇吓書嘅話，都係一個唔錯嘅選擇。

☀️Sunny Monday☀️ 閒日放假諗住去西九海濱行下望下海🌊好多餐廳都無開，見到依間日式咖啡店營業中，環境又幾舒服，就揀左佢。餐廳裝潢係簡單木系設計，入到去好舒服同寧靜，閒日客人唔多，可以靜靜地坐下。望下藍天白雲同海景，真寫意😌見到西京味噌鮭魚意大利麵係推介，即刻來一客先!!意大利麵麵質偏硬，個人比較鐘意淋少少嘅口感，鮭魚味道較濃，搭配意大利麵味道剛好，唔多太淡或太咸👍🏻因為好耐無食過大阪燒，忍唔住叫嚟過下口癮，醬汁同配料都好足，食落好野味，唯一美中不足係粉感較重，麵粉比例多咗。和風餃子就一般，算唔上好好味，皮唔算厚，入邊啲餡就比較咸啲，值得讚嘅係煎得啱啱好，表面有少少金黃香脆。放假可以係咁舒服既環境，望住海食個下午茶，食物唔會太油膩，清清淡淡，都係一種享受🫶🏻🌟

2022年12月尾嘅假期，同長輩去咗去咗西九龍散步，行完之後去咗食少少嘢，我哋叫咗Pizza，炸物拼盤同埋餃子。pizza味道可以接受，芝士份量唔算多，冇乜料⋯，好在係夠熱個餅底都夠薄，味道唔錯。餃子好普通，似係雪藏餃子煎咗咁，真係可以唔試。炸物拼盤有炸蝦，炸雞塊同炸蠔。啱啱炸好，新鮮炸起嘅食物好食。我哋當日星期日去，人多，排咗15分鐘，隔離舖頭西餐廳仲多人，所以冇排，下次可以去試埋西九龍其他餐廳。

原本打算去另一間餐廳, 吃了閉門羹就只好轉移目標。相比之下, 這間餐廳人數相差甚多, 總是有原因的。我們需要到櫃檯點餐, 打算試試咖啡, 怎料餐廳接近8時左右就不再供應咖啡及茶類, 怎麼可以連招牌都停止供應? 待應態度不太耐煩, 最後我放棄點飲品 😒桃山白桃酒 $98朋友說桃味不夠突出, 酒的成份還好, 可能太多冰, 很快就稀釋了味道。明太子意大利麵 $98意大利麵的口感偏硬, 忌廉再少一點會比較好。到底是明太子本身有辣味, 還是額外加了辣粉, 有辣味的明太子很不錯, 增加不同感覺, 值得一讚。煙燻火腿披薩披薩加了芝士和少許蕃茄醬, 酸酸咸咸的。本身點這個是為了嘗煙燻火腿的味道, 可是煙燻味不多, 普通的火腿令披薩變得很普通。棒棒骨豚肉腸很有台灣腸的味道與口感, 相對煙韌, 旁邊醬汁酸酸的, 味道不錯, 但好像跟這個菜不太配搭。整體上食物水準還可以, 不過份量非常少。兩個人吃了差不多$400也沒有飽肚的感覺, 應該是吃西九的環境吧 🥹

《侘寂珈琲》Wabi Sabi Coffee 😋 黎到西九文化區，諗住附近食完lunch, 先去行M+博物館。揀左呢間望向出面個view唔錯的Cafe！🎀關西大阪燒 💰78 > 大阪燒面的木魚絲、海苔份量都足，味道不錯🎀黑松露什菌意大利麵 💰98 > 離遠已聞到 黑松露香味。意大利麵質有靭度，食起黎有咬口！份量多少少會更好。☕️熱紫薯拿鐵 💰68 > 味道偏淡，紫薯味唔係太出，再濃些會更好☕️熱抹茶拿鐡 💰78 > 隻杯好靚，抹茶味香濃，比紫薯拿鐵更好飲