影片
港铁太子站 D 出口, 步行约9分钟
继续阅读
电话号码
92518036
营业时间
今日营业
07:00 - 20:00
星期一至日
07:00 - 20:00
以上资料只供参考，请与餐厅确认详情
食家推介
呢間鋪細細間，雖然唔起眼，但生意都幾爆。放假會約埋同學仔一齊幫襯，比較抵食，價格平民。哥哥同妹妹都中意食手抓餅🫓+腸粉，我中意食牛肉海南粉，海南雞連皮都爽口，好，我地3個大人3個小朋友食滿滿一大桌，埋單3百幾。值得推薦
继续阅读
一心想食石磨腸粉，睇左食評後都滿懷期待叫左兩款腸粉，鮮肉腸，冇乜肉都唔再係重點，係超難食，真係好失望，佢仲差過街邊10蚊腸粉，腸粉皮又厚又鞋又冇味另一雞蛋鮮肉腸仲差，食左兩淡真係冇哂心情再食，點樣先可以整到咁難食到咸骨發菜粥，應該叫咸骨發菜渣粥，發菜小得可憐，但唔緊要啦，我主力想食咸骨啫，但係佢只係普通一舊唔好味而且唔咸既豬肉排囉！到個海南粉，個汁*傑*到鼻涕咁就連個糯米雞裡面隻雞亦都係勁多毛咁樣做生意，過意得去嗎？野食整到咁差，作為廚師有冇尊重過d食物？真係未試過食到咁嬲，個個搵錢都辛苦㗎百7蚊埋單，得杯豆漿正常真係唔好咁冇良心啦，比d咁既野人食
继续阅读
作為一個海南粉打手，我終於搵到香港最正宗嘅海南味道啦😭，見到個賣相聽到啲文昌話就知一定冇嚟錯，食落口仲係嗰個味😭，而且又平又大碗，真係掛死我了。見到咁多人大熱天時排螺絲粉，真係好想同佢地講，不如嚟太子食海南粉啦，好食仲要唔洗排呀😭。✏️海南粉 $42 🍎9.5/10其實真正叫法應該係抱羅粉，可能用海南粉做噱頭會多啲人識掛🤔。哩一間冇用到海南米粉，而係用米線代替，前者較粗身有咬口啲，不過就算改用米線都唔影響佢嘅味道！因為係用牛骨熬製，所以個滷汁係鮮甜中帶酸，好開胃，如果再杰身啲就更好啦，不過依然好掛汁。配料有花生、酸菜同醃過嘅乾牛肉條，所有嘢一齊擺落口真係超滿足，特別係個牛肉條，好入味好juicy，真係其他地方搵唔到的味道，仲要先$40就有一大碗連豆漿，真係想日日都去食😭。✏️正宗海南豬骨湯米粉 $32 🍎8/10因為抱羅粉實在太好食，哩個湯粉即刻被比下去🤫。其實個豬骨清湯都係鮮味十足，有瘦肉、粉腸同豬潤做配料，如果鍾意食辣都可以加佢嘅自製辣椒醬，不過個人認為食海南粉最重要係食個湯同汁嘅鮮甜味，唔會食到成口味精個肚又唔舒服😋。✏️雞蛋鮮肉腸 $22 🍎8/10雖然係標榜石磨腸粉，但腸粉皮唔算好薄，不過都滑身嘅，豬肉同雞蛋嘅份量好多，淋上嘅甜豉油醬汁終於唔係溝水的😂，所以好入味。如果食埋佢嘅粉麵真係會飽到食唔落肚，因為所有嘢食都偏大份，如果胃口較細，都係allin海南撈粉啦🤫。哩個價錢又唔使排隊，真係好推介大家嚟試吓，如果唔啱食咪當食一餐譚仔lunch囉😳，不過餐廳本身好細間，啲枱櫈都預咗坐得唔特別舒服㗎喇，但都算乾淨衛生，唔會摸上手黐luplup，快lunch首選！
继续阅读
一路好中意食腸粉，經過見到有間石磨腸粉，入去試下！佢嘅腸粉正常，口感都滑，不過仲係搵唔到細個食嗰種味道。環境好細，唔好太大期望，如果超鍾意環境好靚又乾淨嘅話呢個地方就唔啱啦，但如果你唔介意簡簡單單試吓食腸粉就得！
继续阅读
對海南粉心思思，上網見到呢一間舖有得食，又係市區，好方便。一入門就聽到熟悉既文昌話，好似返左海南咁。嗌左一碗豬肉海南粉，同雞蛋腸粉，仲有一杯豆漿。海南粉聞落係熟悉既香味，配料都十足，炒花生好夠火候。美中不足既係用左米線（好似係），食到一半有出水，滷汁就溝稀左。如果用返海南粉，應該會100分啦～食得太飽，雞蛋腸就冇咩感覺了😂😂😂😂豆漿幾香口～
继续阅读