保頓冰室

营业中

休息中

今日同朋友去尖沙咀行街，順便搵嘢食，喺亞士厘道附近發現一間好有香港風情的茶餐廳。雖然係一間茶餐廳，佈置也件心思，佈滿了七八十年代的海報，牆身地板，好有懷舊感覺，坐得舒服，唔會太迫。外面還有外賣麵包。美食推介生炸雞髀煎雙蛋飯招牌食物，雞髀大大隻，生炸起嚟又唔會太乾身，還能保持肉汁，醬汁可自由選擇，太陽蛋非常吸引。公司燴意粉公司即係火腿漢堡扒午餐肉，也有太陽蛋，意粉不過不失。夠大碟大滿足。炸魚柳薯條新鮮即炸，薯條超多，波浪紋嗰種，魚柳好新鮮，啖啖肉，不會得脆漿，有驚喜。雪糕菠蘿包招牌甜品，菠蘿包夾住雪糕，菠蘿包溫度控制得唔錯，太熱會把雪糕溶掉，雪糕能夠保持完整，菠蘿包還能保持脆脆外皮和包底，相當唔錯，值得推介。總括來講，價錢親民，有噱頭有誠意，值得推介。

位於亞士厘道「保頓冰室」門面是80年代的茶記裝修，內裏風格一樣，掛滿了經典美食油畫，例如牛奶公司雪糕系列、七喜、可口可樂，彷彿好似坐咗穿梭機回到兒時一樣，環境好正，美食方便有香港人最熟悉的鐵板餐、常餐、碟頭飯、蛋撻、香蕉船等等美食，仲有坊間少有嘅豬油撈飯系列呢度都有得食😋▪️美式雜扒鐵板餐配熱辣辣牛油餐包和味道濃郁的羅宋湯係必須的，套餐仲包埋飯/意/薯菜和飲品，好抵食👍超級豐富食材鐵板上枱，包括原隻雞翼、雞扒、豬扒、煙肉、司華力腸、西蘭花粟米、洋蔥配洋蔥汁，最喜歡就係自行倒上醬汁咋咋聲嗰吓，醬汁繼而彈起，就是食鐵板餐最治癒嘅一個環節🫶▪️椒鹽豬扒煎蛋豬油撈飯呢個豬油撈飯真係超驚喜，最喜歡有香脆豬油渣和香蔥，淋上豬油和甜豉油，再撈埋燶邊流心蛋黃一齊食，簡直係大癲好味，當然椒鹽豬扒亦相當好味，豬扒香口入口軟腍，夠晒入味，推薦一定要食呢個飯▪️牛油蛋撻牛油撻皮好酥脆，蛋撻餡充滿蛋香夠又香滑，相當唔錯😋▪️懷舊香蕉船賣相已經夠懷舊，兩邊放香蕉中間放兩球雲呢拿雪糕，再淋上新鮮忌廉、朱古力醬、朱古力脆脆、彩色脆糖再插上兩塊朱古力威化餅，仲有不可缺少的糖漬車厘子，完全係邪惡嘅懷舊味道🫶

突然心血來潮好想食鐵板餐！🤣於是盲中中經過呢間睇落都幾四正既茶餐廳試試。係好有feel嘅懷舊港式茶餐廳！仲一路播住一啲經典粵語流行曲！🍽鐵板餐招牌牛柳大蝦$168原本諗住食牛扒，見佢有牛柳，其實都好少食鐵板，一於豪一豪食個牛柳🤤😋as classic，可配白飯/意粉/薯菜，可揀黑椒汁/洋蔥汁/蒜蓉汁。配餐湯、牛油餐包、仲有嘢飲。紅湯有驚喜！足料有肉架！有大大舊肉同蔬菜喺入面架！鐵板上菜時，店員好細心！俾定大紙巾，免得醬汁濺到身上。成個鐵板餐有兩大舊牛柳，一大隻蝦。牛柳超級林！大蝦新鮮！意粉都好有heart，預先已有蒜蓉醬，本身個意粉都幾好食呀！唔係就咁白灼架喎！加分👍🥢生炸雞髀雙蛋飯見係呢度推介，亦都可以揀唔同嘅汁，蒜蓉汁/蕃茄汁/咖哩汁 等等嗰兩隻蛋既蛋黃係鮮黃色架！靚蛋！🤩港式茶餐廳既炸雞脾都係無得輸！🍧雪糕菠蘿包$38好特別既港式特色甜品，中間有兩大球雲呢拿雪糕。☕️奶茶、🍹菠蘿冰呢d經典港式飲品，又係不容錯過😋👍

今日去尖沙咀海港城shopping，晚飯決定離開商場出去搵嘢食，第一時間諗到亞士厘道嘅餐廳，經過一間「保頓冰室」懷舊嘅裝修被吸引著，餐廳地面鋪上一格格懷舊嘅瓷磚，一張張透明玻璃面嘅方形木枱，加上牆身貼上懷舊嘅海報，令你有時光倒流嘅感覺，以前嘅回憶返晒嚟，加上高質嘅食物，真係冇得輸。公司燴意粉用上冰室常用嘅材料，例如香腸，餐肉，火腿等等，跟意粉大兜亂，香濃嘅蕃茄醬汁將每一條意粉包着，口感一流，除此之外，意粉在鋪上煎蛋和漢堡扒，用料十足。椒鹽豬扒煎蛋豬油撈飯 出邊好少餐廳可以食到豬油撈飯，所以決定試吓。首先豬扒份量頗多，肉質嫩滑，椒鹽和辣椒嘅味道恰到好處。跟餐還奉上一支秘製醬豉油和一支豬油，芳香撲鼻嘅豬油加埋豉油跟白飯撈勻之後，將平平無奇嘅白飯昇華，令你食唔停口。紅豆冰椰汁和淡奶嘅份量剛好，跟紅豆攪勻之後，能帶出紅豆嘅鮮甜，唔係咁多間餐廳可以調校出咁高嘅水準。

早幾日行開尖沙咀見到間懷舊茶餐廳，入面裝修都好似返咗以前既感覺，連地下既磁磚都係舊式個種😍😍啱哂而家好興既y2k感受青春😂#沙嗲牛肉麵 （$48） - 常餐係茶記必有既野，沙嗲味幾夠，牛肉冇出面既茶記拿到鬆哂，冧得嚟又有牛味😋😋餐包仲可以+$5 轉做菠蘿包，不過我哋為咗食雪糕菠蘿包就冇轉🤪#雪糕菠蘿包 （$38） - 冰火既感覺令人上癮，溫熱既菠蘿包加上脆脆既菠蘿皮，配埋雲呢拿雪糕😋😋兩者好夾甜度啱啱好😍😍#鐵板餐 （牛柳配大蝦 $168） - 有三款汁可以揀，牛柳可以揀5成/7成熟。建議揀5成就夠，鐵板既熱力會再煮熟咗㗎😎上鐵板個時，姐姐好細心叫我哋拎紙巾擋一擋👍🏻👍🏻牛柳既肉味濃郁 冇乜筋位👍🏻 大蝦彈牙仲有少少膏跟餐可以+$8 轉飲特飲 #忌廉溝鮮奶 #紅豆冰 ，好耐冇飲過忌廉溝鮮奶 係細過自己溝先會飲到。佢同樂天個款係唔同㗎，真係細個嗰陣咁😋😋個frd仲話想食炸髀😱😱 #炸髀配薯條 （$48） - 炸髀係粉薄炸得好香脆，薯條有坑紋粗薯😋😋雖然好熱氣但好好食，薯條仲有落少少淮鹽去吊味👍🏻

今日時光倒流20年回到過去 去保頓冰室食香港懷舊美食椒鹽豬排煎蛋豬油撈飯 椒鹽豬扒屬於有汁水嗰種 食落唔會Dry 另外仲有隻太陽蛋畀你攞嚟撈飯食 豬油同飯係分開 咁樣就可以因個人口味而落多落少 飯上面仲有啲炸脆咗嘅豬油渣 撈埋食真係非常邪惡炸雞髀薯條 炸雞髀啖啖肉 外皮香脆內裏仲有肉汁 薯條新鮮炸起 係波浪紋嘅粗薯 夠曬薯味 非常香脆瑞士汁雞翼雞翼非常入味 瑞士汁甜甜地 雞翼炆到好淋 西多士西多士喺香港名物之一 好味嘅西多一定要係花生醬夾喺中間 我哋就當然叫咗個食啦 呢度嘅多士之間有搽花生醬 面頭仲有牛油 再加埋糖漿食 多士嘅鬆香加埋花生醬嘅口感再加埋牛油同糖漿嘅中和 味道非常邪惡呢度有午餐同埋下午茶餐 會包埋嘢飲 都幾抵食 跟餐叫咗幾杯茶餐廳嘅冷熱飲 熱檸蜜 凍檸茶 凍奶茶 正常發揮最重要係呢度裝修非常懷舊 好似置身於舊時嘅香港茶餐廳 連啲侍應嘅穿著打扮都同樣係跟足以前 好似時光倒流一樣

聖誕有喺外國嘅屋企人返嚟香港 我特登帶佢去食下回味香港美食 去咗呢間裝修到好有懷舊香港茶記嘅保頓冰室度食下午茶 叫咗好多唔同嘅香港經典美食沙爹牛肉麵 呢個可以話係香港嘅傳統茶記名物之一 通常食親茶記又想快就會叫菠蘿油香港特產嘅菠蘿包中間再加一片牛油 非常邪惡 餐廳門口有麵包同蛋撻等等既嘢買 如果唔想坐低都可以外賣紅豆冰紅豆同奶嘅比例適中 味道唔錯生炸雞髀煎雙蛋飯 蒜蓉汁 大大隻生炸雞髀啖啖肉 面頭仲有煎香咗嘅太陽蛋 淋埋蒜蓉汁撈飯食 非常之飽同滿足炸雞翼薯條雞翼又係新鮮炸起 佢哋用嘅係全翼 四十幾蚊一個餐裏面有兩隻全翼同大大盤薯條 喺尖沙咀收呢個價位算係性價比唔錯

好耐冇去冰室食野，今次系尖沙咀搵到一間懷舊風冰室，比平時冰室吾同，有多款特色小食。✿ 瑞士汁雞翼 $35 瑞士雞翼真系經典菜式，瑞士汁使得雞翼好入味，雞肉肉質嫩滑🐔✿ XO醬牛柳粒豬油撈飯 $98豬油撈飯好邪惡😈XO醬牛柳粒牛肉味香濃，每一口亦食到XO醬夠惹味🔥豬油撈飯超邪惡，啖啖都系油香😆✿ 生炸雞髀煎雙蛋飯 $63系呢度招牌菜，生炸雞髀皮脆肉嫩🍗煎雙蛋篤穿蛋黃，撈勻白飯嚟食好滋味🍳✿ 雪糕菠蘿包 $38將雲呢拿雪糕同港式菠蘿包融合，港式菠蘿包「菠蘿皮」香脆，雲呢拿雪糕🍦同菠蘿包一齊食起到好有趣嘅化學作用💛🤍✿ 華田脆脆西多士 $34西多士就食得多，有冇試過連埋華田脆脆一齊食？華田脆脆香甜🤎西多士經過油炸後金黃酥脆，裏面有花生餡🥜朋友都表示美味😋

位於亞士厘道超抵食茶餐廳，入面裝修懷舊，播放80年代流行歌曲。好正椒鹽豬扒煎蛋豬油撈飯-豬油同豉油分開上按自己喜愛添加，加入後飯粒充滿豬油香氣，令人回味生炸雞髀煎雙蛋飯-果然招牌菜，炸髀外皮香脆，配黑椒汁非常惹味，仲有2隻半生熟蛋簡直一流朋友見我食完炸髀勁讚後即點份炸雞翼薯條-全翼炸至金黃香脆，骨位都好好味，粗薯條簡直一流，加茄汁，記得熱熱食。懷舊香蕉船-出賣年齡系列，香蕉加2球雲尼拿雪糕，融合口感，非常懷念。整體不錯，地方又乾淨。值得一試

呢間位於尖沙咀亞士厘道嘅港式冰室，設計充滿懷舊風，無論室外室內都仿照70-80年代嘅香港冰室造型；仲會播放住七八十年代最經典嘅懷舊金曲！食物設計都盡顯心思：最特別係呢個🍦雪糕菠蘿包- 兩個大大嘅雲尼拿雪糕球，再配上菠蘿包真係一絕，未食已經流曬口水🍗炸雞脾雙蛋飯- 雞髀脆口肉質仲keep好juicy，加埋雙蛋，真係份量十足🥩招牌黑椒叉燒燴意粉- 黑椒汁好濃郁，仲有肥瘦適中嘅叉燒，配散會意粉，係完全有港式風味🥛玻璃樽裝維記鮮牛奶- 我最鍾意就係玻璃樽嘅牛奶，咁落特別有牛奶味，奶味道濃郁，絕對系茶餐廳嘅經典之作👍

今日去到一間尖沙咀好傳統裝修嘅冰室保頓冰室食下午茶，首先當然要食吓新鮮出爐嘅脆皮牛油蛋撻，店員介紹單叫比下午茶餐抵食，係新鮮出爐，餅底脆口，蛋味濃郁嘅蛋撻。生炸雞髀配沙律🥗，其實可以叫薯條嘅，不過突然間想食吓沙律中和下啲熱氣，炸雞髀炸得剛剛好，唔會太油個皮都好脆口，又夠晒大隻。 保頓豬扒包豬扒大塊，仲有好大塊芝士，包皮都好脆，下午茶加$3飲品可以轉凍飲，要左凍杏仁霜都好大杯。雪糕菠蘿包，有兩個雪糕球，雪糕球甜度適中，配埋個菠蘿包一口咬落去又有菠蘿包又有雪糕咁食先至正！瑞士汁雞翼，一碟有兩隻雞全翼，夠晒入味。法蘭西多士，一睇就知道係好傳統嘅西多士，西多士入面有滿滿嘅花生醬，仲要用好傳統嘅糖漿樽裝住啲糖漿，夠晒懷舊。

今年5月中尖沙咀亞士厘道開了一間懷舊復古的港式冰室，室外室內都仿照70-80年代的香港冰室造型，售賣傳統冰室食物×新派改良菜式。店內店外的環境真係好有舊香港味，非常適合打卡。食物方面，點了非常邪惡的沙爹牛肉西多士 ($38)，西多士中間夾着帶有顆粒的花生醬，上面鋪滿大量的沙爹牛肉，非常邪惡啊。鐵板招牌牛柳大蝦 ($168) 上枱時淋上醬汁滋滋聲，牛柳有兩大舊，點了7成熟，肉質仍然好嫩好冧。鐵板餐仲跟了餐湯和面包，餐湯係羅宋湯，香甜濃郁，帶點辣勁，非常惹味，配上烘脆了的甜餐包更好味。另外跟餐加了杯紅豆冰(+$8)。焗蕃茄豬扒飯 ($63) 大大塊豬扒，蕃茄汁加上拉絲芝士非常港式。

🥜環境好靚，比店舖嘅裝修所吸引，真係好有舊冰廳嘅感覺🥜不斷播放舊嘅廣東歌，首首都經典歌椒鹽豬扒煎且豬油撈飯 $88🥜另上豬油同豉油，按自己喜好添加🥜豉油超香，飯面仲有d豬油渣，脆卜卜增加個飯嘅口感涷鴛鴦 $8招牌牛柳大蝦 $168黑椒汁七成熟🥜牛柳好大份量，有兩大塊，好軟淋🥜有一隻大蝦，都好新鮮🥜黑椒汁唔會死鹹，好香餐湯🥜餐湯都好足料，唔會稀寥寥牛油餐包紅豆冰 +$8🥜必定加配嘅紅豆冰跟意粉🥜有蒜味嘅意粉，軟硬適中，就咁食已經好好味Total $ 272

前排經過見到有1間好多人排隊 今日同朋友終於 可以 一試 懷舊餐廳 所以今晚同朋友走試一試 餐廳 名叫做#保頓冰室 入到去裝修非常光猛 佈置好懷舊 播緊張學友舊歌係廣東 話 歌曲 正🌸生炸雞髀煎雙蛋飯 招牌菜 煎半生熟蛋配上黑椒汁非常惹味 生炸雞髀咬落脆トト仲可以揀蕃茄汁 蒜蓉汁同埋咖喱汁 🌸鴛鴦扒餐(黑椒汁)有雞扒同豬扒加埋薯菜 餐湯同牛油餐包 配雜果賓治雞扒煎到微微金黃 肉質嫩滑 豬扒肉質唔會乾身 切落去好容易 配埋洋蔥汁 香味十足 薯條熱辣辣🌸雪糕菠蘿包(必叫）冰火的組合絕配

前同事移民左去 Bolton，假期返嚟的聚腳點是尖沙咀的保頓冰室 ，位置方便，繁忙鬧市一個喘息的空間。附近是商業區和熱門的旅遊景點，所以勁多OL同埋遊客鍾意幫襯。網上評語一致推介雪糕菠蘿包、招牌燴意粉 、沙嗲牛肉麵、豬油撈飯，我哋一於試晒佢。雞扒燴意粉去勻世界各地，我始終覺得香港冰室的黑椒汁是世一，燴意粉加新鮮煎蛋，滑嫩的美味放鬆享受。特別是雞扒煎得皮脆肉嫩又多汁，意粉軟硬適中，爽滑有口感，滿意度提升。椒鹽豬扒煎旦豬油撈飯已經唔係好多地方，食到豬油撈飯，簡直係世界文化遺產之一。香港美食豐富的椒鹽味道，豬扒帶有香辣和咸香的味道。飯粒充滿豬油的香氣，還有豬油渣粒，濃郁的香氣，口感滑膩，令人垂涎。煎蛋的蛋香與豬扒的咸香相輔相成，增加了層次感。米飯吸收了豬油的香氣，吃起來軟糯豐腴。常餐沙嗲牛肉麵絕對是經典，配搭餐肉、紅腸、多士。沙嗲牛肉香氣四溢，沙嗲醬香濃微辣，搭配牛肉令公仔麵更加美味。我從小學就吃沙嗲牛肉麵做早餐，有一定的懷舊情懷，家的味道。雪糕梳打特色招牌冰飲品，雪糕梳打吸引我去嘗試。雪糕菠蘿包好特別的招牌甜品，巨型菠蘿包外熱香脆，內軟再夾著兩大球雲尼拿雪糕，慢慢溶雪糕流心，冰火口感，滿滿