影片
以上资料只供参考，请与餐厅确认详情
食记 (5)
這小巷平時甚少行經, 原來有間小小的食店, 一半坐位放街, 那我都來一次坐街吧, 叫了下午茶, 炒飯, 奶茶, 材料有雞肉和火腿, 菜絲等, 炒得一般, 唯一好的是不算太油, 但不夠乾身, 飯身有些是一舊舊的, 環境幾好, 沒有車經過的小路, 沒有廢氣, 可以坐耐些少.
继续阅读
上星期想去找找呢間新開的茶餐廳仔, 結果俾另一間新開的茶記截住, 上星期無緣拜訪. 是日星期五, 比較清閒. 又決定再行遠少少食飯, 順便看看 "高比" 有幾吸引. 一間地方比較小的茶記, 裡面沒有位, 焗住要坐冷巷. 幸好是一個風扇位, 而且是日天氣不甚熱, 都OK既. 店小二推介是日AB餐, 結果二人都做了一個錯誤的選擇, 就是B餐, 蘑菇腸仔牛柳粒飯. 味道其實尚可, 是食得落口既東西. 但那個飯.....如圖.... 根本不用多說. 這是 蘑菇．腸仔．牛柳粒麼!!!! 對, 的確是對, 的確有蘑菇．腸仔．牛柳粒....但賣相只像一個茄汁撈飯....$35一個餐, 牛柳粒少唔怪你, 起碼腸仔可以成條掛.........都好既, 冇牙既長者可以好開心咁食...
继续阅读
平時我們好多時都係一行6人以上出外揾食，今日少少地得4人，因有同事唔想去太遠，所以便找附近有無新嘢，卒之在這找到這間，因在天氣無咁熱時我們都會往這餐廳隔離的鳳城食牛什河，那時它還未開，今天找食居然已經有人寫埋評語，就決定來品嚐品嚐。都算幾多選擇，居然有埋車仔麵、小炒、西餐、中餐。我就要左個自選午餐：黑椒漢堡扒拼脆皮腸意粉加一杯凍檸茶，黑椒汁內應該是加茄汁，我覺得好味唔會得黑椒嘅味，好開胃，適合又想吃辣，但又怕辣嘅人士。同事a點了，常餐有叉燒（硬了些；應該係話比較廋，唔係半肥廋）湯意粉、火腿炒蛋配餐（+$1轉多士）、一杯熱檸茶，同事b點左車仔麵加凍檸茶；車仔麵有粗麵、豬皮、魚蛋（有腥味）、白蘿蔔、牛栢葉，同事c點了個午餐A：四色咖哩排骨飯（好樣夠好味）加中湯（霸王花湯）。總括來講，都算是不錯，會有再來的機會。下次來會食佢嘅豬扒或雞扒，又或者係佢嘅炒粉。因見隔離枱ORDER嘅樣唔錯。
继续阅读
響pp3返工，有日諗住去呢條街食粉面，點知發現開左呢間新既餐廳，其實食物都係一般茶餐廳的set lunch，好似自選扒餐、肉餅飯、炒野等，中準中上，最近去仲多左自選車仔面。價錢方面，$32一個set同附近其他食肆價錢相約，不過要讚既係伙計同收銀老闆的態度真係好好，你知啦，lunch hour d茶餐廳侍應都毫無態度可言，三十幾蚊都無乜期望，但呢度伙計個個幾有禮貌，有次有位同事唔舒服，收銀老闆好細心咁問使唔使同佢包起d食物，又問有無野可以幫到我地~呢度已經成為左同事們的新飯堂~
继续阅读