俺流塩らーめん (東港城)

营业中

休息中

水杯用紙巾蓋住，非常之細心服務！但用木筷子就相當唔環保♻️ $10加玉子，是流心玉子！抵食之選！這個餃子可以一口一啖細細粒，容易食！$30只得六小粒，略嫌份量太少！唔夠喉！這個玉子大阪燒，我冇食到，啊仔食晒！應該不錯裏面是流心玉子！這個俺流塩拉麵湯底非常清甜！非常有層次有雞同豬骨味混夾雜在一起！叉燒就一般！漿料有三款非常多選擇！本人喜歡食酸味味所以梅子醬最鍾意！非常清晰落單紙！拉麵實相同餐牌圖相符！價錢相當不錯

成日見到呢間拉麵餐廳排長龍同老婆行開街就去食下啦我地通常習慣出街就早d食野，無咁多人7點鐘去到等左10分鐘到就入到呢到係無得拎籌號既所以真係得個排字叫左兩款拉麵，一個玉子燒其實都叫做貴價拉麵所以都有少少期望既首先係紫蘇梅子拉麵查實個湯就真係唔太特別梅子味唔夠重同埋真係比較油不過d拉麵可以算粗幼，比較彈牙又係好食過包裝拉麵既呢個係柚子拉麵個湯係比較特別真係有柚子味酸酸甜甜咁，好開胃我個like主要係比呢幾瓶調味料放係枱邊比客人自己添加的本人比較重口味柚子湯加點蒜蓉真係好好味值得一試玉子燒真係好失望！本身唔知係咩黎，原來只係一隻溫泉蛋加d木魚碎，咁樣就$18整體黎講，食物ok但係服務就......你當係快餐店啦連茶壺都要自己拎個侍應行到好似行catwalk咁，次次行過黎我老婆都忍唔住想笑！

久違了既拉麵店……亦係我吃過既拉麵店👉最掛住同最好食既第一位🍲今日去開將軍澳見到有二話不說……同另一半講要食我地只係排咗一陣就有位，此分店位亦很多……大約有50左右，所以大家不用擔心等太久，只係上拉麵時等耐D🙄等咗15~20分中左右先有得食，味道亦keep得好好依舊出色！！今次叫左個從未叫過既小食，叫 " 大板燒餃子 " 細细粒吾會太飽，yummy😋半熟玉孑亦很出色。不朽我甘掛住同将小店放左笫一位😉

生病了 全日都口淡淡去左東港城 揾d濃味野食下結果去左食呢間 拉麵我去果時3pm左右 唔太多人唔洗等 可以直接入去環境都好舒服 而且唔會黑漆漆今日就叫左俺流特製撈麵他們都有唔同調料 for唔同拉麵用因為我唔like. 食林麵 如果有得揀 我會揀硬身D呢個撈麵 好d鹹 要keep 住飲水不過叉燒好正 夠厚雖然得一片但都好足夠

自從這家拉麵店開之後，很少看到不用排隊便可以進去，特別是週末。原本在想星期三會好一點，但仍是那麼多人⋯不過，算快，等了15分鐘左右便可以進場。⭐️俺流熟成拉麵$59沒有蛋，只有濃濃的豬骨湯味。叉燒邊有點燶燶的，半肥瘦，脂在口裡溶化，超正！麵條更不用說，軟硬度剛剛好！⭐️黑蒜熟成拉麵$73老婆說味道偏濃了點，而且她吃不完。麵量對女士來說多了一點，男士受惠😆她的有一隻蛋，我覺得普通，沒有什麼味道。⭐️青檸炸雞 $49大大件，肉質鮮嫩，酸酸地好好食！見到有很多客人叫而跟著叫！值得推薦

最近坑口東港城開咗唔少新舖，全部野食都好似好靚好精緻咁，真係超想試！尤其係呢間拉麵舖，但鑒於次次經過都見到勁多人排隊，先無奈要放棄。次見到咁少人，決定一於試吓。餐廳環境比較窄，唔係太夠位，連個袋都擺唔到。睇一睇個Menu，選擇都算幾多選擇。今次決定試吓鹽味拉麵同黑蒜油拉麵，再嗌多個流心蛋，大阪燒餃子同埋炸雞。雖然價錢比較平，但係拉麵都仍然可以選擇硬度。黑蒜油拉麵味道非常濃郁，拉麵夠彈牙，蒜蓉味十足，每一啖都好似食緊半瓣蒜頭咁。不過食咗幾啖之後，就開始覺得有啲油膩。相反鹽味拉麵個湯好清，個味都唔會話太濃亦唔會太啖，除咗鹹味之外仲有淡淡嘅柚子香，去除咗嗰個油膩嘅感覺，好好食！流心蛋醬油味唔係太重，顯得有d啖，較為失色。大阪燒餃子就比較特別，配上酸酸甜甜嘅沙律醬我，味道中規中矩。而炸雞雖然都係好似一般炸雞店嘅味道，但係上到黎非常大份，十分抵食。咁抵玩嘅拉麵店，下次一定會再幫襯！

星期6,11點左右,見平時呢間要排好長龍,呢個時間唔使排隊,就試下有不同既醬都等得耐,要15分鐘左右先有,即煮吧辛辣味噌拉麵唔算辣,亦食唔出有味噌既味道 , 麵質可以自己揀軟硬度,我揀左硬,食落唔算硬的亦唔係一片片既肉,係碎肉黎的,未食過係肉碎上既拉麵,我只要求走蔥,就連芽菜都走埋黑蒜熟成濃湯拉麵湯亦不濃,雞蛋都做到溏心效果,其實係一個好普通好普通既拉麵....呢間麵店,其實質素好普通,一D都唔明點解會經常排長龍...或者將軍澳區少拉麵選擇?

近幾年東港城開咗好多食肆～又係將軍澳友（我）一個搵食行街嘅好地方■ 俺流鹽湯拉湯 $59湯底好清 好好飲！片叉燒都唔咸唔薄㗎！面頭仲加咗少少柚子粒 好match啊原來 湯底咸咸地帶點甜～拉麵份量都唔少 59蚊比有啲拉麵舖要$80up嘅抵食好多喎 至少個下真係食得飽肚@@■ 黑蒜熟成濃湯拉麵 $73個湯底又係超讚 雖然比頭先個碗俺流鹽湯底咸 但黑蒜油湯底一樣無得輸 成碗拉麵更香更高層次haha■ 唐揚炸雞因為拉麵冇餸 得片叉燒 所以諗住送麵食 點知食完碗麵 仲要再催再等先至嚟 等到蚊都訓zzz炸雞好油 好厚油！btw 如果嫌拉麵湯底唔夠香可以加佢枱面嘅調味醬料 有黑蒜蓉、梅子醬、柚子胡椒

係食午餐時就見到呢間拉麵就入去試下，因為有好多人排隊想知道係咪好好食！排左一陣就已經有位，感覺都好乾淨同埋感覺好日本，所以都值得去食下。但係我覺得佢既拉麵其實普通無乜特別我叫左個野菜天父囉同一個唔辣既拉麵，另外加左肉子同菠菜，加埋總共130蚊。我覺得個湯底可以再濃味少少，可能下次叫辛辣湯底會比較好食同埋會食得開心點。不過個野菜幾好食其實，有好多種唔同既菜一起炸，感覺上好健康。而個拉麵就有三舊叉燒不過一般般

之前曾想光顧這店..但見到排隊的人龍而卻步今次星期五晚到來..見候位的人不多..便排隊嚐嚐畢竟坑口站一帶沒什麼拉麵選擇！和老公各點了一款拉麵他選了餐牌上寫著人氣的俺流男盛拉麵我就選俺流柚子拉麵俺流柚子拉麵，柚子湯底的味道溫和清新好有消暑的感覺！味道不會突兀拉麵麵質是偏軟身的一種，但不會太稔配料有叉燒﹑流心蛋﹑水菜&筍叉燒的肉質雖不是很融化那種，但也不粗糙，味道挺香水菜和筍的質感清爽流心蛋雖不是好入味，但蛋黃真的好流心～～不錯啊！這款拉麵整體是清新不油膩！女生能吃光一整碗啊！！俺流男盛拉麵，有兩款湯可選，熟成或是辣塩湯老公選的是熟成配料有唐揚炸雞﹑叉燒和流心蛋，用料豐富！湯底是豬骨湯，湯頭濃郁炸雞啖啖肉，略帶肉汁，肉質算滑這款拉麵香濃而不膩啊～湯頭到最後也不會過鹹～另桌上備有不同的醬料，可按個人口味而加上有黑蒜蓉﹑梅子醬﹑柚子胡椒﹑拉麵胡椒等覺得拉麵太膩的話..可加上醋來中和油膩感～總括來說，拉麵的味道算是不錯可以再來試試其他口味的拉麵呢～～座位並沒有卡位之類，而且店舖的格局是較開放式的一種啊～～

這間拉麵店新開後一直都排長龍，鍾意食拉麵既我縱然好想食，但基於唔想排隊，所以久久未試。今日放工放得早、老婆又肯先排隊，所以我一去到就入得啦！點左兩個拉麵，第一次當然要選最原始那個-「俺流熟成濃湯拉麵」（$59）。這個比一般拉麵店既價錢平，但味道不錯。湯係好濃既豬骨湯，鹹左少少，但係豬骨味夠濃。麵底係一般既拉麵，我點了「硬」麵，但比想像中軟，個人認為「一蘭」既麵底好食啲！第二碗係「黑蒜熟成濃湯拉麵」，一來到聞到好香黑蒜味，但入口卻太太太鹹了⋯雖然食多幾口習慣了，但最後卻飲左好多水⋯下次都係食返原味好了⋯

每次經過這店都總是長長的人龍，今天就早一點吃晚餐，所以五點半就到來，不用等。（但人龍在5:50pm 就開始了🤪）我點了俺流柚子拉麵、俺流紫蘇梅子拉麵、大阪燒餃子。柚子拉麵很有清新的感覺，麵質較為軟了一點，但真的有日本拉麵的感覺。梅子拉麵則帶一點酸酸的味道，相比之下，我比較接受柚子的味道。大阪燒餃子就有一點驚喜，味道不錯，木魚碎就超多的鋪滿滿。另外，每枱亦提供冰水給自助添飲，相當貼心😍相信我會再到臨試試其他湯麵的😉

本人一向鐘情沾麵呢間無沾麵食加上由開張到依家都經常大排長龍所以都冇咩衝勁去食今日晏奏搵野食3點零竟然無咩人前面得2個人就排排佢la呢度坐得唔算好舒服, 都幾咁開揚,如果好食我又無咩所謂ge正如一開始講我鐘意沾麵呢度無,但又比我見到有個特製撈麵就試佢la!!男朋友就揀左芝士辛辣濃湯拉麵另外再嗌左個俺流餃子,提子梳打同蜜瓜梳打等左陣個俺流餃子黎到由於佢一枝枝唔知係醋定豉油 要試試佢 請無視左上果滴偏細粒ge 一口一粒但唔夠熱 仲好多油唔知係咪唔夠熱所以有d 益益地ge 味同埋佢好多皮 感覺似雲吞男朋友ge 芝士辛辣濃湯拉麵店員提示撈暈d 芝士湯底第1啖覺得唔錯但愈食愈膩仲愈食愈覺得咸佢咸到似沾麵個湯都係唔夠熱la 只可以叫做暖拉麵係要熱辣辣先好食我都係掛住間熱石拉麵不過執左喇😭返正題..特製撈麵都幾得意ge 味道不過都係偏濃味同埋都幾多蒜片總括而言自晌我係好重口味ge人都唔係好頂得住食完飲左3杯水仲係覺得好渴lol

去完海洋公園，就去左坑口一田行街買野。買完野仔仔見到拉麵又話要食下午茶拉麵好飽囉，邊係下午茶姐。不過仔仔想食，咪食囉。仔仔叫左一個乜都有D既拉麵，唔記得叫乜名囉，成90蚊一碗的。而我同婆婆因為根本唔肚餓，就叫左個柚子拉麵2份食啦。仔仔叫的，係幾大碗咁，有蛋，有叉燒，有炸雞咁。仔真係一個人食晒。佢話好好味喎，重問我同婆婆好唔好食。我同婆婆2份的柚子蛋拉麵，都幾香柚子味。蛋呢，個圖係有切開架，點知係原隻上。搞到我自己用筷子夾開佢有少少流晒D黃出黎講真，我同婆婆都唔覺得有乜咁特別，但之前黎過幾次，行過都有排長龍。重以為係出名好食？所以仔仔話試就試下啦。點知，完全冇特別。

上次經過呢間拉麵舖聞到好香今晚屋企無飯開，就諗起想食呢間係將軍澳食晚飯估唔到八點幾都仲要排隊條隊仲要廿幾三十人不過好好彩 排左一陣就入得叫左個人氣No 1既黑蒜熟成濃湯拉麵，另外仲叫左個俺流男盛拉麵黑蒜拉面個味好濃濃到覺得有啲咸另外個面有少少細份男士可能要加特盛佢枱面有啲醬料個黑蒜拉面加左黑蒜蓉反而好味左可能對我呢個蒜精嚟講蒜片都唔係好夠蒜俺流男盛拉面個湯底好味過黑蒜會飲到豬骨湯既甜味其實兩個拉面都好味不過如果下次食我會選擇食番男盛面個湯底另外有一樣值得讚賞既係佢個水樽雖然裝左冰水不過因為佢個水樽係雙層既設計唔會有啲倒汗水漏到張枱周圍都係