偉記麵家

营业中

休息中

有人介紹呢度ge沙爹牛肉米於是叫黎試下認真唔錯牛肉「林」得黎好食湯底又正重叫左個魚蛋河魚蛋ok彈牙右埋辣椒醬更加好食

好想同大家講一講, 凍咖啡 凍奶茶 吾系偉記炸魚皮最好味,冇香港果D咁多粉,好想知佢有D咩秘方.墨丸就差D啦! 口感比較實 冇咁鮮味 但比出面的墨丸好食.我就叫左墨丸河,比左$19如果佢有套餐咁就好啦!我一定會再幫親的

星期六，清明節兼且係兒童節，筆者與外家到長洲掃墓。難得到離島行一行，除咗掃墓之外，當然要掃一掃街，食盡長洲美食。未祭祀先人之前，先祭一祭五臟廟。長洲地方細細，食品種類唔係太多，不過魚蛋可算是「土產」之一。此店亦以魚蛋作招徠，但筆者叫嘅卻是牛丸、墨丸河粉，太座則叫了貢丸、魚片米。貢丸普通，只有香菇味，其他一律欠奉，有如一般街市貨色；墨丸口感唔彈牙偏腍，不過墨魚肉碎頗多，咬落亦補充唔少彈牙感，正合太座心意；牛丸彈牙，咬開就有一股牛肉味湧出，十分不錯；魚片也彈牙，亦有魚鮮味。飲品方面，筆者嗌了凍咖啡，入口便出事，少少酸的，用番煲嘅咖啡沖調，唔酸便奇；相反，太座嘅凍奶茶除了甜咗少少之外，入口都幾香滑。價錢相宜，單拼十六蚊，雙拼加多三蚊。當然，環境及衛生方面要有所屈就了，亦要比小小耐性於服務方面。

睇了某本周刊介紹 於是特地去搵食位於大排檔當中 唔難搵 有冷氣和空外選擇 環境ok講番食 佢一碗麵$16 雙拼$19我們2人叫了魚旦墨丸粗同雲吞魚旦粗同炸魚皮魚旦有魚味 好彈牙 好鮮味 食落口有汁的 相當唔錯墨丸都比魚旦差一點 口感比較實 冇咁鮮味 但比出面的墨丸好食x倍雲吞個人覺得最普通 都味道都唔錯炸魚皮就真係不得了 唔肥 好香脆 入口有魚味 有香味 男友話好好食 我都覺得幾好粗麵幾爽口 但有鹼水味 不過幾多人叫的整體size唔大唔細 價錢合理 個人覺得佢比個間"老字號遊客店"好食多倍坐得也比較舒服 所以要介紹給大家"搵食之人"要食好野,要搵啱地方喇