影片
营业时间
今日营业
08:00 - 22:30
星期一至五
08:00 - 22:30
星期六
08:00 - 23:00
星期日
08:30 - 22:30
公众假期
08:30 - 22:30
以上资料只供参考，请与餐厅确认详情
一直如果啲嘢食唔太差都好少會比劣評，健康工房個包可以話係第一個。。。因為每次經過都聞到好香，所以一直都想試下佢啲野食。今次買咗個三素菜包，從佢個名睇最少應該都有3種菇同淮山，諗住應該都幾香啦。但係食落去真係好失望，香味無都算啦，皮好厚，餡又少，竟然會賣成20蚊一個。如果係好食用料足嘅，20蚊唔可以話貴，但係以咧個價錢咧個質素，我真係唔明點解可以標到咁貴。22蚊一個芝士菠蘿包我會食，但係20蚊一個咁嘅包真係，不了
继续阅读
有人請飲健康工房嘅健康茶, 梗係唔執輸, 揀咗兩支。佢哋標榜產品無添加防腐劑, 人造色素及香精, 加上係打著健康旗號, 所以都唔係平㗎! 產品食用期只有幾日, 唔擺得耐。海底椰川貝杏仁茶 $32素來喜歡杏仁茶的香味, 見其產品介紹, 有潤肺的功能, 這時這刻肺尤其重要, 雖知這不是仙丹, 潤得就潤啦。杏仁茶質感滑溜, 有厚質感。野生黑枸杞桑椹汁 $32顏色如利賓納的深紫紅色, 味道清淡, 只有淡淡的梅味, 味道易接受。資料顯示成份只有水, 野生黑枸杞, 桑椹和糖, 黑枸杞蘊含豐富的花青素, 補腎益精, 延緩衰老, 富含黑枸杞多糖有助抗氧化抗疲勞和提升身體免疫力。整體有養肝明目, 滋陰養血的功效。
继续阅读
黃昏時段經開沙田新城市廣場附近，見有啲肚餓想食啲熱野，而且想食得健康少少但又唔想咁飽肚，所以就唸起健康工房既杞子豬肉燒賣，雖然價錢同酒樓差不多 ，5 粒要 $20 但係用料一啲都唔馬虎，非一般街邊貨色。👍🏻 👍🏻杞子豬肉燒賣 ($25) : 每粒燒賣都有杞子係頂襯托一下，而且重比一般燒賣大粒，賣相相當不錯 ; 豬肉餡內有冬菇、淮山、杞子等材料 ; 食落口肉質嫩滑，菇味濃郁，完全無麵粉既感覺，可見真材實料。😍 😍
继续阅读
呢排打得太多邊爐，個人開始有啲熱氣。行經沙田，一出港鐵站口，就見到健康工房，咁就入去買枝涼茶飲下☺️去到健康工房，幾個雪櫃都擠咗各式各樣嘅涼茶，真係令人花多眼亂😅😅😅最黎我買左枝野生黑枸杞桑椹汁😍😍😍$30蚊1枝，不過而家做緊特價，$50蚊就有2枝。所以都幾抵飲👍🏾👍🏾佢呢一款飲品任何體質都岩飲的，味道雖然清清淡淡。但飲得出佢係全天然的，沒有添加加任何香料或者色素，所以非常健康，岩哂我地呢d平時唔會煲涼茶飲既人✌🏾✌🏾✌🏾
继续阅读
今日路過沙田 咁啱肚餓 之前聽說健康工房既有營餐包 雖然知道係16蚊一個 但仍然心癢想試下我諗住影餐牌sd比媽咪 點知店員態度不好地說 唔影得 🤷🏻♀️ 我無野講 （不過我已經影到了哈哈）16蚊一個素菜包 好貴 地鐵站既唐記再貴都係7蚊果個素菜包很重 很實心 唔怪得上次fb見到營養師話尼個包五穀算3份 包既外皮很厚很實 相比餡有d少 so-called 三菇得幾條絲⋯⋯ 16蚊一d都唔抵 也都唔覺得佢可以好似餐牌所寫 滋陰清熱 健脾胃 料咁少！有什麼用呀 反而個餡好傑 加左唔少澱粉啦⋯⋯ 總結： 竟然去買 我錯啦！ 有錢人的包子 我不懂
继续阅读