傷心酸辣粉 (西洋菜南街) (已結業)

我平時都好鍾意去呢間到食.貪佢好食又唔貴點知食完呢次我以後唔會再去呢間果日放學就諗住去食酸辣粉.去到見到未開.咪等一陣囉.始終係我早到.入到去.個經理係咁用髮蠟整個頭.整都唔係問題.整完又唔洗手.就咁拎野食比人.呢個都未算最過份.最過份係我係間店到見到蟑螂.咁見到都有啲正常既.始終呢個係食店.咁我就同個店員講啦.點知佢淨係踩幾下就算.隻野未死之餘佢仲唔執走.望住啲咁既野都冇晒胃口啦個店員執走左隻野又係唔洗手就拎野比人食.謂下野食啦.我叫左個2人餐,酸辣粉.夫妻肺片.土豆絲..水拼盤雖然衛生真係好有問題.但係啲野食真係唔錯.叩左一個二人餐.份量都好大又抵食.如果可以解決衛生問題咁就好啦

晚餐突然想吃米線, 在太子又不知那裡有, 行了幾條街無意見到傷心酸辣粉, 便入去一試. 這裡的經理相當殷勤, 不停介紹套餐, 又解釋辣度可選擇. 我們最後選擇了$85 的2人餐, 包兩碗酸辣粉, 三款餸和兩杯飲品由於怕太辣, 全部菜都只選了BB辣. 酸辣粉似紅薯粉, 表面一層辣油, 但吃下只有少許麻辣, 我應該還可挑戰小辣, 味道不錯, 面質夠彈牙, 我一向比較喜歡硬身的面, 所以這個我很喜歡. 三款餸有口水雞, 酸辣蒜片青瓜和麻辣肚絲. 口水雞, 看似很辣, 原來又是假象, 很嫩滑, 但略嫌多骨. 酸辣蒜片青瓜很清新, 加蒜片一起食能增加口感, 也不算太辣. 麻辣肚絲, 反而是最辣的一個, 很乾身, 加點辣油, 很惹味的涼拌餸菜. 整體來說, 以這個價錢, 食物的種類和味道算是很不錯, 未食過總店的酸辣粉, 不能比較.

起初聽聞呢間野既酸辣粉唔錯, 所以慕名黎試下...我叫左一個傷心辣粉+兩個餸, 點知, d餸超少又貴(成8蚊個餸), 我叫豬大腸, 就有兩小塊既豬細腸, 仲有另一個餸份量都係差唔多.....d酸辣又哽, 好難咬得斷, 仲有明明係酸辣, 點解我食到麻辣既.....

收工好夜行過見呢間無咩人便計試，叫左個二人餐，亦係店內唯一唔辣嘅！個炸雞幾好味，豆腐蘿白就好淡，老水拼盤上得好慢，差唔多半個鐘，仲要一上個賣相好唔得，不過味道都ok! 可以一試！經理服務態度幾好！

點左夫妻肺片+酸辣粉+ 熱檸茶套餐同其他酸辣粉店比較呢間既份量明顯較小酸辣粉叫小辣，碗野食既時候只感覺辣，完全無酸，薯粉好un肺片大量青瓜絲墊底結賬時話唔收團購卷，但團購卷寫明可以用客人以自由行遊客為多價格偏貴

星期日行開呢頭，辣癮起，就揀左呢間久仰大名的酸辣面店。我order 口水雞配酸辣粉 ，老公就揀左辣雞絲撈面。口水雞配酸辣粉：d粉太過UN到 咬唔開，成碗面係倒落個胃度咁滯，辣而唔夠酸，花生好多夠脆。香菜可以落多d; 口水雞嫩滑度唔錯，不過雞味唔夠，亦唔夠入味，雞還雞，辣油還辣油。兩者不融合。雞絲撈面，雞絲甚少，雞皮真多，面質還可以，不過辣椒碎提議幼身一點。服務唔錯，侍應姐姐有禮好記性。不過我聽到厨房裡有人大聲話: ” 我夠鐘開飯喇，*%$#@....坐開X號檯而家俾人坐左。個客食花生仲要逐粒食，阻住晒我開飯 。”噢，厨房大哥，談論客人時，請把音量收細……..

落order 時候已經叫左侍應多湯，因為上次食已經覺得好咸,點知今次碗粉一樣無變，愈食愈咸，一杯野飲都唔夠......跟住個拼盤仲差，小到出奇，價錢都要$45蚊！旺角個間好味好多，完全兩回事....銅鑼灣呢間，兩次都咁差，唔會再試了！

團購咗傷心酸辣粉，於是琴晚拉埋阿媽去試吓。不過每人只可以用一張。要了兩個$50餐，有蒜泥白肉、夫妻肺片、涼拌雞絲冷麵同涼拌薯粉。全部都可以叫唔同嘅辣，我之前食過bb辣，完全唔辣，所以今次全部叫晒小辣。結果，辣到呼呼聲，好在佢地嘅辣唔太long lasting ，抖一抖就會唔辣。蒜泥白肉係最唔辣，只係生蒜本身嘅辣味，但汁帶少少甜。白肉切得好薄，易吸味。我就幾鍾意蒜泥白肉，不過阿媽話食完蒜頭個口地臭，所以佢只係食咗少少，我包底。夫妻肺片有牛脷、牛展同牛肚。呢個堅辣，上面有好多辣椒碎。不過個牛脷又好好味喎，辣都要食呀。涼拌雞絲冷麵，好咸好咸&好辣。麵條好幼，好似未係煮得好熟，帶點硬。同埋味道真係好咸，雞絲得好少，反而雞絲就完全唔辣。涼拌薯粉，呢個都唔會太辣，因為呢隻粉本身較難吸味。質地幾好喎，唔係嗰d煙韌咬極唔斷嗰隻。似日本粉絲嘅口感，滑，但唔韌唔難咬。環境麻麻，好逼，同埋度門嘅設計好差，一開門，所有熱風就狂吹入內。

今天同同事收工又去左食傷心醱辣粉,好喜歡去阿:原因是他們的伙計好好禮服,而且好溫馨的感覺是我只是去左一次,他們認得我同同事,仲知道我們食大辣,特別再給我們一杯奶茶,我們三個女仔叫左:口水雞(中辣)﹑夫妻肺片(中辣)﹑尖椒皮蛋(中辣),二碗麵(一中一大辣)他們的食物吾會太咸,吃完也吾會太辣,吃完之後會有少少的麻煩留在口中但是好快散左,果個辣吾會太霸道,吃完都吾會狂飲水,所以如果要比分,我會俾99.5分,留0.5分俾你們繼續努力,支持你們!希望你們可以創多點不同的款式~

平時都有幫襯開深水PO, 旺角等分店!今日老公去金魚街買龜糧, 正好我想食辣就去買外賣!落單時個女仔賣單比錢已經話佢D野咸到食, D SALT唔洗錢架!!?拎到返去, 一打開, 個川北涼粉完全唔同樣, 我叫小辣, 完全唔辣, 係同平時食開完全唔同味!!干撈牛肚, 小辣, 佢落D辣粉多到食落去苦架!!!!!好嬲呀!滿心期待食辣, 點不知咁...........不過呢間D人服務態度好過其他分店!

成日見到好多人話"傷心酸辣粉"好食，見太子開咗分店，今日終於第一次幫親，真係有點失望 外賣了"鹵水拼盤酸辣粉套餐"少辣，粉偏林(不過我鍾意食林的)，唔酸，少辣，但個辣唔係麻辣，只係辣辣地，一o的麻都無... 除咗少少辣，基本上係無味同成口油！鹵水拼盤有2隻雞中翼+大腸+鴨腎，雞中翼同鴨腎都好硬，鹵水汁幾好食，不過好咸，要黎撈果個無咩味既'粉都幾好食~總括黎講我寧願食轉彎果間"旦x"，雖然真係好咸又好辣(成羹味精)，但"旦x"既辣真係麻，又夠酸，真係做到"酸到流口水，辣到流眼淚"囉，真係唔怪得人地酸辣粉好買過魚蛋咁多！最後都要讚下cashier個姐姐，雖然我問佢o的拼盤/毛血旺入面有乜佢都唔知，但佢既態度好好，落完單都問返同事，之後仲特登走出門口過黎答返我毛升旺喺乜，另外拎外賣出黎個哥哥/姐姐(分唔到)態度又係好好，抵讚~

之前嚮團購用$10買左$20現金卷, 買左2 張。今晚就去試下, 旺角呢間係新店。先係門口換左張配金卷先, 然後就入去搵位食野。地方好迫, 坐得唔舒服。><今晚同男友叫左2個餐, 餐包一換粉+小食+野飲, 價錢由$42-$5X1) 酸辣粉(小辣)+口水雞(小辣)+奶茶, 我本身唔太食得辣, 呢個小辣已經覺得係超辣, 食到咳晒咁, 但男友食到面不改容, 男友就話D 粉煮得太淋, 話旦王比較好食‧而小辣口水雞, 反而OK哦, 唔太辣哦, D 雞仲好滑, 味道OK2)撈炸醬薯粉(bb辣)+老水拼盤＋檸茶，BB辣係最小程度既辣，但對我黎講都算勁，不過辣完一陣好快就無事，不過薯粉煮得唔夠淋，有Ｄ仲硬硬地。我覺得撈薯粉好食過酸辣粉。老水拼盤有雞翼，腎，腸，ＯＫ．都入味。總括：男友都話食返旦王比較好。