元元酸菜魚

营业中

休息中

米線煮得太耐，勁淋，午餐肉同豬腸味道好奇怪，豆芽黃既，最恐怖係蓮藕片黃撳撳，食材勁唔新鮮，叫人換萵筍，等左好耐都未到，另外湯底都有好多渣，成碗米線似廚餘！我餓到手震，要補充能量先勉強食左一半🙈一定無下次

香港人真係好中意食酸菜魚🐟今次黎到鑽石山新開既元元酸菜魚試下咩料先~招牌元元酸菜魚 $258一場黎到一定要食元元酸菜魚啦，配料好多👏🏻有薯粉有筍絲有大豆芽，如果2個人食真係大滿足呀~啲魚都好爽口好滑，唔係太辣，如果可以有得揀辣度我會更開心🤔涼拌高筍絲 $82由於真係勁中意食筍絲，忍唔住再叫多碟當飯食。估唔到黎到個份量有甘多，酸酸地好開胃，可以食更多~豆沙鍋餅 $58黎到飯後甜品時間梗係要食豆沙鍋餅啦~最中意就係熱辣辣既時候食，不過小心熱呀🔥食落唔會好油，用黎解膩都係一個唔錯既選擇烏龍水果茶 $38最後都係叫左杯飲品黎個大團圓結局，佢做到好似出面既手搖飲品甘，又大杯，不過甜度就冇得自選，水果料都好多，有橙有蘋果，可以一試~

男朋友最愛酸菜魚就嘗試下呢間 餐廳環境木系及淺綠作主調，好清雅舒服！座位闊 坐得好舒服 吾會迫地點方便 鑽石山地鐵站上面 5分鐘可到 元元酸菜魚點了小辣、魚好滑、配上芽菜、酸菜、寬粉、菇、簡荀、豆卜⋯…配料吸曬湯的精華 好入味！味道酸酸辣辣好開胃 沙姜豬手沙薑雞食得多 今次試吓沙薑豬手大大碟 雪凍咗 爽脆豬手補充骨膠原 做頭盤最岩 喎，夏天食真係一流！解下暑紅糖糍粑 軟綿綿糯米 加上紅糖做餡料 係我最鍾意食嘅甜品 作為結尾 一定要點一份！

晚飯約6:301.口水雞，雞肉極生，有唔新鮮急凍雞嘅臭雞味，口水汁不倫不類。食到真係作嘔！2.毛血旺， 竟然有午餐肉，成碗嘢完全冇味道，究竟點解？3.擔擔面，水汪汪從未食過一間川菜咁差

上次食完「元元酸菜魚」嘅十三香小龍蝦念念不忘， 再去 😆嚟得呢度食飯當然要試皇牌菜「元元酸菜魚」！咁大個人第一次食酸菜魚炸🙊原來係咁滑咁好味，配埋煙煙靭靭嘅闊麵，口感好有趣👍🏻 怕麻嘅朋友記住避開密舖平面嘅白胡椒。「香辣蝦」非常惹味，乾身唔多醬，拆殼時唔驚彈到眼哈哈哈 辣辣COMBO已經好大碟夠兩個人食🌶️ 所以只係嗌多個尖椒皮蛋咬吓，皮蛋好味，跟咗勁多尖椒我怕辣就冇試。唔想個口麻住走，又點多個黑金流沙包，熱辣辣流心正呀♨️ 姐腸胃唔係好受得辣，但可能呢年食多咗，今次食肚仔一啲事都冇喎，下次可以再挑戰💪🏻

環境坐得舒適的，服務就沒有什麼可以提供，因為是自助點餐。作為一間主打酸菜魚，應該是最好吃的一道菜，但下單後起碼等了20分鐘才上菜，但剛上菜連煙都沒有，竟然勉強稱之為暖？？？是方便客人等太久，可以立即放進口嗎？ 配料和魚還算多的，魚沒有骨和湯的味道還可以。不過寬粉幾條痴埋哂，仲要一點味道也沒有，吃得出不是和湯一起煮，要自己一口湯一口粉吃才有味。豆卜也沒有索到任何汁。但酸菜魚看起來大碟，兩個女生吃完也不太夠飽。另外叫了紅油抄手，看到openrice有人推薦。這次是熱的。但我只可以說它是雲吞皮包著的肉丸，汁也有點奇怪的味道，不是平常吃的紅油抄手。（完全不推薦叫）唯一正常的是冰粉😂但沒有拍照可能其他小炒好吃？這次沒有叫所以不知道，但希望主打的能改善一下，否則很難有回頭客😅😅😅

個湯同啲魚就ok，但其他料完全食唔到，一啲味都無，仲有啲寛面痴埋一舊舊，啲瓜一啲都唔好食😅，勁多芽菜係底，豆卜都好生下，食唔過😓好求其。 環境都好乾淨企理，希望佢啲炒野會好啲。

餐廳：元元酸菜魚 (鑽石山)地址：鑽石山龍蟠街3號荷里活廣場1樓173B-174號舖元元酸菜魚繼將軍澳新都城中心分店，大約3個月前喺鑽石山荷里活廣場開咗第2分店，一睇個名就知佢係哋主打酸菜魚🐟，另外亦有水煮魚、毛血旺、乾鍋同各款京川滬美食🌶平日午市嚟到都幾旺場，原來星期一至五免加一服務費，午市粉麵同客飯套餐最平都只喺$49，仲送埋嘢飲，下午茶時間再9折，難怪咁多人嚟幫襯😍✝️酸菜魚午市客飯套餐 $82叫呢個酸菜魚加多少少小食已經好夠兩個人份量🤣，接近20片鮮嫩無骨又滑身嘅酸菜魚，加上豆卜、芽菜、木耳、萵筍、薯粉、芫荽、花椒、辣椒等配料，份量足而且夠飽肚😋，酸香為主帶有少少麻麻麻辣辣嘅滋味，仲有白飯一碗🍚，就咁用酸菜魚嘅湯底撈飯都已經好惹味😆✝️元元招牌海鮮炒飯 $108標準份量嘅炒飯，雖然唔算話大碟但喺就非常足料👍，蝦仁🍤、蟹籽、鮑片、蟹柳、瑤柱、蛋花、蔥花，特別鍾意每啖飯都有粒粒蟹籽同蔥花嘅豐富口感層次，鮮味十足🌊✝️黑金流沙包 $28睇餐牌以為黑色嘅包包面頭會有食用金箔點綴，不過上到枱只喺見到黑色嘅外型有少少失望🤏，一客有3個流沙包，用手搣開軟熟嘅包包，流心蛋黃漿即刻湧流出嚟，如果再多啲

以前會返深圳食酸菜魚依家香港都多咗好多酸菜魚嘅餐廳今次黎到位於荷里活廣場嘅元元酸菜魚.我哋叫咗醉豬手$88豬手份量都幾多 花雕酒味好濃！豬皮幾彈牙 滿滿膠原蛋白😆豬手肉浸左啲汁之後食落多一份清甜👍🏻.元元酸菜魚🐟$258招牌酸菜魚勁大碟！多到三四個人先食得哂🤣魚肉亦好多 啲魚勁嫩滑又無骨😍 好多花椒同辣椒乾 食落麻辣麻辣好惹味👍🏻配料包括芽菜、豆卜、薯粉等都係好入味😋.紅油抄手$58最最最驚喜既菜式🤤紅油同樣係辣辣咸咸地 但比平時食多少少甜味既層次😍而餛飩亦都好好味！滿滿既豬肉餡 豬肉好鮮好爽滑🥰總結：呢間酸菜魚性價比都幾高！份量多得嚇人！但環境幾好，岩幾個朋友慢慢傾下計慢慢食😆

今次去咗荷里活廣場食酸菜魚、其實之前係將軍澳已經食過，覺得好好味、所以要再食！而餐廳座環境以木系同淺綠做主調，好清雅！元元酸菜魚 🐟我哋叫咗小辣、魚好滑、而且冇骨的😍再配上芽菜、酸菜、寬粉、菇、簡荀、豆卜……配料已經吸晒湯的精華！ 味道酸酸辣辣、好惹味💓我仲飲了很多湯汁😊雞絲粉皮 ；麻醬好香濃，加上鷄絲粉皮、好好味、而且可以中和酸菜魚的辣味！清炒萵筍絲：這個粉量都好多、而這個口感好爽口呢！人均消費： $200

上次喺將軍澳食完元元酸菜魚，知道元元酸菜魚開咗喺鑽石山，所以係荷里活廣場睇完戲就入去食🥰午市客飯套餐 酸菜魚 配白飯一碗 柚子蜜(熱) 呢個午市客飯套餐好抵食，酸菜魚既湯好濃又唔會太辣，魚片好嫩滑!仲有豆卜、芽菜、雲耳，索晒啲汁好滋味🤤午市客飯套餐 招牌紅燒肉配白飯一碗 雞絲粉皮 （+$38）凍檸茶紅燒肉滑而不膩，鹹甜適口，配飯一流😋雞絲幾嫩，粉皮好爽口，撈埋醬汁一齊食好好味👍🏻另外我地叫左2個小菜~泡椒炒肥腸 肥腸外層炸到好酥脆 外脆內軟 調味岩岩好❤️‍🔥又辣又香非常惹味👏🏻蔥爆牛肉肉質軟嫩、蔥香濃郁，配飯一流😍

星期六餐廳門外勁多人排隊 我地三個人都唔執輸排埋一份😬 望望Menu原來假期都有提供午市套餐 難怪人來人往😲午市套餐有十七款選擇 日日食真係可以食足兩星期都唔同款🤭 套餐包埋白飯和飲品👍🏿店舖名係「元元酸菜魚」當然要試吓佢個招牌酸菜魚啦 魚片嫩滑無骨 酸菜酸酸鹹鹹 湯頭不錯 配埋豆卜 雲耳 寛粉 真心大滿足❣️糖醋小排骨細細粒甜甜地 拌飯食好夾😛乾鍋花菜辣辣地絕對係惹味之選🔥 +$38 醉豬手 肉厚軟腍 食到Lam Lam 👅+$8 純茉莉綠茶嘆杯綠茶解膩一流

❀清新環境食火辣京川菜❀餐廳樓底高，燈光、空間感十足，裝修以湖水綠色為主，仲加入中式古典風格同多種線條設計，當中有一邊嘅牆擺放咗多盆植物，簡約清新。餐廳用QR code 落單，入面仲可以揀辣度，小編今次全部都揀咗小辣，辣得嚟唔唔嗆喉👍🏻👍🏻∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 自選乾鍋 $168香辣鍋底｜滷水肥腸｜花菜｜蓮藕片｜雞軟骨肥腸滷得入味，加埋香辣醬汁，又辣又有醬油香。花菜同蓮藕片爽口。脆卜卜炸過嘅雞軟骨仲鋪滿成個鍋底❥ 水煮牛肉 $168牛肉厚身，口感嫩滑。仲有豆卜同彈牙寛粉，吸晒辣得嚟帶啲麻嘅香濃辣湯，好刺激❥ 紅油抄手 $58皮薄滑溜，肉餡鮮嫩多汁，大大粒！配埋爆蒜，又辣甜鹹味都有嘅醬汁，愈食愈惹味∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴

今晚同朋友過嚟荷里活廣場試吓呢間新開嘅酸菜魚餐廳，本身將軍澳都有分店餐廳裝修都靚，用木系同淺綠做主色，卡位仲有咕臣，坐得舒服。餐廳主打酸菜魚，水煮魚，同埋多款中式小食，干鍋同小炒，選擇都幾多。今次我同朋友叫咗呢幾個餸: 嚟到呢度梗係要叫元元酸菜魚（小辣），份量好足好大鍋，湯底濃郁，魚肉食落爽滑又嫩口，有大量配料例如芽菜，酸菜，黑木耳，豆卜，芹菜，萵筍等等，口感一流，酸酸辣辣亦好惹味，同埋豆卜完全朔晒啲湯汁好正，用啲汁送飯亦都好正花雕醉雞份量亦都好多，雞肉嫩滑醃得入味，連埋粒粒杞子一齊食，食落陣陣醉酒香鎮江肴肉份量亦都好多，水晶同肴肉嘅比例整得啱啱好，口感爽彈，點埋黑醋一齊食滋味無窮餐廳嘅性價比其實幾高，每碟餸都好大碟好足料，味道亦都唔錯，同朋友食到好飽先每人$200左右，正！

❣︎ 元元酸菜魚終於開到黎鑽石山環境以木系小清新感覺為主下午茶時間黎都好多人真係預多小小時間黎會好啲🫣以QR Code落單等左幾個字就齊🥴爆哂場黎講都算正常快👍🏻下午茶黎食都幾抵食❤️♡⋯⋯食評⋯⋯♡ ☻ 4.6/5 🥓回鍋肉粗炒 $68份量真係幾多好有鑊氣🔥🔥回鍋肉係半肥瘦肉大大片厚薄適中🐟酸菜魚 $82 配白飯一碗招牌菜色🫶🏼配菜好多 底層仲有啲寬粉餸菜全部入哂味🥴🥴🔥麻辣乾鍋（蔬菜）$63配白飯一碗蔬菜乾鍋真係好惹味大量香料爆炒🔥🔥麻辣香俱全👍🏻🐔雞絲粉皮 跟餐+$38好香濃的花生醬香雞絲肉質嫩滑👍🏻🐷蒜泥白肉 跟餐+$38蒜蓉毫不孤寒鍾意蒜香的朋友岩哂🥴🍡紅糖磁耙 $48唔記得叫後上人一定要襯熱食口感軟糯棉棉🥴有機豆漿 黑芝麻豆漿 各跟餐+$5