影片
上次话过可以一试元合的手打墨鱼丸，但系当屋企的存货食晒以后，竟然对佢开始挂念起来😅😅我想起佢大大粒，一丝丝新鲜墨鱼的味道，虽然称不上极浓郁，但系却感到材料真实，唔系合成味道，呢个系我对丸仔的要求，其实今年已经减少食各类火锅丸，认为材料全部都系合成，而且味精极高，所以食丸仔多选择用料真实，味道还原原材料为主。元合墨鱼丸，第一次买认为有点贵，试过就算，但当你吃完以后，却还是默默的抽时间到九龙城再买一包。
继续阅读
今日由屯门专登搭车嚟依间元合买潮洲茶粿，辛辛苦苦嚟到梗系买多d，我买咗10个韭菜、两个萝卜、两个糯米，买完又要搭长途车番去，途中仲call呀妈过嚟食。可能买粿呀姐见我新客，佢比咗好多爆口茶帼比我，连汁都漏晒出嚟😡😡😡。其实想去换，但又无理由又搭车番出去买架，我系新客遮，使唔使咁对我呀！😭😭😭佢仲话可以等到5-6日，大姐呀！烂既做咩要卖比人呀！真系好失望，总之去番前d𠮶间买无咁嬲！我奉劝大家买之前一定要睇住佢执货，否则又做一个水鱼！
继续阅读
讲开我系九龙城覆诊睇医生，朋友另外又推介左我九龙城两宝，一个就系元合，另一宝就系金城海味。元合元合好似一间杂货店咁，街外经过完全唔起眼。行到入去就会见到各式各样既新鲜整好既丸。样样都好吸引，因为佢系用真材实料去整，价钱都唔平，葱花鱼旦要$118蚊一斤，虾卷要138蚊一斤。另外今日真系好好彩有食神😋😋😋见到一大兜金香炸鱼皮🤩🤩🤩原来唔系日日有架，要老板当日㓥鱼整鱼旦，先会有呢d有骨鱼皮卖。卖完就无，有时等几日都无。呢种鱼皮而家都好少地方有得卖，所以一包仔都唔平，卖成$50蚊㗎。咁难得撞啱有，贵少少都要买包试试。另外都有普通鱼皮卖，就$20蚊一包屋企人唔多但又想试多几款，所以要左半条虾卷，六粒虾丸，六条墨鱼卷，同半斤葱花鱼旦。返到屋企煮开酸菜鸭丝米粉，攞左折完骨既鸭壳加埋冬瓜煮左个汤底。跟手落埋葱花鱼旦同墨鱼卷落去煮。两样都好好味，葱花鱼旦同平时食开既鱼旦真系唔同，有鱼味又弹牙，食落好香口。😋😋😋下次一定要再买虾卷就用油煎会比较惹味。咬落啖啖虾肉，加埋煎脆左既外皮，一个字：正！👍🏻好快就KO左半条。P.s. 记得要点酸甜既鸡酱呀～题外话：金城海味金城海味由排档到而家开咗都有六十年有多，卖既海味上至贵价鲍鱼下至几蚊虾米都有。系度买野系唔可以拣黎拣去，另外亦无得讲价。无论你买几多，佢都系一蚊都唔会平比你既。咁样做生意都仲咁多人帮衬，啲货唔靓又点会可以做得住咁耐。所以好多人老远都会入黎买海味，好多明星商人都系佢客仔。无奈今次赶住返归，唯有影下佢门口，下次再去入货先。
继续阅读
每次行过九龙城都必定会嚟呢间潮州店买韮菜粿，虾枣，蛳蛤等等的潮州美食。因为我以前住九龙城由细食到大而家搬走了每次经过九龙城都会买返一大堆潮州美食返到屋企慢慢食蛳蛤每次买都系咁鲜甜美味谂起依家都想食，虾枣新鲜弹牙 仲有粒粒爽口唐芹 正韮菜粿就有时我拎到返屋企都会失手 因为湿 所以啲皮穿了 不过也无损佢既美味希望呢啲小店能保持下去 因每天返工都系食连锁快餐店，放假或在家中时好想食返啲手工野慰藉一下心灵 冲杯茶 听首歌 食件粿 香港人就系可以好简单
继续阅读
无意中系网上发现原来食芋丝糕唔洗俾百几蚊买一底，可以系九龙城一斤一斤甘买，只系四十几蚊斤！去到合成，人好多，好多人都系主力买鱼角鱼蛋丸类，舖头入面就有我想买既芋丝糕。最后我买左鱼角鱼蛋各4粒，已经要廿九蚊，有少少贵！我即场食，觉得佢都有鱼味，但有少少太咸。至于芋丝糕，我买左一大旧切开既芋丝糕同芋丝卷，反到屋企即刻煎黎试下味道。芋丝虽然够粉，但系佢中间只系加左花生豆类，感觉好似争啲野，就系争左啲腊味去吊香佢，最后我用啲xo酱去送黎食，即时好食好多！
继续阅读