影片
营业时间
今日营业
06:30 - 02:00
星期一至日
06:30 - 02:00
以上资料只供参考，请与餐厅确认详情
一向都知道元朗冰室啲猪扒系出名，今日心思思想食下厚切猪扒，一于同同事收工一齐食～叫咗个司华力肠厚切猪扒饭，个猪扒真系冇令我哋失望，大过我块脸/手！睇落去个样冇乜调味，但系食落好滋味，肉汁锁住咗喺入面，相信煎嘅时候都系要有啲技术，完全唔会觉得系「实的的」𠮶种肉质！司华力肠脆卜卜，点埋佢附上嘅豉油，邪恶得来抗拒唔到！然后再嗌咗一个地狱汤嘅叉烧乌冬，佢嘅乌冬质地唔似平时茶餐厅𠮶种，似系有咬口嘅赞岐乌冬，估唔到呢个价钱都可以食到近似日式嘅乌冬汤面！然后我哋都觉得需要嗌个菜食吓就嗌咗个蒜炒菜心，始终都系出名既茶餐厅一定有返个水准嘅！我哋两个都可以清得晒～最后我哋仲嗌咗一个奶油猪，完全冇谂过系咁大块！非常之脆口配搭咗牛油同炼奶嘅甜味！如果唔系食到咁饱，都想再叫外卖带走！最尾我哋两个食咗只系204蚊…好满足！值得一赞元朗冰室，环境好新净，而且侍应叔叔友善有礼，我见到佢嘅时间居然系凌晨2:30先收工！我同同事都觉得一定会再食！🍽 元朗冰室📌 将军澳坑口常宁路2号TKO Gateway西翼地下W015&W016号舖☎️ 3709 2155⏰ 星期一至日 06:30 - 02:30 #香港必吃五cm厚猪扒 #厚猪扒 #香港探店 #将军澳美食 #香港冰室 #香港美食 #奶油猪 #港飘必吃
继续阅读
今日一班人去咗元朗冰室食嘢，刚刚接近下午6时。6时前有下午茶餐，6时后有晚餐。叫咗好多嘢share 食。先叫了几个下午茶餐：沙嗲牛肉面好出色，牛肉够多，欣赏佢手机自助点餐都很多选项，配合返自己口味。鸡翼沙律啲沙律好清新，有苹果甘笋。大推奶油脆猪，上枱大家哗一声，超大件，Size同个焗猪扒饭咁大，仲要好香脆，大家争住食。招牌厚猪扒当然要试，叫了一个焗猪扒饭一个double 猪扒饭，猪扒真的又大件又厚，完全不会嚡，味道也刚好。一到六点叫埋个小菜套餐share，京都肉排酸酸甜甜好送饭。牛柳粒好惹味，二人餐仲有碟青菜送，我们选了菜芯走蚝油，菜很新鲜。值得一提他们的米饭，很好吃，不是每家茶餐厅的饭都好吃，这边的又大碗又香饭味。最后仲加咗只乳鸽，估唔到冰室都有乳鸽食，仲要几出色。皮脆肉嫩。总结：茶餐劲抵食，大推奶油猪同猪扒。小菜选择多，套餐性价比高。
继续阅读
而家兴去冰室，今日同大家分享间呢间真系惊喜满满🍗🔥 **炸鸡髀**一上枱就闻到劲香脆！皮炸到金黄，咬落「咔嚓」声，肉汁多到爆，仲要唔油腻，绝对系即叫即炸嘅诚意之作👍**红豆冰**怀旧feel爆灯！红豆煮到起沙，甜度刚好，捞埋淡奶同碎冰，饮一啖即刻降温，同炸鸡髀系绝配👏**厚猪扒乌冬**猪扒厚过我本记事簿😱 肉质松化，乌冬汤底清甜，挂汤力强，食完成个肚暖笠笠😋**一人小菜套餐（茄子炆䲝鱼）**䲝鱼煎到皮脆肉嫩，茄子吸晒鱼香同酱汁，送饭无得输😄**厚多士（花生酱炼奶）**邪恶度爆表！🍞 多士烘到外脆内软，花生酱厚到「黐线」，再加炼奶… 减肥？听日先啦😅**沙嗲冬菇肥牛炒乌冬**沙嗲酱浓到挂住每条乌冬，肥牛嫩滑，冬菇索晒汁，惹味到想encore👍**烧BB鸽**：🐦 鸽仔烧到皮脆肉嫩，撕开仲有肉汁，蘸埋椒盐食，香口到停唔到口😍
继续阅读
同朋友行街时被元朗冰室嘅招牌「厚猪扒专门店」吸引🐖，果然名不虚传！我地仲点了几道招牌菜，非常抵食和有质数👍！🐖厚猪扒配辣肉酱饭❤️厚猪扒厚实多汁，肉质鲜美😍，搭配的辣肉酱非常惹味🌶，辣辣地很开胃。这道菜份量非常足，CP值非常高，大推！🥪招牌厚猪扒配魔鬼酱脆猪包厚猪扒超大份👍！外面焦香，肉质鲜嫩，配上自家魔鬼酱😈，加上脆猪包，真的是一个字正！🍫一口西多这个西多士外观非常可爱，淋上炼奶和朱古力酱，口感酥脆，而且超大碟，好抵食。🐥炸鸡髀配沙律🥗炸鸡髀外脆内嫩，加埋新鲜的沙律，让整碟不会太腻。🐄沙嗲牛肉辛辣面🌶辛辣面很有嚼劲，沙嗲牛肉嫩滑，真的是超级推介！🔹️红豆冰 : 冰凉可口，充满港式风味🔹️冻奶茶
继续阅读
餐厅环境简洁，座位舒适，主打厚切猪扒系列。二人小菜套餐：京都厚猪扒：猪扒厚切，肉味浓郁，够晒软腍，沾满酸酸甜甜嘅酱汁，越食越开胃！梅菜蒸鲩鱼：新鲜嘅鲩鱼加左甜梅菜去蒸，真的好夹，鱼肉鲜甜，而梅菜会令整道菜更香更惹味，送多两碗饭。送灼蚝油菜心：菜心口感脆嫩，加少许蚝油味更鲜甜。套餐包白饭两碗、饮品两杯。焗意式烤猪扒意粉：意粉焗至金黄色热辣辣上枱，猪扒厚身之余十分爽嫩，茄汁甜中带酸，还加入蕃茄和芝士等，无论味道和口感也有丰富层次，每口都茄甜肉鲜，意粉软硬适中，香口得来开胃不腻！炸鸡脾：即叫即炸至金黄色，外皮香脆可口，鸡肉厚身入口够滑。禾味烧BB鸽是皮脆、肉滑、骨嫩、多汁。汽水奉送冰底，够晒冰冻解喝，冻华田香浓甜美。
继续阅读
您可能会有兴趣的...