元気寿司 (東薈城名店倉)

营业中

休息中

就係頭幾次都要等好耐位今次醒啊5:00就入座唔使等位呢啲時間不過就好多人等外賣可能疫情下外賣有八五折掛入去一坐低就吹水食嘢食嘢食嘢超新鮮價錢合理唔使講因為一直有食物都幾好服務員水準好咗好多今次用咗Citibank食夠$388就順利做會員今次埋單係$432食咗都幾多嘢加埋甜品真係唔錯刺身壽司乜都食仲食埋烏冬添個栗子雪糕同埋鹽雪糕都不得了下次encore坐下坐下已經6:45😂我哋係坐卡位好舒服一邊傾偈一邊食嘢唔覺唔覺就已經接近兩個鐘⋯真係好過坐Starbucks😆最重要一邊食嘢一邊吹水所有嘢都超新鮮可能之後時段多人唔錯唔錯值得推薦⋯今次已經第五次食⋯所以一定要寫分享係喎好想講未食過炸魚皮第一次食真係唔錯嚟到嘅炸魚皮係香噴噴仲要係熱辣辣加油啊期待會員卡到咗再encore🤟🏻😉🥳（幾年前喺長沙灣元氣食過差到不得了驚咗點知嚟到呢度簡直係意外收穫⋯講返長沙灣嗰間元氣真係污糟到不得了服務態度又差希望而家得到改善啦如果係嘅話就同屋企人去試吓）

今日要歡送一位同事，大家夾份攪個小型歡送會，與一個同事去買壽司，去到門外店舖很大，門外很多客人等位中，同事入店落單，要等20分鐘，因有其他食物外賣要取，所以到取貨時是我取壽司，店員竟然記得係位男士，我出示單據攞到食物元氣A餐（$439）很大盤，大路款式都有，食咗：赤貝幾爽口，有咬勁帆立貝軟滑三文魚就剛好是邊位，有啲銀色皮，賣相唔係咁靚仔，味道都算肥，炸蝦卷外面夠多蟹籽，牡丹蝦爽口唔腥經典壽司盛A餐（$197）呢盤細嘅我無食，因為係比唔食生魚片嘅同事嘅包裝企理，外賣自取有折，跟壽司嘅醬料俾得足夠，店員態度幾好，對答有禮保持水準

繼上一次幫襯過「東薈城」新開嘅「元氣壽司」分店，八個月之後我又舊地重遊。唔知係因為疫情關係少咗人幫襯，定係廚房嘅水準問題，呢日食物嘅質素相比以往實在相差好遠👉🏻👈🏻「新幹線列車」系統似乎出咗問題，每次佢喺我身邊掠過， 正當我想攞嘢食嘅時候，「列車」忽然飛站、又或者我只係攞到其中一碟，其他嘅食物我都未拎上手，就跟「列車」開走🤪 搞到我每次都好似「麻鷹捉雞仔」咁，最後又係要麻煩 #服務員 幫我續碟搵返啲食物返嚟👉🏻👈🏻 至於啲食物，呢日真係好唔得，#蒸蛋 過多水份、或者根本係唔夠熟😅 #炸蝦卷 似乎一早整好，#炸蝦 同 #壽司飯 都一樣係凍嘅，無嚟神氣😅 另加嘅 #炸蠔 比較腥🤪 唯獨係個 #炸南瓜餅 似係新鮮整起，咬落去鬆化得來又帶住南瓜嘅甜味🤤 總算彌補我對呢場嘅不滿😤

元氣係藍店，係一定要擺食嘅，但係又有好多以前草落嘅積分。於是乎就咁啱佢做特價嘅時候就用埋啲積分換左嚟食啦。但係可能因為人手少但客人多嘅關係，等外賣等左好耐，真係好無奈

平時都有食開元氣，覺得佢你連鎖店又唔差，所以今次試下東涌嘅元氣。我今次係嗌外賣送到黎屋企，大概30分鐘就送到過嚟，叫咗個四人餐，都有好多嘢，有三文魚、鰻魚、元貝、虎蝦、吞拿魚、蟹柳、沙律、北極貝等等，有好多選擇，而家因為太熱氣諗唔到食咩，就決定食壽司，佢送到過嚟，啲壽司都仲好新鮮，而且好好食，水準一直都keep 得好好，所以一直都覺得元氣好好食，比起其他連鎖店又唔算好貴，但下次要比多啲豉油，因為豉油唔夠😂😂😂😂

#小秘書 間中都會去 #東涌 Citygate Outlets 行吓，睇吓拾唔拾到平嘢... 不過睇嘅多、好多時都係 #空手而回😅 聽朋友講，#東薈城 #CitygateOutlets #新一期商場 開咗，見 #假期 無咩嘢做，就入去狂吓、順便同 LINE FRIENDS 影吓相😚 唔知係咪啲 #遊客 唔為意，#新一期商場 明顯 #香港客 為多，無咗一排又一排嘅遊客企喺鋪面等人，地方寬敞得多，而且 #餐廳 選擇比較多。#小秘書 左揀右揀之後，最終都係上咗去 元氣壽司 🍣 當時 #餐廳 裡面 #客人 唔太多，#服務員 安排我哋兩個坐喺近 #迴轉帶旁邊嘅 #卡位，唔使咁迫夾。我哋按照 #服務員 嘅 #指示，用自己 #手機 #落單，過程都唔算複雜。落單後唔夠5分鐘，#壽司 就由#新幹線🚄 一碟一碟送到，雖然時間係快咗... 不過我依然覺得 #壽司🍣 應該放喺木板上送到客人面前，而唔係好似而家散修修咁😑 講返啲食物，我覺得呢日啲 #油香魚 特別肥美🤤 #赤貝、#海膽 都好鮮甜呀👍🏻 不枉我哋 #山長水遠 都過嚟幫襯🥳

大型連鎖集團•元氣•我相信大部份嘅香港人都認識，亦都相信大部份嘅香港人都有食過。所以我今次都冇特登影啲食物相去同大家分享，主要想分享下東薈城呢間元氣嘅用餐感覺。今日放假，就決定中午出去食元氣。好彩中午基本上都唔使排隊，行埋去已經可以入座。餐廳面積都幾大，容納到四、五十人。可能我真係太內冇食元氣宜家先知元氣連電子iPad 錢都慳番。會叫人下載佢哋嘅Apps去點餐。如果成日食元氣嘅朋友仲可以儲埋積分當錢洗😉東薈城呢間元氣採用gimmick 嘅元氣高速火車送餐，好方便。埋單$231。以呢個價錢食日本野其實一啲都唔貴，但係正常星期一至五，元氣都會有lunch set。但東薈城呢間就冇提供午市定食，只有兩點半後推出下午茶定食。身為東涌居民只能慨嘆活在遊客區內。😞

哈哈哈！元氣的壽司列車🍣🚄咁得意，當然係小朋友介紹是ge啦！於是同老公兩個放假無嘢做，又咁近屋企，一齊去食個下午茶先，元氣下午茶一直都想食，但無機會，加上e家有個呢列車好似好吸引咁。如坐列車的位置就唔需要服務員送餐，列車會沿著路軌來到你的台隔離，自己取就ok啦！好得意啊！好多小朋友的至愛。下午茶的份量也算ok！一個set我已經飽啦！當埋晚餐食。個蒸蛋超正啊！好滑好夠味。壽司拼盤都好新鮮！感覺服務員的態度比以前好了。

元氣喺今個夏天推出嘅極上餐目全部都係啲超有鮮味嘅食材。🤩 咁就可以喺夏天keep refreshing。⁣⁣🚤⁣⁣豪快海老二点 ($22)［好味度：7.5/10］⁣⁣⁣呢個就分別可以食曬兩款唔同嘅海老。🦐 分別就係鮮甜嘅甜蝦同埋彈牙嘅赤海蝦。✌🏻 再加上卜卜脆嘅三文魚子，令到口感更加豐富。⁣⁣😄⁣⁣北海道帆立貝牛油燒 ($17)［好味度：8.5/10］⁣⁣⁣個帆立貝超級大隻，一嚟嗰陣仲遮住曬啲飯，爭啲以為係冇飯嘅。🙈 用咗超香嘅蒜蓉牛油汁，所以牛油嘅香氣撲鼻。👃 而且經過火炙微微烤過，令到帆立貝嘅味道原汁原味咁樣係口腔到呈現。⁣⁣😙⁣⁣海膽配厚切墨魚 ($14) ［好味度：8/10］⁣⁣⁣本身煙韌嘅墨魚再經過厚切，令到滋味倍增。😋 除咗墨魚本身嘅鮮味之外，再加上海膽醬汁同埋馬糞海膽，唔同嘅鮮美一次過爆發。⁣⁣☺⁣⁣三色海鮮卷 ($20)［好味度：6.5/10］⁣⁣⁣本身用青瓜甜蛋飯卷做底。😛 再喺卷面舖滿彈牙嘅小柱和鮮甜蝦。😯 一次過試到曬唔同新鮮嘅食材。⁣⁣😇⁣⁣焗檸檬芝士蛋糕 ($19)［好味度：7/10］⁣⁣⁣係用日本食材製成嘅高質蛋糕。🇯🇵 本身芝士蛋糕感覺好heavy，但係加