元気寿司 (南寧街)

营业中

休息中

話說元氣推出了新品，登登登登！抹茶卷蛋糕，不會放過有抹茶甜點既地方，放工外帶一件先回家吃飯後吃，蛋糕不會乾，質感軟熟，上面亦有層灑上抹茶粉末的cream, 卷中心的奶油與紅豆混合一起，奶油滑而且重牛奶味，見到紅豆已經見怪不怪了，皆因佢地係朋友黎架，缺一不可。perfect match, 綠茶味不太濃郁，小小的蛋糕不會太甜，輕食之選！

得知元氣有抹茶芝士蛋糕，十分開心！對於抹茶愛好者係好消息！於是我外帶它回家！一小片盛惠18蚊，墨綠色，真的吸引！餅底不油膩，芝士蛋糕質感紮實，芝士和綠茶味配合得宜，芝士味濃，有綠茶的香濃味道，有微微茶味，但是不甜，個人挺喜歡細細件，飯後甜品推介！

元氣在香港的日本餐中屬中上之選。除了可選擇的刺身和壽司種類多外，每一樣刺身和壽司的質素亦很高，以三文魚刺身來說，是入口即溶及保留有三文魚的鮮味。元氣壽司除了剌身好吃外，對壽司的飯亦十分講究，不會太黏又不會太鬆散。而且壽司價格依款式分類，定價合理。另外串燒十分入味能鎖住肉汁，口感鮮嫩。對於喜歡日本食品的人而言實是不能錯過。 甜蝦真係好大隻好抵食 其他刺身都好新鮮架

平常比較少堂食, 一來等位等得耐, 不過最近用會員限定的遙距取票服務! 正! 等少好多時間, 甚至唔使等!最近, 喜歡上軍艦系列!辣味三文魚好好味! 辣味汁加D生薑配三文魚, 令三文魚無咁膩既感覺!另外, 發現 墨魚海膽軍艦都好正!以前無食因為外賣嗌海膽, 有變壞的危險!難得堂食, 一試真係....good! 本身唔會食墨魚壽司都覺得好味道!

放假同埋個女一家人去元氣食壽司, 已經兩點幾但都超級多人...笑容很甜的經理帶路, 坐底立刻拿拿臨點菜, 叫了燒左口魚, 燒帶子, 燒墨魚, 長蟹腳, 吞拿魚碎, 海膽墨魚壽司.食完唔夠, 再點燒左口魚, 玉子, 煙三文魚, 池魚, 燉蛋, 泡芙等小食. 妹妹已經唔耐煩所以之好快快食完走...燒左口魚, 魚的份量過分的小, 不過油脂豐富甘甜, 好食. 燒帶子多汁鮮甜, 燒墨魚很香口, 蟹腳甘甜, 吞拿魚口感濃郁.這間壽司店雖然人流很多而且似乎人手稍為不足, 不過員工很勤快而且很有禮貌, 食得很舒服, 抵讚.

香港仔元氣壽司日日都好多人等位，今日一早用了手機apps 攞費，所以唔使等太耐！   星期一至星期五，2:30pm至5：30pm,有下午茶供應，價錢由$45 至$58 ，另收加一服務費，可算是很價惠，會員卡還可以儲積分，留待下一次光顧時扣減。   Order 了壽司盛A 及壽司盛E 餐，壽司很新鮮，我最欣賞係元氣獨有的炙燒黑椒三文魚，三文魚肥美配上惹味黑椒，囗感一流，回味無竅！日式蒸蛋，很滑，材料很豐富！蟹子沙律，冇乜特別！牛肉薯餅，味道很好，不過唔夠熱！   幾十蚊嘅價錢，能否享用咁多食物，真係好抵！   下次一定會再來！

元氣好似永遠有人在等位香港仔分店已經較好，人龍不長，兩點幾到，20分鐘有位已經好幸運！肥髀最開心坐到迴轉位，可以自己取食物，先向迴轉帶進攻，取了：三文魚，炸蝦卷，劍魚腩，帶子，芥辣八爪魚再Order:蟹子沙律手卷，軟殻蟹手卷，吉列炸蠔軍艦，飛魚子軍艦，三文魚頭麵豉湯，炙燒牛油特大赤海老講真，一切正常，係劍魚腩比較驚喜，厚切，又唔腥，我食壽司只會點少少豉油及芥辣（同朋友食壽司，見佢哋用豉油溝極多芥辣，變成杰撻撻綠色水泥嘅物體去點壽司，其實食乜材料都無分別，只有芥辣味唔係食壽司，係食芥辣）服務正常，衛生當然有保證，order食物亦上得好快!

自己一直有一個問號, 點解 "元氣" 條人龍, 10 年都係咁長??當朋友話元綠係垃圾, 1 個, 2 個, 3 個都係咁講, 自然會覺得佢唔好食... 但一試後又覺得 "冇咁差呀..."當朋友話元氣係超好食, 1 個, 2 個, 3 個都係咁講, 自然會覺得佢應該會好好食... 但一試後又覺得 "冇咁好呀..."昨日有約一個鐘的時間, 又見人龍終於有龍尾, 就試試元氣...被安排坐於迴轉枱, 由於時間不多但客人眾多, 所以沒有直接ORDER 食物, 全晚只是取用迴轉上的食物...元氣擁戴者可以說我 "以偏蓋全", 沒直接 ORDER 的意見不夠全面... 但是一家迴轉壽司, 迴轉上的食物質素又怎可這樣差坐了30 分鐘, 迴轉上其實只有各式的三文魚, 各式的蝦, 各式的日式小食 (如中華沙律, 螺肉等), 還有幾粒泡芙款式少沒問題, 只是每件壽司都像放了千年, 乾的, 沒有光澤, 沒有水份, 像給冷氣抽乾了一樣...如此景況, 實在難以動手, 但時間無多, 只好勉強取了幾碟 (全晚一共食了11 碟)三色三文魚: 可以的炙燒三文魚: 肥美, 但太肥美了... 碟底有油...蔥花三文

已是兩個月前的事了，現在才有空寫食評。媽媽很愛元氣，為了陪伴她，去了久違了的元氣。香港仔的店一向人多，等了很久，坐了ORDER位置。打開餐牌，感覺是：選擇少了，價格高了。點了最大路的東西，也點了媽媽的最愛：元氣卷、炸蝦卷，她可以一個人各吃２碟水準是達標了，於是計劃日後也可以再來，在板長跌WATT了很多的這個時候，元氣能保持水準，多麼難得。

為左換最新出既元氣日歷一齊去食元氣 lunch ~~~叫左一個海鮮丼，帶子好大粒，又夠鮮味，但份量太少了！ 蝦的份量亦非常之多，三文魚算是厚切的，但其實沒有太大分別飯也是平時的壽司飯，沒有太大分別的美中不足是等得太久，這個飯基本上是現有的材料做出來的可是竟然要等了20分鐘才有，完全不能接受，因為人不算太多。因為在等的時候又未有東西吃, 又不想取回轉枱上的食物怕吃飽了沒有胃口再吃.........就這樣肚著等了20分鐘而且望著壽司在轉..........................要改善！

會員生日有八折優惠,所以又去元氣開餐。池魚($9): 鹹鹹地,無咩特別。炸芝士年糕($18): 無乜芝士味,其實係無味,不過唔漏。粒貝軍艦($9): 完全唔知自己食緊乜,凍冰冰又無味。燒牛肋骨($9): 半生熟的牛肉,加上惹味的燒汁,好味。吉列炸蠔($16): 蠔唔大隻,但勝在剛炸起,熱辣辣。吞拿魚($12): 本身對吞拿魚都無特別喜好,所以都係覺得無乜特別。黑糖腐皮($9): 平時普通腐皮係甜甜地,黑糖腐皮係好甜。特大帆立貝($9): 必點之選,因為本人太喜愛帆立貝。三文魚($12): 淡淡的三文魚肥脂味。烏冬($12): 細細碗,麵條爽口。

星期日 下雨天,午飯想食壽司,所以去附近的元氣~~之前做了會員,有優惠卷可以用~~食夠五碟壽司就可以半價點一客刺身。可能因為落雨,無人排隊,去到就有位。見到新餐牌有夏日推介,有6,7款新野。我地咁為食,當然要試下啦~軍艦三味 ($20): 三款材料分別係 白飯魚,櫻花蝦和沙甸魚苗,其實都食唔出有咩分別。白魚食到個口好漿~不過三樣味道都唔突出。炙燒牡蠣壽司 ($16): 牡蠣即係蠔,唔知點解要加沙律醬...搶晒d味針魚壽司 ($16): 魚肉都係無味,只食到薑的味。燒堅魚壽司 ($16): 無咩特別。試完新野,食返大路食物炙燒帆立貝壽司 ($9): 食到有燒過的味,不過又有沙律醬。三文魚刺身 ($35): 得4小塊,尚算厚身,只有淡淡的三文魚味。炸蝦天婦羅烏冬 ($35): 3隻炸蝦,粉漿唔算好厚,味道ok,烏冬很細碗。最後埋單發生小插曲,收銀員將刺身碟入左藍色碟,收多左我地錢。於是就叫佢地改返啦,點知第二個職員幫我改左,但係佢又錯誤地無扣加一,因為我有元氣卡,不過我發現時已經回家了。錯完又錯...元氣職員真係要多d培訓啦....

今日心情唔好…好想食sushi…就近去了genki近年genki的quality平穩了點了:腐皮: 壽司店必選…正正常常冇乜特別波士頓卷: 每次吃元氣都會點的, cream cheese和tuna的味道很夾, 可惜今晚d tuna有點腥….蛋: 正正常常冇乜特別, 如果件蛋可厚返少少就好鰻魚反卷: 明明已經飽….見佢個樣ok先點…點知唔點好過點…食完都唔知自己食緊乜…有d芝麻、有d飯的物體囉…(食唔到鰻魚味…又食唔到cream cheese的味道)吃過了…心情好了一點…hea多陣返家倒頭大睡忘卻煩憂。

沉晚同阿妹幾個去左食元氣, 六點鐘去到, 等到大約六點半有位,但我地想坐卡位, 所以繼續等, 等到七點二就有位喇....三文魚好新鮮, 又厚, 都幾抵食甘蝦又好甜喎......炸蝦卷就覺得麻麻地..........唔係太脆~軟殼蟹手卷好好食呀.....不過覺得咸左d..........蟹子沙律好多蟹子, 抵食...日式蒸蛋都好好味,,,而且仲好滑添~我地總共食左27碟, 都唔算太多, 但已經好飽..........4個人食左$340左右...因為有會員咭有85折~~

心血來潮想吃壽司，發現tea time有39蚊的set壽司我選了有三文魚、海鰻、熟蝦、炸蝦卷的，配蟹子沙律，還有烏冬壽司OK，不過感覺直接Order的那種好像好吃一點不過有炸蝦卷在裡面真的會吃到飽哂蟹子沙律份量都幾多，烏冬好好食好「煙un」加9蚊既軟殼蟹手卷好好食，新鮮炸起好脆，紫菜又係脆卜卜咁然後再叫多一個extra炸軟殼蟹，加埋檸檬汁很好吃服務也很好，店員不多但多數都好醒目一叫就見到