元気寿司 (馬鞍山廣場)

营业中

休息中

It's early off day again ! I've always wanted to eat Genki, though often there was a long queue and there was not enough time . Since I'm off early today, I can wait how long I want ! So therefore, I stood outside the restuarant for like an hour or so to wait for my turn to go in .I ordered three sushis and some other stuff , but I won't be covering the other stuff.The first one that came via the train was the Shrimp Tempura Sushi . The shrimp was very crunchy, though it's crunchy because it

馬鞍山間元氣，啲碗碗碟碟全部都好污糟，今日真係忍唔住要問個店員究竟有無洗碗？佢睇完都無言以對，碟碟壽司碟個底都有好多上一碟留嘅冷飯菜汁，碟面都同樣會有好多奇怪嘅漬，蓋喺壽司上面個膠蓋，100%無洗，因為仲係痴住左啲紫菜，我叫果碟壽司根本就係無紫菜，如果唔係小朋友講想去，我必定唔會去，疫情下仲差過以前。為咗健康著想……大家真係諗清楚會唔會去，我就唔會再帶小朋友去喇！回憶番，仲覺得嘔心！不過啲職員幾有禮貌，我問完啲碗有冇洗過之後，店員即刻話換過俾我！但點都好，今次會係我最後一次去！

疫情影響之下, 有時想出街食迴轉壽司, 但係又驚人多, 同埋輸送帶上面既壽司, 會經過好多食客既面前, 雖然有個蓋遮住, 但係都難免會有飛沫飄倒入去, 所以網上訂購咁方便既時候, 為左止下癮, 完全唔需要考慮咁多.水準唔差既壽司, 雖然部份係要點2件, 不過好味既話, 食多件都可以接受倒既, 始終係有舊飯, 都唔能夠食太多. 所以只能揀精選黎點, 從上排左至右咁介紹, 期間限定既中拖羅, 相比起赤身, 當然油脂味會重d, 滑口情度都會提升. 每次我都會叫脆蒜長鰭吞拿魚, 有時仲會忍唔住叫多舊添, 因為佢有pat辣椒油, 再加上蛋黃醬又中和返, 而且魚肉再比拖. 羅淋身, 雖然冇咁滑口, 但咬落去係有入口即溶, 加埋個醬, 口感好似有幾個層次一樣. 筋子同三文魚子既分別, 係佢無紫菜包住, 同埋唔會好似三文魚子咁, 可以分開每粒每粒, 筋子係咬入口, 一齊同時間爆開既感覺, 有時會比三文魚子咸, 但口咬絕對係特別既. 招牌既辣味三文魚軍艦, 當然最突出既係佢既辣味, 食完都會last一段時間, 非常過癮而且衝擊味蕾. 甜蝦蟹膏軍艦, 甜蝦至少有3隻, 稍甜而混埋蟹膏既咸鮮味, 再加上蝦肉

元氣係經常食嘅壽司店，因為佢嘅質素都幾穩定 ，不過佢嘅價錢就開始越嚟越貴，成日都見佢有加價。 但係佢個下午茶餐都算ok嘅，五十幾蚊一個餐都夠飽 ，又可以加12蚊加一個芝士蛋糕都幾好味㗎。

日本菜係我既至愛，今天心血來潮好想食壽司，去左屋企附近間元氣壽司，無論平日定假日，每次都大排長龍，但係都值得既，因為佢依度用料新鮮，即叫即做，仲有高速火車送到你面前。三文魚腩、油甘魚、吞拿魚腩壽司，魚油香四溢，口齒留香。赤海蝦壽司都好好味，蝦用好彈牙好鮮味。 軍艦壽司送到黎，紫菜還是脆脆的。依到d 炸物一樣係好出色，尢其是吉列炸蠔，外皮香脆，蠔味重，外脆內嫩，好味到不得了，仲有依度炸魷魚都相當唔錯。 美食當前，再加埋支日本清酒，一路食一路飲，正!!

小朋友好鍾意既火車🚄壽司店😝因為呢個原因..都幾經常幫襯🙈d Staff都好nice！我地每次都用APP提早拎定飛，所以都唔會等好耐食物方便都好新鮮，上菜都好快小朋友大愛，焗帆立貝通粉重芝士！份量岩晒小朋友，細細碗，食完仲可以食其他壽司🍣芝士龍蝦濃湯茶碗蒸好濃龍蝦味又好鮮味仲有必嗌既帆立貝刺身，帆立貝配柑橘汁😝好開心有海膽軍艦，唔係次次都有貨！具類三點盛又係抵食之選總括黎講，食物質素幾好，環境都乾淨

最近疫情肆虐加上限制令生效，所以大部分食肆都只係做外賣，加上撞正聖誕節，見元氣推出聖誕限時優惠，真係幾抵食，叫咗狂歡派對盛，有88 件壽司、蟹籽沙律、迷你泡芙。蟹籽沙律份量都幾大兜。派對卷物盛幾啱小朋友食，有太卷、加州卷、蟹柳卷、青瓜卷、腐皮壽司、蟹柳壽司、玉子壽司。大滿足司盛 😍 有三文魚、三文魚腩、赤海蝦、蒲燒鰻魚、帆立貝、吞拿魚、油甘魚、墨魚、炸蝦卷、芝士鰻魚卷等等，壽司都幾新鮮而且好肥美，唯獨是蒲燒鰻魚壽司有少許骨。

夜晚都預咗要等， 門口有機可以撳飛， 入咗電話號碼，大概仲有5張枱，就會有電話打嚟提醒你 ， 所以入坐之前可以周圍行個圈，唔駛企晒係門口，唔錯! 食物質素無問題入，份量滿意，刺身色水都係正常發揮，食咗好多次，普通選擇都已經食過晒，好在佢定時會推出一啲季節限定既新款，叫做無咁悶喇! 食完一輪食慣咗既選擇之後，每位大概150蚊左右，夠晒飽喇!

近來元氣成日外賣八折，攪到我個個禮拜總有一兩日唔想煮飯，仲要唔覺意比阿仔睇到呢套兒童餐係車車造型，真係唔叫唔得，入面包得好好，仲要分哂盒好乾淨，唔錯，推介，盒果汁都好飲。

連續食左兩日美心集團，今日又食美心集團啦，今日去食元氣壽司的下午茶套餐。每個月的第一個星期三都係會員感謝日，但係2020年1月份及7月份係變咗第二個星期三。而元氣壽司的會員感謝日係全日可享8折優惠！無論堂食或者外賣都有八折優惠。每逢會員感謝日都特別多人去食，所以今日就去碰下運氣，睇吓要等幾耐先入座，今日大約等左35分鐘才入座，叫左2個套餐，一個A餐丶一個D餐。A餐＄62有北寄貝丶炙燒芝士皇帝蟹柳丶炙燒黑椒熟蝦丶炸蝦卷丶三文魚刺身丶赤海蝦刺身，再揀一款小食，小食有三款，包括：芝士薯條丶日式吉列蝦寶丶南瓜薯餅。再㨂一款輕食，輕食有三款選擇，有湯烏冬丶日式海鮮燉蛋丶什錦刺身花卷。每隔一段時間就會轉款。而D餐＄50就有炙燒牛油熟帶子丶炙燒黑椒熟蝦丶炙燒黑椒三文魚丶炙燒珍寶皇帝蟹柳。一個套餐有咁多野食，真係非常超值，而且今日仲要有8折添！服務好丶品質好丶環境舒適。

由於疫情關係，元氣竟然唔使等位，馬鞍山呢一間出晒名等一個鐘閑閑哋，今日突然之間好想食壽司，於是咁岩經過，就行過去睇吓，正！冇乜人，仲可以坐得舒舒服服，實不相瞞，好怕等位嘅我，其實從來未試過新幹線😆今次係第一次，有啲大鄉里！食物質素方面，依然保持不錯！親人少少，可以再試！

今日初一元氣竟然係咩人食，咁就叫咗個經典壽司盛B返去同老豆食。啲材料幾新鮮而且厚薄適中，不過啲飯好鬆散！而個炸蝦卷食落好硬唔似係新鮮炸起。呢度22件$178 2個人食份量岩岩好，但性價比唔算高

依家食壽司只會去元氣或者千両，之前食過板長壽司嘅午餐真係超級唔掂，質素仲衰過啲外賣壽司。一如以往都有玉子、魷魚、芥辣八爪魚、炸蝦卷、炙燒黑椒三文魚、炙燒黑椒熟蝦、炙燒帆立貝壽司同抹茶千層蛋糕，本身諗住叫性價比好高嘅胡麻冷麵，但可惜期間限定已經冇再出，不過試咗樣新品「極太麵」。極太麵 ($25) : 見到實物以為係無落湯嘅面，原來係醬汁撈麵，撈完之後立即聞到陣陣好香嘅黑蒜味，竹筍又粗又爽口，豚片一啲都唔嚡口，比預期中好食 👍🏻 👍🏻 👍🏻

依間元氣新裝修好，有高速列車送餐，咁啱經過就去試下啦～一坐低就有個QR Code，用手機scan就可以自己點餐，睇啱食咩就順手落埋單。方便左又減少漏單嘅情況👍🏻三文魚頭湯可能容易傾瀉，所以係侍應送過黎而壽司就全部都由高速列車送到面前，當拎走上面嘅食物，列車就會自動返去～我同朋友都中意食呑拿魚，所以主要都係揀依種魚。香辣呑拿魚蓉都幾夠味，而且魚蓉都幾大舊😋仲叫左香葱呑拿魚卷，外面有層芝麻都幾香。驚唔夠飽叫多左個卷同章魚燒，章魚燒嘅外層仲係燒嘅，應該係新鮮整嘅😋兩個人埋單$200左右，假日嘅簡單午餐都算ok

又到咗每個月既第一個星期三喇，又係會員感謝日既來臨，所以無理由唔幫襯架。😆 😆因為係感謝日既緣故，怕會好多人所以六點鐘就食喇，馬鞍山分店裝修完後，由以往既迴轉帶變成了 🚄 高速線，轉咗用高速線後，不但可以減少食物因放在迴轉帶太耐，以導致要掉既浪費，同時又可以做到即叫即整既品質，無論對食客還是餐廳嚟講都係雙贏。👍🏻 👍🏻日式海鮮燉蛋 : 除左有冬菇、蟹柳、嗚門卷外，依家重多咗成粒帶子係裏面好抵食。胡麻冷麵 : 見平平地所以叫黎試下，有青瓜絲、蛋絲、蟹柳、雞肉、雞蛋 ; 冷麵夠凍爽口，撈埋胡麻醬好好味。芥辣八爪魚比想像中出色，八爪魚肥嘟嘟口感好飽滿 ; 魷魚同赤海蝦新鮮有光澤。炙燒黑椒三文魚、熟蝦、帆立貝 : 魚生上面塗上沙律醬同黑椒，再用火槍燒一燒，相當惹味。抹茶千層蛋糕 : 本身唔太食抹茶既食品，不過見有折就試下無妨，食完之後真係返唔到轉頭，真係好好好好味，抹茶味不太濃，而且蛋糕好軟熟，口感亦超幼滑。