兄弟幫食堂 (已結業)

同朋友傾開計話好耐無見…話不如出黎見下面食串燒。 串燒正喎…原先話去佐敦…不過印象試好味既都執左…咁我提議不如去旺角兄弟幫…一來對我方便d…二來之前試過茶記d野ok…呢個舖位比之前寬敞…好坐好多。 呢度我估夜晚主要做下串燒…又有日式拉麵主食。 我地3條友你點下我又點下…都點左幾多野食…雞翼呀…燒瀨尿蝦乾…雞泡魚乾…燒日式叉燒…羊架(我唔食的😣)…年糕…豬頸肉…冬菇…燒菠蘿…蕃屎…又有d小食…虎皮🍌…蟹餅等等…最後加送左份雪魚乾…好似薄薄既薯片好香脆食物調味同火喉都幾好…鹹食都燒得好惹味…加上服務好好…好有禮教重點推介有:燒豬頸肉 (豬爽肉)燒日式叉燒腩肉波板糖燒魚皮餃 (餐牌暫時無的😎😎)

🍢🍢串燒夜🍢🍢⁣⁣兄弟幫重開後，知道晚市賣串燒，果然無令人失望，海鮮夠新鮮，肉類夠juicy, 佢隻調味粉好正，價錢合理🥰🥰，係咁食同朋友一路食住串燒，飲清酒，一路吹水，真係好爽啊🥳🥳🥳🥳老闆介紹燒芝士年糕係必食無介紹錯外脆內軟配煉奶真係一絕甲羅燒又係推介之一,蟹膏配炒飯真係無得輸A4和牛西冷，和牛有幾好食唔係介紹喇重點係唔太貴重可以叫老闆留D新鮮海鮮，今次留左隻膏蟹，爆曬膏痴線

🍢🍢串燒夜🍢🍢⁣⁣兄弟幫重開後，知道晚市賣串燒，終於試到喇👏🏻👏🏻👏🏻果然無令人失望，海鮮夠新鮮，肉類夠juicy, 佢隻調味粉好正，係咁叫，係咁食，同朋友一路食住串燒，飲任清酒，一路吹水，真係好爽啊🥳🥳甲羅燒蟹膏配炒飯真係一絕老闆推介芝士年糕真心無介紹錯，外脆內軟配煉奶又好match和牛唔洗多介紹喇，價錢合埋燒得恰到好處重可以叫老闆留D新鲜海鲜，今次留左膏蟹，爆曬膏痴線鮮到不得了

這天想食茶餐廳，想起自兄弟幫搬遷後都未食過，就特意來食個下午茶。星期日差不多下午四點，餐廳也是滿座的，一位的我就跟其他人搭檯吧。熱奶茶茶底幾濃，奶的份量適中，未去到澀但怕濃的或許要加多一點糖中和味道。招牌蔥油豬扒撈公仔麵($36)有一個麵跟大大塊豬扒，看起來十分邪惡。豬扒size是大，但味道方面卻有落差。豬扒質感較硬、較死實，沒有應有的彈性，應該雪藏了很久；大概點本身肉質較軟的雞扒會多點保證吧。雖然豬扒比較失望，但是蔥油撈麵卻挽回不少分數。在舊舖時食過他們的蔥油雞扒，蔥油濃郁惹味，跟肉類一齊食很下飯。這次試跟即食麵吃，撈勻麵跟蔥油。軟軟的麵掛著、吸收了蔥油的油，味道份外香濃，夾著清爽的蔥增添一份清新。這個自家調配的蔥油又香又惹味，雖知道並不健康，但無論是香氣或者味道，都讓我一口接一口的吃著；果然是招牌蔥油剛巧用餐時餐廳座位差不多全滿，店員姨姨欲安排我坐在一個近門口，同時她也知道那個座位冷氣迎面吹著很大風，詢問我是否需要轉為位，而我婉拒她說接受這個位置的溫度後，她也說如果我坐多一會覺得凍也可跟她要求轉位，十分細心。兄弟幫的蔥油讓人難忘，如果在油蔴地、旺角區想食下午茶，都可以來這裡一試呀

星期日街坊街里諗住撐下黃店，入到去沒有量體溫服務態度好差既收銀員叫我哋兩位企喺👫度明知有位都唔俾我哋坐，當時有枱客等外賣食完已經準備走，叫佢落單就不停話等等都已經唔只一次😡,又唔係等着收錢等乜嘢，點解佢唔可以安排多一個出餐嘅人幫我哋寫咗單先, 服務態度非常差不可一世咁, 好失望😞不再幫襯你地兄弟幫

💛 兄弟幫冰室。大排檔 💛..............................有朋友多次推介我哋去試呢間黃店🤩第一次去影嘅相麻麻地 所以一直都未出😣今次係我第二次去食 特別為咗佢個撈一丁而嚟😈但6月17號之後就會搬 留意唔好換門釘～7月先會再開返 大家爭取時間懲罰下佢地🥳.🔅想知黃店原因請Pm💛...............................🍽蔥油豬扒撈公仔麵 $36 （出前一丁+$4）。配熱飲/ 凍飲 $3/ 特飲 $8/ 冰涼系列 $12（👏🏻8.5/10）.上次南瓜嗌嘅時候我心諗會好食咩蔥油撈麵😣點知好食到不得了 超正嘅撈一丁😍😍個撈麵好食在佢落咗啲類似瑞士汁去撈鹹鹹甜甜咁 未食過咁好食嘅撈一丁🐷而且個麵兩次都唔會太腍 呢個硬度good fit🥳蔥油唔係重點 下次試埋瑞士雞翼撈公仔麵先同埋第一次嚟叫咗雞扒 覺得雞扒酸酸地唔太啱我食我覺得豬扒好食好多 食落超級juicy 有肉汁🤩...............................🎈 兄弟幫冰室。大排檔 (旺角)旺角上海街497號地舖..............................

今次去買外賣去到時都見佢有9成full門口都有一兩個等緊外賣2盒飯都等左大約20分鐘先拎到..冇諗過佢要咁耐🙈😭我叫左滑蛋叉燒飯近排食左幾間唔知點解都係瘦叉諗住今次應該會唔同掛.. 點知一打開盒飯我白眼都翻埋呢d係咩叉燒... 黑色嘅大佬佢唔單止係瘦... 佢係乾... 同埋我已經唔覺得佢係叉燒 因為得都唔識得去形容佢佢個蛋係比較好食... 不過我衝擊仲係好大成個飯都冇咩點食我男友叫左滑多雞扒飯蛋正常... 塊雞扒... 黑色嘅....我男朋友講左句「唔怪得外賣要等咁耐，佢全部野都overcooked」一定唔會再有下一次

睇佢OpenRice 見有飯同普通常餐食個啲食，就諗坐黎試下，點知原來夜晚只做串燒，所以都照試下😆一早book左枱所以都唔洗等，但去到都無咩人唔洗book都得，可能因為岩岩開番晚市既關係🙈燒鵝肝多士一件$68 黎到同我諗既有少少分別，因為正常係用法包，佢用左白方包，鵝肝有啲燶燒四色雞柳串$66呢個一放低枱就好香好香😍同埋食都好好食，好夠滑，4種口味都好夾原條茄子（川式燒）$34茄子都算大，味道正常，唔太川式，可能無加辣粉蒜蓉牛油焗雜菌$34都ok既，但食唔到蒜蓉味，食到好重既牛油味燒翠肉瓜$26好有芝士味😍好好食😋一口和牛粒$48都好大粒，所以都比較難咬，但都唔錯既😋燒羊架兩件$86好蘇，食唔多到蘇既人就唔好叫，唔多夠味，要點醬食燒雞腎$19好難食🙈有陣怪味燒豬頸肉$19煙煙銀銀好好食😋

兄弟幫,搬咗新地址唔係個個人都知,但係佢哋依然都係咁黃💛,食物水平仲提升咗添。環境好咗靚咗同乾淨咗,最難得嘅係價錢依然係一樣,喺呢個環境都冇加價。今日我點咗一個鰻魚炒蛋厚多士,有兩條鰻魚真係好足料,賣相同味道都係一流。下午茶嘅價錢加埋杯凍嘢飲都係40蚊,cp 值真係爆曬燈。食個下午茶可以頂下肚,又唔會太飽返屋企都食到晚飯。我嘅朋友點左一個,蔥油豬扒公仔撈麵,賣相唔錯,味道都好好。唯一嘅缺點係,份量比較細,如果當係正餐未必夠飽。未試過嘅朋友,一定要去食下,真係強烈推介!

位於旺角既兄弟幫終於重開啦❗️❗️平時週末都鍾意黎食早餐，貪佢又平又大份，之前因為業主加租，被迫結業，但依加係隔一條街嘅地方終於重開啦，今日一於黎朝一朝聖🙇🏻‍♂️🙇🏻‍♂️早餐選擇多籮籮，有港式到西式再到中式都有，任君選擇💪🏻💪🏻最後試下呢個新出既熱香餅餐 $35包括：沙律、炒滑蛋、薯餅同三塊熱香餅炒滑蛋一月以往都是水準，好香好滑，好食！叫呢個餐其實係因為私心想食薯餅，薯餅雖然比較細塊，但係佢新鮮炸出嚟，又夠厚身，大滿足！之後就到主食熱香餅，熱香餅有大量牛油加埋糖漿，熱香餅本身有好有奶油味，好好食❗️❗️整體來講搬舖後都維持到搬舖前嘅高水平，喺旺角區想食平民化啲嘅食堂嘅話都可以考慮下黎試吓❗️

兄弟幫開返鋪啦 宜家兄弟幫都係上海街不過係近登打士街 記得過黎支持啦依家仲有晚市 主要食串燒同埋啤酒    餐牌依舊亦都有重新設計過瑞士雞脾湯公仔麵配火腿奄列/牛油多士 ($48+$3凍飲)雞脾今次食略為遜色 基本上似係滷水味多過瑞士汁味所以點左呢個瑞士雞脾確實有d失望火腿奄列同牛油多士不過不失點呢個套餐都幾豐富 因為真係好多野食是日午餐 - 滑蛋吉列豬扒飯 ($48+3)滑蛋係炒得出色 真係夠滑吉列豬扒堅係夠大塊同埋肉質尚算嫩滑唔會太多鬆肉粉味道 同埋脆漿唔會太厚 力推

之前間中都有食，不過之前要搬關左一排就無食。。。勁掛住！今日睇社交平台見好似開左就決定去望下啦！地方唔難搵，係wellcome 斜對面間鋪大左靚左！仲好似有埋晚市不過今次食住lunch先啦！ 去到3點幾都有人下，不過都唔洗點等就入得！食個lunch 同下午茶，味道質素如一！好食又唔太貴！之後又可以經常嚟食啦！晚市應該係做日式燒烤嘢，不過要等下次試完再評論下！希望佢哋生意越嚟越好！經濟圈越做越大！