影片
港铁尖沙咀/尖東站 B2 出口, 步行约4分钟
继续阅读
开饭介绍
尖沙咀港式怀旧冰室，主打几款秘制酱油碟头饭，最著名的是于饭内加入三只流心蛋，俗称「三眼仔」，流心蛋黄配上秘制酱油好满足。晚市供应的煲仔饭也很有人气。
继续阅读
营业时间
星期一至日
07:00 - 22:30
以上资料只供参考，请与餐厅确认详情
相关文章
光榮速食一流夠晒快，不過食親都肚痛，由坐低點餐到食完埋單都唔洗15分鐘，食飽又立即開工﹗豉油滑蛋雞扒飯，終於發掘到光榮名物﹗炒滑蛋真心出色，加上自家調製甜豉油，仲有肥美半煎焗厚厚嫩滑多汁靚雞扒，全部撈埋一齊嘆堅係不得了！食到乾乾淨淨，只係白飯略濕要扣點分數。炸雞中翼沙律，這個擺盆非常有創意，各散東西？分道揚鑣？眾叛親離？懷舊港式沙律勁落沙律醬，將薯仔及雜果浸死去﹗瘦瘦翻炸雞翼發育不良瘦猛猛，乾柴迆無肉食，厴味混濁。咖哩汁豬扒意粉，突然想食港式咖哩撈意粉，不幸地狠狠中伏了﹗貌似深色濃郁多汁，估您唔到入口無味既？水汪汪淡茂茂咖哩水，唯有加胡椒粉吧﹗不過反魂乏術、無補於事。無味全熟白烚意粉，加上無味咖哩，都幻想都係咩味道。恩惠地有骨豬扒唔難食，肉質鬆化不過咸。鮮茄汁雞扒意粉，橫掂試完咖哩就順便試埋鮮茄汁雞扒意粉。見有一兩舊鮮番茄角，顏色濃濃深深的茄汁，但入口無味十足番茄水。立即加兩包不香不辣既辣椒油，完全沒有幫助，早知加地捫茄汁啦。雞扒最穩陣，真煎不是翻炸，肥美濕潤彈牙滑溜而醃味道清爽，啖啖肉好舒服。豉油三眼仔火腿炸雞髀飯，再試炸雞髀比多次機會您﹗依舊翻炸乾硬鞋燶無得救。甜豉油火腿太陽蛋撈飯無得輸，白飯依舊過濕要扣分。滑蛋鮮茄牛肉飯，炒滑蛋必食﹗鮮番茄汁水水的不要搏了，勁鬆腍劈劈粉味牛肉都算了吧﹗吉列豬扒，太瘦太乾太硬免強落肚，沒有肉汁乾爭爭，外層又硬又刮嘴。豉油滑蛋叉燒飯，我都估會有蔥架喇﹗早知係咪都講走蔥先，續粒挑出黎好攰呢！普普通通沒什麼特別，茶記叉燒唔夠靚，色香味欠奉。豆卜火腩飯，中規中矩燒肉，部份太肥部份太咸部份適中，撈汁撈多一點飯都還可以，豆卜嚥韌吸汁比燒肉可口。外觀賣相單調乏味不吸引，最可取之處係突快﹗快餐兩分鐘送到面前，暖暖地易入口食得更快﹗全條鰻魚滑蛋飯，膠感十足的即食叮叮鰻魚﹗薄衣衣乾爭爭用匙羹都吉唔穿鋸唔開，夾起大大力咬再用力扯終於可將其分解。深啡色味道甜笠笠帶點魚腥味，叮到燶燶的。全熟炒蛋不是滑蛋，差一丁點就過晒火變乾乾紙皮，炒蛋比鰻魚可口，撈飯還是滿意。揚州炒飯，賣相異常地嚇人﹗無蝦仔既？青豆都無粒？火腿叉燒炒飯，幸好夠鑊氣無炒到一舊舊夠乾爽，有肉味有蛋香。梅菜扣肉飯，心血來潮試試，外購翻熱貨色，沒甚樣擺盤賣相，極速一分鐘到站﹗極大量甜梅菜，五花腩薄切，肥膏沒有甘香溶化的感覺，瘦肉沒有香口鬆化的感覺，食落油膩不開胃。蔥油鴛鴦扒飯，甜豉油最美味、蔥花太大粒太腥食唔到﹗厚切有骨豬扒、肥美雞扒香煎有誠意，不是求其掉落炸爐由得自生自滅，不幸地白飯有點爛有點過濕啊。
继续阅读
Came here to support a great local cha chaan teng beloved by the people 👍🏼💚好耐冇返嚟啦～有少少懷舊又同時想支持呢家親民嘅小店...果然名不虛傳！蔥油雞扒飯 加三蛋：必食、10/10好完美。雞扒又脆又juicy、蔥油香、三蛋都煎得好靚靚。老公突然無聲無息底下頭、幾分鐘食晒、我都搶唔到幾口～😅滑蛋叉燒飯：都好完美！蛋又黃又滑、叉燒啱啱夠、唔會太油膩可惜每人得一個肚腩～希望下次來食煲仔飯🍲
继续阅读
有個上左年紀既男侍應態度超級惡劣，差到爆差到無朋友，只係叫左兩次落單姐就話你催佢，‘’你催我都無用，我唔入電腦落單你一樣無得食‘’xx你xx呀～#%&！@*%#+\｜～係要逼我講粗口，野食又唔係好好食，環境又差到極，又唔係好生意又唔忙，都唔明做咩事要甘鬼死躁底，唔想做你麻執咗佢囉，改左名叫光榮結業啦，結左佢啦，真係越諗越嬲xxxx，真唔明點解仲可以繼續營業落去，千祈千祈唔好幫襯，千祈千祈唔好幫襯，千祈千祈唔好幫襯，一定唔會有下次，睇返評價先知甘差～～
继续阅读
▫️鹹牛肉蛋治_$24(下午茶價)「睇橫切面就見到三文治係幾咁足料，由第一啖到最後一啖都食到滿滿嘅餡料！雞蛋軟嫩呈金黃色，小編配咗鹹牛肉平衡味道，雖然邪惡但好滿足～」識食：🧡🧡🧡🧡🧡🧡▫️生炸大雞脾配薯角_$31(下午茶價)「手掌咁大嘅炸脾，依然做到嫩滑爆汁！怕肥嘅可以轉薯角做沙律（雖然分別應該唔大～），美足不足嘅係雞肉較重雪味。」識飲：🧡🧡🧡🧡🖤🖤.環境：🧡🧡🧡🧡🖤🖤服務：🧡🧡🧡🧡🖤🖤抵食：🧡🧡🧡🧡🧡🧡//光榮冰室作為知名黃店，應該好多人都試過。除咗三蛋飯，原來佢哋嘅下午茶都好多選擇，仲又平又高質添～尖沙咀分店環境光猛，尚算整潔，食個快飯完全冇問題。//.🍽光榮冰室 (尖沙咀分店)🚪@gloryfandb📍尖沙咀厚福街5-6號地下6號📍旺角花園街3-5號鴻威大厦地下12-13號📍荃灣兆和街18號地下📍銅鑼灣登龍街37號地📍九龍灣常悅道23號地📍元朗教育路44, 46及50號兆明樓地下B號📍深井深井村54-55號地📍觀塘開源道63號福昌大廈地下A11號.喜歡《揀飲擇食》的圖片和文字🤍不妨點一下like和follow @picky.eaterrr
继续阅读
都聽講過呢期啲服務好差，但因為冇得揀唯有照入去食，點知咁就真係中咗。入面兩個侍應由頭到尾都係呼呼喝喝，特別係後生着黑衫嗰個，真係好似欠咗佢咁，仲要全程坐喺度講粗口，叫先識埋你收錢，嘢食本身已經難食，就連最基本個少少嘅服務態度都冇，根本就係趕客！
继续阅读