影片
港铁宋皇台站B2出口, 步行约2分钟
继续阅读
电话号码
59900098
开饭介绍
店内以灰色为主调，装修风格富现代感，环境优雅舒适。主打的席前料理由经验丰富的铁板烧师傅主理，用料新鲜，有多款海鲜及牛肉料理。
继续阅读
营业时间
今日营业
12:00 - 15:00
18:00 - 22:30
星期一
全日休息
星期二至日
12:00 - 15:00
18:00 - 22:30
公众假期
12:00 - 15:00
18:00 - 22:30
公众假期前夕
12:00 - 15:00
18:00 - 22:30
以上资料只供参考，请与餐厅确认详情
有关奖赏计划
最近好忙，朋友話揀個近我嘅地方食飯，仲話九龍城除左泰國菜之外，仲有其他選擇，就係鐵板燒 “入魂鐵板燒”朋友話咩都食，比我揀，一望到個餐有瀨尿蝦，我就知，係要揀你la⭐️⭐️晚市入魂套餐二人前師傅一黎就會主動問食唔食蔥同蒜，讚👍⭐️前菜個底有海藻伴碟，上面放左3粒螺，擺碟簡簡單單已經好靚，螺肉仲好鮮甜⭐️大南非鮑魚鮑魚切完出黎仲好大粒，好厚肉，但係食落完全唔會un，仲好鮮甜⭐️斑馬瀨尿蝦重點項目，盤海鮮一上枱，就知隻瀨尿蝦好正，係有膏嘅瀨尿蝦呀😍瀨尿蝦好鮮甜，好香，d膏真係好正，第一次食li個口感嘅瀨尿蝦膏，好creamy😋⭐️是日海鮮：白飯魚配北寄貝白飯魚炒到好香脆，北寄貝好大件，好鮮甜，個底仲有d海苔同湯⭐️季節魚：馬友本身就鐘意食馬友，因為佢嘅肉質好嫩滑，師傅煎到個魚皮好香脆，配埋酸酸地嘅醬，個醬似係自家制嘅，li個配搭好新鮮，正呀👍⭐️清酒煮蜆：沙白好大隻、好厚肉、冇沙，食落有微微嘅酒味，好味😋⭐️沙律間場用嘅，上枱嘅時間話：食完海鮮可以清一清，之後再食肉，好貼心嘅安排❤️⭐️美國牛肉薄燒師傅好細心，會問想要幾熟👍另外，會烘塊有公司名嘅多士黎放牛肉，一問之下，原來係用黎吸油嘅，好貼心，擺盤又靚左，用黎打咭一流呀，喜歡的話，最後仲可以食埋👍牛肉好嫩包住蔥、蒜，食落又唔會辣，正😋⭐️炒飯飯炒得夠乾身，只係加左蛋、蔥、洋蔥、肉，簡單嘅配搭，就已經好好味la🤤⭐️漬物有蒜頭、黃蘿蔔⭐湯簡單、又好飲⭐️炒菜有芽菜、椰菜、冬菇、紅蘿蔔，少少調味，就搞掂左，簡簡單單、又健康、又好食⭐️焦糖多士：好香脆，唔會太甜，啱啱好⭐️雪糕：朋友就揀左栗子味；我就揀左開心果味，嘩......一入口，不得了，好開心果味呀😍，仲有粒粒開心果碎，連甜品都好用心今次真係詞窮，海鮮除左鮮甜、好味之外，就仲係鮮甜🤣，因為佢d海鮮好新鮮，真係少少調味吊一吊味，就已經好好食，加埋師傅控制火喉又出色！大力推薦👍👍👍另外，不得不讚會主動加茶嘅侍應，好貼心👍
继续阅读
最近聽同事講佢係九龍城食左間好正既鐵板燒午餐, 價錢又親民, 所以我都即刻同朋友黎試下我喜歡吃的鐵板燒呀~<入魂套餐二人前> ~ $680套餐包了沙律 • 炒菜 • 炒飯 • 味噌湯• 漬物(牛蒡 • 醃蘿蔔)• 甜品*南非鮑魚 ~ 師傅即席係魚缸撈出南非鮑魚，鮑魚十分生猛同好大隻, 鐵板燒的鮑魚食落好新鮮爽口及彈牙, 小小海水味, 大愛!*日本廣島蠔 ~ 師傅先炒好煙肉留後, 待廣島蠔煎到金黃色，放上煙肉、蔥花、醬汁，一啖食落口, 口感豐富有蠔汁, 好味。▪清酒煮蜆 ~ 錫紙兜先加了水、清酒滾一陣, 再點火, 湯滾後可令酒精揮發, 之後再加入蜆煮一會, 火喉剛好, 蜆肉大粒, 沒有沙, 很鮮, 連湯都飲埋, 飲到微微的酒香好清甜, 讚!*大虎蝦 ~ 蝦頭和蝦身原來要分開黎煎，蝦頭要先煎後焗一陣, 之後就煎蝦身, 跟住一齊上碟, 蝦頭好多膏煎得好香口, 蝦身就食落好香牛油味, 彈牙!*日本黑豚肉薄餅呢個有驚喜, 特別用左春卷皮卷住黎煎, 一咬就感覺到很脆口, 之後再食到黑豚肉, 配料和醬汁, 整體好夾, 十分美味, 仲會先放上係麵包到吸油, 好細心~*美國牛肉薄燒 ~ 揀選了五成熟，牛肉煎得剛好, 包上蔥蒜，香氣四溢, 味道有層次。*炒飯 ~ 加了煙肉, 甘筍, 洋蔥, 雞蛋, 粒粒分明, 乾身, 喜歡。*炒菜 ~椰菜, 芽菜和 菇一齊炒, 炒得香味噌湯 : 有豆腐和海帶, 唔錯*甜品 ~ 雪糕揀左開心果和榛子味道, 配埋香煎焦糖脆多士，冰火交融, 正!整體食物質素新鮮好味, 師傅用心製作，特別欣賞鮑魚, 日本黑豚肉薄餅, 虎蝦, 炒飯, 會推介俾朋友家人黎食~
继续阅读
自從有屯馬線🚇我去九龍城既次數真係多左因為依區真係有好多好野食😋今次我同朋友就食日本菜🇯🇵鐵板燒店家用既材料夠新鮮。師傅👨🏻🍳經驗豐富，火候 • 時間都控制得岩岩好😌店內以黑灰色為主調，冇太多花巧佈置，簡約得黎有格調🖤🩶~•~•~•~•~•~•~•~•~•~•~•~•~•~•~•~•~•~•~• 🍴龍蝦鮑魚套餐二人前 ($1680)🍴▪龍蝦用左龍蝦膏炒龍蝦肉🦞，啖啖彈牙爽口既肉，一定要襯熱食🔥.👆🏻依𝟐款係師傅👨🏻🍳係店內水缸即撈，保証新鮮！仲郁緊嫁👇🏻.▪大南非鮑魚勁大隻，師傅👨🏻🍳仲分左(切粒 • 切片)，可以食到𝟐種唔同口感。彈牙易咬 • 唔會韌🤓.▪鵝肝鵝肝🪿厚身 • 鵝油豐富。(底)配多士🍞 • 黑醋🖤 • 焦糖蘋果🍎，可減低油膩感。.▪季節魚 - 銀鱈魚魚皮起出黎分開煎到脆卜卜 • 勁香口✨，魚肉滑滑🐟.▪清酒煮蜆會點火燒🔥。湯滾後可令酒精揮發，蜆肉大粒 • 冇沙，清酒湯飲落帶微微酒香🍶清甜有鮮味🥄. ▪美國牛肉薄燒大大片牛肉薄片🥩包住蒜蓉🧄 • 蔥花，油份滲晒落入去，香氣滿滿😳.套餐會有埋 : 沙律🥗 • 炒菜🥬 • 炒飯 • 味噌湯 • 漬物(牛蒡 • 醃蘿蔔) • 甜品炒飯 : 粒粒分明，加左煙肉🥓 • 甘筍🥕 • 洋蔥🧅 • 雞蛋🥚...配料)。炒菜🥬 : 椰菜 • 芽菜 • 冬菇味噌湯 : 用左主菜既龍蝦頭煲，濃郁唔過鹹，仲有豆腐 • 海帶配料🥣甜品 : 雪糕🍨配香煎焦糖脆多士🍯🍞，冷熱配埋好正.~•~•~•~•~•~•~•~•~•~•~•~•~•~•~•~•~•~•~• 🔺以上價錢 💁🏻♀️需另加𝟏𝟎% 服務費~•~•~•~•~•~•~•~•~•~•~•~•~•~•~•~•~•~•~•
继续阅读
餐廳：入魂鐵板燒地點：九龍城太子道西菜式：日式鐵板燒餐牌：有一人/二人/三人前套餐，鐵板燒單品商務套餐二人前 $1280 另加一包括有以下食物：沙律沙律係簡單沙律雜菜包括雨衣甘藍加車厘茄，加上胡麻醬調味。是日海鮮是日海鮮係帶子，整得外皮少脆，肉多汁，好香牛油味。已經切開兩半方便食用。鵝肝鵝肝入口即溶，放係一片蘋果同麵包上面，食落油花四溢，而帶爽脆香甜蘋果味道，可中和油膩感。塊包吸左油份，好味道。大虎蝦大虎蝦真係超大隻，師父分開頭同身燒，見到蝦膏爆出黎。蝦身一開三方便食用，好香牛油味。蝦頭分開上，好多膏！季節魚季節魚係銀鱈魚，面頭一塊脆魚皮，魚肉滑溜多汁，魚油充足，正。清酒煮蜆連殼蜆好大隻，師傅用大大隻錫紙兜裝住整，蜆肉又鮮又嫩又多汁，清酒味適中。美國牛肉薄燒 4片師傅整好d蒜片，蔥花同蒜蓉，然後先燒牛肉。可以揀熟度，味道口感都唔錯。師傅放上麵包吸油。炒菜有菇、椰菜、芽菜，爽口唔油。炒飯材料有紅蘿蔔、洋蔥、雞蛋、蔥花，份量大概每人半碗左右，好香蔥味，炒得夠乾身。麵豉湯麵豉湯有昆布，豆腐粒同蔥花。漬物漬物有黃色蘿蔔片同白芝麻粒牛蒡各兩片。甜品甜品係焦糖吐司配榛子雪糕/芝麻雪糕，呢款甜品夠特別！焦糖吐司一切四方便食用。兩款雪糕味道都好好，滑溜香濃，配脆口甜絲絲焦糖味濃多士好正。枱面有醬汁。今餐慢慢食，差唔多食足兩個鐘，食物質素都唔錯，特別欣賞鵝肝、銀鱈魚同焦糖吐司配雪糕。餐廳有10個吧位左右，可以望住師傅燒野比你食，座位舒適。
继续阅读
大家聽到九龍城，只聯想到泰國菜，其實我已經係呢度食過日本菜、pizza、cafe。今日係呢度發現到一間超正嘅鐵板燒Omakaze，由經驗豐富的鐵板燒師傅主理，價錢親民、仲有一個大魚缸養殖新鮮海鮮，而且裝修風格富現代感、環境優雅、座位舒適。[ 人魂套餐二人前 ] $680⇛ 南非鮑魚 ～ 超級吸睛，活生生嘅南非鮑魚由魚缸撈出，超級新鮮爽口，好吃彈牙。⇛ 🦐大虎蝦 ～ 手掌咁大嘅虎蝦，啖啖肉，大大嘅蝦頭好鮮味。⇛ 🦪日本廣島蠔 ～ 煎到香脆嘅廣島蠔，灑上煙肉、蔥花、醬汁，唇齒留香。⇛ 🍶清酒煮蜆 ～ 錫紙兜上放入水、清酒，再點火，火熄之後加入啲沙白，連酒都可以飲，好鮮甜。⇛ 🐖日本黑豚肉薄餅 ～ 薄切黑豚炒入青蔥紅蔥頭，加上醬汁，外面用上春卷皮卷住，超級美味。附上麵包吸油，好體貼。⇛ 🐂美國牛肉薄燒 ～ 可以選擇熟度，薄切美國牛肉包上蔥蒜，味道一流。附上麵包吸油，好細心。套餐附：⇛ 沙律⇛ 炒菜 ～ 菇、椰菜、芽菜⇛ 炒飯 ～ 足料櫻花蝦炒飯，紅蘿蔔、洋蔥、煙肉、櫻花蝦、雞蛋、青蔥，全部都好多，成碗食哂，好正。⇛ 味噌湯 ～豆腐海帶麵豉湯⇛ 漬物 ～ 牛蒡、蘿蔔⇛ 甜品 ～ 🍞焦糖吐司👍🏻、🍨配紅豆雪糕/豆腐雪糕💖 餐廳做緊全日九折，仲有一人前午市套餐都只係$2xx ，晚市一人前都係 $5xx ，二人套餐$12xx ，真心推介！
继续阅读
您可能会有兴趣的...