全記點心專門店 (已結業)

叉燒腸蒸得太耐，入口會覺得係一pat米漿+叉燒，餡料偏少，但味道還可以。南瓜芋絲餅食唔到亦睇唔到南瓜，有d失望，芋絲餅亦都煎得有d硬。黑金流沙包 / 山竹牛肉都係蒸過龍，內餡已經無流心嘅質地，變相係食奶皇包。山竹牛肉同樣係有蒸得太耐嘅問題，無咩口感可言。鴛鴦燒賣係合格嘅，不過都係談不上有驚喜，無嗰種”好好味啊”嘅感覺。土魷肉餅飯肉餅偏於薄身，土魷份量太少，實在係令人失望。呢餐整體嚟講可以話係價錢同份量成正比，平價得嚟又可以飽肚，但就唔係食質素嘅。

呢日陪老公出去荃灣睇專科，睇完都已經係下午茶時間，就行番出大街食野，去到食店附近，原本想去隔離茶餐廳，但太多人了，見呢間全記食點心，又唔算太多人排隊，排左一陣就入得勒😋望望點心紙，見下午茶時段孖寶好抵食，$36咋，咁就揀左三個孖寶餐😜開頭以為下午茶時段，點心會細份啲，但係完全好足料👇🏻👇🏻豬潤腸：腸粉皮好簿，包住豬潤，都唔會散開，豬潤夠熟，仲好爽口👍🏻菜干豬骨粥：成個粥好足料，豬骨有咸香味，好食😋老公鍾意食棉花雞，大大件好多料，而我就鍾意飽汁鳳爪，有得”損”下骨，仲好入味😋最後一個孖寶就係鵪鶉蛋燒賣&鴛鴦燒賣，即叫即蒸點心真係唔同啲，熱辣辣，食到鮮味🤤2個人食6款點心，都只係$84，抵到不得了👍🏻👍🏻

開0700-0200 朝早去飲又得 飲夜茶又得早茶就3點飲😏個晚11點幾去到 見都7成滿點心較多傳統款式 但亦不乏幾款特色包點同屬光榮冰室個老闆 痴住隔離舖 中間嘅連儂牆由大家粉飾📔黃店 有捐款 免費飯飲比手足 與光榮冰室屬同一公司😄———————————————————全部都十分新鮮熱辣辣🔥夜晚食都絕唔會係貨尾1.鴛鴦燒賣🦐🐂好耐無見過嘅牛肉燒賣 鴛鴦款岩晒我 可以試多樣菜😀蝦燒賣🦐有料到 兩款都食落油香十足 肉蒸得岩岩好2.北菇滑雞飯 (孖寶$39兩款紅字點心)🍄🐓🍚睇落就知新鮮 飯粒有硬度 🍚🐓雞肉嘅油脂滲透飯粒 特別香濃美味 肉質嫩滑3.古法馬拉糕🥧啡色馬拉糕有蔗/黃糖香味 有啲仲食到蒸籠嘅竹味🤭食落夠鬆 彈 提提大家馬拉糕其實用左好多油整 較肥4.蜜汁叉燒腸(孖寶$39兩款紅字點心)🐖叉燒可以嫩少少 但味道唔錯 腸粉較黏口 但滑身😋茶位全日每位$3📒✍🏾整體分數: 7/10🤓⛅️

同屬光榮冰室老闆開既點心舖, 夠黃又夠平🤑下午茶時段(14:30-18:00) 各式點心$13‼️ 免加一😲而茶位就$3/位💁🏻‍♀️果日有鐵觀音同普洱選擇, 而用既係茶包, 自己可以無限refill水😆至於點心質素大致上發揮都正正常常☺️重點推介👍﹟如果想食飽dd, 一定要叫飯食😂$13蚊, 飯同料都足🙊鴛鴦燒賣原來係2粒燒賣加牛肉球😯幾搞笑😝個菠菜餃都正🤤多菜, 蝦彈牙, 如果無記錯一個入面有2隻蝦🤔流沙包味道正常但勝在影完相放左陣都有流心效果😎而個煎堆仔雖然唔太夠脆但食落煙煙韌韌, 仲有少少奶黃流心睇頭😉•••4個人一共叫左9款點心(all $13)😛排名不分先後👇﹟鴛鴦燒賣﹟鮮蝦菠菜餃﹟黑金流沙包﹟蠔皇叉燒包﹟古法馬拉糕﹟脆皮蝦腸粉﹟鳳爪排骨飯﹟北菇滑雞飯﹟流沙奶黃煎堆仔

全記係專門食點心，家中長老一定要食點心飲茶，可以考慮下全記～1. 奶黃煎堆仔即炸即上，熱辣辣表層好脆，又有芝麻香味，但係奶黃餡唔太穩定，呢度3粒，有1粒內餡爆漿，但另外兩粒就得好少，如果粒粒都爆漿就好了。2. 北菇滑雞飯雞幾滑，菇都入味，不過飯普遍一般，我呢知飯底幾濕，有少少一pat既感覺；見到隔離檯食臘味飯，臘味好少，隔離檯都覺得麻麻地，食唔哂。3. 蝦燒賣呢個燒賣好食wor! 小妹去邊度飲茶都一定要食燒賣，食到變燒賣金舌頭🤭 呢度蝦幾大粒，同豬肉mix 埋好不錯，必點！4. 粉果粉果都幾好食，唔會太油，肥肉都唔會過多，又有肉汁。5. 叉燒腸粉腸粉皮略嫌厚左少少，不過都算係滑既，呢個都可以翻兜！

話說去到荃灣又肚餓， 呢排 疫情咁嚴重 已經好耐冇去飲茶， 但又真係好掛住酒樓點心滋味道， 見到呢度有一間咁地道特色嘅點心， 真係好正， 咁啱我又係唔識講普通話 ，決定入去試下。呢度啲腸粉真係好暖好滑， 而且用了足夠， 食過真係再想食多次， 結果我就encode叫多咗條。其他添點心都做得好唔錯， 燒賣亦都係啖啖肉， 牛肉球同埋棉花雞都好新鮮， 啲棉花仲係要好爽口， 食完唔夠仲可以叫多個蒸飯。雖然啲位就迫迫地， 但香港就係咁㗎啦， 咁樣先有地道風味

中式茶樓好多都係藍店，終於有機會試到黃色點心店，覺得好開心店舖位於光榮隔離，門口有個小小連儂牆，好彩去到唔洗點排隊茶錢先$3，野食定價都好抵！D野食落單後5分鐘就開始陸續上枱，店員好有效率。燒賣好多蟹籽，每粒都有鮮蝦，水準算中上。個煎蛋牛肉飯個蛋係流心，加分！牛肉同埋飯既份量多，D飯冇煮到好乾身，岩岩好，味道同其他酒樓差唔多。牛肉腸好足料，腸粉滑溜。黑金流沙包入面既奶黃並冇流沙，不過味道搭夠，甜甜地唔錯！鮮竹卷味道不過不失啦！不過為左撐黃色經濟圈，有機會會再黎試下

全記點心都係光榮冰室老闆開嘅 好難得飲茶都可以去到黄店幫襯🤩對比傳統茶樓 呢到茶錢收得好平$3/1位 而且食物質素係中上 冇咁肥膩tim😋.👉🏻鮮蝦菠菜餃($25)鮮蝦好大粒爽口💛菠菜都好多好足料.👉🏻黑金流沙包($21)個包好新鮮好軟熟一咬開個包 奶黄就流出嚟～.👉🏻北菇滑雞飯($28)飯嘅質感過於淋身 要改善下雞肉都算能嫩滑嘅☺️———————————-全記點心專門店荃灣兆和街16號地舖

全記旁邊就係光榮冰室好多人排隊懲罰所以我同老公決定懲罰無人排隊嘅全記夜晚7點左右 大概坐咗7成茶客左右啦雖然搭檯坐但都坐得幾鬆動同舒服一坐低姐姐已經好快手地幫我哋開茶有鐵觀音或者普洱雖然係茶包但茶味都好濃即刻畫紙叫嘢食先！2個人食唔到咁多😂戰鬥力薄弱逐個點評一吓-南瓜芋絲餅炸得好脆口！但咬開嘅芋頭仲係好糯口唔會炸到乾熷熷鐘意香口食物可以叫嚟試吓不過南瓜味就食唔到🤔-黑金流沙包呢3個包望落好高級🤣一拎上檯熱辣辣趁熱食好好味🤤包包嘅質感好軟熟流沙餡唔會太甜同太油恰到好處-脆皮鮮蝦腸每一節腸粉都有大大一隻蝦好爽脆腸粉又夠滑好食！-北菇滑雞飯個飯等得比較耐應該係上一轉嘅飯咁啱無晒所以要啲時間再蒸呢轉仲好夠新鮮😂雞肉好滑 無雪味飯粒吸咗雞油好香又做到粒粒分明好爽口-鮮蝦燒賣皇呢個點心就稍為弱咗小小嚿肉都新鮮同彈牙嘅不過唔知係咪稍稍蒸得耐咗一夾就散開但燒賣嘅味道係好食嘅！如果個燒賣皮唔好咁爛就完美啦-仲有碟油菜芯正常發揮食咁多肉大家都要叫碟菜平衡吓😂-是次重點係全部點心都非常夠熱我覺得食物夠熱好重要咁先會更好食侍應哥哥姐姐們都好醒目例如留意到個壺無熱水即刻幫我換咗壺新嘅落單收碟都好爽手香港人都應該

【黃店推介 - 荃灣一盅兩件 - 全記點心🧆】🐷🐷💭大家好!!豬仔帶大家食過好多黃色小店!! 睇番原來冇介紹過一盅兩件喎!! 😋畢竟我地都知好少酒樓會表態, 但今次🐷🐷我地就犀利啦!!搵到間深黃色嘅點心 - 全記點心專門店!! 💛咁就可以歎個茶食個包都歎得開心啲啦!! 🐷🐷🗯呢間位於荃灣知名深黃店光榮冰室隔離, 實際上係光榮老闆開嘅!!咁唔使講佢有咩咁黃啦!!而且閒日仲有午市($49)同下午茶市($36)套餐!!絕對平民價!!抵食呀!!😍😋🐷🐷💬1⃣鴛鴦燒賣(兩粒牛肉球+兩粒豚肉燒賣)如果1-2個人黎食, 又唔想每人要食兩粒同樣嘅野, 鴛鴦燒賣就可以滿足到你啦!!個燒賣大大粒, 有蝦肉, 咬落豚肉唔梅又有汁, 同埋牛肉球配喼汁都正!!拍得住酒樓嘅質素! 👍🏼🐷🐷💬2⃣北菇蒸雞飯🐥🍚雞飯份量唔算大, 畢竟廿幾蚊, 但佢雞多過菇, 而且啲雞好滑!!啲飯就略嫌較為淋身, 睇大家鍾唔鍾意啦! 🐷🐷我地就最鍾意甜鼓油送雞飯!!所以好岩食!🐷🐷💬3⃣流心奶黃煎堆仔🥠至於甜品 - 流心奶黃煎堆仔係小店嘅特色點心之一, 煎到夠晒脆嘅煎堆本身已經好吸引! 再加埋咬左一啖有流心奶黃滴出

全部點心一律$12！🤩茶位$3下午茶時段 2:30後 （星期六日、假期優惠暫停⭐️）點心水準幾好👍好新鮮又抵食😍😍😍午市都會有優惠架！大家快點去食啦！💛排隊時間：約30分鐘～45分鐘(記得早點去拿位啦🤤)

星期一至五非紅日下午茶特價優惠，所有點心堂食價$12元，外賣有孖寶$36元，紅日一律正價，下午2點20分排隊入座，請緊記，下午茶時段由2點30分至晚上6點，仲有星期一至五非紅日早市孖寶優惠價$36元，晚上9點30分開始宵夜孖寶優惠$39，點心紙上紅色點心為限，一律要收盒錢$1元。

支持黃店係必須既～加上點心好食又大件食到飽飽甘離開🤤燒賣，蝦餃新鮮爽口，必點腸粉夠滑，但米漿唔夠彈牙鮮蝦春卷多汁脆口，必試竹墨流沙包，好香奶皇味，唔錯蒸排骨，唔會蒸到油林林👍🏻

已經第二次嚟食全記。喺香港食點心，多數要去茶樓，但我一個人去茶樓有啲怪，呢種點心茶餐廳就最啱我。非繁忙時段，全記有點心孖寶， 30幾蚊兩款點心，非常抵食。不過我今日係午市，就要叫49蚊嘅午餐。午餐係一個飯加一籠點心加一碟油菜，呢個價錢來講，我覺得唔貴。飯味道正常，肉餅唔會太鹹太油，亦唔會非常薄，味道不錯。鮮竹卷用料紮實，味道普通，可能係湯底嘅問題，唔夠鮮味。油菜非常大碟，一碟頂其他餐廳兩碟，亦唔會有怪味，啱晒追求健康嘅香港人。食完埋單走，午飯時間都唔滿座。相比隔離光榮冰室大排長龍，我覺得全記都可以一試。

食物一般般，價錢又貴，星期六早茶乜優惠都冇，一籠蝦餃$30 得3粒，豬潤腸啲腸粉皮勁厚，又唔滑。服務真係唔得，你入去食要唔好當自己係客人，當有人俾杯水你已經要感恩！有人入黎等枱，大大聲話就得，目標就係你坐緊個張都算，想坐多陣都唔得，你一食完唔好話即收碗碟，人都未起身阿姐已經抹緊枱了，趕客咁，如果唔係荃灣選擇少，我真係唔會去飲，今次之後都冇下次了。雖然門口有個corner 近“光榮冰室”係俾人貼連儂場，但內裡咩都冇，有懷疑！？