全記點心專門店 (已結業)

.由於屋企人鍾意飲茶，為咗支持一啲黃色小店，就選擇咗附近一間點心專門店，雖然同平時集團式嘅酒樓有啲分別，但係一樣可以飲個茶食個包，食完嘢吹吓水。今次去食嘅時間係夜晚，雖然唔係優惠時段，但價錢都唔算太貴。-點心嘅款式都算多選擇，重點介紹幾個我哋認為比較好食嘅點心～《南瓜芋絲餅》$25食落同埋個賣相都有啲似芋格，嚟到嘅時候仲係好熱應該係啱啱整起。食落芋頭味都幾濃，但係南瓜味就冇咁出啦，而口感呢就比較實，唔會一咬落去就散晒。鍾意食芋頭嘅人，可以去試吓。.《鴛鴦燒賣》$25有兩粒燒賣兩粒牛肉球，食落同普通酒樓都差唔多，唔算好特別，不過一個點心可以滿足你兩個慾望都幾抵試！.《脆皮蝦腸粉》$32腸粉係即叫即蒸，所以腸粉皮又薄又滑，入面係米網蝦春卷，食既時候都仲係好脆唔油膩。不過係叫呢個蝦腸粉之前，我地叫左一個叉燒腸粉，黎到既時候都唔算熱，腸粉皮都幾厚同食落幾硬，但勝在都幾足料。要食又滑又薄既腸粉就真係要睇你好唔好彩啦。.《珍寶蝦春卷》$28呢個春卷都幾好食，送到黎嗰陣時仲係好熱。春卷皮好脆炸得好香外皮仲要係金黃色，入面嘅蝦都好足，另外仲會有喼汁同埋沙律醬點嚟食。如果鍾意食香口野嘅，不妨試吓。-👅味

去茶餐廳食到無咩諗頭, 男朋友就建議去飲下茶GOOD IDEA~~話時話對上一次飲茶都幾年前了..響荃灣想飲中茶, 即時諗到既就係侍應唔會識講普通話既全記GOGOGO!!!衝呀~~~可能咁我岩我地算早, 一到就入得, 仲被安排坐卡位唔知點解習慣飲茶就一定要叫盅飯食下先安樂有飯香, 蒸得乾爽, 粒粒分明肉餅有厚度, 唔會紙片咁食到粒粒土魷, 既香又有趙口其實蒸排骨我麻麻地, 因為成日被醃到口感好怪我鍾意排骨有番自己實實地, 有咬口既肉感所以我只係負責食墊底既芋頭蛋痴男朋友叫不過不失啦, 可幸係我食唔到有肥豬肉,可能有人覺得有肥肉先夠香, 但我真係好抗拒.....好在佢無咋, 唔洗我邊食邊LUR係有D失望既, 因為入面條油炸鬼淋口唔脆食炸兩, 我都係去番粥鋪食好了始終覺得要加埋甜醬, 麻醬同芝麻先可以令炸兩有生命我邊食邊環顧周邊D檯, 就算要被搭檯, 侍應都會拎塊膠板幫你同對面食客隔一隔, 響疫情下用饍, 要搭檯係理解,但店舖做多呢小小, 食客真係食得放心好多架

好難得居然閒日請到假！忙裏偷閑🥰咁就梗係陪屋企人周圍去搵又抵又正嘅嘢食啦👍🏻上網見到好多人都推介呢間黃店！價錢真係好親民💕今時今日，以$13嘅價錢可以食到一籠點心，真係物超所值！不過只限星期一至五嘅下午茶時段先有呢個優惠㗎咋！下午茶時段2:25開始，我同爸爸2:30嚟到，等咗半個鐘到3點先入得去食！坦白講，空間好細、環境一般，都係預咗你快快手食完就走！不過見咁平，就唔會咁計較呢啲嘢啦🤣今次一共叫咗七樣點心！味道全部都不過不失冇驚喜🤗最驚喜嘅就係個價錢！淨係計$6一位茶錢，冇加一收費👏🏻買單都唔使一舊水！咁抵真係好想再去食呀！希望嚟緊又會有閑日放假嘅機會啦～

抵到爛！💛下午茶時間星期一至五所有點心一律13蚊！🥟蝦餃皇真正嘅皮薄餡靚🤤層皮晶凝通透、裏面嘅鮮蝦又好大隻🥰必食！😋鮮蝦燒賣皇身為燒賣控都要讚下佢🥳面粉、蝦同蝦籽嘅比例啱啱好🤩調味適中、口感軟唸🥰必食！🍚土魷肉餅飯肉餅好夠厚，有驚喜。加埋啲點心豉油😋好滿足呀！🥘沙嗲金錢肚沙嗲汁調味適中，唔會太辣或太甜。金錢肚燜到好軟身唔會韌，仲非常入味！😌🍤脆皮蝦腸粉裏面係啲炸到脆皮嘅蝦、一條腸粉有成6隻蝦🤩好足料！

屋企一向幫襯開稻香，今次一家六個人初嘗全記，🤩呢度點心菜式完全有別於平時食既連鎖茶樓，食落無咁悶，開心好多，最重要係的確都好食啲.🥳牆上有少許黃宣，店內有卡位都有長枱，少人定多人黎都無問題脆皮蝦腸粉 $32食既時候仲脆架，蝦幾彈牙，好食到叫左兩碟黑金流沙包 $21個包非常軟熟！不過流沙感覺差少少鵪鶉蛋燒賣 $24好開心，🥺因為而家無咩茶樓仲食到鵪鶉蛋燒賣啦.蝦餃皇 $62 大粒肉質爽口，叫左兩籠鮮蝦菠菜餃 $25啲料好充，包到漲卜卜，但啲皮差小小 鳳凰煎米雞 $30好香口~蘿蔔糕 $21 西生菜 $20.呢張未係最後埋單，因為好食，所以再加多個💛紅棗糕，💛馬拉糕，💛脆皮蝦腸粉同💛黑金流沙包。總計400蚊倒，咁計落除番開每人都係六七十蚊，🤩好抵食！

特登去荃灣食下午茶點心真係好抵食，全部點心都係$13，味道正正常常，冇話特別好食，但真係非常抵食！我地兩個人，茶錢一共6蚊，再加4龍點心，咁先$70如果經過荃灣可以一試

荃灣黃點心，去到都要排一陣隊，冇計啦黃點心太少。選擇款式都大路既，有傳統鳳爪燒賣，正常味但可以再好食啲，鳳爪整淋啲同入味啲。鴛鴦燒賣唔錯，2粒豬肉蝦燒賣，2粒牛肉球，滿足了我兩個願望。個紅棗糕爭唔落，冇紅棗泥煮既，太晶瑩通透了吧，得甜味。但老實講平日既早餐同下午茶時段係超抵食。...#test_荃灣#test_yellow______________________________🏠 全記點心專門店 💛📍 荃灣兆和街16號地舖💵 60 per head______________________________

兩條友一朝早突然之間想飲茶，就search下附近既點心鋪，就搵到呢間。價錢親民，其實我覺得個格局係似茶記多啲既（以前以為得好大間果啲酒樓先有得飲茶😂😂）因為想食得清淡啲，所以都冇乜點叫好多肥膩點心，仲懶健康咁叫左碟菜tim😂同埋得兩個人，食唔到幾多。除左菜，仲嗌左叉燒腸粉，幾好食，叉燒分佈幾平均，啖啖都有叉燒🤣🤣。仲有嗌左蝦餃同素翅餃，都係正常發揮，唔特別講了😂。但係個黑金流沙包就真係唔可以skip!!!一定要一上菜就熱辣辣咁食，食完絕對比到你幸福既感覺！！如果好肚餓咁黎食，我應該自己食到一籠，啲奶黃有少少蛋黃香又唔會太搶。賣相圓碌碌脹卜卜真係好可愛😍😍😍而定睇番啲相又想再去食了！下次去都一定會叫！！

呢間點心係光榮冰室個老闆開嘅💛係有捐錢又有派野食既小黃店 佢就係喺荃灣光榮冰室隔離舖 超級易搵 因為呢間舖頭得一間分店 所以嗰日我哋個日去荃灣就試咗佢啦🤗🤗·黃沙豬膶腸$26佢個腸粉超滑 幾好食 而且佢啲豬潤都洗得好乾淨 口感好好 而且中間有啲薑絲 食落會再冇咁腥😎😎·醬皇蒸鳳爪$21唔知係咪因為佢太多人呢 我覺得個鳳爪有少少好似煮得唔夠耐 未夠淋 不過個調味係幾好食嘅😝·鵪鶉蛋燒賣$24呢度好似係應該食D餃 我地見隔離台D餃好吸引 奈何佢地全部都有蝦😭所以我地就嗌左呢個 點知佢都係有蝦😂😂撇除呢樣野 佢D豬肉都幾好食 有少少肥膏咁 所以食落好好味😛·上湯鮮竹卷 $21呢個我就覺得比較一般 佢唔係太索到好多湯汁 所以無超級juicy同入味🤭🤭我自己都係偏心唐記個鮮竹卷多D🤣·#rbyeat#rby港式#rby小黃店#rby荃灣·📍荃灣兆和街16號地舖

今 (9-5-2020 Sat)朝同老公去拜媽媽前食個早餐,由於想飲茶,但好多都係藍店,而呢間唔係,所以嚟之前領教過態度差嘅呢間(嗰個食評: https://www.openrice.com/zh/hongkong/review/%E8%B2%B7%E5%A4%96%E8%B3%A3%E5%94%94%E4%BF%82%E5%AE%A2-e3234438).我哋嚟到,啱啱full 咗,不過好快有人走,咁就有位,睇完menu,我哋決定要:1. $25.00嘅南瓜芋絲餅呢個有啲煎過龍,芋絲夠粉,味道亦夠,正常.味道:3分2. $21.00嘅古法馬拉糕唔大件,但食落係超鬆軟,而味道係唔太甜.味道:4分3. $25.00嘅香茜牛肉腸份量唔多,味道同口感正常.味道:3分.4. $30.00嘅賽螃蟹野菌餃呢個味道好清淡,口感正常.味道:3分5. $25.00嘅鮮蝦菠菜餃呢個味道好明顯比賽螃蟹野菌餃濃,味道口感都正常.味道:3分呢喥依然係俾茶包,亦只有普洱同鐵觀音兩種,我要咗普洱,但味道唔係咁好,睇睇,係陸羽出品.服務:係改善咗定因為我哋係堂食唔係外賣?只知佢哋嘅態度係好啲.抵食係2.7分

很久沒去飲茶，對上一次是何時都不記得了，因為點心放題的出現，勾起了心癮，卻又起不了早，那就先去找間晚上也能飲茶的點心專門店解解饞吧。來到才發現它是黃店，與旁邊有名的光榮冰室共享一片連儂牆，還有「香港加油」燈箱，未吃前已經先加分。8點多的晚飯時間，來的客人多數買外賣，所以只等了約10分鐘便能入座。一口氣點了10款點心，沒拍照的蘿蔔糕上桌時已經是涼掉的狀態，不是我的喜好。原隻鮮蝦腸以長碟方式裝盤，視覺上有震撼感，味道也不差，腸粉皮嫩滑，裡面的蝦肉爽口彈牙。之後其餘的8籠點心同時到達，排開在整個桌面上，看起來很豐盛。鵪鶉蛋燒賣比較普通，鵪鶉蛋太熟而口感較硬。沒記錯的話鴛鴦燒賣分別有牛肉和蝦及豬肉兩款、一次可以吃到兩種味道。牛肉燒賣如今不太常見，算是小驚喜，而且熟的程度剛好，不會太乾硬。蝦豬肉燒賣亦不錯，帶微微油香，在水準之上。醬皇蒸鳳爪軟嫩入味，讓人忍不住一吮再吮。沒吃到沙嗲金錢肚是遺憾，在某一瞬間想吃時發現已被對面的人吃光了（哭已經凹進去的黑金流沙包賣相不行，而且沒有流心，吃起來只是普通的奶皇包。蝦餃皇新鮮熱辣，皮薄而富彈性，內餡的蝦當然也是好評。香茜牛肉球亦算不錯，牛肉味中夾雜淡淡芫茜香

🎐即興放假又即興行山，今次由大圍出發行下城堡水塘再上城門水塘落荃灣，路線唔算難行，輕輕鬆鬆3小時內完成。✌🏻📌落到荃灣美食天堂，緊係揀間又平又正的食店坐得慢慢歎。📌熊妹賓妹仨人行👩‍👧‍👧最岩就食一盅三件喇。熊妹知道《光榮冰室》老闆係隔離開左間《全記》點心專門店，屬於香港人的飯堂當然要黎撐場喇💪🏻。📌嘿嘿，5點15分黎到，仲趕得切呢個下午茶大優惠，下午2:30至6:00，所有點心一律$13，唔一定要6點前埋單，只要6點前叫哂想食的點心就得喇，不過留意返，只限堂食同假日暫停⏸️。📌內裡四人卡位多，地方寬敞。📌天花吊著一個個大鐵籃，裝著一個個點心籠，裝潢幾特別。📌牆上仲掛滿一排排刻上招牌點心的匾牌，古色古香，真沒想到今時今日的新派點心店仲有咁有心思的懷舊擺設，值得一讚。📌開飯喇！各款點心包羅萬有，$13咁平真係想叫哂去。即叫即蒸的點心熱辣辣上枱，款款皆滋味，簡直係點心放題。基本野蝦餃、燒賣、金錢肚、鳯爪、蝦春卷、蘿蔔糕全部大大件夾抵食，味道正常。包類有黑金流沙包，唔算太流沙，同埋蜜汁叉燒包，迷你版，餡料少左啲。脆皮蝦腸同炸兩腸味道差唔多，脆卜卜的炸兩包裏住蝦肉，外層仲有軟滑的腸粉皮，再點辣椒

🎗少有的點心黃店，同「光榮冰室」同一個老闆，開喺荃灣光榮隔壁😌 6月前本身已經係常客😗 知道佢係黃嘅好開心🎗因為佢開到凌晨2am，夜貓天堂🦉佢唔同時段有唔同價錢💰 早餐 7:00-11:30am晚餐21:30-01:30am呢兩個時段會有孖寶優惠😗 揀兩個點心紙上紅字點心都係$36😎另外而家做緊優惠，下午茶無論任何點心都只係$13😱😱 蝦餃燒賣呢啲都一律$13😱 抵到喊😭 下午茶由2:30開始，只限堂食😚🍤 首推珍寶蝦春卷同蝦餃燒賣😌 蝦春卷係啱啱炸起，熱辣辣脆卜卜😙 有三大條，啲蝦係由頭去到落尾，唔會剩係得中間有😌蝦餃皮唔會太厚，食得出蝦爽口，新鮮😎 燒賣都好味！（其實全部都好食，我諗我叫過佢點心紙上9成點心，都冇中過伏😝😝😝，大家可以放心叫😎)

今日遲左起身，好想飲茶，就去左全記。去到係下午茶時間，都排左一陣隊，但好快就有位。佢安排左我地坐卡位，坐得都好舒服，兩個人坐可以嗌到成檯都係點心，如果4個就未必可以攤開哂啲點心。.2個人嗌左8樣點心，落單後上菜都好快，特別推薦鮮蝦菠菜餃同棉花雞，好好味。雖然啲流沙奶皇唔流沙，但個奶皇整得幾好味，整體黎講性價比都高。佢啲茶係茶包茶，唔同酒樓一壺壺茶葉沖。如果想正宗啲可能要去番酒樓，但呢個價錢，呢啲點心，好抵食，下次會再幫襯，試埋其他點心。

揀黃店消費，今天卻吃了悶棍。5人10點心，習慣不浪費食物，自備膠盒打了包半碗蒸飯小個迷你鑼米雞。不知道下午茶時段店裡的規矩說不能打包，店員趨前說要收正價，捉到賊般的臉色！