兩草 (高街) (已結業)

肉骨茶 三條肉骨變兩條半算 食到中間 提點服務員 仲差個肉餅煎蛋飯 幾分鐘後 佢過嚟問我係咪差個豬腸粉 結果由落單到上碟 一碗四十蚊嘅肉餅煎蛋飯用咗二十分鐘 道歉交代一聲都冇 食物幾好都冇用今後再不光顧可惜

兩年幾前食過一次大坑店之後就冇再食過,因為嗰次淨係食咗最出名最賣得嘅肉餅飯,而我又唔係一個鍾意食飯嘅人,所以同呢度完全connect唔倒今次經過西營盤分店覺得可以試下其他嘢米粉個胡椒湯完全係我杯茶,有少少藥材嘅感覺 加上胡椒嘅微辣,食得好開心我本人覺得佢個米粉好滑口,食感好好肉餅飯我都有再試嘅,啲飯吸咗啲蛋黃汁肉汁同埋豬油係惹味嘅!鍾意食勁脆口嘅多士嘅人呢一上就一定要即刻食, 我呢啲鍾意煙韌口感嘅人就會將佢攤到最尾先食椰味極香,又甜,做ending啱曬👍🏻 味道：7.5/10 兩草 鮮蝦胡椒湯米 $45香煎脆邊蛋肉餅飯 $38咖央多士 $20 📍西營盤

呢度嘅食物品種好豐富，大部份都係細細碗嘅美食。我哋試咗肉骨茶嘅小籠包，仲有脆邊嘅蛋飯，同埋豬油飯。肉骨茶嘅味道都好龍，好香胡椒味各位唔好錯過！脆邊蛋果然係招牌菜！嗰邊咬落去脆卜卜，中間就係流心蛋，好味！豬油飯就好香口，識落淡淡都有油，但係食多少少都怕肥添Overall the food are really nice at this price! You can order a few more to share with friends!!

幾年前已到過大坑本店，如今於西環再開分店，店舖面積比大坑大，但菜式跟大坑大致相同，最平$20已有交易，性價比超高！店內張貼舊年代的廣告海報，用上舊式大圓摺枱，有點港式草根食堂味道。- 香煎脆邊蛋肉餅飯半肥瘦豬肉煎得兩面燶脆，裡面嫩滑化口，肉汁豐盈，配著脆邊的太陽蛋，顫抖著的蛋黃，蛋漿、甜豉油和蔥花，層次感頗多，最難得是飯粒分明，一口滿足，完全是小時候撈飯的味道，推介！- 蛋炒豬腸粉 豬腸粉以秘製甜豉油加以豬油同炒，再以蛋漿包裹著，外表微焦，香口惹味。- 小籠包胡椒湯先呷一口胡椒肉骨茶的味道，鹹中帶甜，有胡椒味道但不搶喉，沒有濃郁的藥材味，屬於清淡類的肉骨茶！皮厚的小籠包應該不是自家製，味道中規中矩，沒有驚喜，單吃根本嚐不到肉骨茶味道，還是吃回基本的排骨肉骨茶好了！- 滑蛋叉燒飯這個飯相對一般，蛋不夠嫩滑，叉燒沒有紮實口感，如果學肉餅飯做脆邊蛋會比較出色！- 咖央多士單看賣相過於乾硬，咬一口卻有意想不到的味美，乾脆薄身的多士完全被咖央醬包圍著，滿口椰香，一絶！餐牌選擇不多，食材簡單，價錢親民貼地，味道家常，與店名「兩草」互相呼應著！

高街午飯好選擇❤️豬油渣溫泉蛋撈飯，豬油渣香脆 ，加上流心蛋黃和醬油，那是邪惡的味道。份量剛剛好，對男生來說，應夠填飽肚子。可惜豬油渣中有少量骨碎，吃時要小心。香煎脆邊蛋肉餅飯🍳🍚，名乎其實，煎蛋肉餅脆邊香口。煎魚餅，魚肉彈口實挺。蛋炒豬腸粉，味道香口，值得一吃😋咖央多士，脆邊多士，不過不失。飯和腸粉加上豬油 🥵大熱天時吃得多有點膩行過肚餓🙂平平地可以一試以價錢來看 稱得上平民美食😉 不可期望太多

今日試左呢間出名食豬油撈飯嘅小店，果然好有特色，係西環、大坑都有分店😋首先講下呢碟餐肉脆邊蛋豬油撈飯，聽落只係普普通通茶記飯，但兩草整嘅實在太好味餐肉煎到外脆內軟，蛋邊真係卜卜脆，個飯食落唔油，豬油同豉油配搭岩岩好，大大碟價錢都只係$32！之後到兩草都出名嘅肉餅，食得出係用新鮮嘅肉即煎而成，亦都好juicy，但如果做咁食就會有啲油，搭飯食比較好當然唔少得咖央多士，多士烘到好脆，一口咬落去啲醬多到爆曬出離，味道甜而不膩夏日炎炎，當然唔少得一杯透心涼嘅菊花茶，稱係用真材實料而且無添加，飲落果然唔做得個糖水味！總括來說十分推介呢個充滿特色嘅小店

晏晝經過西營盤，聽講呢間店好出名食豬油飯！所以就同朋友入咗嚟！可能係時段嘅關係，唔使等位就可以入座，分別叫咗兩個飯叫咗叉燒蛋飯同埋豬油蛋飯！兩個飯幾好食！賣相都非常好，而且食落唔會覺得好油膩另外再叫咗杯羅漢果茶，熱辣辣嘅天氣配一杯凍冰冰嘅羅漢果茶，降火之餘又降溫

一直同Momo講左好耐要試兩草，由得天后店講到開埋西營盤終於都試到喇😌餐牌唔算好多選擇🧐所以叫左啲比較Signature既野食😛 📌香煎脆邊蛋肉餅飯🍳🍚($38)肉餅幾入味，亦都唔係好咸👍🏻📌小籠包胡椒湯🥟🥣 ($35)個湯真係超超胡椒🤣一飲落去成個喉嚨都feel到嗰陣胡椒味，但係小籠包就有啲失望😔有啲似7仔叮叮嗰隻小籠包咁個皮好厚好實🙈📌咖央多🍞🧈($20)醬幾多，一咬就會漏哂出黎，不過食半份已經覺得幾漏🙈🙈📌菊花茶🌼(跟飯加$13)無冰但雪凍左係幾解渴既☺️所以叫多左杯encore😂 但可以再濃啲😛

上網搵食，見附近呢間好似幾啱心水咁，雖然應該係細 portion，但見今日唔太餓，即管去試一試。果然… 對我嚟講係細 portion，平時可能食上兩碗先至夠飽。豬油渣溫泉蛋撈飯（35 蚊），食落覺得幾香口， 可惜呢個飯係無餸㗎🥺。開頭嗰一兩啖係凍㗎，因為隻溫泉蛋應該都浸完溫泉、瓊乾水等我食好耐… 凍晒； 好彩啲飯都夠熱，都算係正正常常食咗個飯。 食完覺得個飯都幾麻甩佬 😎。見有特價，就叫埋杯羅漢果水飲（跟飯 10 蚊），雖然只係暖暖地，但都有唔錯嘅羅漢果味，都算係咁啦。總括嚟講，下次唔係咁肚餓嘅時候，可能我都會再去試一試佢嘅香煎脆邊蛋肉餅飯、或者滑蛋叉燒飯。但應該都唔再飲嘢啦，因為相對嚟講都好貴🤐。

[🇭🇰香港- 西環].🔻抵食又高質嘅小店! "香煎脆邊蛋肉餅飯"係必食,塊肉餅厚身又多汁,兩邊都煎到脆口,肉餅質感鬆化,配埋流心又脆邊嘅煎蛋,冇得輸!另外"蛋炒豬腸粉"腸粉皮好薄,口感好滑,連埋蛋同豉油一齊炒好惹味;”滑蛋叉燒飯"其實都唔差架,滑蛋夠嫩同調味都係唔錯,但因為叉燒切成幼條比起平時啖啖肉個款口感冇咁好.🔻🍽 兩草📌 地址: 西環西營盤高街64號地舖.#tummysready #tummysreadytoeat #tummysreadyinhongkong #tummysreadyatsaiwan #tummysreadyforhongkongstyle #tummysreadyforchinese

疫症開始轉好，反正都在家工作，於事來到高街走走揾食，👅👅地點的確有點遠，從正街落車，🚦🚦要行上應該全香港香港島最「甘」的斜路，🙅🙅🏃🏃包括名稱係第一，二，三街👩‍🦼開頭街左高街一段，👀👀眼見大部份都係酒吧形式既餐廳🤐🤐所以對本人黎講無乜太大興趣🥱🥱直到有一間餐廳，眼見門口有好多明星相，甚至乎仲有食神「菜生」😦，既合照！再望一望下午茶菜單，35蚊一個肉骨茶！🥰心諗有甘多合照，再加上甘平！二話不說，立即進入｛｝惡夢開始嚟啦，我們一行二人，各有各點喜歡的食物！我先點腿蛋治，加一支特價羅漢果茶！支羅漢果茶就係全餐好，夠濃，吾太甜在上黎就係腿蛋治🥶🥶一拎上手，塊面包硬既，一摸落去就知係外露風乾左，吹了很久的狀況！入口第一啖，真係真心想講粗口，一浸臭油益味🤛🤛啲蛋就直情老過我嫲嫲，火腿吾識講🤷‍♂️一生人未食過咁難食嘅腿蛋治😭😭之後再到朋友點既呢個飯唯一讚既，係隻太陽蛋係窿邊嘅，但係係凍嘅😒😒個蛋黃直情係乾晒無蛋水咖🥶火腿亦係一陣臭油益味🥱🥱之後嗰個所謂豬油撈飯仲乾過我荷包，何來豬油呢？之後就係到呢個主角肉骨茶，一入口仲淡過普通街邊茶記嘅例湯我於是問咗侍應問你屬於邊一個國家嘅肉骨茶，個女仔就答我喺馬

兩草大坑開咗好耐，但係一路都冇機會去到大坑食知道佢係西營盤開咗分店之後，一直想去試今日終於有機會行完山之後兜到落去西營盤食餐牌上面選擇唔係好多一張細細地嘅A5已經寫晒不過貴精不貴多最緊要啲嘢好食價錢唔算好貴都係二、三十蚊左右<小籠包胡椒湯$35>見到開飯啦好多人推介呢個小籠包胡椒湯，一於叫返個黎試吓肉骨茶湯嘅味道，好重胡椒味小籠包吸左湯汁，咬落去啲湯汁標晒出嚟，正<咖咉多士$20>加樣多士卜卜脆脆，唔算好特別版<脆邊蛋肉餅飯$38>特別推介脆邊蛋肉餅飯，個太陽蛋特登知道嗰邊燶燶哋，好吹口肉餅質地好似食緊漢堡包嘅漢堡扒咁，超好味個飯唔算好大個，食完絕對可以仲食得落小食<滑蛋叉燒飯$35>叉燒滑蛋飯，蛋唔算好滑，不過都幾好食

种草了蛮久的一间店 一直以为份量蛮大的就没有一个人来 今天和朋友来晚餐感觉其实东西也还好没有很多 但味道是还不错的 肉饼脆蛋饭很好吃 肠粉也是 肉骨茶配小笼包的组合有点奇特但味道也是OK的 性价比还可以 比一般大茶餐厅贵一些但又算

Simple lunch of pork patty with fried egg ($35) and steamed rice. Egg was perfection. Quick service. Came with a coke ($12) and no service charge. Food generally looked good. Simple decor unchanged from when it was Granville Island. English spoken. I think they might have done a much set but couldn’t see it on the board outside as it was in Chinese.

去開西環做嘢順便睇下邊度有小店支持下，見到哩間餐廳餐牌簡簡單單就入去試下，叫左《煎蛋肉餅飯》+《羅漢果水》，價錢好平掋食，肉餅好食煎得夠香，雞蛋煎到個邊好脆，真心正，但好失望嘅係甜豉油無味，飯粒唔夠熟好硬，我只係食左蛋同肉餅就算。