八公

营业中

休息中

店員服務很差…….果個阿姐，我估佢係老闆掛………一聲「唔得閒，好忙」，就話「無得買」！！！好奇怪的店。這樣做生意，不如不做好過。😵😵太忙就唔唔做生意，不如唔好開啦😡😡

今日同朋友慶生日，他一直都話這間居酒屋食物很有水準而且員工很有人情味，所以就帶我們去享用，港式燒賣並不是麵粉一舊而係有魚肉彈牙好正👍燒丸很出色好味每粒都燒得好靚，咖哩燒麵筋平時淋就食得多今次係少少脆而且香口，所以一定一定要快食！唔係就浪漫人哋心機，豬頸肉、牛扒都燒得剛剛好保持肉汁加上少少鹽調味美味しかった。牛脷就比較耐咗一點點，漢堡扒上面鋪滿燒過嘢薯片再加芝士而裡面的漢堡牛肉充滿肉汁非常邪惡，最後就係燒魚😱雖然我唔知咩魚但就好香好鮮甜肉好嫩滑👍整晚都好豐富食得好飽😋佢哋仲有酸梅湯飲可以幫助消化。

旺角街頭小食 · 八公 🍢評分：🌕🌕🌕🌑🌑行經旺角有d肚餓，比街邊一條人道吸引注意，見到一間掛住霓虹燈及日式燈籠🏮既巷仔小食台，一於試試佢~·豬肉香菇 mix 魚蓉燒賣 豬肉燒賣有驚喜~食落幾爽口，配上秒制辣椒豉油又幾香~作為掃街小食唔錯，最開心系可以二溝，一次過試晒二款口味！！·經典碗仔翅碗仔翅配料豐富，唔會太稀，加少少胡椒粉及醋，就係細個時食個種味道，唯獨係份量少左d😂不過質素取勝💕🫡🍴

之前經過見到好多人，咁岩今日收工經過見到無咩人 ，所以心痕嗌咗個魚肉燒賣，炸大腸同碗仔翅試下。點知中曬伏😅😅同咗店員講燒賣要多辣，碗仔翅要走醋。個店員好似無心裝載咁，番問翻我好幾次，過程仲要不停唱歌 。當然佢問我幾次都唔緊要，不過個重點係個碗仔翅係冇走醋😅😅😅好啦都吾緊要啦。。炸大腸20蚊得5舊，鍾意食大腸既人真係好失望，因為吾好食。魚肉燒賣又味。。碗仔翅又好似溝水咁一啲味都冇。。。60蚊咁就無咗。真係好唔抵完全唔知食咗啲咩落肚。。。

光顧兩次，覺得要試哂啲signature小食先決定落筆寫。雖然唔係啲咩舉世奇珍嘅佳餚，但呢啲香港人熟悉嘅食物，有味道亦有童年回憶。1️⃣7️⃣1️⃣5️⃣ 下午茶時間🥢撈豬油豬腸粉其實腸粉好小會難食，但撈咗豬油之後真心香口好多，落埋甜醬豉油完全掂。（記得同老細講要落豬油）🥢燒咖哩麵筋（即炸齋）真心第一次食炸燒齋，無諗過咗好食喎！烤咗既麵筋熱辣辣令到咖哩更加入味，汁調校得好香濃，啖啖都好食😋！🥢（隱藏menu)八公孖芝漢堡扒老闆親自主理，用上好嘅漢堡，鋪上芝士烤香烤齋，再喺漢堡扒上鋪滿厚厚嘅薯片碎再用火燒香個面，呢個賣相同味道都好正呀！老細話呢味小食係佢讀書時追女仔名物，簡單得嚟不失味道，大家都可以試下係屋企整😂🥢炸大腸我要咗半串，怕太高膽固醇😚 呢個小食都係燒得好香，豬腸夠肥夠好食，最重要有陣豬臭臭味🤣🥢魚肉豬肉燒賣保持水準，最重要有醬油配搭。🥢燒西冷牛扒燒完嘅牛扒保持到肉汁，眼骨位置啲肉都係鮮嫩。🥢酥炸雞皮老細送多我一串。😋雞皮燒得好脆，不過略嫌淡口，要落多啲味粉去調味。整體嚟講，要風味有風味，夠哂香港地，最重要店員老細好招呼，同你有講有笑，開開心心嘅一餐。

辦完公事路過見過一間特色小店，於是食個下午茶。小店位置近旺角地鐵站E2出口，一出直行一分鐘左右就到。店名叫八公，幾搞笑，可以坐的位置不多，大約6-7個左右，通常d人都係外賣拎走門面貼了很多不同食物的照片，很吸引。餐牌，款式種類很多。不過我只有一條友，所以只係試咗兩款。第一款係燒豬頸肉，HKD 20。即叫即燒，熱辣辣。不辣，落了些孜然粉，很惹味，肉不會死實實，五星。第二款係咖哩齋，HKD 20。必點小食，十粒星。一入口真係哇一聲！好好食。面筋應該有先燒/炸過，所以加上咖哩汁後，外軟內脆，真的好驚喜。下次去一定會再點咖哩齋。加上一包凍檸檬茶，剛好HKD 50，滿足的下午茶。

放工經過見到裝修幾有特色的小食店，寫著經典陳皮魚蛋，魚蛋控的我決定簡單解決今晚肚仔🥰叫了少辣陳皮魚蛋，陳皮味剛好不苦澀。再試埋暖暖碗仔翅☺️好耐無整，知道要多種功夫，外面煮好曬當然要試～嗯，個芡打得多左D未夠勻，菇和木耳比例不均，肉絲幾條，竟然找不到粉絲翅…哈哈，不過老闆都爽朗健談，竟然請我飲豆漿，仲要加幾滴薑汁讓我一試薑汁豆漿。哇！凍豆漿竟然飲落好新鮮吖，加了兩滴薑汁減低豆漿涼性，確實對煮咩都幾乎落薑的我十分討好哩😂加分！加分！整體十分滿意，店員有禮，環境特色乾淨企理，對於常常一個人解決晚餐的我來說，不失為感受繁華人氣的醫肚好地方😄疫情下，下次來應該變立食😅😅

鬧市中不起眼檔仔有驚喜發現😍行過見到呢檔街邊檔仔好似日本唔邊拉麵既風格，覺得幾得意。就坐低叫左碗薑汁豆腐花🤔第一啖落口真係好驚喜！😳呢碗豆腐花應該係我近十年來係香港食到最滑，唔鞋口，真係有薑汁味既豆腐花🥰仲有無限黃糖放係旁邊任落😍（唔洗尷尷尬尬係咁問老闆拎吖嘛🙈）之後忍唔住試埋個$20/10粒燒賣，中意佢呢種一個碟加牛油紙既懷舊presentation❤️本身覺得$2/粒有少少貴，但覺得佢都算對得住個價錢，唔係得個粉字+腥味既龍x燒賣～唯一美中不足係個豉油唔夠甜，可以再改良下就perfect☺️總結:竟然係旺角鬧市街頭食到呢個級數嘅豆腐花，都係$15 極合理既價錢！😍（有啲懷疑頂得住呢頭咁貴既舖租🤔）下次經過應該都會忍唔住食！I will be back!😁

日期：2021年9月4日時間：晩上11時30分地點：旺角八公人物：食客栗子食物：燒紅鮪魚 （$148） 1. 超級大條 2. 超級鮮嫩多肉 3. 鹹味調校適中飲品：酸梅湯 （$15） 1. 甜酸度適中 2. 開胃解渴 3. 大大杯感想： 位置方面，響波鞋街，地鐵站E出口一上黎行兩步就到。間鋪嘅裝修非常有特色，既有香港懷舊風味，又有日本串燒店風格。地道小食有@魚蛋/燒賣/炸大腸/腸粉/碗仔翅/魷魚/牛柏葉/豬皮/牛丸/墨魚丸/龍蝦丸麵筋/豉油王炒麵/印尼撈麵。燒物有@安格斯牛小排/牛脷/豬頸肉/雞肉/腐皮角/牛丸/墨魚丸/龍蝦丸/司華力腸/冬菇/雞皮。必食@鹽燒海魚/大尾魷/鵝肝厚切多士/芝士漢堡扒飲品@豆漿/酸梅湯甜品@雞蛋仔/豆腐花一句講晒：平靚正多抵大，有人情味，老闆有型靚仔！

眼見前榮園麯家改左一間裝修幾特別的小食店一段時間，但政局加疫情真是有年多沒有落旺角晚飯，食市解封後晚市後，本著：裝修都幾落本，野食應該不差吧的心態一試。怎料一試，至今變了飯堂及朋友聚會的好地方。老闆的熱情及神秘的餐單，大家要試左先知緣份，但是，一間價錢不貴的本地小店，食物質素高底下，絕對一試。小店之神秘菜單，我估只要係食家老闆一定會有推介，其次，不要看輕一條後巷，租金的負擔、食物價錢及質素，絕對是一個平衡。小店的特色，我估計是要看大家對食店及老闆的緣份才能體會，大家先談食物，焗魚、鵝肝、小牛排、炸中腸真的要必試，炒麯、豆花、燒賣我會睇飽餓情況後補，直接睇圖。

每一樣野都用心 製作，第一次食，試唔晒咁多野，齋係一定要試，外脆內軟，因為燒過，再加埋佢個醬！！唔同普通齋！燒物有燒 墨魚丸司華力腸 除左好味之外，仲會切埋，方便細細啖食，我自己就鐘意加埋齋既醬汁。入面廚房好乾淨，好放心！我見好多人食 炸豬大腸，不過我自己本身唔食，所以無叫。鐘意食魚既人，記得試下個燒魚另外都好鐘意個裝修，懷舊香港，好有feel, 坐喺旁邊食，就算企都有好多位企，好寬落，又唔會 趕人走。老闆都好好人，好nice支持小店！

呢間旺角地鐵站一出就係既高汁魚蛋檔，有我最愛既燒賣、碗仔翅，同埋串燒！最犀利係佢D野食乾淨唔嗱喳，睇佢腸粉醬個樽就知（而且係成支擺喺度任唧，所以我狂加甜醬麻醬）碗仔翅好足料，食得出唔係味精。串燒我試左牛舌同雞皮，即燒，鹹淡啱啱好而且平過好多地方。有幾個位好似bar枱咁坐可以堂食，趕時間食個快飯一流。唔記得問個老闆辣油邊度買，下次再去先~

元旦小故事😂😂今日同99去旺角行街，一落車聞到陣香味，突然好肚餓，我話想食燒賣，被99拒絶咗。佢話食雞蛋仔就差不多，沿路都唔見雞蛋仔檔，最後見“八公”有賣，叫左一底。等左二分鐘預熱爐，99心急人等唔切，話要轉腸粉，我就話唔好麻煩人，店員見我地在拉扯，主動話唔緊要，未整轉比我地啦。店員問係邊個想食，我同99互指話係對方，佢誤會左我地在爭執😂😂主動話送一串比我地過口癮，冇錯！係一串雞蛋仔！仲話新年流流，見到我地母慈子孝，有願望就要實現佢😎好人一世平安！好有愛呀講返食物……腸粉滑、芝麻香，雞蛋仔香口、製作嚴謹，店員一直用測温機check住温度。不過……提醒大家，店内係冇一串雞蛋仔賣架！

豆腐花滑溜， 仲配埋老闆話係鮮榨薑汁薑味好重， 值得一試。 老闆好好傾好有人情味好有禮貌。原本諗住兩個人叫一碗豆腐花 試下， 點知老闆都特登畀咗兩個位我哋坐，仲幫我哋 抹乾淨張枱。

今日來旺角行街街，行到肚仔餓，見到閒新開小食店，坐低試下啦，嗌咗魚肉燒賣，豬肉燒賣，串燒牛肉，魚蛋，好好味，個咖哩汁超正，唔記得影低，魚蛋仲有陳皮味。食到小朋友都話正，老闆好好人，態度有禮貌。下次一定再來。