八屋 (已搬遷) 新店位置

宇治抹茶軟雪糕（$30）軟雪糕賣相吸睛😍打個靚卡先😆😆😆用左宇治有機抹茶製作💕上面撒上抹茶粉😍入口幼滑綿密😚抹茶甘香濃郁🤤雪糕筒好脆------------------------------煙燻特濃牛奶軟雪糕（$36）煙燻過既雪糕多左一種層次☺️口味更加獨特牛奶軟雪糕🍦味道香濃～甜度適中☺️上面有士多啤梨做裝飾🍓好靚靚丫！😍 ------------------------------

<好味雪糕 抹茶必試>😍呢間喺花園街 既 cafe hachiko雖然叫 cafe但其實係企喺度點野食既鋪頭 主要有雪糕 咖啡 各式飲品 睇佢個 menu有抹茶系列 應該抹茶係推介。 見到入面唔知職員定老細 好用心整緊抹茶粉 聞到好香既茶味 就好想去試下🍵👍🏻🍴宇治抹茶軟雪糕 30 蚊🍵🍦首先想講呢個雪糕既密度好高 拎落有 d聚手 抹茶雪糕好香濃 直頭入面有 d甘香味 好明顯用左新鮮抹茶粉整 😍每次 d雪糕溶都係出面嗰層溶到變流質 入面仲好實淨 所以口感好好👍🏻 上面放左 d抹茶粉令到成個雪糕更香 而個筒亦都夠香脆 鍾意食抹茶既朋友記得要試！ 👍🏻🍴特濃牛奶雪糕28 蚊🍦🥛幾鍾意佢有個新鮮士多啤梨做裝飾🍓雪糕既牛奶味勁香濃 密度夠高 食落牛奶帶 d甜 個雪糕筒亦十分香脆 好食👍🏻#甜品 #cafe #雪糕 #牛奶 #抹茶 Score 平均分 <7.2/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍

嘩嘩嘩香港全年都咁熱行行吓街口渴想飲番杯真係一定要揀呢一間呢一間位於旺角非常之適合大家因為相當之近聽講係新鋪頭當然要支持一下啦佢哋嘅裝修好高級架仲要有日本產品好啱大家嘅口味再加上飲咗佢哋嘅檸檬抹茶真係好清新又冇糖分適合一啲減緊肥嘅少女少男們再加上佢哋好出名嘅綠茶雪糕都係好值得一試雖然我沒有嘗試但由於價錢係適中嘅所以大家如果想食雪糕都可以去幫襯一下

旺角新開咗一間日系茶飲，仲有精品咖啡飲，好少見，特別推薦佢嘅芝士奶蓋，真係好高質! 🤤奶蓋打得夠杰身幼滑，飲到最後都唔會沉哂落底。芝士奶蓋配咖啡都好好飲☕️👍💕宇治抹茶係必點，因為佢地係用茶道方式做，好香濃🍵😍😍😍好欣賞佢地嘅用心製作，令人好想再去幫襯，趁佢未係排哂長龍真係要去試下！

而家已經比較少行到登打士街呢頭了，主要人流過多食店質素又又降，今日路過見到有新嘅日本嘢，忍唔住要試試！呢個特濃朱古力八屋冰樂 ($36) 比starbucks嘅朱古力星冰樂，朱古力濃一啲，而且沙冰比較粗身，飲落有口感好多！而且仲有cream係面頭，成個賣相都好靚，岩晒女孩子打卡一流！❤️好好彩我地嚟到嘅時候都唔多人，呢間店鋪雖然主打雪糕不過飲品都相當吸引，而且地理位置簡得幾好，係旺街嘅尾部但又唔會太多人塞死晒。下次要試埋個雪糕！

別以為我又去了日本的cafe, 是100% made in Hong Kong的🇭🇰 Cafe Hachiko 開了在旺角好景的地下，行完街出去飲翻杯飲品真係透心涼。宇治抹茶檸檬🍋($31) 和日式焙茶拿鐵☕️ ($36) 兩者充滿著茶香，新鮮即刷。宇治抹茶清新，回甘的感覺好日本啊，不過苦，好清新呢！而我好喜歡焙茶拿鐵，入口好滑是因爲有4.3牛乳，是脂肪的味道喔。杯的hachiko 圖案好可愛，打卡值有100分呢。聽人講雪糕的CP值都好高，下次可以一試。

Among all the bubble tea shops in Mong Kok, Cafe Hachiko peaked my interest. Why?Because of this machine: a La Marcozza Leva. A small hand lever espresso machine. That's quite an investment for a small take away stand. I decided to pay them a visit.Menu is in English and Chinese. There is no 10% service charge and it is take away only. Not only do they offer coffee but matcha and soft serve as well. But I was here for a coffee.I ordered an ice latte ($33). It was ok. Not too strong but not weak.

食軟雪糕～雪糕～雪糕🍦🍦早前露比就去左 @cafehachiko ～試左佢既雪糕！有特濃牛奶味 同 宇治抹茶味😋😋.特濃牛奶味～甜甜地，滑滑地！仲要有粒士多啤梨🍓🍓.宇治抹茶味～濃濃的茶味！又不會太苦，Like👍🏻👍🏻.佢哋ge雪糕都採用有機純正JAS 日本認證～口感更滑更健康！.另外仲試左，有機宇治抹茶拿鐵 同 特濃朱古力冰樂🥤🥤.有機宇治抹茶拿鐵，口感好滑，抹茶同奶味道剛剛好～又用了傳統的日本茶道方法去製作，喝下去的是味道更是心機💯💯.特濃朱古力冰樂，好冰好涼❄❄沙冰好幼滑，夏天至愛！！

呢一帶鋪頭轉得好快，冇黎一排已經有好多新面孔。見呢間新店有抹茶雪糕，幾吸引，飯後過黎試試。鋪頭全白色，外帶形式，以飲料為主，有咖啡、乳酪、拿鐵、奶蓋、黑糖系列。雪糕分別有宇治抹茶味同特濃牛奶味。宇治抹茶雪糕 $30呢種形狀嘅雪糕深得我心，如果唧得再靚仔啲更加好，光顧時已經係8月中，留意到雪糕已經唔係呢個形狀了。草綠色抹茶雪糕，顏色鮮明，估唔到抹茶味又幾濃郁喎！仲有抹茶控追求嘅微微回甘效果，冇甜膩感質地近似百味堂，入口薄身，都算滑溜，但溶化速度快。尤其係開始食雪糕筒後，就不停滴滴滴。雪糕筒薄身微脆帶少甜；雪糕份量不少，食到接近筒底，以30蚊黎講，都有誠意，食得過日本焙茶拿鐵 $36第二次黎嘅時候，就試埋佢地嘅飲料。掙扎於抹茶同焙茶之間，最後揀左後者。焙茶現刷，以4.3牛乳沖泡，製作漸層效果，飲用前攪拌。焙茶味道突出，甘香順滑，不過略為甜左啲。

夏天最啱食雪糕🍦，今次黎Cafe Hachiko叫咗個宇治抹茶軟雪糕（$30），成個雪糕都有勁濃既抹茶味🍵，上面仲要灑咗好多抹茶粉，食落去甘甘苦苦咁，唔同出面既街邊貨色😋

琴日行經好景商場，見到近馬會開左一間新既外賣飲品店「Cafe Hachiko」～～店舖裝潢風格偏日系簡約，而產品都幾多元化，飲品方面有冷萃咖啡、日式抹茶系列同台式珍珠鮮奶；同時，店舖都有售賣兩種口味既軟雪糕，包括宇治抹茶軟雪糕（$30）同特濃牛奶雪糕（$28）～～今次我就試咗佢嘅黑糖波波鮮奶($30)～～店主用左日本明治牛奶，所以奶味特別濃郁；而黑糖珍珠亦都好新鮮，咬落十分軟稔彈牙，屬誠意之作，十分推介呢間用心小店！！

✨旺角新店🍦超Creamy抹茶雪糕✨———————————————————————-呢排太燥喇🤦🏻‍♀️要食杯雪糕降下溫經過旺角見到呢間新開既茶飲品但冇比飲品吸引到😂😂眼中只有雪糕😍———————————————————————-🍦宇治抹茶雪糕（$30）抹茶味超濃郁！甜度岩岩好有抹茶既回甘 面頭仲灑上抹茶粉🍵口感好creamy 唔會好稀 正！不過都幾快溶 影完相好快d食😂———————————————————————-

本小姐係抹茶控，特別喜歡食同抹茶有關嘅食物，而因為雪榚係我嘅至愛，見到呢間近廣華醫院嘅cafe hachiko 有抹茶軟雪榚食就馬上黎試下啦。宇治抹茶軟雪榚抹茶味非常濃郁，軟雪榚入口好綿，夏日炎炎呢個日子嘆返杯雪榚真係消暑嘅好方法，最值得一讚嘅係佢地個雪榚筒好脆好好味呀。同行朋友試左佢地嘅冷萃咖啡，其實即係凍齋啡，咖啡味不但香濃，而且店主仲好細心地係裡面放入一大舊用咖啡整成嘅冰，一來可以保持凍飲嘅溫度，二來即使舊冰溶左之後飲品味道都唔會變淡。