八幡平石燒牛扒專門店 (東匯坊)

营业中

休息中

都開咗一排啦呢間石燒牛扒店，終於有時間黎試試！收埋咗係東滙坊入面，唔係街坊都好難知道有間咁既野係到！-呢到細細地 剛黎到既時候唔算多人雖然佢會有部機比你自助落order 不過其實都有個職員係旁邊幫你～-好多調味！我最中宜生蒜 玫瑰鹽同黃色個醬！-我同男朋友分別叫咗200g既招牌牛扒同西冷！好快送到上黎！因為太高溫 佢地會有張廚房紙拮住 驚d油會彈到你 而我想讚既係當我拎開張紙既時候 以為d油彈咗落件衫到望咗一眼 店員就即刻拎咗條即棄圍裙比我！勁貼心！-【200g西冷】上到枱既時候覺得都幾大舊 一切開 入面係兩三成熟倒 慢慢切就可以慢d熟 牛味幾重 唔會un 有少少肥膏邊 好香啊～好食！-【200g招牌牛扒】如果想快d熟既話可以好似我男朋友咁一次過切好晒 咁樣就可以好快享用到牛扒～呢到有好多款唔同既調味比你簡 我男朋友好似整得勁好味咁 而事實上招牌牛扒都幾unexpected 地好味！係肉味更重 而且瘦得黎唔un 就算78成熟都ok！唔錯！-教學！-呢到係任食白飯沙律同湯 沙律新鮮 個湯值得一讚 係好清既肉湯 見到佢煲入面幾足料 肉湯清得黎好夠味！正！-總結 會再返去食！性價比高！唔錯！

商場嘅一角有一堆人，一睇原來開左間新店～石燒牛扒有200g/300g/400g選擇，加白飯、湯，沙律放題。牛選擇都算多，我同朋友就㨂左八幡平招牌牛扒。300g($120)上菜嘅時候用抺手紙遮住，驚啲汁彈到衫上面，近門口位置仲有即棄圍巾，對客人都幾細心！本來牛扒好生，要自己邊食邊反下，切下。想生啲熟啲可以自己控制，我叫左300g,都幾多，食到最後，啲牛扒好熟，但都唔會韌👍🏼牛肉食落有牛味。白飯係珍珠米～沙律同個湯都一般，但有啲菜可以平衡下都幾好，另外仲有檸水任斟，幫助消化😂 我覺得食200g都好夠，200g招牌牛扒80蚊，算抵食，又無加一。要一提，始終係燒，食完個身會有陣油煙味！

這店由幾十元的牛扒至三百多元的和牛都有，價錢合理，豐檢由人，牛的質素不錯，熱辣辣的鐵板上，可根據自己喜歡的生熟程度來煎，使用的醬汁和調味料粉岩鹽都比較高檔，還有任食bar, 有沙律菜配日式芝麻醬，白飯，湯，飲品價格也合理，屬於抵食之選，由於新店，地方，用品，器皿等一切都很乾淨，幾個朋友叫了幾個價錢的牛一起試，包括最貴的和牛，基本上都是滿意的，會約朋友再去，推薦。。。。。。。。。。。。。。。。。。。。

呢間既和牛，就好似我喺日本食嘅A 5和牛一樣，入口即溶我諗全香港只有呢一間，我認為係一級水準嘅牛，加上食完之後仲有碗靚湯餸，牛肉蘿蔔湯同埋原味沙律，食完會上癮，下次我一定會再去叫埋一家大細

爸爸住附近，提議試吓呢間新開的牛扒店。沒有任何期望之下，走進店裡，赫然發現一台喺日本經常見到的食物order售賣機，menu上有4款牛扒，最平hkd 80已經有100g，最貴300多，有日本和牛。我們一行3人點了兩件rib eye, 各300g;一件牛柳400g.店中陳設有點像日本的拉麵小店，很貼心，有圍裙，有掛衣架，濕紙巾⋯最驚喜係坐位上有雨款牛扒醬汁，黑椒，海鹽，新鮮生蒜粒任用，而沙律，湯同白飯以放題式供應。當店員端出牛扒，從遠已經聴到牛扒在石燒板上的sizzling 聲音，要幾熟，適隨尊便。牛扒新鮮，性價比高，值得推介！下次會試吓他們的和牛！還有，店員親切，店子乾淨整潔，值得一讚！

今日同朋友二人一齊食晏，試咗間新開不夠三個月嘅八幡平石燒牛扒專門店。中午12:40左右去到，唔使等位，兩人可直接入座。價目表一共分為5類，價錢仲包飯、湯、沙律放題。亦可以加錢配埋飲品。店內售票採取自助形式，輕鬆易用就落咗單好彩早少少黎到，過咗一陣就要等位先有得食。店內牆上仲有牛解圖，可以認識不同牛部位，實行教埋你做庖丁解牛店內十分細心，提供即棄圍裙店內亦有烹調方法教大家點煮牛扒自助沙律吧飯同湯都係放題，一定夠飽1. 八幡平招牌牛扒200g($80)，牛扒好厚，因個人感好放在石上燒，真係有得食有得玩，而味道亦十分美味，值得推介$80 嘅價錢，食到咁美味嘅牛扒，絕對超值