八拾壹工房

营业中

休息中

平民食堂！60蚊左右一餐，但都好食，滑蛋夠味，饅魚都算多。上菜夠快，叫完等咗無10分鐘都黎到，如果真係趕時間真係幾好嘅選擇。招呼都算唔錯，好好禮貌，講返有人等先叫我哋走，其他餐廳實惡到死趕客。

呢日一個人喺海濱匯附近做完嘢想食個快Lunch，目測好似見唔到茶餐廳之類嘅地方，(其實係連餐廳都唔太見到) 於是開個APP睇睇搵下食啦，見到對面大廈1樓就有個類似飯堂嘅地方，坐低望下餐牌都有幾多唔同種類嘅選擇，望一望原來岩岩2點幾左右，下午茶時間已經開始了，叫咗一碗咸雞瀨粉只需$34，面對3、40蚊嘅茶餐相信大家都唔會有太多要求，味道正正常常，地方乾淨企理，而且坐位唔會太逼夾，加上店員姐姐都好友善，其實都已經好足夠比滿分。

喱間餐廳平時返工經過都唔覺眼佢既存在直到同事們今日帶我去食lunch 先知喱間隱世陽光餐記行樓梯上去 工廈地方 同時可以坐 40-50人地方幾大 寬敞闊落👍🏻👍🏻menu選擇唔太多 眼見附近食客都係叫 炒公仔麵份量都唔細😆同事叫左個雞排撈出前一丁配香蔥醬油喱碟重點係香蔥醬油😛 配料好 跟一隻好雞排 外酥脆肉多汁簡單既食物 已經非常好食😍 我估就係喱間店必點之一 推薦👍🏻👍🏻👍🏻👍🏻另外叫左雞排加煎蛋配意粉 番茄汁雞排同朋友叫個碟係同款 只係轉左意粉加番茄汁份量巨大 😂 好底食😎

💛牛頭角。性。價。比超高之選💛作為打工仔， 食個lunch 要平靚正是常識吧！ 八拾壹工房正正可以滿足晒以上要求！作為茶餐廳嘅八拾壹， 選擇多樣化，一般茶餐廳嘅菜式都有，仲有埋車仔麵，大多數菜式嘅水準都係中上，份量都夠晒男士食（車仔麵除外）😅推薦嘅菜式有車仔麵，蔥油雞扒蛋飯，雞扒撈丁（可以選擇唔同汁去撈， 蔥油撈丁其實好好味，不過會有啲油，如果驚太油，黑椒汁都好正）。飲品方面凍檸茶同熱奶茶都唔錯， 有時候餐廳會供應特式飲品——腐竹薏米特飲，飲落唔會太甜，腐竹煲到溶晒，好好味， 勁滋潤，值得一試。 最抵讚嘅地方係八拾壹好乾淨企理，坐得幾舒服！

胡椒豬肚湯米線，湯底嘢味，唔算好辣，價錢合理，係牛頭角番工既人都知道附近真係無咩野食，見呢樓下貼有間新開將（因為佢要上1樓），就不防試試，結果意想不到的好食，會再黎呀，早餐lunch有著落啦

今日LUNCH時 行開見到佢新開張，本來都無咩期望。本來想去翠華。但諗又唔想去咁遠同咁貴，於是上去睇下有咩食。一上到去 都幾光猛乾淨。D待應值得一讚 服務能度好好，比起我去翠華 我心甘情願比佢賺好多。(最緊要價錢唔似翠華咁貴)食落開心, 又舒服!一定要讚讚