八方雲集鍋貼水餃專門店

营业中

休息中

Lunch出去叫外賣，唔算多人，等咗10幾分鐘到，走個陣已經有陣燶味傳出嚟，無特別留意要打開嚟睇，以為無事，點知行到翻屋企一打開盒10隻鍋貼都係燶嘅，食完實生cancer，打電話去投訴，仲藉口多多話無留意，要求我攞翻去換，咁係咪住得遠，你哋就可以賺翻一餐，呢啲餐廳列入黑名單

中午差唔多1點的外賣，拿回家只是過了10分鐘，準備飲杯珍珠奶茶，嘩，未飲已見到D珍珠是一團的，全部痴成了一團，冇叫走甜，奶茶冇味，珍珠又冇味，假設10點煲的珍珠，不可能1點就變成這樣子吧？對上一次都係中午1點在同一間鋪買，杯野飲完全是2種體驗除了飲品，其他食物正常

每次叫有糖份既野飲吾係走糖就係少糖，如果我想叫無糖既就吾會叫有糖既野飲而且每杯凍飲都係走冰既，堂食就算了，外賣都係無冰，現在咁既天氣，杯凍飲攞到番黎都變暖飲同一間分店，人哋得寶個邊做得好好多，野飲有冰又甜度適中都係同樣既價錢，點解人哋有冰，呢間鋪無冰又無糖？而且每次喊親兩個雙拼餐，就將鍋貼同鍋同擺堆一齊，水餃同水餃擺埋一齊，明明係兩種吾同既味，攞翻屋企同屋企人夾住食都算，攞翻公司吾通幾個圍住一盒野係到夾

平時吃的鍋貼都無咁燶，今日買嘅嗰兩盒鍋貼燶到苦。真的不行了。而叫咗嘅和風抄手，係一嚿嚿嘅，無晒水，真係唔掂當。而嗰杯珍珠奶茶就真係甜到爆，飲兩啖就想掉。唯一的好處係都叫做快囉。

晚餐無食熱野，所以特別嚟食碗麵，安頓一下肚皮的空虛，冇問套餐，只叫了乾拌麵，可能夜，店內冇客，以為會好快有得食，點知都等咗一陣。宵夜嚟講份量足夠，但醬汁就太多，特別係花生醬，所以食到最後十分䭣。其實混醬味道都可以，只係份量過多。而要$32一碗，其實應該食杯面。

呢間大型連鎖台式餃子店真係百吃不厭,招牌鍋貼一定係必點之選😋餃子層皮煙煙韌韌,好有咬口,同埋d餡都好足料,仲有好多款口味揀,雖然原味已經好好食,不過泡菜粟米餡就另有一番風味🤤酸辣湯係呢間店最最最最最好食嘅菜式莫過之一,真係會食上癮,真係一試就翻唔到轉頭🤤不過經常係夜晚7,8點左右就賣嗮😪呢間嘅台式飲品都好抵飲,一杯珍奶都係$12,跟餐就加4蚊,雖然味道就一般般😂呢間店嘅人流唔算多,座位間隔都好闊落,坐低食野都好舒服,同埋呢間店嘅職員超nice,無咩人嘅時候會直接送埋個餐過黎,同埋距地煎完餃子會叫客人去拎左先,費事d餃子凍左唔好食,然後d麵食隨後會幫客人拎去檯,職員嘅貼心值得大讚👍

一定冇下次，未食過如此難食嘅嘢。豆漿结冰，好難喝， 喝落感覺好嘔心，鍋貼凍冰冰，食完有種想嘔的感覺，重要返到屋企肚痾，垃圾中的垃圾，極後悔去八方食嘢，我呢一世都唔會再去八方食嘢。

下午肚餓又唔想食咁飽，見到間好耐冇食過嘅八方雲集，就入去食返個麵線及鍋貼下午茶餐，價值$32。集團式公司食品每間都差不多，比較的地方就係環境衛生問題及職員服務。職員服務有禮，選餐時職員唔會覺得不耐煩，同埋得閑時職員會送埋餐到係你面前。而環境可能當時並不多客人，感覺尚算唔錯，但如果餐桌可清潔些會更好。

去過幾間八方雲集都係覺得這間比較好衛生方面，環境方面服務方面都做到好好客人入到店內會有歡迎光臨既招待點餐時收銀員會清楚介紹套餐的優惠冷氣夠涼，仲有電影可以看不停播放