八方雲集鍋貼水餃專門店

营业中

休息中

今日放lunch好想食熱野食下麵，唔想食飯，但周圍唔係好熟路，見八方雲集就入左去喇！麵既選擇唔多，黎黎去去麵係配鍋貼配水餃之類！咁我就叫左個套餐，酸辣湯麵配鍋貼豆漿！咁就$44喇！酸辣湯麵一黎到唔對路，點解咁稀既，正常應該'杰杰地'架嘛，食落味道好淡，酸同辣都唔夠，麵既量就好多！鍋貼煎得唔夠香脆～煎耐d會比較好！成份餐食唔哂，好飽，但少少失望囉！

話說我曾經經過好多間八方雲集，但一次都無食過。過咗八點，粥粉麵飯唔想掂，不如行入去試下。姑姐向我強力推薦泡菜鍋貼，話每次食必點，果然好味！啱起貼的鍋貼入口還冒著熱氣，煎得好有水準，唔會油淋淋，够香脆。泡菜微辣，蘸上醋更是開胃。平時食開韭菜餡，經典口味，未食泡菜味之前都覺得好食，試過泡菜味之後就覺得略微遜色，可能泡菜太重口。天氣太熱不想飲熱湯，少冰少甜的奶茶配熱辣鍋貼就一流。第一次食，印象好好，價格公道，以後又多個選擇。

鍋貼5隻+麵線加野飲$35點左招牌鍋貼，酸梅湯今日天氣十分熱，飲酸梅湯好解渴野食好快上枱麵線同台灣蚵仔麵線一樣味道有貢丸招牌鍋貼細細隻煎到脆卜卜店員講普通話搞亂左第二枱既單，但又講極都唔知錯邊

八方雲集〜水餃鍋貼都算多款式，第一城呢間水準一向都唔錯。除了齋食餃子，我就好喜歡呢個「清湯水餃米粉」。米粉屬於銀絲米粉類，很幼身，很有咬口。湯底夠味夠熱，但不算太重味精，再加入冬菜，蔥， 芫荽，食落口有淡淡芫荽蔥香，味道層次多咗。水餃係椰菜豬肉水餃，椰菜有甜味，豬肉調味適中。呢款米粉有水餃4粒，份量也算足夠。

第一城呢間都開左幾耐 住得近嘅我一直都未去試今日行到肚餓 經過就入去試下order左個水餃餐大約$36有十隻水餃同一個飲品可以簡湯、豆漿、酸梅湯⋯等左5分鐘到就有得食好快手 亦係即叫即做新鮮得來又好有效率招牌水餃食落好足料唔會得細細粒肉 大大塊皮咁菜同肉嘅份量都好平均一粒接一粒咁食真係唔洗停口就食哂十粒食完十粒岩岩好夠飽仲有醋同辣椒醬比你任加任點湯就簡左珍珠雲吞湯咁又多幾粒雲吞 好似抵D 所以就叫左呢個個湯都有成六粒雲吞珍珠size得來又唔會太小料呢樣真係要大讚唔夠飽嘅就算唔中意飲個湯都有雲吞食下總之就包你食得飽總括來講都好推薦大家去試下有時系街餓餓地都可以食下平時睇佢鋪頭好似唔係幾吸引但之後肚餓經過都會走入去食

米線大家就食得多啦，但麵線大家又食過未呢。麵線簡單啲黎講就係米線既軟版，一咬即斷，唔似譚x 咁要咬大力啲先斷。對啲老人家黎講都係一個好選擇。而呢間八方雲集就係來自台灣既麵線專門店。有幾種套餐比我地選，但主要係鎬貼同炸餃子，款少得黎又夠專，好食到不得之了。套餐配珍珠奶茶，最貴都只不過60蚊，又飽，抵到喊。

同朋友傾project，諗唔到野又肚餓，就走左去第一城買Ｄ水餃同鍋貼黎食下。Ｄ鍋貼睇外表都算ok，但係食落唔算話真係好香，層皮都唔算好脆，整體感覺比較普通。另外，由張相我地都可以見到，Ｄ鍋貼得一部份係夠燶，有部份確實係煎得唔夠耐，所以呢幾隻食落同普通水餃ge分別唔太大。至於D 水餃，就真係做得唔錯。佢地冇一般水餃ge 油膩感，口感幾好，幾有鮮味。而且都算係幾大隻，幾足料。

公司逢星期三就唔包lunch,咁唯有成班同事"圍威喂"出去買外買番公司食囉!因為太遲食早餐,所以小小地order左10隻菲菜餃同豆漿等左10分鐘左右.拎到番公司用左10分鐘其實外貌上佢真係無咩特別!但係如果以連鎖餐廳外賣黎講佢食物既質素真係唔差,因為至少處理餃子皮會互相黏住呢個最嚴重既問題上,佢地處理得好好! 同埋都算真財實料,粒粒餃子都脹卜卜!唔錯!一啖咬落去，韭菜有很多。 餃子也不會乾，好juicy，好味！如果唔係太遲食早餐頂住個胃,真係唔想將食淨個兩隻分享俾d同事

第一城商場裝修後， 有很多新的食店加盟。八方雲集是一間食物質素保持水平的食。 店主打的是水餃， 煎餃和台式的麵線， 選擇不多， 但深受居民的歡迎， 經常要大排長龍。還好， 由於位子很窄， 大家來這裡純粹醫肚， 所以也不會等太久。 餃子是這裡的主打， 辣味和咖喱味會比較特別， 很香的味道。不喜歡辣的，可以選擇招牌水餃， 也不錯。 喜歡吃餃子的， 這裡是不錯的選擇。 除了餃子， 還可以選台式麵線和丸子。 沒有驚喜， 但也不會令人感到失望。 今天叫了碟油菜， 很鮮美， 在這樣的快餐店， 有這麼好水平， 是很難得的， 對食物的用心， 這份尊重是值得一讚的！若想吃不一樣的風味快餐， 這裡是一個很好的選擇。

是晚諗住煮雲吞拉麵, 但老公話雲吞點會配日式拉麵架, 係都話要出街買餸番嚟配佢個日式拉麵, 開頭諗住買炸雞, 但我提議不如試下鍋貼啦~ 但扮日式餃子拉麵嘛~ 佢又OK, 咁就走咗落街外賣返上嚟~估唔到佢一開門第一句竟然話, 佢敢寫包單我只係食一次, 我仲以為係咁污漕或者難食tim~ 但我都未食, 佢又竟然寫包單話唔會有第二次? 真係好好奇, 於是即刻開嚟食~一打開個外賣紙盒, 聞到一陣好輕微, 但如果你係唔鍾意果樣嘢, 你會好敏感地聞出, 而且又見到有D深綠色物體, 我都估都點解先老公會咁講, 就係因為D鍋貼入面有我唔鍾意食的"韭菜", 不過好彩份量唔算多, 老公話已經問咗果間嘢, 有冇D係冇韭菜的, 但竟然係冇一樣鍋貼/餃子係冇韭菜lor~ 話呢個係原味, 已經係最少韭菜, 我唯有點多d醋, 用醋味去蓋過d韭菜味, 去完成我呢個晚餐~ 其實除咗有我唔鍾意的韭菜外, 佢仲有椰菜同豬肉做餡料, 味道都算ok, 但個皮就可能比d倒汗水焗都林咗, 冇咁香口, 可能堂食會好d啦~ 不過都係唔會有第二次, 始終有我唔鍾意食的韭菜, 佢又切到碎濕濕, 想挑出嚟都唔係咁易, 如期咁辛苦麻煩, 倒不如