八方雲集鍋貼水餃專門店

营业中

休息中

在網上外賣平台點外賣。珍珠奶茶，豬腸麵線，原味餃。豬腸麵線很滑，豬腸亦沒異味，唯豬腸只得两塊。原味餃，外脆內軟亦有肉汁，很可口，啖啖豬肉。珍珠奶茶非此店主打，但可接受

順路食埋個八方雲集先走！叫左個台灣麵線餐！有台灣麵線、豆漿、同水餃食！個台灣麵線細細碗！但都夠食飽！個麵線唔係湯！係好似碗仔翅個種口感！麵線全部都好幼！同個湯底又幾夾！幾好食！入面有唔少香菜！食落勁香！仲有其他配料係入面！有魚丸同豬大腸！豬大腸好有滷水味！魚丸都好爽口！我叫左招牌水餃！即係原味水餃！都幾好食！個皮唔會好厚！個餡係豬肉餡！好好食好飽肚啊！臨走時見到d姐姐人手包水餃同鍋貼！我仲以為係工廠整既！幾好feel !熱豆漿

兒子上完堂雨好大，母子倆為了躲雨走入餃子店。選了幾樣填肚子吧。好快有的食了招牌水絞是全豬肉餡的，咬下有點湯汁，不過不失。招牌鍋貼外面微煎，不太硬身，裡面的餡也是全豬肉的，無咩特別。跟餐的酸梅湯是冲調的，口味麻麻啲。可能荃灣會有更好的餃子店吧。

哩間餃子舖週圍都有，對上一次為佢寫食評係因為另一間分店嘅衞生環境同服務水平甚低，忍唔住評下，今次終於加返分。係外面counter叫完嘢食，入店內坐低等食。有公司logo，形象突出。大型美食牌。地方乾淨企理，同我對上一次不愉快經歷差天共地。等幾分鐘有得食。麵線足料，大腸貢丸都唔慳皮。煎餃個皮夠簿，肉同菜平均分佈，唔怕食多幾隻，我首選味道係韓式泡菜，次選係招牌。地方舒服都覺得D嘢好食D，姐姐又賣力，見食完都走埋嚟收嘢抹枱，仲叫你慢慢坐。有煎餃，有麵線，包埋嘢飲（豆漿或酸梅湯）40蚊有找，一定要支持

店鋪經過裝修後坐得舒服左，感覺乾淨左，食物味道依舊保持著香脆外皮餡料也很足，韭菜鍋貼餐$36一半韭菜一半豬肉，味道剛剛好！另外叫了紅油抄手（套餐+15）亦很好吃 不會太辣太油，不過就得幾粒，份量較少。

打風唔駛返工, 又係時候出街搵食荃灣街市街八方雲集早排停業裝修, 現已重開, 一於平平地入去食個下午茶先~裝修後環境舒服左好多, 多左一排bar枱, 空間感闊落左, 例牌叫左個招牌鍋貼+韭菜水餃, 嘆多杯百香果椰果綠茶, 人生其實可以簡簡單單又一餐~

好耐無食八方雲集，最鍾意食它既泡菜煎餃；今次試其他，水餃面，加煎餃，實在好鍾意食餃😁面無失色，水準依然，唔會整得太淋或太硬身，爽爽地最正！餃子都一如既往，足料啱口味👍🏻👍🏻煎餃最得，事關偏愛熱氣野，煎完夠香脆、咬落皮薄多料，仲有汁架，唔會乾爭爭，好味道。

近年八方雲集分店開得越來越多，今日突然心血來潮想食鍋貼，就去左荃灣的分店我點了八隻招牌鍋貼同旗魚丸湯，等左大約15分鐘鍋貼煎得好靚，外皮香脆，豬肉餡料又夠Juicy，唔太油膩，好好食！旗魚丸湯有紫菜同三粒魚丸，湯底好清甜，魚丸鮮味十足，清清地好適合配埋煎鍋貼一齊食 

繼上次試過AEON超市之後，今次去八方雲集買其主打的煎餃和麵食返家。這家店子的位置實在太方便，四方八面的人客都來，不過特別的是，外賣的人客比堂食的多，外賣客要排隊，但堂食仍有位子。而且有時那些熱門產品，例如鍋貼類，經常供不應求，等一段時間才可以有貨。不過從好處想，等一等就有即叫即做的食物，都幾好的。八方雲集善用紙盒和紙杯，只有盛載熱湯料的才用膠碗。當然我知道經常買外賣都不是一個好的環保方法…嘻嘻…肉丸麵的麵一個紙盒，珍珠餛飩麵的餛飩和麵另一個紙盒，招牌鍋貼又另一個紙盒，肉丸放湯保持滾著。究竟邊盒對甚麼食品？開估了…因為麵條另盒盛載，所以到吃時才放入湯內，麵條便不會過度軟腍和發脹，吃到彈牙的麵真不錯。而這兩款湯麵，總體來說是清淡的口味，零油膩。吃了多次「八方」的鍋貼，始終都是原味的「招牌煎鍋貼」較合我們口味，以前試過「泡菜鍋貼」，總是覺得兩不像的。講返今次外賣的鍋貼，是長長型的，鍋貼底部的脆皮仍然脆口，內餡熱辣辣而且有肉汁，一脆一嫩的覺得幾好。

$36, 豆漿珍珠 + 5隻招牌水餃 + 5隻招牌鍋貼味道一般，沒有驚喜，但勝在食物都夠熱！環境都好坐，人不算多！豆漿：很甜，珍珠味道不太討好，但這樣的價錢就不多作要求！

有陣時,會心思思好想食煱貼,我就即刻林起8方雲集啦!呢間野食左好幾年啦已經! 我覺得好手抵食!因為我好中2飲佢既珍珠奶茶, 配煱貼,真系一流 哈哈佢既珍珠系細粒D, 不過份量好多加! 哈哈食煱貼點可以吾可佢既辣招醬加!由於本人好喜愛辣,所以呢個醬己經好足夠啦,吾洗加任何事油甘今次就叫左咖喱味同9菜味啦~仲有韓式我都好中2啦~呢3個味都好好味阿!哈哈溫馨小提示: 次次食完個9菜,個口都會好臭,好大既胃氣 成日人俾朋友仔投訢

因為有事做,搞到夜夜都未食飯,不過仲有一堆事後工作未做,返到屋企有排忙,肥就肥死佢啦,一陣去食薯片朱古力咪仲衰!在荃灣街頭,其實都幾多野食,不過咁夜都係食到有飽感就好,所以知道附近有拉麵好出名,都決定算吧啦!結果,我去了食鍋貼同水餃.....八方雲集是以特許經營的模式運作,所以好多區都有,間間不同老闆,口味都可能有少少分別今晚我叫了一個雙併餐($34),可以從多款口味的鍋貼中選兩款,每款5隻,另送一杯豆漿,豆漿味道普普通通,不算是很濃郁的豆味,只是口乾乾想喝而已.....招牌鍋貼外皮煎至金黃,口感脆卜卜,餡料也包得飽滿,肉汁也有不會乾巴巴的,我對鍋貼要求比較低,只要脆皮,餡不乾.我已覺得合格了~另外也試了田園蔬菜水餃綠色的外皮,賣相吸引,但好似比其他款式水餃細一點咬開見到有大量的切丁的蔬菜,味道比較清淡,易拉架寫的小棠菜、椰菜、紅蘿蔔、沙葛、黑木耳,看餡料都是份量也不少的其實我自己就不太吃得出食材,可能是切得太細碎,口感味道也不太清晰整體來說,我自己都幾喜歡素餃子,可能我平時家中媽媽也有煮素餃,吃著吃著有點親切感,餐廳加入素食的元素,其實都是不錯的方向,可以為店舖加了新鮮及年青感,不過

八方雲集已經成為心目中一間閒時開餐店，每次必食台灣麵線！有好多選擇，唔鐘意餃既又可以食麵！咁多款餃入面，覺得招牌水餃最出眾！如果煎餃，食左幾隻覺得太乾。但水餃入面仲有湯汁，皮算不薄不厚！值得一試

八方雲集以特許經營形式運作，味道也因此有所不同。東涌街市外的分店鍋貼味道一般，多數煎得太乾身，連裏面的肉汁也煮乾了。圖中的泡菜水餃由於用水煮熟，感覺沒鍋貼熱氣，也保存了微辣的肉汁。泡菜爽口配上軟熟的水餃皮是很巧妙的配搭。豆漿偏甜，黃豆味欠奉，但始終不是豆品店，素質不高可以理解。36大元便買到套餐一個配飲品，飽肚之餘又不算虧待味蕾，是午餐中性價比頗高的一個選擇。

對於餃子，我個人麻麻地中意，但總會有想食既時候，所以要食餃子一定係食八方雲集架啦!!呢間野比人評到有d唔店，但個人認為又唔係咁既一回事，服務員招呼得又好周度，態度好好。今次點左碗面線，招牌鍋貼，同水餃，食得好飽好滿足。鍋貼皮脆內軟，肉餡又唔會太乾身，水餃鮮甜多汁，面線就稍為鹹左少少，但一齊會係正斗，下午茶極度推介!!