六十六十火鍋 (已結業)

好友相約一起去青山道宇宙商場shopping 完之後，佢帶我去附近一間六十六十火鍋店吃滋潤的椰子文昌雞火鍋套餐。適逢秋風起天氣乾燥最好不過是有滋潤湯水飲。店舖由晚上六點開始至凌晨二點，限時兩個半鐘，所以經常人山人海。有粥底套餐、蕃茄濃湯底脆米泡飯套餐和椰子文昌雞湯底套餐。與別不同是餐廳附送兩粒南海青檸是可加入醬料內，提升鮮味而且餐廳免收加一的。我倆都是要靚之人，所以叫了滋潤皮膚的椰子雞鍋套餐。椰子雞湯滾起香氣四溢，清甜可口！海鮮類可揀八款，扇貝、蟶子和鮮蠔全都很鮮美。配菜可揀六款，其中之一西班牙梅頭肉，肥廋均勻，幼嫩肉質且豬肉味重。自家製響鈴，香脆口感。這噸滋潤火鍋套餐令我倆覺得物超所值。

喺長沙灣同gym友做完運動後，gym友約會我一起過對面六十六十火鍋店吃火鍋，原因這火鍋店主打之一椰子文昌雞湯底套餐係遠近馳名。好彩gym友一早book咗位,還未夠七點，巳坐無虛席。牆壁上掛上多幅古時人物也在吃火鍋的畫照。我倆毫不考慮揀了個主打火鍋椰子文昌雞湯套餐。清甜椰子雞湯料有嫩滑椰子肉和爽脆竹笙配新鮮文昌雞兩人份量的，文昌雞肉嫩滑雞味濃。😋套餐包括八款海鮮和六款配菜。蟹肉肉質鮮甜厚肉。👍鮮魷魚，煙韌有嚼勁。貝類粒粒富鮮甜口味。美國肥牛只在滾湯裡拖兩拖，牛肉氣味濃厚。😋至愛的配菜是充滿骨膠原又可滋陰養顏的花膠仔，吸收了濃湯的精華更美味！👍又免加一和醬料費怪不得經常客以雲來。

難🉐️係社交apps上 可以成功約左個女仔出來食餐飯🤯🤯點可以唔食餐好架🤗🤗 係fb見到呢間海鮮粥底火鍋評價好高於是你來試一試距 係咪真係咁有料☺️☺️蟹 基本野啦 但係冇乜鮮甜味 我好失望 因為我好中意食😅😅沙白 同花甲 係新鮮既 鮮甜既不過係有沙姐😟😟😟 鮑魚 法國冇X心既咁大粒 有小小失望 但勝在味道都還可以既🤩份量都算幾小下 但冇計 😚個女仔好多野都唔食 不過我地都食唔飽🤔🤔其實200來講 可以做🉐️更好既 呢度都係一次🈶️多 始終打手太多 真心覺得一般般 未必到高質既🥴🥴一次有多 再嚟就甩拖🤪🤪

冬天打邊爐夏天熱辣辣都係打邊爐最愛打邊爐!心血來潮想搵椰子雞湯底發現呢間係長沙灣高評火鍋店椰子文昌雞湯底每人$248 包括部份海鮮和配菜..自行配搭海鮮有紅黃藍三種 三色一共可選8款 可以滿足埋樣樣都想食添！👍🏼首先會有半隻雞同湯底！一試湯底好清味既椰味！好好飲！之後落埋雞件..職員仲好好會溫馨提示雞件煮既時間😊到海鮮時間喇！魚滑..蠔有蠔味...🤪所有貝殼類都新鮮沒有沙..好好味..重點係生蝦咁跳👍🏼新鮮蝦落枱仲好生猛係會跳嫁😁仲好索口添！8款海鮮樣樣都好新鮮！份量都好足！鐘意海鮮又愛打邊爐好推薦去六十六👍🏼每食一啖海鮮都要飲一啖湯..因為落左海鮮之後既椰湯仲甜..好好飲💯配料叫左魚皮餃+墨魚丸+牛丸+美國肥牛+西班牙梅頭片+金菇配料多到唔洗驚食唔飽呀食完呢個晚餐係勁滿足..絕對可以encore 再去！

鍾意食火鍋既我，今次特登黎長沙灣試下呢間幾出名既火鍋店！一黎到勁多人，有分時段，一晚可以做三場，但都客似雲來！一入到黎可以用紙落單又可以用QR code落單，幾方便！配料都幾多選擇，不用另外收費。我地一行兩個人，叫左個椰子雞湯底，真係勁濃勁香勁甜椰子味，無得頂！呢度既海鮮真係無得輸，係有成8款你食，樣樣都勁新鮮，份量剛剛好！花甲好鮮甜，仲要勁多粒！我地放蝦時，仲識郁嫁，食落勁彈牙，好正！除左海鮮，仲可以叫6款其他野，而牛都唔差，而佢地既墨魚丸係最推介既，除左係打，仲好濃味又彈牙，但因為顧住食唔記得影相，實在太正啦！最後2個人每人二百幾，有咁豐富又好食既質素，真係會上癮，食完之後，我地兩個都傾緊下次幾時再黎食！

早幾日終於同👦🏻去左想去好耐既六十六十火鍋打邊爐!! 👧🏻👦🏻都表示食得好開心!所以一定要介紹下🤣🤣.六十六十火鍋係以套餐形式，一個價錢就包左好多野。有三種湯底揀：粥底 🍲$200/每位蕃茄濃湯🍅$200/每位椰子海南雞煲🐓$248/每位包左8️⃣款海鮮同6️⃣款火鍋料再加果個鍋底相應既「特別」食法。我地揀左蕃茄鍋，就包最後加白飯同脆米做泡飯🍚🤩🔸海鮮我地揀左扇貝、大花甲、蠔等等。全部都非常新鮮，大推檉子同大花甲!!真係超級超級鮮甜，好味到我地後來加左錢encore左一份!!🤪 另外其實佢有肉蟹揀，睇落都靚，不過懶豬👧🏻👦🏻都怕麻煩所以無試😂🔸火鍋配料打邊爐配料大致都係果啲，不過幾推薦佢個西班牙梅頭肉，實在幾嫩滑!另外好似舊冰的其實係蜂巢豆腐，吸曬啲湯汁好正嫁🥴🔸脆米泡飯最後食曬啲配料就係加飯同脆米既時間!!👦🏻勁醒留左半碟蠔最後加埋食，真係太太太正！脆米好香好似細細粒既炸魚皮仔，加上本身恰完海鮮好甜既湯底，根本無得輸!!🥳🥳.$200左右換到大滿足既一晚，有機會要再試埋個椰子雞煲先得🤣🤣

📍六十六十火鍋 (長沙灣)呢間海鮮邊爐已經係第二次嚟食，絕對可以係咁食😋今次同朋友兩個人選擇了椰子文昌雞雞煲，味道比較清淡，淡淡椰子香。🔻湯底固然重要，但講到明係海鮮當然海鮮係主角，今次我哋揀咗鮑魚、聖子、扇貝，全部都比我預期中新鮮。而且枱旁邊有教我們如何去碌海鮮嘅時間，保證唔會錄得熟得滯，我以所有海鮮都好鮮甜多汁。🔻打邊爐材料方面，我哋揀咗響鈴、金菇、肥牛等等，以份量來講非常之足夠，我哋兩個人都食唔晒🔻價錢唔算貴抵食☺☺刺激味蕾指數:👍👍👍👍👍👍8/10環境服務: 👍👍👍👍👍👍8/10地址: 六十六十火鍋 (長沙灣)長沙灣青山道156-162號永基商業大廈地下A舖人均消費: $246/人

今日黎到6060打邊爐，餐廳環境乾淨。但個場爆多人，侍應安排我們搭枱。但之後有兩人位置都幫我地轉返位，安排恰當。湯底有：椰子文昌雞（$248）、粥底、蕃茄濃湯。ps:價錢包8種海鮮及6種火鍋配料。我們選擇了蕃茄湯。蛤蜊好乾淨，冇沙。本來想煲耐啲等個湯底鮮味啲，但忍唔住夾上黎食。如果當日有蟶子、大花甲嘅話。就一定要叫。因為係十分之鮮鮮鮮味，重要的事情要說三次。好好食。西班牙豬同牛肉都好靚，同一個價錢係出邊係食唔到咁好質數嘅牛肉。金菇同花膠份量都好足。花膠我淥左好耐先食，咁就入哂蕃茄湯啲味啦。係落飯之前我先食左湯底嘅薯仔先，因為入哂之前食材啲味，所以好好味阿!我專登留番半碟蠔係到，就係用黎加入最尾個泡飯到一齊煮，就咁諗諗都覺得好食。之前咁多種海鮮，再加埋啲蠔。個湯飯係100%冇得輸

🐱🐶「六十六十」(長沙灣).要講到海鮮打邊爐，呢間絕對係我recommend list 入面頭三位之選，位於📍長沙灣青山道永基商業大廈地舖-「六十六十」💓呢度無論粥底還是椰子湯底都一樣咁出色，次次黎我哋都叫粥底，今次就試下🥥椰子文昌雞雞煲($248/位)喇😄.揀完個湯底，重點陸續有黎😍就係「揀！海！鮮！」分咗紅、黃、藍三個類別任君選擇。全部都好新鮮、份量好足夠。餐廳仲會有指南教大家點樣碌佢哋😃要知道，鮑魚、扇貝、聖子每款碌既時間都唔一樣唷！跟住指示保證啲海鮮鮮嫩多汁🤤.回帶講下個🐔文昌雞先～雞肉彈牙、多汁、完全無雪藏味，配合椰子湯底，十分嫩滑😽.呢度好多回頭客，絕大部分係街坊生意，真係平靚正呀！.總結評分：8.5/10番啅指數：⭐️⭐️⭐️⭐️🌟

呢間海鮮火鍋店已惠顧數次，但每次食物質素也一直保持水準，CP值絕對高。今次點的是椰子文昌雞湯底火鍋，工作人員會細心教導椰子雞的食法。 如果還不清楚，枱面有QR code 可掃描，入面有餐單及食法。 而且餐桌旁亦有烹煮時間及次序供大家參考。文昌雞關火後焗五分鐘，雞很嫩滑，一點也不嚡口。 椰子雞湯底很香甜，煮過雞後亦不覺太油膩，而且湯底內還有少量竹生及馬蹄。海鮮分別點了肉蟹，聖子，扇貝，蝦，蠔，馬刀貝及兩款貝殼類海鮮，一共八種海鮮。肉蟹送上來時還在動，而蝦也一直在跳，十分新鮮。 聖子及扇貝都幾大隻下，而且食落去好爽口，正！配菜有美國肥牛，西班牙梅頭肉，雞肉等，食肉獸朋友不要錯過。另外還有手打墨魚丸，雖然手打墨丸不太大粒，但勝在夠爽口彈牙。

有人經過同事介紹，話長沙灣有間出色既火鍋，於是就同男朋友仔一試究竟。湯底一共分為三款椰子文昌雞湯底 <每位$248>蕃茄濃湯底。脆米泡飯 <每位$200>粥底 <每位$200>揀左椰子文昌雞湯底，兩人份量有半隻雞左右，份量很足。 湯底椰子味重，而且帶一點鮮甜既味道，又香又甜。食材方面，分別可選海鮮及配料。 海鮮有分紅黃藍三個種類，可以從紅色類選三種海鮮，黃色類就指定兩種貝類海鮮，藍色類亦選三種。特別一提肉蟹是必點海鮮， 二人一隻完整肉蟹。肉蟹很新鮮，而且咬落啖啖是肉，我地隻肉蟹仲有蟹膏，正！另外扇貝及聖子，很新鮮，爽口彈牙。火鍋配料可以任選六種，但六種配料不能重覆Order 的。

2019年8月31日（星期六）🎂家中有兩名8月壽星，一於趁未開學，約齊大家食海鮮火鍋慶祝生日！叫咗海南椰子雞套餐，佐料架企理乾淨，抵👍！鮮雞嫩滑、醮埋桔仔沙羗一齊食，味道一流！叫咗鮑魚、蝦、蟹、蟶子同埋蠔。 所有海鮮都係揀手靚貨、新鮮好食！我最鍾意係肉蟹，鮮甜多汁，不過大家實在食得太飽，加上懶得剝殼，其實蟹係最正！食埋個粥，大家飽到差啲行唔郁！ 200幾蚊食到多種類又好食海鮮，十分抵食！原來六十六十係代表打邊爐「淥嘢食」、「烚嘢食」！有趣！

荔枝角有間街坊海鮮火鍋小店，一個價錢有海鮮有肉類仲有雞鍋，同事話想食海鮮火鍋就帶佢嚟食啦揀咗貴啲嘅椰子文昌雞湯底，要$248一位免+1免醬料費椰青肉竹笙湯底，份量都幾多兩個人食，佢提供半隻雞，隻雞都幾大隻啖啖肉。好彩我哋兩個都唔細食，如果唔係食完都飽咗半啦唯一要加錢嘅就係飲品但係$15知鴻福堂都唔算貴啦。話明食海鮮，我哋就點左完隻鮑魚，聖子王，油貝貴價海鮮每人有一件當天活魚－多寶魚，每人有三件大蜆同埋小蜆，一大兜大蜆都好新鮮食依樣野先個湯底就變得更加鮮甜啦仲有魷魚，一碟份量都唔少同埋蠔肉，雖然唔係筒號咁大隻但係都有半隻手指大食完海鮮又飽左啲啦跟住就係六款肉食蔬菜丸類配料估唔到佢花膠仔都唔係太細件，魚皮餃鴨血豆卜，每人每様都有三件美國肥牛肉每人都有三大片，娃娃菜每人就有半棵，如果鍾意食菜就要叫多啲啦

又係開始打邊爐嘅季節，食完一般嘅港式火鍋又食完麻辣火鍋，今次想食海鮮但係又怕好貴喎，為食同事話我知深水埗區開咗間或一價錢有好多海鮮食嘅火鍋店，佢講到咁玄又話唔貴，我仲有乜理由唔去食呢。原來佢係每一位一個價錢$200或者$245，分別在於個鍋底如果揀粥底或者蕃茄濃湯底就係$200位如果好似我咁想食多啲野就可以揀椰子文昌雞湯底。另外飲品有鴻福堂支裝或者罐裝可以另外加錢。佢最好就係不設加一，又冇啲醬料費用，明碼實價漿料都有好多可以自己揀嚟混合兩個人食就有半隻雞，隻雞都幾大隻，我仲跟咗隻清檸仔俾我哋加入去醬料到跟住就係想海鮮啦，佢有六種紅色海鮮可以揀三款我哋揀咗鮑魚，聖子王，同埋活魚，活魚今日係多寶魚，估唔到又幾大隻喎，平時去酒樓叫一隻聖子皇，最少都要幾十蚊，隻原隻鮑魚都幾大隻㗎。魷魚都幾大碟娃娃菜嘅份量就唔係咁多，兩個人加埋只得一棵二人份量嘅美國肥牛肉，都幾靚唔係出面跌好多肥膏嘅貨色好大兜嘅蠔，雖然大約半隻手指長但係都好鮮味其實佢總共前前後後會有15種食物俾你食到，分量覺得啱啱好，除非好大食啦，附近都係啲街坊起到幫襯，口碑似乎好唔錯。

朋友話拎手信俾我 於是乎約食邊爐～ 好彩我地book咗位 如果唔係就要同人搭檯 or 要等位。由於呢間舖冇限食飯時間 我估等位應該都要幾耐下～我地order咗椰子🥥雞 $248一位。等煲滾湯再放入椰子雞，有侍應會幫手。椰子味好濃郁～ 椰子肉食落都ok～ D雞亦都好新鮮食完d雞再放入海鮮🦞 真係好新鮮。可以自己揀幾款 我地揀咗蜆 蠔同鮑魚。 蠔會越煲越細 所以一熟就好撈出來食啦～ 一開始仲覺得好少嘢 好似唔夠食 但其實食完雞同海鮮 已經差唔多飽了。食完之後真係瘋狂推薦俾鍾意打邊爐嘅fds～我之後亦會再去食