六榕仙館

营业中

休息中

人哋話食素之人身體好，賣素之人心啲好。今天睇完戲行過呢間齋舖，諗住買盒素齋返去當晚餐，一到去，冇人招呼，問左幾聲見到嗰剪齋嗰人攞左外賣盒好唔耐煩，我叫左一樣佢又冇反應，問又唔問，說話又唔多講句，跟住堂食要剪佢就唔理你做自己野。好了，等佢做完野又好似等我，又用手指指，我估佢想叫我一次叫曬野先剪，事實真係如此。外賣地方又啱啱係門口，出山入入都唔知自己企邊好，差啲被門撞到。講真的顧客真係好唔方便，好心佢哋明知如此仲要咁布格，不知是何居心，仲要係同一位置收錢。一盒$55齊，四個位都係空嘅，唔係睇住佢以為被人食左。人哋買素齋都會把外賣盒裝得滿滿，我第一次係呢間買外賣，唔知係唔係呢間野嘅外買就係留1/5空位….應該唔會有第二次！食物干淨，味道方面可以，但性價比不高。

今日晏晝同屋企去左食齋，今次揀左呢間老字號，我地上左舖頭既第二層，我見隔離一枱四人都係男士，我估應該冇揀錯，老字號冇翻新過，裝修就比較舊，但我覺得食物係唔錯既！佢地有叫餸食飯，同埋點心！我推介琵琶豆腐同咕嚕肉，食過好多次唔同既齋咕嚕肉，佢個咕嚕肉係最出色，簡直係同真既咕嚕肉差不多，爭啲分唔出!竹笙扒豆苗都唔錯，芋頭魚都好食，係上得最遲，嗰陣已經飽晒。揀鵝就實左啲！羅漢齋就真係可以唔使食啦！普通過普通！

星期五晚上同家人一行三人媽媽是素食者，喜歡傳統素食，新派素就一般。最後揀左呢間幾十年老店。門面如一般傳統老店，到處歲月痕跡裡面整整齊齊，都係食餐飯主要睇食物，而且只收茶芥無收加一架～野食方面：咕嚕蝦球味道正常，素蝦好彈牙，好食～呢個炒翅因為幾特別，湯翅食得多，炒都做到好好味，好香又有咬口。酥炸生蠔係最上面個碟，好好食～裡面有紫菜再加素肉（估咋）好似蠔架～飯我地叫左福建炒飯，好大碟每人起碼4-5小碗，好食～最後佢晚飯會送自家甜品（齋期及公眾假期除外）今晚係芋頭西米露，呢個真心好好食～芋頭煲到溶晒，絕對唔係溝水個d甘希。埋單大$374，已經加左每位$6茶芥。店員都好好人，會介紹野比你食～雖然可能你2位就要有機會搭檯。但食物質素係真心好！佢有2人餐（1湯2餸）3人餐（1湯3餸）可以揀，相對抵一點～不過第一次去有d餸想試佢個餐無，下次吖～一定會再去～

時近中秋,長老都要食素~ 今次搵左呢間幾出名六榕仙館傳統齋菜館，菜式不會過份油膩，價錢公道若非齋期，飯後更會奉送糖水生菜雜菜鬆,  羅漢齋炒麵 素湯羹一盤羅漢齋炒麵都幾足料 料多過麵 粟米仔,各類菇片蘿蔔切片,仲有菜芯素肉片脆脆麵條加上豐富既料頭,口感豐富, 素肉幾似札肉幾彈牙 初時食仲以為咩黎~素雜菜鬆 各種青豆,粟米,素肉粒,冬菇粒,切到差唔多大細炒香,用生菜夾住黎食呢款出奇地好食~因為本身食材好多味道都夠香!素湯羹,入面都係幾多料,有腐皮碎 海帶,素肉粒,飲落同平時既蛋花湯差唔多味! 都係好滑好順口佐敦佐敦道38號消費$400評分8/10

本打算堂食，睇完餐牌，價錢高，店內格局似茶餐廳，搭位搭到痴線，令人唔想堂食。外賣齋滷味賣相唔吸引，有沒有點心，買咗兩隻$5鹹水角試吓，自問是一個沒有要求的人，個粉皮口到咬極都咬唔開，入邊一啲餡都冇，係冇！堅難食！自以為老店，附近沒有其他素食選擇，質素真係垃圾到！

今日食評有✍🏻 Openrice六榕仙館@佐敦試食指數⭐️⭐️⭐⭐店舖衛生⭐️⭐️⭐侍應態度⭐️⭐⭐️((每項5⭐️為滿分)) ·初一去光顧平時好少初一十五去齋館食飯因為實多人到爆好彩我屋企人係熟客仔所以等咗一陣就去咗樓上雅座我哋晚餐點了1️⃣雜菌芋泥卷⭐️⭐️⭐⭐/5芋泥卷外香脆內酥軟雜菌係呢碟配角，不過味道都唔錯2️⃣素蟹柳菜芯⭐️⭐️⭐⭐/5我一向喜歡素蟹柳素菜可以身自選我哋選了菜芯炒得好好3️⃣素肉香椒炒百合⭐️⭐️⭐/5材料配搭得宜可惜呢個就咸咗啲4️⃣福建炒飯⭐️⭐️⭐/5一向喜歡店內的福建炒飯可惜今日飯底太腍舖面醬汁又係咸左少少🤏🏻5️⃣生菜米粉⭐️⭐️⭐⭐/5清清哋的一碗米粉家常嘢但就係好味😋✖️平日有糖水送初一十五就冇糖水送·四人500有找

佐敦老字號素食常常來午餐或下午茶碟頭飯好抵食媽媽特別喜歡這間點心, 上次和媽媽食下午茶, 食了煎堆, 入面有椰絲芝麻, 鬆脆甜度剛好花生糯米糍好食, 會有些甜今天晚上想食素食, 我們點了:豉汁茄子鮮竹飯& 六容會飯, 茄子鮮竹好入味, 分量大, 材料豐富, 抵食還送上糖水綠豆沙,  不會太甜喜歡傳統素食的一定要去試試晚市全場滿座

今日食評有✍🏻六榕仙館試食指數⭐️⭐️⭐️⭐⭐店舖衛生⭐️⭐️⭐侍應態度⭐️⭐️⭐⭐((每項5⭐️為滿分)) ·我們家的「食堂」十分之傳統的素菜館沒有漂亮的裝潢每一角落都看見歲月痕跡幫襯的都是老顧客·今晚點了1️⃣海皇翅⭐️⭐️⭐️⭐⭐/5即係南瓜蓉湯🎃加上素翅素蟹柳絲2️⃣冬菇炆白菜仔⭐️⭐️⭐️⭐⭐/5冬菇多到瀉😆白菜仔又新鮮不老，欠汁又剛剛好3️⃣魚香茄子煲⭐️⭐️⭐⭐/5又係足料到滿唯一挑剔係太油膩🤣但魚香茄子煲油膩是正常的吧4️⃣甜酸炸腐皮卷⭐️⭐️⭐️⭐⭐/5甜酸汁的甜酸度剛剛好，炸腐皮卷就算淋上醬汁都是外脆內熱5️⃣福建炒飯⭐️⭐️⭐⭐/5舖滿飯面的腰果😆飯面上的餸菜真係一流😋·素食是一種潮流和風氣年輕人要多嘗試·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

六榕仙館試食指數⭐️⭐️⭐️⭐️⭐店舖衛生⭐️⭐️侍應態度⭐️⭐️((每項10⭐️為滿分))識得我嘅朋友知道我屋企係食素嘅素菜館基本上係我哋嘅飯堂六榕仙館食過好多次🥢食評係第一次打👩🏻‍💻多多指教🙏🏻舊式素菜館除咗小菜亦都可以揀兩/三餸一湯嘅套餐今日點咗咕嚕肉✖️沙嗲雜菜煲✔️金湯海皇翅✔️聽個名好似好架勢咁全部都係素食材咕嚕肉係菇類所有配料同平時食開嘅咕嚕肉冇分別今次煮得麻麻地咕嚕肉用猴頭菇整係最好味嘅但係炸嗰個步驟好緊要今次腍身左👎🏻沙嗲雜菜煲係好易整但係湯料係成個煲嘅神髓今次用沙嗲湯底👍🏻👍🏻👍🏻金湯海皇翅係素蟹柳蛋花素翅味道偏淡不過不失佢哋呢啲餐廳大家唔好期望招呼好好我哋咁嘅年紀算『後生』嘅顧客佢哋同老客戶係幾friend嘅

肚子餓了，想了一想附近有什麼店可吃，突然想起有次好友帶我去了的一間歷史悠久的素食店吃飯，而飯菜的味道，尤其是炸芋頭做得相當不錯，便決定再次去拜訪用饍。一進去，右邊的素餅，甜酸齋相當吸引眼球。因為是下午四時的關係，人流疏落，眼看除了卡檯對出走廊位置有膠板隔著外，卡檯與卡檯之間亦有膠板隔著，相當貼心。環境懷舊，綠色的櫈配上大地色外牆，映入眼簾盡是香港色彩，讓人覺得舒適親切。這兒一定要收茶錢，但我怕喝茶會睡不著所以侍應説給一熱水給我，同時叫了一碟菠蘿素鰻魚粒炒飯。一上菜，因看不見菠蘿一度懷疑上錯。幸好吃了一口便吃到淡黄色的菠蘿粒味道。炒飯大碟足夠兩個人吃，素鰻魚味道稍欠，而飯粒分明有口感，炒飯來説中規中矩。

服務員上菜時碰到我的食物。 之後仲脱了口罩撩鼻屎然後抹在身上。我好想嘔。 還一路咳嗽。 衛生字數惡劣！食物一般也不划算。 please do not come ! 服務員一路摸住口罩一路打手機。

午飯由於經常都出外食，所以都經常大魚大肉，比較不健康。有見及此，間唔中都應該要食下素食，清清腸胃。呢間六榕仙館食晏嘅時候間唔中都會經過，今日係第一次幫襯，點左佢嘅數鰻魚粒炒飯，分量十足，而且味道真係有鰻魚香味，連埋$6茶介，總收費係$54，想試素食嘅不妨黎試吓。

Green Monday就食下齋啦，點了齋鹵味拼盤、芋頭炸魚、素鵝、西湖豆腐羹同琵琶豆腐，整體都唔錯，最好食係個齋鹵味拼盤，雖然全部都係用大豆製品所做(豆腐、腐皮、支竹等)，不過食落又幾有層次感；芋頭炸魚都好食，不過我個人認為呢個餸其實夠熱就已經唔難食；琵琶豆腐都做得好好，落埋個汁都仲有好香豆味；至於素鵝同西湖豆腐羹就好一般，唔係唔好食，不過只屬正正常常咁啦。

現在有很多朋友喜歡食素，因為感覺上比較健康，其實素菜是冇肉食，但係有時也會覺得比較油膩，今日叫了一個齋鹵味也可以接受味道冇什麼特別，再來一個西湖豆腐羹材料好新鮮味道比較淡了一點點，最後叫了一個紫羅素鵝原來同其他素菜不一樣素鵝，因為這個素鵝比較重味用來跟啤酒一齊食比較合適，有一些酸菜紅椒同青椒和加了一些辣椒好香口因為素鵝整本身冇味，所以一起炒來又有令一番風味。

一般食飯都是多肉少菜，因此每月都會去一次素食清清腸胃。此餐廳幫親多年，價錢合理，味道適中，又唔油膩，而且食物質素保持水準。👍曾多次介紹朋友品嚐，朋友回應都讚賞。