共食薈 (威利廣場)

营业中

休息中

返工前買個包做早餐係必須的！事關早排既早餐，餐餐都食得好豐富，成個人即刻漲左，而家唯有食返light少少😂所以決定買個包就算！今次我買左辣肉鬆包！唔知係未少少辣既關係，好開胃😂😂😂食完一個都仲想再食！！！ 唯有飲返多d水算！個辣肉鬆包料係十分足夠！！抵食😍

因為餐廳係工廈地下，位置方便，又近公司，終於等到唔再落雨，同同事去試下呢間餐廳。餐廳似係快餐形式，我算早放食飯(12：45)果d，3個人揾位唔算難。d姐姐好好，見我周圍望搵位，好快就指比我睇邊度有位。坐低就派其中一個同事出去買野食，幾鍾意呢間既買飯方式。同某大連鎖快餐一樣：1. 先去收銀落單2. 之後佢就比個大號碼牌你放係枱面3. 等一陣4. 有哥哥姐姐送餐比你對我呢d笨手笨腳既女仔黎講，少左份危險。我叫左個吉列豬扒烏冬+熱立克，豬扒同湯烏冬分開上，唔會浸焾晒d吉列。烏冬好雜菜配料，清新健康！吉列豬扒炸粉唔算厚，剛剛好，味道正常。會再食。

不論早上下午，觀塘到處都係人，衝衝忙忙在街上，本應有多選擇早午餐，但在觀塘偉業街附近選擇唔多，來去都是幾間餐廳。CO.Eat 門口不大，而且麵包擺在門口，行過以為只賣麵包，但只要穿過麵包區，裡面是自助餐廳。類似快餐店，自助落單，但有人送餐的。今早特意來試早餐，一般港人配搭，雪菜肉絲米+脆朱+咖啡，價錢33.00。個人喜歡吃脆朱多過方包，所以會選擇多來呢間。，同事另一配搭沙嗲牛麵+炒蛋+檸茶, 價錢35.00.炒蛋嫩滑，幾吸引㗎！港式口味。但整體環境寬敞，不像一般茶餐廳迫人。除早餐外會再來試午飯。偉業街嘅朋友，唔駛頭早痕，餐午餐多個選擇喇。

由從前開始這間蛋撻王便是一邊賣麵包一邊做茶記，後來裝修過後地方比以往更整潔。午餐時間自行找位置， 十二點半來到人流算多，不過這天剛好有最後兩個位。餐廳的食物種類蠻多，越南湯河、烏冬、咖哩麵、碟頭飯都有。是日叫了一個常餐，有肉燥湯米粉、火腿蛋及豬仔包。最驚喜的是豬仔包也烤得金黃，比之前在連鎖快餐店吃的豬仔包早餐好太多了。而且想不到有兩塊，所以比想像中飽。肉燥米粉跟火腿滑蛋均是中規中矩，在觀塘眾多茶記算是不錯。

食過呢間嘢幾次，但因為唔想食肉嘅關係，食嚟食去都係得一兩樣選擇。反而麵包就有好多款式，鹹甜大小都有，係餐單成日都係肉。個炒蛋麵都算中規中矩，係個湯唔算太麵，個麵未淋要浸多一陣，最正就係杯咖啡，係即磨嘅，味道唔酸唔苦多夠味，呢個價錢嘆到呢杯啡我覺得抵喎。 其他早餐佢跟嘅麵包唔係方包而係奶油豬，個豬包我試過係脆口喎！另外佢個皇牌魚柳早餐都唔錯，可以一試。係個場個冷氣好夠大，大到要搵角落位去坐至得，如果唔係要震坐嚟食。

觀塘區星期六/日人流比平日少，搵食顯然較易。 我最喜歡星期六在共食薈Brunch，上午11時多到來，食客只有三兩枱。於收銀處點餐後會有店員將食物送上……來這裏多會點吃…泰式無骨海南雞飯連飲品($58) 經濟實惠，味道也不錯！ 雞肉嫩滑且雞胸也不"鞋口"只是油飯較硬吧！ 另外，越式生牛肉湯河也不錯……配餐飲也只是$48！這店是"蛋撻王"旗下食店，所以也有蛋撻、黃金撻、葡撻等等供應餐廳極需改善地方是……店內職員說話太大聲，舖面大姐由街頭到街尾放聲對話… 造成噪音，也懶理食客感受！